hopsi的个人专页

復活節打算同女朋友開開心心食個晚飯，見到呢個食評幾好，所以走去試吓，充滿期待，去到餐廳望到個餐牌好多嘢都好似好好味，個心都好雀躍，研究完一輪就叫，見到刺身$490有七款好似幾抵，唔諗即叫，啲嘢好快上咗枱，望落賣相唔差，但留心啲睇，啲蠔係死，食落去刺身超唔新鮮，個明太子玉子有酸餿味，同店長講過蛋有問題，佢竟然話係我哋口味問題，真係令我好費解，不過佢都幫我哋取消咗，最後食咗6隻生蠔，刺身盛和一串牛脷，埋單$952，個蠔話半價，但加一係用原價計算，呢啲真係要問清楚，對呢間餐廳真心失望。…查看更多

今日突然想食壽司，YouTube 介紹呢間，所以來試下中午，㨂咗一個13貫壽司套餐，8折$538純粹個人經驗分享，呢個套餐個人認為應該值$388，即係比一般貴咗40%，性價比來講係無性價比可言。1. 全部平價貨，唔新鮮，仲要好多都用火炙，不過都例牌有海膽同拖羅，海膽ok，拖羅只可以講可以。2. 千両的確比佢新鮮好多，所以千両性價比其實ok總結：over price，魚唔新鮮，只可以講佢好過元氣，同板長差唔多質素。…查看更多

今日同約左好耐嘅朋友食飯，佢鍾意食素，所以就去咗尖沙咀試呢一間。Lunch set 價錢合理👍我叫咗如香茄子豆腐煲配珍珠糙米飯$78本人好鍾意食茄子，呢度嘅茄子做得好好，因在好多地方食魚香茄子都會好油，呢度完全唔覺得油同膩，茄子嫩滑，而豆腐就正常質素，無乜特別啦，個糙米飯幾香。餐飲我選咗杯咖啡。 我朋友叫咗焗烤牛油果墨西哥薄餅配紅菜頭乳酪沙律及香脆薯角$88薄餅幾野味，加牛油果配撘好夾，紅菜頭乳酪沙律清新好食，薯角就合格啦。我朋友餐飲就叫咗杯韓風蘆薈柚子蜜。埋單連加一$183，出品中上水平，味道唔錯，同朋友過左個好愉快嘅中午，以$100/位不到的價錢來講相當實惠，我會再來。😊…查看更多

晚上9:00做完嘢，突然想食壽司，就來左板長，9:30話last order，跟手就來埋張單，心情已有些不太高興，嘢食剛剛到，都未開始食就叫埋單。之後更令我無胃口的是，侍應開始執枱清潔，老細，我仲食緊嘢，如果你說關門，我便走吧。你們還在營業，服務緊顧客，但不停噴消毒液枺枱，請問我點食呢？ 我付錢消費，不應該有這樣的用餐體驗吧？板長的食物不過不失，但今次的用餐體驗實在太令我失望，希望管理層可改善這一點。…查看更多

最近特別想幫襯小店，疫情關係，希望支持一下他們。朋友話唔想太heavy，所以揀咗呢間，兩個人可以食多啲款式。黃面紅底沙律配蜂蜜芥末沙律汁$138配料很多，有牛油果、紅菜頭泥、雜蛋、青瓜、薯仔和黑水欖，食素嘅朋友一定喜愛，我朋友也好愛食素，呢個佢勁鍾意。👍全麻皆雞$40有少少似蒜蓉牛油雞翼，炸得好香脆，好野味，性價比高。原條燒吊筒$68個汁幾好食，烹調時間也掌握得好，不會感覺靭，呢個價錢都幾抵食。厚玉子燒$58賣相都幾吸引，有蛋香，不過感覺有少少硬，可能係個人口味，但份量都幾多。另外我朋友叫咗杯涷檸茶$28，超大杯，我就叫咗杯海鹽櫻花奶昔$47。經營真係困難，每個人消費大約$200有咁多嘢食，這間小店利潤應該唔高，我哋都食到好飽，值得支持。…查看更多

好耐無食過台灣嘢，今日天氣非常熱，見到呢間環境唔錯嘅小店，就吸引我入咗去。😃黯然銷魂安格斯滷肉飯$65一打開個餐牌，見到幅相就吸引我去叫，真的沒令我失望，上枱賣相已好吸引，份量充足，牛肉唔會太淋，有咬口，台灣味道，至於個滷肉因為好好食，忘了影相，味道濃郁野味，成個飯都好好食👍，好滿足。😃蛋黃炸芋球$48呢個有少少似食咸水角，但他們用了配撘芋頭和蛋黃，味道好夾，個皮脆而不油，非常好食，如果價錢可再優惠啲就更好了。😂木玥柳橙汁水果茶$38一上枱俾佢嚇親，好大杯😱，配撘柳橙汁和百香果，呢杯嘢味道清新，感覺好消暑。呢間小店啲嘢食有heart，環境舒適，值得一試。👍…查看更多

