怪異品味的个人专页

我係今日中午去食的, 食完返嚟想打個食評, 未打見樓下羅渣的評語, 想講句"真係唔掂"擔擔麵唔知點解, 個湯稀到清楚見到浸在湯入面的麵條, 咁味道仲點會好? 上海粗炒又係淡而無味, 唯一好係小油, 但係都係唔好食之作小籠包一客四件, 包入面有好多"湯", 但係係唔夠味的, 好的地方係皮都幾薄, 但係餡又係無味最好食係個生煎包, 包身軟熟, 有幾粒黑芝麻同蔥粒在包頂, 賣相唔錯, 而豬肉碎的饀都做得幾好味但係唔通只係食生滋貓咩... 其他食物真係有好大的改善空間:(…查看更多

銅鑼灣廣場嗰邊無咩好食, 轉而去優食橫町搵食..見裝修唔錯, 就入去食碗越式湯粉生牛肉河一碗, 加三色冰一杯, 賣相就唔錯, 有洋蔥絲, 元西, 蔥粒, 好似幾豐富, 湯顏色呈深啡, 又幾對辦!味道就一般, 覺得好咸, 而牛肉就太瘦, 無咩油, 口感變得幾鞋, 湯的顏色不是牛味的結果, 或者加了醬油吧三色冰都係一般, 太甜了本想給喊面, 但價錢唔係好貴, 都唔係垃圾, 填肚都仲ok…查看更多

網上買了絕板模型, 得到心頭好之後, 發覺都幾肚餓, 上朗豪坊上面尋找好野食, 眼見吉列蝦漢堡的賣相不差, 於是買黎食mos burger 的包味道好過上次食的fressness, 質地軟熟, 味帶少甜, 吉列蝦當然沒有海報上的質素, 嚴格黎講沒有蝦的味, 不過當作係日式炸物配合沙律醬口感都ok, 隨餐有汽水一杯跟薯條一小包, 薯條有點喜出望外地好味食完返家慢慢欣賞心頭愛…查看更多

八點幾兩個人入去食, 食客不少, 捧場客很多呢首先講吓個牛柳粒紅飯, 紅飯係茄汁炒飯加上炒蛋, 牛柳用洋蔥炒過, 好香呀, 但係覺得咸左少少, 牛柳唔un, 十分滿分我俾7.5分!生牛肉河一般, 牛肉比較un, 個湯味道就咸左, 同一年前食過的記憶有出入, 當時好似好食好多! 今次個湯底牛味唔夠!仲叫左個蔗蝦, 老趙的魚露溝得好好味, 個蔗蝦點魚露食我俾10分, 係滿分!炒通菜係蒜蓉炒, 幾好, 因為有獲氣同少油, 上枱時出緊煙, 好食!食物有好的菜色, 但好似生牛河咁就退步左, 不過都值得食!…查看更多

舊同學相聚, 地點在洋一居食屋, 某人推介試試食物包括站著吃拉麵, 咖哩雞扒飯, 燒牛舌同壽司拚盆站著吃拉麵係辣的, 有芽菜, 大量粟米粒, 筍, 紫菜, 獅子狗, 义燒, 本來味道不錯的, 不過油太多了, 覺得有點膩, 好彩係辣的, 所以都食得落, 建議可以用有味的紫菜更佳咖哩雞扒飯的咖哩汁係好有水準的, 有薯仔, 磨菇, 提子乾, 味道好協調:) 這個不錯燒牛舌味道ok, 不過有點硬, 但可以接受, 壽司拚盆一般, 有點港式兩年無見, 我自己得到的comment 係肥左兩個碼, 要俾個喊面自己:(…查看更多

