tina1020的个人专页

Omakase 廚師發辦係香港愈開愈多，多到唔識揀，今次有朋友推介旺角新開既鮨心·旬節，果然又真係冇介紹錯。廚師發辦餐廳一般座位唔會太多，坐得非常舒服得黎，廚師又可以專心製作食物，唔會求快敷衍了事。首先黎既頭盤有櫻花水信玄餅、木紋昆布松葉蟹、海膽豆腐同鹹漬豆腐。大廚建議我地由右食到左，由淡到濃，最鐘意係海膽豆腐，連豆腐本身都加左海膽製成，所以係橙色，成個前菜都非常開胃。韓國真蠔，加上紫菜醬同醋啫喱，味道由單調既蠔變得複雜，更加顯到蠔既鮮味。蘋果木煙燻油甘魚一開個蓋既時候，蘋果煙飄出黎十分香，估唔到同油甘魚咁夾，加埋下面特製wasabi沙律醬，好特別既一道菜，我都係第一次食。廚師十分專心，環境舒適紫菜包掃羅海膽掃羅好新鮮油香十足，加上海膽同紫菜中和魚油，一啖食落口超滿足。清酒煮鮑魚鮑魚煮得好淋，估唔到鮑魚用清酒煮味道好清，唔會滯蝦膏赤牡丹蝦壽司啖啖肉既牡丹蝦加上濃濃既蝦膏，蝦非常新鮮，唔會有平時唔想食既腥味。右口魚壽司右口魚有別我地平時食既左口魚，廚師話魚味較出，魚油冇左口魚咁多，但我就唔係好分到，因為都係咁好味海膽壽司廚師一啲都唔吝嗇！差唔到半板海膽放上壽司，食材夠新鮮，差啲一啖放唔到入口。𩶘魚燉湯鮮甜新鮮，魚煲完都仲有魚味 好食最後到甜品自家製芒果雪葩，芝麻布丁同橙肉密瓜芒果雪葩最特別，係用上宮崎太陽之士芒果製成既，識貨之人一定識呢個芒果。…查看更多

終於終於，食到第一次既廚師發辦日本菜。今次既食物非常之高質，但因為所有野食都係即整同埋一碟一碟上，去食既朋友都要有心理準備喇食既時間都唔短，可能因為廚師發辦既關係，大家都坐係BAR木台，可以睇到廚師即場為我地準備既料理。幼油甘刺生第一道係油甘魚刺生，肉質好甜好爽口，加埋福岡粟米, 好甜，好多汁。帆立貝好大粒的帆立貝，好鮮味。師傅將肉同埋裙邊分開處理，兩樣都一樣咁鮮甜爽口，建議可以用少少佢提供既檸檬汁。岩手蠔半隻手掌咁大既蠔，加左少少海葡萄係上面。蠔肉都係比較爽口，非常唔錯赤身 / 魴鮄剌身係一系列既壽司上之前，師傅都準備多兩款剌身俾我地，一淡一濃。仲有即場整既芥末，唔同平時果D，完成唔會攻鼻。伊佐木，平鯛，比売知，平鰺壽司之後就係一系列既壽司，基本上全部魚都未食過。分別有伊佐木，平鯛，比売知，平鰺。可以見到師傅既準備都非常有心思，由淡味到濃味咁上，希望令到令一件壽司都唔會俾上一款影響到。係廚師發辦先可以咁樣一件一件試味。拖羅壽司竟然會有我個人好鍾意既拖羅，入口即溶，非常滿意。辣呑拿魚反卷以為壽司完既時間師傅再上多一份辣呑拿魚反卷，反卷就食得多，加埋D辣汁食得好過癮。天婦羅天婦羅有海老，南瓜同茄子。特別鍾意個南瓜，又甜又淋。…查看更多

