MirandaLi2017的个人专页

同朋友兩個人夜晚嚟依度食,一開始好多人無位坐,但過咗大概15分鐘都有幾張空枱,我地叫咗,shack burger(single)×2cheese fries×1Shack burger係最經典,而且夾喺中間嘅牛煮得啱啱好,可惜係凍凍地,而蕃茄生菜雖然後配角,但完全唔遜色,都係咁好味Cheese fries薯條炸得脆,但係我覺得薯條加得太多芝士就有小小濟我覺得員工服務態度幾好,好熱誠同埋比心機,另外環境好舒服乾淨,又有靚靚海景望更加係為shake shack點綴…查看更多

同埋朋友4個人一齊睇完戲2點幾就嚟抹茶館食返個晏晝,大概等咗5分鐘就有位,我地就叫咗4個特色定食,鹽燒鯖魚定食×1 HKD89黑麻油濃厚豬骨拉麪定食×1 HKD89吉列蝦烏冬定食×2 @HKD89而定食有2款,第1款:2款配菜,豚肉野菜湯,免費加添白飯,甜品,1杯指定飲品第2款:1款配菜,2件三文魚壽司,2件炸雞,甜品,1杯指定飲品鹽燒鯖魚定食,鯖魚唔腥加上檸檬汁更好味!蘿蔔蓉夠晒新鮮,野茶湯咸咗小小,甜品係綠茶果凍,略嫌過甜,冰綠茶冇綠茶味,整體嚟講依個定食算滿意黑麻油濃厚豬骨拉麪定食,依個係朋友食嘅,睇落黑麻油好香好吸引,豬骨會煮得好入味,而炸雞炸得幾香脆,三文魚壽司普普通通,熱綠茶好飲,依個定食係吸引嘅吉列蝦烏冬定食,依個都係朋友嗌嘅,吉列蝦試咗一隻幾好味,炸漿唔厚,蝦夠新鮮!烏冬冇咩特別,成個定食睇落唔錯服務好,有禮貌,環境幾舒服亦都係乾淨整齊,希望有多啲定食款式!食物煮得唔錯,價錢合理…查看更多

同朋友7個人入嚟西頁食返餐海鮮,依間餐廳好有漁村風,景又靚,嘢食又好味,真係無得頂,我地叫咗,奄仔蟹豉油王炒麪炒菜心蒸魚咕嚕肉蜆湯白灼蝦椒鹽魷魚奄仔蟹食落D膏幾乎爆出嚟,好多膏,好落去熱辣辣啱晒依個天氣食豉油王炒麪帶有芽菜嫩嫩嘅感覺炒菜心夠晒菜味好清新蒸魚好滑,加埋豉油真係頂呱呱咕嚕肉夠晒鑊氣,三色椒令肉冇咁單調蜆湯咸咗小小,但勝在蜆夠鮮甜,好好飲白灼蝦都同蜆一樣咁鮮甜椒鹽魷魚嘅椒鹽味比較突出,味道好特別…查看更多

之前去台灣都有飲過春水堂嘅珍珠奶茶同埋珍珠綠茶,最近知道喺香港都有開店就嚟回味一吓啦,我地就叫咗珍珠奶茶×3(小冰),珍珠細粒粒咁樣,奶茶係同出面其他鋪頭嘅味道唔同,春水堂嘅奶茶係特別有茶嘅淡啖香味,奶唔會話特別濃!我地排隊排咗5分鐘左右,而等珍珠奶茶嘅時間都算快啦,大概10-15分鐘員工服務態度好,有禮貌而且都好細心,好有台灣對客人嘅禮貌,而且有小小員工都係喺台灣落嚟幫手嘅!我下次一定再嚟幫襯!…查看更多

本身都好鍾意食牛肉,好鍾意食唔同有牛嘅菜式,今日特登嚟到九龍城嚟食牛肉餅,因為時間關係淨係可以外賣,我地就叫咗牛肉餅×2 hkd38外賣盒×1 hkd1等咗大約5分鐘,都算快!牛肉餅裏面好多汁,好易爆汁,牛肉好入味,餅皮熱辣辣,成個感覺好襯好夾,好味到一個點唔知點形容!果陣時做緊午時,職員都好忙碌,而且都。開始要等位,見倒店裏面有幾張圓枱,大家寔都係要搭枱我好欣賞職員嘅禮貌,我攞完外賣佢都會講返聲多謝一年冇食過水準仲keep住真係值得欣賞…查看更多

