Chnraymond的个人专页

睇OpenRice食評及YouTube介紹，尼間麵檔號出名係食雞，講到咁好食！滿懷歡喜去試佢個新鮮雞！點知又係中伏！真係雞如其名！鹹雞！咸到你唔信嘅雞，＄113（例牌）咁有信心收人呢個價錢出品應該唔會差掛？可惜可惜真係好咸，肉又靭，咸到博命飲水！滷水三拼，都係咸，但叫得滷水預咗你咸，大腸鵝腸不過不失，鹹豬腳好鹹好靭！咕嚕肉：非常一般，真係唔知點講凍檸茶走甜，色澤味道一般唯一要讚呢間舖頭：侍應服務非常之體貼，小館來講有咁熱情已經非常之好！…查看更多

周三惠顧有意想不到的好味！蝦餃：皮薄，餡有鮮味、彈牙燒賣：整整齊齊，層次分明煎腸粉：半煎炸非常脆口但仍嫩滑芋角：夠鬆化，好味炸乳鴿：肉質較木，但整體非常香口好食今天的香港連鎖店能夠有咁高水準，實屬難得！比坊間一啲所謂高級嘅米芝蓮點有過之而無不及。服務水準雖然有瑕疵但不影響再幫襯嘅意欲😬…查看更多

昨日去咗東涌尼間餐廳，因為聽聞點心師傅喺國X軒出嚟所以去試吓啲點心：充滿希望而來失望而回！柚子蝦餃：賣相可以，只是柚子蜜嘅甜味，蝦冇味，黑魚子燒賣：份量細，燒賣味被黑魚子味掩蓋少，很普通天鵝酥，：幾好，但等太耐錦鹵雲吞：雲吞皮鬆，（第一碟皮污糟）酸甜汁一般，叉燒浸得太耐，魷魚太薄有啲韌安格斯牛肉腸粉：粉漿太糊口，熱度不足小籠包：汁多夠熱，味道唔錯叉燒包：整體太濕太黏口，得個甜字山竹牛肉，牛肉球夠鬆，味道唔錯整體甜心：普普通通，熱到不足另外所謂高級餐廳，服務水準恍似大酒樓！毫不細心，處理客人對食物意見時表情敷衍毫無誠意！但售價就絕不普通夠。…查看更多

今天嘅食物館做生意真係好難做，又要諗推廣招徠人客，但係疫情底下周圍都辛苦！我好唔明呢間酒家點解可以一路諗推廣希望人客來，但係啲服務態度就差啦，你不如唔好做優惠啦，昨日去幫襯兩點後原來佢有七折，叫咗個燒腩仔，$88.小食，味道唔差，但係皮軔不脆，香煎牛仔骨（點心）肥淋淋一大堆肥膏，蝦餃燒賣鹹水角排骨一般，最得人驚係啲招呼，入座有個男人行埋你乜嘢都冇講就攞支探熱槍指住你個頭，講聲都好呀！問你有咩啤酒你淨係識攞我未寫好嘅點心紙睬都唔睬一句，有冇搞錯啊乜嘢招呼？全程冇招呼不在講，連埋單自己行出尼埋，嗰個收銀小姐都係晚娘口面望都唔望你一眼，而家我幫襯仲要同你不停講唔該，多謝都冇一句！唔講多謝都唔緊要面口好啲啊，其實都係果句唔做得咁辛苦，做黎做乜啊，唔通香港啲服務真係沉倫到咁嘅地步？…查看更多

慕名而來，因為聽人講要好耐先至訂到枱，太太生日試吓訂枱！又比我訂到喎，入門真係有啲懷舊feel，雖然細節都仲未做到但係都叫做有啲誠意，服務尚算可以！但係出品差到極點啊，生牛肉他他普通，法式牛仔肉：大粒嘅五香肉丁！應該講仲衰過五香肉丁，衰過煲湯渣，馬賽魚湯海鮮：垃圾到世上冇！嗰啲急凍海鮮腥夾渴，有冇搞錯啊，咁出名嘅餐廳俾啲咁嘅材料人哋食！作為一間中上價餐廳，真係冇理由咁樣！好地地糟蹋左太太嘅生日飯，整體硬件可以出品垃圾招呯一般，本來諗住個女生日都再去，都係咪搞，完全係言過其實。…查看更多

今日中午幫襯發現佢啲食品同以前唔同左，買嘅係較為傳統嘅粵菜啊，食咗佢個滷水鴨，一蟹二魚，亂炒豆芽，老廣州縐紋腸（第一次食），小籠包，茶居素千層叫左皮旦酥同白糖糕，味道都幾好，尤其是嗰個一蟹二魚，(原來係椒鹽白飯魚，軟殼蟹及魚柳）都好得意，炒豆牙意想不到嘅好味，素千層，縐紋腸又好味又特色，小籠包女好多湯，皮旦酥有d子薑又幾清新，白糖羔就比較中規中舉，傳統中又算新派，另外原來發現佢晏晝都好多食品都好優惠，真係真係比以前進步左好多呀。…查看更多