上星期同男友慶祝週年紀念，佢帶我去蘭桂芳，心諗又係食西餐咁悶，原來佢帶我去中環其中一間大廈食omakase。首先黎既前菜有松葉蟹肉配海膽蟹膏，上面加上昆布啫哩，令本來味道較濃既海鮮變得清新。再黎前菜小食芝麻醬水母，炸白果串、白粟米同海螺。芝麻醬水母即係海哲，非常爽脆，海螺亦非常新鮮。飽魚海帶湯湯非常甜，飽魚切片有𡁻頭，味道好甜。刺身三點有拖羅，油甘同池魚，兩個字新鮮蝦天婦羅呢個蝦天婦羅係我係香港食過最好食既天婦羅，炸粉一啲都唔厚，剛剛熟。沙追魚天婦羅沙追魚肉嫩，魚味重而且預先去骨，啖啖肉海膽醬紅衫魚海膽醬好濃郁，加埋紅衫魚出奇地夾，啲醬食到一滴不留和牛片及和牛扒和牛好重牛味，油花均勻入口即溶，加啲鹽味已經好好味炸蕃薯呢個真係第一次食，炸蕃薯配砂糖點白蘭地酒，估唔到咁好食，連皮都可以食，十分創新靜岡蜜瓜同晴王青提食個飯後果做完美結尾，蜜瓜好淋又多汁，晴王有好獨特既果味。…查看更多

星期六難得約到班老友記 緊係要食好啲今次終於離開九龍區 去左銅鑼灣既酒吧餐廳食晚飯平時會經過附近搭車 好少有留意到呢頭既餐廳 但有朋友推介過呢間有live band 氣氛好好 食物都一流 一於試試佢法式龍蝦湯 $68配上一塊多士 都唔細碗 略嫌龍蝦味可以再濃啲建議可以兩個人share 因為我地4個人都飲左好多但又怕太飽食唔到之後既主菜哈哈脆炸鵪鶉蛋墨魚波配泰式辣汁 $88平時好少食鵪鶉蛋 今次見佢幾特別 配埋墨魚係入面幾有口感 幾得意!低溫慢煮烤法國黃油雞胸肉 伴時菜$188成個晚餐 呢個最surprise我因為佢既慢煮令到雞肉又滑又嫩雞肉入面仲釀左啲香草 真係一流...Pop Punch $70(hh) $88(nh)用左奇異果 青瓜 梳打水 而製成 好新鮮吖 係咁熱既天氣下 飲番杯自覺健康又解渴添呀Cocktail Hotel California $118朋友仔就揀左呢杯用Single Malt Whisky mix左菠蘿 蜜糖 薄荷 梳打水入口好濃whisky味 連埋啲果香味 令到整杯飲品都好fresh 好chill^__^北海道鮮帶子煙肉半乾車厘茄芥蘭苗香辣蒜片鮑魚汁扁意粉 $188本身無諗到佢既香辣會係咁濃 啖啖都好惹味 好刺激味蕾再加上濃郁既鮑魚汁 大大粒又鮮甜爽口彈牙既帶子我無疑問喇法官大人Grilled Chicken & Chorizo Pizza $158芝士配薄餅底向來係我食PIZZA既必備條件呢個pizza完美符合 101分!烤美國安格斯特級肉眼牛扒件薯條配燒汁(12oz) $308三百蚊食到塊咁厚咁juicy咁高質既肉眼我地幾位朋友都食到唔客氣 加lam lam俐佢地夜晚原來21:30仲會有live band添架但最衰我地買左戲飛睇戲 無得聽番首歌先走...呢到氣氛真係唔錯下次要同朋友黎飲杯野傾計聽番首歌至得!!!!…查看更多

抹茶醬爆多士本身食之前仲會怕有啲甜 會好漏 唔敢嗌多份點知唔會之如 仲好濃郁既抹茶味 好似食緊甜品咁阿華田竹炭流沙包平時阿華田飲就飲得多 第一次食好juicy既阿華田醬呀 配上竹炭感覺上無咁膩 唔錯!照燒鰻魚撈飯好大份量 鰻魚如果煮得熱啲就完美!醬汁唔錯 鰻魚撈飯總不會令你失望海膽燒賣平時燒賣成日都有得食黎到見到有海膽 於是好奇想試下幾新穎 大家都可以黎試試串燒嗌左雞軟骨 魷魚配上七味粉 入口較佳! 唔錯…查看更多

