13243546的个人专页

趁早少人食晚飯…叫了個醃鳳爪沙津（$45）做得很快，來到望見汁不多，以為無味，原來真的是醃過，好有味，辣得起! 不像劣貨用好多辣椒油浸住果隻，真係好食!同埋D洋蔥，芹…好香~份量也不少，鳳爪起碼都有廿幾舊左右。抵! 另叫一個半打沙爹串燒，（$48）選羊＋牛（另有雞，豬可選）不用說，好味，沙爹醬夠味。可惜有一兩口肥膏多左D…煎薄餅（$26）不夠鬆軟，可能不是印度式的=P但都算幾香幾好味。3塊，切開共12件。=) 飽。服務仍很好! 不斷幫我加水…PS.若叫了冷盤，可以叫佢遲點上熱食，太快到會凍左……查看更多

自從一次發現，來了很多次，仍想再去！腸的選擇真的很多！試極都試唔完。今次試了雞肉蘑菇腸，好大條，好好味!酸瓜＋芥末汁係至正的配搭! 汁份量次次也都控制得好，不會多到滯，也不會少到乾…叫多隻雞翼，有中翼，也有得揀全翼，我鍾意全翼，油左少少，但都幾香口。分開三舊，容易食。真係幾多人幫襯。我坐低食，都起碼5-6個黎過…服務仍要讚！態度好，又周到。…查看更多

上次同朋友十幾人一起慶祝中秋、生日，十幾人吃了十個餸有多，大家都吃得開心。今次自己來石澳，又是下午茶當lunch。誰知再來樂園一次，仍給我很滿意的驚喜。有下午茶餐，不算貴，20-30都有。有炒金邊粉、公仔麵、河粉、串燒…我叫了個炒公仔麵，送野飲（汽水、檸茶奶茶一類），佢寫得咁單調，於是再叫了個泰式拼盤細（$65）。一來了炒公仔麵就驚喜，30蚊但很大碟。擺明係剛剛整好，但炒得不算油，不會成攤油0係碟度，料好足：青椒、香葉、芹、紅椒、菜絲、洋蔥、雞肉絲（而份量也不少!）炒得好香好好味，讚! 麵的份量也起碼一個半公仔麵了。食完都很飽。拼盤來了才知食唔哂。兩個人share仲好。有4件蝦餅：這個我鐘意，口感幾彈，味道好。炸得不過火。4件魚餅：這個的香葉味較重，也幾好食。4件春卷：外脆內軟，一般泰式春卷味，點埋汁好味D2件香葉包雞：這個不夠好，雞肉質地唔好，又炸過龍，又乾又硬。但總括幾好，服務好，環境好。（裝修過後更靚了）石澳推介!不枉入石澳食返餐!…查看更多

幾個鐘時間，看見幾靚的環境，又寫可以無線上網。下午茶時間，以一間cafe來說就不算貴，30-50一個餐，我只叫個沙津（煙雞肉）38蚊，熱朱古力加5蚊。沙津味道幾好，醬不是很多，清淡得黎我覺得好好味，沙津醬太多會影響其他材料。煙雞肉也幾好，不會太乾／硬。唯一是麵包粒不夠脆。熱朱古力。估不到的好味和好賣相，通常食肆的品質很參差，但這裏的朱古力泡夠多，口感好。也是不會太甜太濃。我發覺這店很有趣，我下午茶時間去，發現有很多細路仔會同D daddy mummy/ grandparents一齊黎。店員服務也不錯，坐了一個下午。…查看更多

上完堂三點幾未食lunch，行到勝利道記得這間好多好評就試試。$30 蚊一個套餐，一個熱狗，配野飲+薯條/薯餅。店員向人推介芝士腸、德國脆皮腸、洋蔥豬那個什麼…的確有眾多款式，讚! 我散叫了一個德國脆皮腸熱狗（＄22），一個車打芝士薯蓉（＄15）阿姐招呼好好，主動話俾多杯水我飲（唔係一般食肆D水喉水已經好好）選了酸瓜、芥末加少少茄汁。（它有酸瓜、芥末、茄汁、沙津醬、BBQ）任你揀汁多得黎不覺得太濃，好好味!推介酸瓜汁!脆皮腸共兩條，好好，好抵食，又好味。包又不會好乾，我最憎熱狗少汁包又乾，但食到尾我都未洗飲水!個薯蓉也不錯，不過唯一就係芝士係溶一溶就倒落整好的薯蓉度，不夠混和，但味道仍好好。芝士也不少，好飽。薯蓉都是真材實料，有D口感，不是完全粉開的感覺。總括黎講，都好滿意。全店4,5位店員全都是女，全部都各自各做緊野，店內乾乾淨淨，我去的時候無乜人，她們都周圍清潔。一叫野食就好快手搞掂。讚! 本來當食D小食，但三十幾蚊已經飽到幾個鐘之後仲飽緊。下次再來!…查看更多