又去開荃灣做嘢，經過見到呢間小店爆晒，儘管等等位試下。看看個餐牌有四個叻，我同朋友分別叫咗個滷友三寶麵、牛筋腩麻辣撈麵和陳皮魚蛋，另我叫左店員推介嘅蘋果雪梨雪耳，我朋友叫左杯凍檸茶。滷友三寶麵湯底味道濃郁，甘香滷水味道，金錢肚爽口，金錢𦟌和牛筋都非常淋和入味，好出色👍，但麵就可能放得耐左，有少少淋。牛筋腩麻辣撈麵呢個麵質好好，因為每啖食先浸個湯，我喜歡呢個食法，湯底麻辣味適中，牛筋腩夠淋，呢個麵幾惹味。👍陳皮魚蛋陳皮味唔算出，但個汁幾好味和魚蛋彈牙，$20有咁多粒，好抵食。👍蘋果雪梨雪耳加$10飲呢個好抵，非常消暑，值得一試。食物未算好高質素，但睇得出有用心去煮理，埋單兩個人$137，抵食，下次會再試其他嘢。…查看更多

經朋友介紹，特意嚟這間小店試試。魚介拉麵$78拉麵一上枱，賣相都幾吸引，飲啖湯試試，有驚喜喎，誇張一點，湯底比很多現時出名的拉麵店更出色，豬骨味好濃，口感味道好豐富，再試試麵質，軟硬適中，义燒炙過，油脂味好香，相當野味，至於温泉蛋就差少少火喉，變左流心蛋🤣，但整個拉麵份量好足夠。免治雞肉棒$28小弟可能食慣咗燒免治雞肉棒，我覺得燒的肉汁會多一點，口感體驗會比較好，但這個都好食的，只係兩種不同體驗，個人口味而已。之後同老闆傾下偈，原來每日用一百多磅的豬肉、豬骨、豬腳等材料煲24小時，大約整到150碗湯底，唔怪得湯底咁濃，環顧現時香港的拉麵店，平均都要$80-$90一碗拉麵，另收加一服務費，而這裡不到$80/碗，性價比相當高，我會再去。👍…查看更多

今日經過佐敦，同一個朋友突然想食越南嘢，咁啱見到呢間，就入左去試下！ 火五火車頭牛肉粉$62餸唔算好多，有生牛肉、熟牛肉、和牛牛丸、札肉，每樣一至兩舊，味道方面，湯底幾清，河粉都好滑，生熟牛肉和札肉就正常好食啦，唔算好特別，但個和牛牛丸一定要試，好Juicy好好食。👍 火五炭燒鰻魚飯$48見隔離轉做檬粉，所以我都轉咗😂，大大塊鰻魚，雖然唔算好出色，但以呢個價錢來講都算抵食。 越式炸蝦春卷$28賣相幾特別，幼身長條形，整個春卷都是蝦膠，呢個好滿足。😃 香茅雞翼$22呢個幾抵食，香茅味唔算濃，但性價比ok啦！蒜蓉牛油蝦球$48呢個好邪惡，蒜蓉和牛油味都好香，食唔停口，幾乎想叫多碟。😋 叫得多咗啲，兩個人食到攬住個肚🤣，整體質素和性價比都幾高，值得一試。…查看更多

去開九龍城做嘢，經過見到好多相，所以就入來食個下午茶。望望餐牌睇下啲價錢，比一般茶餐廳貴，儘管試下睇下係咪好食。西多士跟餐飲$44常餐$58西多士非常厚，係平時的兩倍份量，平時食下午茶大約$32-$38，佢厚左貴$10還可以接受，不過味道就不過不失，同其他茶仔差不多。常餐收$58　這個價錢是平時食午餐的價錢，可能我見識少，這是我食過最貴嘅常餐，睇睇賣相都唔錯，但味道係咪好好食，真係感受唔到，但無大問題，都係正常茶記質素　坦白講不明白收這個價的原因。總結：䓤花玉子丼都收$88，今次食咗兩款平時都經常會在茶記叫嘅餐，真係無乜特別，有機會的話試試其他，好好奇他們收得比一般茶餐廳貴的原因。…查看更多