人愈大 愈黎愈中意食中式菜今次收工後要求要食 於是去左呢間上海菜今次一行四人叫左個4人套餐 都幾抵食 份量都唔少架!酸辣湯番左成日工好攰 飲個湯開下個胃先！吖 辣得黎我都仲handle到 酸辣得宜然後都好足料吖 啖啖都有野咬 豆腐香菇肉碎蒜泥白肉 $88由於朋仔友好想食 我地另外加左個白肉 好有驚喜平時會怕肥膩野 但一食就要食最好 唔好就住就住 佢每一塊都切得好厚身 好有咬感仲有青瓜絲係底 中和番花雕醉雞 $72胃口全開 好入味呀啲雞 啲肉仲好滑添～開洋拍青瓜雖然係好普通既前菜 但同樣都係最能表現出間餐廳既基本功！！繼酸辣湯 同埋 醉雞後 呢個真係令我胃口turbo開哂呀 好中意酸味味既野 回鍋肉 食上海菜點少得佢呢啲豬肉同蒜泥白肉好唔同 佢切得好薄啲辣汁仲入味 完全唔會覺得肥膩 仲有啲菇片係到！！食到我停唔到　尚點菜肉炒飯元貝賽螃蟹最中意呢個 又有蝦 又有蛋白 夠哂營養佢唔會好油 我仲用黎撈埋落個炒飯到食 爬幾啖飯就食哂 yumyum鮮肉小籠包我地4個人 一人一個 次次都係避免唔到整爆左個湯: ( 成過咁多間既小籠包 我覺得呢個既皮係岩岩好 唔會厚得黎 入面肉既份量都好足～金華火腿津白我地個個都係菜控 點少得津白呢呢道菜都算係最耐先上到菜 我都終於明白點解因為佢用左上湯煮左好耐 啲菜好入味。。我地4個食菜食到好似未食過菜咁高力豆沙!!第一次接觸 估唔到佢又幾鬆軟喎上面既砂糖令佢更添一份滋味入面既豆沙蓉唔會好甜 大滿足！豆沙鍋餅 $38呢間係我食過最好食既 平時啲炸份會勁多呢到係勁勁鬆軟 又唔油 豆沙蓉料又足喎我真係完全無怨言檸檬蒠米水 $18 & 杞子杭菊蜜 $18平時荃灣會諗起掃街多 宜家多左個選擇了^__^…查看更多

平時去紅磡食野都會諗起加太賀間日本野今次我地去左隔離街既韓兄弟韓燒!一坐低 未點菜就已經上左啲小食比我地 係我至愛 乜都有啲蜂蜜蒜蓉炸雞 甜辣醬炸雞 $148 做人緊係貪心啲好 老闆都比我地揀雙拼 可以試多啲味我較中意食蜂蜜蒜蓉味 佢唔會好多炸粉 雞肉又多喎梅頭肉泡菜湯 配白飯 $68呢個湯都幾多料吖 梅頭肉既份量都唔少! 又有豆腐 唔會太辣 岩岩好 : )重頭戲 port set A梅頭肉、五花腩肉、豬頸肉 $290一上菜就「嘩 好大塊 好厚身」佢地既比例係岩岩架 完全唔覺肥膩當然 要煎番耐少少 因為佢都真係幾厚肉下但係又好咬口架喎唔好見佢地份量唔多但其實包埋生菜呀蘿蔔粒呀 同埋佢地既秘制醬料食 係好飽肚架平時中意食韓燒就係因為佢有旁邊既芝士粟米同埋蛋漿今次啲蛋要趁佢半熟咁食都幾滑我地仲有叫左塊肉眼扒 肉質鮮美!仲好大塊添 …查看更多

平時經過旺角呢條街 淨係會留意到天仁茗茶 估唔到原來有間西式扒房係樓上上次排天仁個陣咁岩見到 於是當晚就去試試佢見佢有個set包哂所有野小食頭盤餐湯主菜飲品甜品 $188 其實都幾抵幾吸引吖我地一行4人 頭盤緊係咩都試啲芥末蜜糖薯仔沙律 細細地 幾開胃 本身仲怕薯仔會飽添 反而又幾fresh咁香煎法國鵝肝 上菜時已香噴噴 口感入口即溶海鹽脆香軟殼蟹好開胃 熱辣辣 唔會太多炸粉得黎 又新鮮 正!主菜來了炭燒美國西冷扒我地點左五成熟 真係五成熟架 平時其他鋪硬係會overcooked...塊牛幾軟身 又幾多汁 啲伴菜都唔會好油膩 岩哂我呀炭燒西班牙黑毛豬配蘋果茸係呀你無睇錯呀係配蘋果茸呀 黑毛豬dip黎食又幾盞鬼我個人中意黑毛豬多過牛扒 呢個煮得岩岩好 平時食豬最怕硬咬極都未咬完石斑魚柳配原隻南瓜芝士意大利飯淨係食肉唔夠 我一定要有飯落肚呢個真係岩哂我 好濃郁既芝士同南瓜味配上有口感既意大利飯 呀 好幸福甜品 我揀左心太軟好完美既ending 朱古力啲醬係岩岩好溫度 平時最怕入面係凍又唔流出黎呢個有哂視覺效果添呀總括黎講 $188 包哂小食頭盤餐湯主菜飲品甜品仲要多選擇 我仲有咩怨言呢回頭率高呀!…查看更多