今次散叫。1. 山葵龍蝦沙津 ~$20 下面一堆青瓜絲，加上面的龍蝦沙津（與壽司一樣料）口感不錯，是醬的味道略重了一點。2. 山葵甜蝦軍艦口感好好，蝦又好食。蝦的份量不少，推介推介！3. 北寄貝沙津軍艦與平時我食開的北寄貝沙津有點不同，口感都ok，係醬又是多了一點，如果材料清晰d，口感會更好。4. 三文魚壽司 $9三文魚的厚度不錯，也壓得幾好，但我嫌不夠新鮮，濕一點會好d。９蚊也算不錯了。5. 辛口吞拿魚壽司 ~20長長的刺魚，加上面的醬幾新奇，聞落似西式沙津醬，食落酸酸辣辣，有點似芥末。不錯。6. 燒牛助條上次食雞柳覺得不錯，今次的牛助就大大扣分雖然都幾香，但肉就硬過頭，我覺得有點over cooked，味都不太夠。7. 軟殼蟹手卷麻麻地，第一啖食軟殼蟹，雖然係炸起，但明顯不夠新鮮，有些少腥味。下面落的醬多就蓋過了，但醬多令紫菜都淋了。又扣分。但總括來說，也值得試！服務仍然好好，不斷斟茶﹣很滿意。環境是很舒服的，坐一個下午、同人談天說地，也是好地方！又睇見壽司師傅空閒就清理／清潔壽司檯，很有心，很衛生。讚！…查看更多

忘記了影相…與朋友兩個人食lunch,一人叫了一個午市套餐，所有套餐定食都係35 - 60（再貴Ｄ都有）左右，以日本野黎計算係好抵的了。豬軟骨拉麵定食 $35：1. 沙津：　不過不失，菜都幾新鮮！　有幾粒應該係三文魚／吞拿魚（熟的），口感就一般。2. 前菜：　我也不知是什麼，有幾粒肉狀物體，　唯一失望的前菜：無味／唔知係咩味，　話係前菜，根本不開胃。。3. 豬軟骨拉麵：　有幾多配菜　份量也不少，可見真的不馬虎！　豬軟骨都好夠味，好好食。　湯底同平時食日式拉麵都無乜分別，都不錯！4. 甜品：泡芙一粒　好食。　忌廉餡，有少少朱古力醬面。正。　食完都會想再食…另外，套餐可加12蚊有雞柳串。都不錯。味道是預期之中。套餐再叫指定軍艦壽司，2件送1件。與朋友叫了：芝士蟹籽：~$15味道不錯！唯一係D飯不夠實，味道又不太似平常食開D壽司飯…帆立貝牛油果：~$18反而這個比我想像中好味！帶子同牛油果配合得不錯！口感都好好！什錦魚生飯定食：~$45朋友點的，魚生質素不錯，但都是飯的問題…飯定食跟麵鼓湯，無沙津。服務不差，侍應哥哥的態度很好，又會經常酙茶，欣賞！抵食，質素都不錯！會再來。推介！…查看更多

第二次去，今次又是食晚餐。一行八人，侍應即時幫我們執張長檯，服務很好！店舖細細，仍可坐得落我們八人，坐得舒舒服服，滿意！每人一小菜，share食。1. 西檸雞是一般的茶式，又一般的味道，在西環幾間的食肆的西檸雞都是這種味。=p酸酸地，都ok，甜返少少會好d。2. 菜圃煎蛋比上星期在灣仔的酒樓食的更好食，煎得不老，又夠口感，雖然鹹了少許，但我又接受到！幾抵食！3. 三杯雞有正宗台式三杯雞的味，一點都不馬虎！雞夠味，又夠多，配料都很香，非常滿意。4. 豆豉鯪魚炒油麥菜我本身都幾鍾意這菜，又炒得幾香，不過都係鹹左少少－－豆豉的汁在碟底浸住d菜。賣相就差了少少。5. 椒鹽豬扒香口，好味。不過預左d豬扒係肥少少，才不會硬。6. 紅燒豆腐都不錯，係d汁濃左少少，都抵食。7. 京都肉排同樣，汁都是濃了少許，味道普通，預期中的味道。無特別。還有個日式肥牛，上次寫了。例湯仍然不錯，清清地，湯渣好足。上海麵、米線都很好。總括黎講，的確值得去，食物味道一流，只係接受不到濃味的朋友可能會不喜歡。埋單都是每人36，今次都食唔哂d野。…查看更多

同朋友兩個人去食, 坐低看價錢都覺得應該唔錯呱..叫了鰻魚定食.. 牛肉鍋..鰻魚飯一來, 挑一挑面頭的紫菜..成條橡筋彈了上來!!<吃驚>!!不過無叫侍應換, 叫了他們都只是會執返條野出黎..味道都尚算ok..不算好好..牛肉鍋未食哂已經凍到食唔落..上面隻生雞蛋, 由一黎到開始..搞極都無熟到..(變下樣都無)之後叫侍應拎去整返熱..幸好她都肯..另外, 茶都不夠熱...成餐都不太有胃口..下次不會再黎.…查看更多

未黎野食就先上甜品，已經非常奇怪。本來諗住大菜糕都不會差，賣相也不錯，一入口就知衰了。成大陣藥水味，超級核突！同埋果舊根本唔係大菜糕！個湯又只係味精水加蔥花，有個客人問是什麼湯，佢竟然話係豬骨湯！有無搞錯？！…查看更多