母親節同媽媽一家人去食素，揾到呢間café小店。我哋叫咗：純素沙律碗$78忌廉菠菜闊條麵$88冬蔭意大利飯$88麻辣青醬墨西哥薄餅$128香芋蕃薯波波$48黑松露純素芝士蕃薯條$68日式昆布蕃茄漬$78我食素會喜歡食番食物嘅原形，不太喜歡例如乜乜牛腩煲，所以會偏向食西式素，呢一間小店就是做西式素，而家有一啲特式，我幾欣賞。純素沙律大大碗，好滿足。👍闊條麵個汁校得幾好。👍冬蔭意大利飯味道可以，唔算係好好食，不過不失啦。墨西哥薄餅有麻辣，和青醬個配撘幾好，幾野味。👍香芋蕃薯波波幾CREAMY，都係不過失啦。黑松露純素芝士蕃薯條，呢個幾得意，無為意是蕃薯，食落去先知，呢個好食。👍日式昆布番茄漬就正常沙律咁啦。總結：整體食物質素都幾好，同埋啲野飲都幾好味，我會再來。…查看更多

成日都想試呢間　今次終於可同兩個朋友嚟食。叫咗個鴛鴦青花椒牛骨湯$78，價錢一啲都唔貴，湯底好香好夠味。好欣賞呢度好多款不同部位的牛肉，每碟都係幾十蚊，而且份量，可以盡情去試。咁多款牛我不逐款講了，我講下我較為質賞的就是安格斯-橫隔肌，呢個有咬口，有牛味、澳洲朱古力和牛-牛腩心，呢個本人最喜歡，大家一定要食，和清湯牛筋腩，非常淋。總結：呢度牛嘅質素，跟性價平都幾高，咁多碟牛，沒有一碟我是覺得唔好食的，不過普遍來講牛味都唔算濃，整體質素包括肉質、口感和味道都絕對對得起呢個價錢有餘，推薦。…查看更多

小小店仔，12:30就已坐滿食客。我叫咗個鰹魚清湯烏冬+骨付雞$80。烏冬用讚岐烏冬，出名彈牙，超市都買到，所以不特別評論了，至於個鰹魚湯湯底，湯底清甜，但唔特別，亦無驚喜，$46食個清湯烏冬我本人就無乜興趣了。骨付雞-即雞髀，呢個好好食，燒雞，皮香肉嫩，雞肉滑得來juicy，醬汁調味恰度好處，相當出色。👍總結：我個人覺得個烏冬就無乜特別，如果我下次再來，可能只叫個骨付雞就夠了，或試試其他嘢食。…查看更多

叫咗西貢海鮮外賣，我哋叫的是套餐$180/位。見到好多食評都話好差，但食開西貢海鮮套餐的朋友仔都知道，這個價錢一定唔係俾靚嘢，但質素應該唔會太差，所以我都想知係咪真係咁差，但今次真係令我大開眼戒。我哋7個人叫咗7個海鮮，正常都會有個炒飯跟，原來炒飯都無。😓芝士龍蝦伊麵龍蝦有「嗡」味，我估可能係死咗一段時間，伊麵唔夠芝士味。豉椒炒蜆60%無開，可能有兩個原因，一係唔新鮮，一係未熟。薑蔥蟹啲肉有點「梅」鮑魚和元貝都係唔新鮮生蝦和瀨尿蝦是比較好的，瀨尿蝦仲有膏添👍，但是好細隻，感覺食得有點不太愉快。Whatsapp 番個老闆話啲嘢唔係好得喎，佢覆番我話龍蝦一定係生猛，剛買的，叫我用手食，我完全唔明佢意啦。😅總結：這個海鮮餐的確令我幾失望，希望他們會有改善。Hopsi性價比指數：45/100…查看更多

朋友帶我來食，本來都是抱著一個正常品嚐omakase心態，無乜特別期望，至在跟朋友一聚，但一嚐之後，實在驚喜，好耐無食過咁滿足的一餐omakase。相信之前的食評都有介紹很多菜式，所以在此我也不多講了，留番少少神秘感讓大家自己去感受一下。主要我想分享一下整個用餐體驗，一入到餐廳，大約只有十個位，全是sushi bar枱，每個客人都可欣賞師傅的手藝及刀功，亦可跟師傅互動。現在香港很多所謂的omakase，實際上都只是食一個套餐，毫無變化，但鮨生賢的食材大都是野生，新鮮已是最基本不過，不用多說，主要品嚐番食材的原味和鮮味，不花巧、不做作，每件製作出來的壽司真是不懂挑剔，最令我驚喜的是師傅對每道料理的製作和心思，及帶給客人的新鮮感，睇得出如果不是非常熱愛自己的工作，客人是好難有如此的體驗。食到最後，連一個湯都無hea場，整餐飯食咗兩個鐘，每道菜與菜之間都有充足的時間同朋友討論、回味及跟師傅互動，$880品嚐如此高質的午市omakase，實在滿足，已訂了下月再來。…查看更多