要爭取客人, 食店就要出新野吸引人了, 就好似蛋撻王這個焗飯包, 我覺得都可以一試每個賣十一蚊, 我買左咖哩牛肉包同日式雞扒包食, size就好似個菠蘿包咁大, 其實個構造好簡單, 只係一個麵包做托, 上面加上飯粒, 再把咖哩牛肉等餡擺面, 即係一個有飯的包, 唔算好有心思, 不過變一變身, 俾到人客新鮮感, 都係值得鼓勵的味道就唔差, 不過好似咖哩, 味道都比較港式, but 入口都ok, 咖哩汁同個燒汁都偏甜, 肉的份量唔多, 食嘅時候仲熱辣辣有興趣, 買番個試啦:)…查看更多

食完mos burger 到了旺中新之城附近, 終於發現人龍店貢茶, 一直都想試買左杯奶蓋烏龍加珍珠, 杯身勁tall 好抵飲的感覺, 正! 奶味比較重, 把茶味都蓋過, 不過入口依然有茶的"gip" 口感! 重奶味其實啱我口味, 個人唔係太鍾意苦過龍的茶人龍唔算好長, 要買都唔駛等太耐, 下次經過又會再買…查看更多

星期六下午去一壽司食壽司, 唔係好多人客壽司唔算特別好味, 最好食係軟殼蟹手卷, 軟殼蟹好大件, 三文魚子拚蟹子壽司都ok, 三文魚子唔係仿製的, 而係真的魚子, 廿蚊一碟唔算貴!壽司的味道唔錯, 但個芥辣唔好食, 唔辣的服務係最大問題, 因為只係一般, 坐隔離枱的食客的手袋比男侍應撞到pak一聲, 但男侍應無講對唔住, 粒聲唔出走左去, 看得一男一女食客目定口呆…查看更多

聽講中環的蓮香裝修進行中, 又聽講上環開了新的蓮香, 週未飲茶, 特意做訪新店!行樓梯上了二樓, 便到了大廳, 可能因為週未的關係, 迫爆了人, 雖然地方幾大, 坐位又多, 依然有人等位, 利害!鴨腿湯飯係今次之行大力推介的焦點, 湯有濃厚的八角味, 鴨腿肉嫩, 一撕即開, 但做了湯飯的鴨腿竟然可以保留一點的鴨肉味, 未有如煲雞湯的雞肉變成湯渣, 值得欣賞! 粒花菇吸收了湯的味道, 變得更甜, 好好食!點心味道不算很出色, 但都不錯了, 鵪春蛋燒賣會係一個不錯的選擇當然不得不提他的靚靚濃普洱, 咁深色, 其實唔知係唔係染色的, 但係味道真係好濃, 應該係真材實料了…查看更多

銅鑼灣店的定食 Doraya, 對上一次去食已經係三個月前的事今次去食, 有埋壽司食, 上次就只有魚生飯, 特別鍾意食藍鯨吞拿魚生定食, 魚脂味香濃, 材料新鮮勁好味!今次散叫壽司食, 三文魚子, 海膽手卷各一, 三文魚子好多粒, 粒粒都漲卜卜, 好正, 但包住壽司的紫菜就完全唔掂, 唔脆仲咬唔斷, 拖泥帶水咁, 點食, 但d魚子真係多又好食, 好矛盾!帶子壽司, 赤貝, 吞拿魚係一件件叫, 因為材料出色, 所以都無問題仲加個薯仔煮牛肉, 都幾好味但係下次一定食番魚生飯, 覺得壽司佢做得唔夠好!…查看更多

今晚落太古食晚飯, 目的地係大食代個foodcourt, 去foodcourt原因係多些選擇, 去到先揀自己鍾意食的東西嘛落到去見鐵板燒的店員係咁sell, 於是俾次機會佢試試, 十幾人圍住個大鐵板床睇住個師父用兩隻鏟將食物炒熟, 感覺係幾大油煙, 先到的係炒芽菜同炒白菜, 用了黑椒粉調味, 有些少辣, 但幾好食, 跟住個魚排煎熟之後就送到面前, 煎的方法比炸的好味好多, 魷魚都好好食! 而羊肉就淡, 醃料唔夠味一個餐一百蚊, 唔算好貴, ok啦…查看更多