對於我地呢啲九龍區既foodie黎講，真係唔太多係中環蘇豪區食野，今次慶祝週年去到朋友介紹既呢區意大利菜餐廳。餐廳位置唔難搵，湊巧隔離枱有一大班客人聚餐，氣氛十分輕鬆，唔似fine dining 咁拘謹。頭盆點了bruschetta，係傳統既意大利開胃菜。橄欖油和番茄等的小片烤麵包，味道非常fresh。食意大利菜當然唔少得cheese，第二樣頭盆點既呢個grilled tomino cheese，中間烤過既就係tomino cheese, 表面烤過非常香，質感屬於半軟，味道微酸溫和，食落一啲都唔膩。黎到主菜，第一樣黎既係margherita，兩個人食份量一啲都唔少，正宗薄餅底配上簡單既配料包括mozzarella、蕃茄同basil 加上調味料，每一塊都充滿濃郁芝士味，加埋蕃茄中和，一啲都唔膩。Angus ribeye medium 有4種醬汁可以點，分別係橄欖油、黑醋、黃芥末同稍辣既辣油。ribeye 煎得好靚，微焦內裡卻十分嫩。正Spaghetti with pesto sauce. Pesto sauce傳統意大利面既醬，十分香濃creamy，最適合鐘意蘿勒味既人。…查看更多

由於自己同朋友都好鐘意食日本野，佢今日帶左我黎尖沙咀既樓上鋪食日本料理，估唔到平日晚飯時間黎都好滿座，證明食物出色我地安排到坐bar枱，可以欣賞師傅既手勢宮崎縣超甜粟米粟米賣相新鮮，自己都未食過生既粟米，原來感覺都幾清新，香甜爽口海葡萄蕃茄沙律自己真係未食過，多得朋友介紹下又試到新野，海葡萄很爽口，配上原隻蕃茄及醋，味道很夾日本厚岸蠔真係足一隻手掌咁大隻呀！蠔味creamy及新鮮，啖啖海水味很濃，對於鐘意食蠔既我真係好滿足呀呢到必點既日本馬糞海膽手卷見住師傅將一排排既海膽放到手卷上，份量真係多得很誇張呢，足量海膽完全蓋住手卷，充滿甘香，如果不夠新鮮的海膽就會容易有苦澀的味道，呢到既海膽完全沒有，非常新鮮食完生野，到熟食，叫左清酒煮蜆，每隻蜆size都好大呀，湯底味道清香，忍唔住食碗食哂牛舌唐揚炸牛舌比較少食，而呢到既牛舌肉很厚，份量都幾夠，肉汁鮮嫩日本沖繩苦瓜雖然平日唔係好食苦瓜，但日本苦瓜又唔太苦，味道甘香鮮甜，而且配有醬汁可以減少苦味最後點左幾串串燒，雞腎、雞皮、雞心、雞肉同雞軟骨，燒得很香脆可口…查看更多

黎就係為左酒香藥膳雞湯!!!!!仲有好多藥材係個湯到架 真材實料架太多款 但做完運動既我揀左鮮雞柳 蘿蔔 麻辣魚丸啲蘿蔔好入味呀 好幸福呀 啖啖藥膳味但身邊唔係個個朋友都中意藥膳味 唔理LU!唔想食河粉吸哂我啲湯 於是揀左上海麵！呀！又唔錯喎！口感岩岩好 野飲我就揀左凍甘草咸柑橘 好解渴呀 好健康 飲完都覺得無咁熱氣 下哂火我太熱太口渴既關係我幾啖就飲哂湯又比我飲哂 乜都比我飲哂 哈哈車仔麵真係可以滿足到咁花心既我好多個願望 下次黎試佢另一個冬蟲草湯底先…查看更多