不嬲都係食/訂tony wong,今年都唔例外,提前3日親自去訂蛋糕比嫲嫲,就訂咗一個hkd370嘅栗子蛋糕,今日(28/9)大約一點幾去攞。雖然好多蛋糕店都會擺幾包冰喺蛋糕盒裏面,仍然好欣賞細心處理事情嘅態度。入返正題,粟子蛋糕睇落去就知creamy啦,食落去栗子主角味道濃,但又唔會令我覺得好濟,裝飾嘅raspberry都好新鮮,朱古力牌嘅字寫得好清楚,成個蛋糕每一方面都做得好好,例如栗子同埋其他材料嘅份量…查看更多

同朋友3個人睇完戲都想打返個邊爐,上網search倒有牛陣梗係嚟食啦,我地3個人攞完飛1分鐘都唔使就入座,果陣6點幾差唔多滿晒啦,我地食完出面都仲有好多人等緊位我地就要咗3個牛1個豬,唔夠再嗌,湯底就揀咗壽喜燒!我地就攞咗豆腐,丸,烏冬,拉麪,獅子狗,番茄,芋絲,唔會一次過攞太多,驚會食唔晒!醬料都有唔同選擇,飲品都有各大牌子嘅選擇!仲有小食㖭,有炸雞同埋薯條!打完邊爐差唔多飽嘅時候就梗係食返幾杯雪糕啦,我平時都係haagen-dazs迷,我都食咗3杯雪糕,不過雪糕似乎好搶手,特別係士多啤梨,好快就冇晒…查看更多

朋友送蛋糕,每款幾件啦,我就最鍾意綠茶,就揀咗件Matcha Fantasy嚟食件蛋糕好精緻,再加上小小金箔好似主鷸咁樣閃閃發光,喺面嘅綠茶朱古力充滿茶香味,蛋糕中間配D粒粒粟子好有日本風味,好有粟子香味,香得嚟又唔會覆蓋咗綠茶主角嘅味道,喺控制味道方面做得好出色!蛋糕中間嘅忌廉好滑,同綠茶好襯而其他蛋糕睇落去都好好味!睇落去粟子蛋糕味好足,士多啤梨蛋糕充滿水果嘅新鮮味道,芝士蛋糕芝味好濃,好欣賞餐廳對蛋糕外觀精緻嘅要求同埋控制味道嘅方法…查看更多

同朋友3個溜完冰講好食Lady M,排隊排咗大概15分鐘啦,我地叫咗,1.Signature Mille Crepes×12.Strawberry Shortcake×13.Strawberry Mille Feuille×1Signature Mille Crepes原味千層蛋糕太好味,每一層都一樣咁薄,每一層嘅cream都係咁好味Strawberry Shortcake士多啤梨唔太甜唔酸,海綿蛋糕加埋cream真係夠晒滿足Strawberry Mille Feuille千層酥每一層都係脆脆地,加上新鮮嘅士多啤梨食落去都特別開心…查看更多

同朋友3個人原本諗住去食peppe lunch,但太多人廢時等,就嚟咗依度食晏,我地叫咗,Oliver's Master Club×1Norwegian Smoked Salmon and Clams Linguine in Creamy Dill Sauce×1+Milk Tea×1Linguine with Prawn and Herbs in Tomato Sauce×1Oliver's Master Club係公司三文治,真係足料,味道唔錯,有菜有蛋夠晒健康Norwegian Smoked Salmon and Clams Linguine in Creamy Dill Sauce三文魚煮得幾好,個醬冇咩味Milk Tea凍奶茶冇咩茶味Linguine with Prawn and Herbs in Tomato Sauce蝦煮得唔錯,茄汁帶小小新鮮番茄味幾清新…查看更多