最近的足跡都比較多在尖沙咀, 如apple green便是上週五的晚飯約女朋友食飯, 餐廳氣氛倒是不錯, 西式的裝修但帶點casual, 沒有那種緊張的氣氛女朋友喜歡意粉, 選擇茄汁味的大蝦意粉, 意粉之上有一小塊garlic bread, 倒是很香脆可口, 即刻有點後悔, 因為她喜歡芝士查上蒜蓉包來吃的這道意粉味道不錯, 意粉不是一般的淋ji ji, 而係煙un有咬頭的, 茄汁味道都很好我自己都係愛牛之士, rib eye都係不二之選, 五成熟的要求, 過了小小火, 可幸不是太多, 中心還有紅色的肉, 肉眼扒可以, 但不喜歡那種charcoal grill的造法, 因為要忍受那種臭的炭燒味, 但塊牛扒是幾好肉質的, 根不算多, 應肥的地方肥, 肉不會太硬, 收貨了配兩杯紅酒, 一杯四十八, 智利貨, 都不錯這一餐, 都幾滿意啦!…查看更多

去千兩食壽司, 唔好太大期望其實只係貴的元氣, 包裝做到好足, 例如牆上的木製水牌, 是元氣沒有的日本氣息, 店員比元氣更專業有禮餐牌做得好仔細, 有close up的相, 把toro等材料影得很有氣勢, 很吸引!但我最注重始終是食物, 芥辣同元氣好唔同, 千兩的是有芥辣微粒的那一種; 綠茶粉是一樣的! 自己畢, 自己沖!魚生選用了貴一點的貨, 像帆立貝, 真係好大隻, 當然價錢都唔平! 不過, 味道太有元氣的影子了, 但要推介那個赤貝, 一件是赤身的, 很大塊鮮甜肉, 另一件是軍艦的, 其他部份包含其中, 三十蚊一碟, 但這個做得幾認真九點鐘, 人龍長排長有, 心想, 香港人的消費力依然強勁!…查看更多

泰式海南雞飯最近像比較少人品題,之前泰國人海南雞開到廿幾間分店,好似食泰式海南雞飯係一個熱潮咁..今晚就嚟到小金寶食,食物包括了招牌的海南雞飯,火車頭,精選拚盆,另笑得好甜,矮矮地好得意既侍應介紹了牙車快沙律,甜品就食左個芒果糯米飯海南雞飯係一碟七件雞肉既雞,一碗油飯,一碗青紅羅白湯,無論雞肉,油飯,點雞的醬汁同個例湯都好重味,可口! 特別係個油飯好開胃,有點醬油飯的風格,值得一試!火車頭好大碗,有牛丸,肥牛,豬手,牛腩等,湯好重牛肉味,落埋香葉嚟食味道更好! 精選拚盆有雞翼,辣雞腳, 蝦塊,春卷仲有粉包, 火車頭 + 精選拚盆就係推介俾大家既美食方程式牙車快沙律原來係椰菜絲,雞絲同埋香葉伴以越式酸汁而成既沙律,個人對生既椰菜絲無好感, 同行既朋友就似乎幾欣賞,芒果糯米飯水準之作!埋單$250, 豐富既一餐價錢比想像中低,特別推介俾各位好食之仕:)…查看更多

行經寵物街,見一小小冰室座無虛設,於是入去食見好多客人都係食一碟茄汁味意粉,心想招牌貨都係茄汁意莫屬,於是就叫左個火腿蛋會意食,另外要左杯凍檸茶飲!呢間餐廳既茄汁意味道有別於其他茶餐廳的會意,係比較乾身既,味道有些甜,就像用來點薯條食既茄汁既味道一樣,仲加左一些什豆粒,好唔好食就見仁見智,我就覺得幾特別,起碼唔係道道食到:)凍檸茶唔係好夠凍,不過酸甜都較得唔錯!整體上都ok啦…查看更多