Mr Potato Head的个人专页

平價心太軟，賣相唔錯，真係有流心，唔太甜，連埋熱飲加一只係42， 行街行到累，來呢度差返電真的不錯。不過我個人覺得芝士唔太夾心夾軟，如果是焦糖脆脆可能好些，不過芝士係很香好食的…查看更多

佳佳太多人，大熱天時唔想行太遠，想找個位坐同朋友吹多陣所以都冇望清楚就坐入去，想住港式糖水難食都有個譜，基本的港式楊支金露應該有掛，但佢個圖係奇奇怪怪咁，就唔敢試。想左一大輪點左紅豆相思（見圖有人氣推薦），但睇圖唔知道原來係椰汁西米露撈仙草，問店員時佢話涼粉（我想住係落花奶）落單後先知係仙草，想住差不多，間野想唔到食乜就唔改，點知個椰汁西米露勁甜。我係食得好甜的人，都頂唔到，真係唔多人頂到呢個甜度。想住淨食仙草，點知仙草都甜，總結係十級難食。朋友叫腐竹糖水，又係勁甜，對比椰汁西米露，咁呢碗野就唔算甜，西米露係呢碗野幾陪。朋友只能吃蛋，但蛋冇味。最正常係芒果雙丸，叫可以入口，但朋友都只係食左一半，我覺得出面叫一杯芒果沙冰，會好過佢🤣坐位很窄，坐得唔舒服，入去幫襯要三思🤣🤣🤣…查看更多

出門遲左少少，原本想食北京樓，但原來1430 截單，想食小籠包，唯有再試下家上海，雖然朋友話質量又差左，但見門口人頭湧湧，試多次la今次食左小籠包/ 鍋貼/ 擔擔麵，全部夠熱，都好食，鍋貼夠熱先有肉汁…查看更多

等左3.5 個鐘先有得食，好彩屯門都叫做有野行，拎完票飲杯coffee, 再行下DONKI/ Muji/ uniqo , 咁就差唔多夠鐘不過要留意下佢d 碟上的顏色啱唔啱，今次比完錢後先發現佢上錯碟，平碟上左貴碟，數碟時無留意，見啱數，但我全部的野都係點單，比完錢見貴碟數量多左😫推介海膽拉麵…查看更多

對比以前任食的午餐火鍋，食物選擇少了，牛肉無以前咁好食，又少左羊肉，要食加錢的牛肉才可以，豬肉又好似比以前老左。甜品方面，剛好有款冇左，又少左款班cake, 應該唔會再有下次。…查看更多

款式種類雖多，但感覺有點失望，可能我想食的野冇or 唔好食，同有少少人頭湧湧的感覺冇Parma ham 及煙三文魚😢我以為呢d 係大路野，冇想過會冇😂凍蟹腳ok, 但成日得返好細隻的蟹腳，蝦我食左一隻唔得，朋友都話唔好食中湯及燒牛肉ok喇沙得個辣字，唔香，冬蔭公湯好奇怪驚喜的是有滷水墨魚，但鹵鴨發生咩事，用刀切來同朋友分時都心知不妙，果然咬唔郁。甜品完全大伏，明明好似好多款又靚靚地，得朱古力蛋糕，燉蛋，芝士蛋糕合格，莓類mouse ok, 其他半啖都嫌多，我估奶凍ok但出去時成日剛好冇。D 大件的蛋糕去到尾好醜，就冇拎生果唔夠凍，西瓜唔甜刺身成日都好多人，臨尾見冇人拎左口魚，不過可能果時太飽，都係一開始時食會好d服務員好忙，但服務是ok，feel 到佢地已經好盡力咁做野，但可能安排人手唔夠🤔…查看更多

整體是不錯，用餐悠閑，待應服務ok海鮮新鮮，有蟹腳，青口，蝦，螺刺身有大路的三文魚/ 八爪魚熟食比想像中少款，不太吸引，牛肉有點鞋唔夠嫩，自己肚量又少，就冇乜點試，串燒好吃，即煎餃子看落不錯（食落卻不及街邊小點野味又冇肉汁），中湯好飲甜品款式比較少，幸而味道撘救，差不多試哂，有幾款很清新好味，如芒果椰子口味的蛋糕。媽媽比較喜歡吃雪糕，但款式少，同一時間只供應4 款口味，剛好出去時冇左佢鐘意的雪尼拿口味😂…查看更多

平日人流不多，而且可以食二小時，呢度慢慢食不用急（平時lunch 火鍋放題得90分鐘不夠時間食），而且可以一人一鍋羊肉，貢丸及甜品出色醬料的芝麻醬不錯，配羊肉麻辣火鍋十分美味特別是伯爵茶布甸，超好味，可以食到很多杯…查看更多

很久没有光顧，食物越來越退步，不明白為何甘多人排隊幫襯，可能元朗冇好食的上海菜排骨擔擔麵，十分普通，以前係好好味，花生味很濃，但現在是水汪汪，一點都不香煎餃，上枱時唔熱，咁咬左果隻餃皮唔熱唔熟甘，入面冇汁，我都只係叫待應蒸返熱未食果2 隻，佢居然話是咁架la, 煎餃是咁個皮是唔會熱，只會是個底熱，唔滿意就退左佢， 跟住我決定退佢就話可以蒸返熱。整熱返是有肉汁的，不過都係冇以前甘好食，去d 小店買餃子食仲好…查看更多

不值得排隊等甘耐，試過一次就算，没有下次。除了M5牛肉（叫最貴嗰餐）可以外，其他食物較其他餐廳失色最近跟餐送的不是牛丸😭而是一碟牛肉，個人認為不及M5 好吃，想食牛丸多點食1700第一輪，水蓮菜無貨😑醬料方面，蒜頭居然水汪汪，又没有辣椒🙄…查看更多

外賣自取，需等65分鐘，建議在門口放menu 及告示提醒落單後要等一小時或以上，因為並非人人都有心理準備要等甘耐。服務方面一般，落單後先醒起問要等幾耐，店員話約三十分鐘，留電話拎得打電話通話知，我都係等左40分鐘未有才追問進度，店員回答要等三十分鐘以上，咪話拎得會打電話比你。嘩，唔係人人知要等甘耐架，再煩佢先幫我跟進，話要等多12分鐘，最後當然唔止la。食物味道非常普通，性價比極低。蜆肉意粉，蜆不算多及有一隻不開口。千層薯批，味道偏淡，好在朋友家中有茄汁。三文魚忌廉寬條麵，賣相不吸引，少量三文魚碎配我不太喜歡的長莖菠菜，在我極肚餓的情況下都唔覺得好食，味道普通。衛生方面普通：見佢盤鬆餅放在收銀機旁一陣，客人比錢銀紙有可能在上空飄過，其間仲跌左張類似用來落單的紙仔落去，建議找D野冚住盤餅。環保方面ok,冇用膠盒。總結：是難受體驗而非悠閒體驗，餓到胃痛🙄…查看更多