去完沙灘見依間餐廳望落去都正正常常就4個人去食晏,我地叫咗,1.招牌漢堡×12.海鮮意大利扁麪×23.焗白汁磨菇雞肉扁麪×13.秘製雞翼×1招牌漢堡味道唔差,但個包就凍咗小小,而薯條就炸得好香脆海鮮意大利扁麪青口好新鮮,蝦冇味,成碟意粉得小小醬,食唔出有咩味xd,如果加多D醬會更加好味焗白汁磨菇雞肉扁麪磨菇大大個幾好味,而且扁麪都焗徥啱啱好秘製雞翼係有4隻,而廚師就係將每一件切一半,即係單骨雞翼,雞翼係炸嘅,唔油膩,再點埋佢比嘅又甜又酸辣嘅醬汁就更好味…查看更多

同屋企人兩個嚟simplylife嘆返個靚靚下什茶,我地早大概15-20分鐘就攞定飛,A000係最早嘅飛,我地係A012,都算快,A008-A012都係一齊入去,我地叫咗,車打芝士煙肉牛肉漢堡 伴香辣薯條×1哥達芝士雞肉漢堡 伴香辣薯條×1自家製西柚冰茶×2車打芝士煙肉牛肉漢堡 伴香辣薯條,車打芝士味濃,煙肉都煎得好香,則邊好脆,牛肉好好多味,香辣薯條炸得脆之餘唔油膩,金黃色嘅薯條睇落去開心D,食落去又特別好味哥達芝士雞肉漢堡 伴香辣薯條,哥達芝士同雞肉一齊咬落去果吓,既有哥達芝士嘅芝味,又有雞肉嘅滋味,非常出色,香辣薯條都一橏咁脆咁好味自家製西柚冰茶,非常欣賞simplylife支持環保而唔會特登比飲管客人!講返味道,西柚味好新鮮,啱晒夏天飲,夠晒清新,而且茶味唔會覆蓋咗西柚嘅味道…查看更多

同屋企人嚟大埔食群記,嚟到梗係食返碗招牌清湯腩啦,我地叫咗,清湯爽牛腩河粉×3可樂×1清湯爽牛腩粉有係冇得輸,湯底帶小小牛味,非常入味,爽牛腩都係咁出色,煮得啱啱好,冇過熟,爽牛腩再加上河粉同埋咁入味嘅湯底,簡直係無得頂店裏面座位唔算多,所以要搭枱,而且食緊嘢嘅時候出面已經有好多人要排隊員工服務態度好,都好有禮貌加上我地去食果日係落緊雨,員工都會善意提醒我地把遮可以放喺出面非常欣賞依間店嘅食物水準&質素,同埋員工以禮待人嘅態度…查看更多

訂咗7個人位,坐一張10人枱,空間都大D,我地就叫咗,自家制黃酒炒雞×1炒花生苗×1咕嚕肉×1老媽子釀苦瓜×1肉餅×1蠔餅×1黑糖糕×1豬油飯×5自家制黃酒炒雞,食得出有酒香味,雞炒得唔錯,相當吸引炒花生苗,花生曲夠新鮮,又帶D辣味,好有小炒感覺,非常好味咕嚕肉,肉夠味,我都覺得唔錯老媽子釀苦瓜,大讚釀肉釀得好出色,肉當中同時帶出苦瓜嘅金香非常滿足肉餅,肉餅最講求肉質,而佢嘅質感就做得非常好蠔餅,蠔非常鮮,再加埋蛋香味實在抵擋唔倒誘惑黑糖糕,黑糖味夠突出,個糕熱辣辣好好味豬油飯,豬油夠香,再加小小豉油真係完美組合…查看更多

特登嚟中環飲公利飲吓蔗汁饂吓蔗汁糕,我地5個人就叫咗支裝竹蔗汁×2蔗汁糕×2竹蔗汁不愧咁出名,甜度係啱啱好,同時係飲倒竹蔗嘅原味,非常好飲,簡直係完美100分!飲完之後真係覺得好滋潤蔗汁糕都一樣係咁出色,整糕好講究技巧,份量一定係啱啱好,蔗汁糕嘅味道控制得好好,樣都係完美100分!喺店裏面坐低嘆返杯靚蔗汁,坐喺度涼吓其實可以好開心!而且店裏面環境好舒服,好通風,好涼爽!老闆同埋老闆娘都好好人,問佢地小小問題都會好用心答,真係值得欣賞!…查看更多