打邊爐既選擇實在太多 今次揀左呢一間就腳啲 啲老友收工出旺角都方便啲!番工咁辛苦 緊係要對自己好啲我地嗌左個花膠鯊骨湯底$168 補補佢佢仲附送埋個甘香泡飯 幾盞鬼喎又 加左湯都仲係脆卜卜蟹子墨魚油炸鬼＄58平時送粥食得多 今次一食就配埋啲蟹籽 分量極多 要勁小心咁夾 唔想浪費每一粒蟹籽油炸鬼內的墨魚滑令它口感外脆內軟 好出色呀!!頂級安格斯牛頸脊 $248 （大）我地同行既人唔食太多肉 於是無叫到牛魔王 就揀左牛頸脊黎食佢既口感好結實爽滑 肉又夠肥美夠平均 完美吖!秘製芝士牛肉丸$68入面既芝士真係唔係講笑 入口即溶呀！脆鯇片 $58佢切得好薄 薄得黎放入口都仲有口感…查看更多

平時都唔為意東廣場有咁多野食然後仲比我發現觀塘有一間咁正宗既西班牙餐廳！黑毛豬聽就聽得多 真係未試過！深海八爪魚凍盤食個凍盤做前菜開開胃先 幾有咬口 幾新鮮24個月橡果黑毛豬火腿、36個月橡果黑毛豬火腿、西班牙黑毛豬火腿三款慢慢食慢慢品嚐 原來真係好唔同 配埋芝士食....真係.......密密食...唔好比佢停呀而我個人最中意24個月呢一款 味道鹹宜得黎 又唔會太油膩喎 高質高質!橡果級黑毛豬極品梅頭叉燒見人地食評話餐廳必點食之前 對我黎講 佢真係只係一舊叉燒但食左之後 我要即刻收番呢句咁侮辱既說話原來...叉燒.....可以咁!好!食!架!!!!!!烤西班牙T骨扒黎到雖然話豬係重頭戲 都要試下其他肉類既吖 佢啲牛又唔會完全失色喎 肉煮得岩岩好 好juicy!!!西班牙海鮮飯一黎到好有睇頭!皆因佢好大兜!仲有蝦 八爪魚粒 原來係用海鮮湯煮成架 唔怪得啖啖都有海鮮味呀一班人一齊share黎食 岩岩好 大家都好滿足…查看更多

食串燒唔駛擇日 想食就去食!星期六晚係港島區個頭 見唔駛等位就入去左「酒肉。朋友」燒芝士年糕佢係麻糬質地，咬落去就有流心芝士羊架平時都唔多會嗌黎食，但朋友想試下。食一啖!呀! 又幾出色喎 唔會太重口味玉子燒我次次食串燒都必嗌，好鬆軟，同啲醬配埋一齊，一流吖明太子沙律佢啲明太子cube size 好好咬 好有口感蒲燒鰻魚：皮好爽，好大舊，汁好味!手作鵝肝雞翼無諗到鵝肝同雞翼又夾喎，有驚喜!免治雞肉軟骨棒無諗到佢上面有芝麻麻醬，啲肉岩岩好，唔會太熟太硬!最後唔多夠飽 仲嗌左個稻庭烏冬，天氣咁熱，緊係食冷烏冬呢到既鋪位好近地鐵站 一出轉左就見到!又唔駛等位下次再同朋友黎慢慢坐慢慢食 同埋都想試下佢個清酒 : )…查看更多

平時係香港食韓國野既價錢唔係好平但今次揀左呢間係觀塘工廠區既JK BROTHER 平靚正 好有驚喜食烤雞緊係揀無骨 見住哥哥仔幫我地將每舊雞都痴住啲芝士 已經流哂口水 仲有年糕添呢個價位黎講 份量真係算多$68 芝士高麗醬烤雞 韓牛嫩豆腐鍋 $118份量好足既蔬菜鍋 食完肉點都要有菜balance番既 湯底唔算太濃 岩岩好 可以中和番啲烤雞 然後再準備下一道菜^^葡萄園之戀 $58兩個人飲都夠哂 爽豚肉炒年糕 $58好辣好惹味 食到我流哂汗都要繼續食總括黎講 真係平靚正 平時叫咁多野食 起碼都$4xx 但呢到都只係每位人頭一百幾十又坐得舒服 服務態度都好好 我地食唔哂 佢主動問我地要唔要外賣盒添吖回頭指數極高吖！…查看更多