toto8028的个人专页

今日約了朋友來試這間位於灣仔天樂里新開幾個月的小型酒樓，因為未來之前見到評語都話非常好，但來了之後覺得並非如此，有些失望。我們3個人叫了9個點心，買單一共$490元，價錢唔算便，因為點心的份量唔算多。最唔值的就是［菊花春卷］$45元3件，但其實3件裡面的餡，加起來只有其他酒樓一條春卷的份量，因為多數是春卷皮剪出來的花邊。蝦餃$42元3件不過不失。品粵三色腸粉（叉燒、牛肉、鮮蝦各一條）$58，好細條。蜜梨鹹水餃$28元2件，賣相幾得意，但餡唔太多。其他點心都不過不失，沒驚喜。我諗我來過一次應該唔會吸引我再來第二次。因為餐廳的服務和環境都好一般。…查看更多

昨天中午經朋友介紹去了銅鑼灣這間餐廳，2個人選了2個午市套餐，套餐價是$188（每人），我們再加了一籠小籠包和一碟酥炸廣島蠔6件，買單一共是港幣$812。套餐份量少 ，包括每人選1個頭盤，我們選了烤麩和燻魚（只有2片，量極少）＋每人一碗酸辣湯（味道都OK) ＋主菜選了酸菜魚（酸菜多太鹹、魚片少和一份咕嚕肉（量也少肉硬）＋2碗飯。燻魚的皮好硬，全部的食物裡面小籠包最好，酸辣湯都唔錯，酥炸廣島蠔的賣相都可以也夠熱，但配了一個酸甜的醬，仲係凍的，完全唔襯蠔的味道。我要求提供椒鹽，服務員好似唔知係咩，後來我要求給鹽和胡椒粉，我同經理講那個醬根本唔襯蠔，又係凍的。經理話醬當然係凍的，這個醬係廚師特別配製的，我實在唔識欣賞。食完之後到夜晚，我們都覺得好口渴，飲好多水都口渴，應該係味精太多。總之，這間餐廳我是唔會再去了，好失望。…查看更多

這間餐廳我之前去過2次，都是食$498的餐，覺得還可以，第一次去的感覺最好，所以第二次去是帶朋友去，佢地因為對日本餐認識最多，所以覺得佢地的食材唔係好得，但4月份的一個星期日我再去第三次，今次我們2人係食12點第一輪，人數唔多，大概有一半左右約6-7人，今次令我非常失望，今次我是試$398的餐，但覺得食物的質素和份量完全唔值這個價錢。而家我明白，怎解之前係多人幫襯，而現在確有咁多空位。因為$498的餐花巧多，但老實講食材並非中上等。$398的餐食材和份量就真係好唔掂。就連最後的豆腐甜品都要同$498唔同，上面的鵝肝粉都要鏗返，實在令人覺得非常小家，感覺好差。食完這餐。我們離開之後仲去了食炸雞，可想而知份量有幾少！以咁的價錢可以有好多選擇，所以絕對不會再幫襯。…查看更多

9月11日和家人在此吃Sunday Brunch ，本人之前來過這間餐廳幾次，覺得Cafe Too這個餐廳各方面的水準都不錯。所以強烈推薦家人來此餐廳用餐，但很遺憾的是，來了以後讓我覺得除了服務的水準沒變之外，其他食物的種類和品質均大不如前。海鮮的種類少很多品質也很一般，我大約下午2點去取海鮮，只剩下非常少量的蟹腳，非常瘦。還有一些螃蟹，肉質也是很粗，味道也不行。小籠包，一籠一個，皮厚肉質感覺還不如超市賣的冷凍小龍包，另人很失望。魚蛋的品質也是很粗躁，只有雲吞稍微好一點。中菜的種類也不如前，點心只有蝦餃燒賣。龍蝦的味道也是很一般，煮太久肉質比較硬。水果種類也少，果汁更是無味，因為選的水果本身就不好，所以喝起來是無味感。甜點部份種類也大不如前，比以前少很多，令我也很失望。總之，這一餐家人都覺得大失所望。因為以今天的價格每人$708＋10％，雖然我有匯豐信用卡有折扣，折了後每人也$673，以這個價格吃這種品質的自助餐，實在不值。如果是這種水準，實在不需要到五星級酒店吃自助餐。…查看更多

今日中午和老公來了這間餐廳，有點失望，因為之前看open rice 評語都唔錯，但我叫了一個牛扒set lunch，我幫老公叫了餐牌上16 Oz 的肉眼牛扒，但兩個牛扒肉質都好硬，還有座位太擠，而且音樂太吵，整個食的氣氛唔舒服，太服務人員都可以，下次應該唔會再來。…查看更多

我去過這間餐廳好多次，初時覺得夥計都幾有禮貌幾好，食物都過的去，所以就去了唔少次，但最後一次在4月14日去，部長的態度其差無比，令人反感，可能因為生意太好，唔憂做。…查看更多