大食家的个人专页

話說食完飯同老婆嚟九龍城食糖水，見平時經過開都唔少人嚟食，咁就入去坐低試吓，點知中咗個大伏！叫咗碗綠豆沙唔係沙，直頭係綠豆水！食落得糖水味！好心唔夠就唔好攞出嚟賣啦！溝糖水溝到稀晒，淨係得糖水味！超級極差！！！…查看更多

話說2月4日響銅鑼灣香港大球場睇完波，因為牙肉腫痛上火，咁就同老婆去咗呢度食碗粥，坐低叫咗兩個粥同蘿蔔糕，食到一半見到張餐牌原來綠荳沙，但食完碗粥同蘿蔔糕之後已經幾飽，再食唔落其他，之後一心唸住叫個綠荳沙外賣番屋企下吓火，第一次隱約聽見廚房入面同阿姐講話無，之後以為阿姐無咗件事因為幾分鐘都未到，再隔多一陣唸住埋單同阿姐講仲有個外賣綠荳沙未到，之後有個阿姐扮儍行埋嚟話無凍，得番熱嘅綠荳沙，我同老婆confirm佢講咗幾次一定係講緊綠荳沙！咁無耐接受個熱嘅唸住番到屋企都變凍啦，點知攞完個外賣搭緊巴士途中望一望個碗居然係”紅”荳沙嚟！有無搞錯！一碗十幾蚊嘅綠荳沙都要搞到咁唔老實，變相靜靜雞迫人要個紅荳沙！賣晒咪話賣晒囉，夾硬整個紅荳沙落去唔係嘛？！真係以後唔駛旨意再幫襯！！！無下次！！！…查看更多

平時一向間唔中會食生煎包同小籠包嘅我，可以講話唔太特別鍾意食，不過自從食過呢度嘅生煎包同小籠包之後就改觀，即叫即蒸熱辣辣，抵讚！最估唔到嘅居然有小弟至愛嘅滷水豬手，佢哋叫”古法扣豬手”，超淋不特止，仲超入味，用筷子都夾得開，媲美去親台灣旅行都必食嘅”阿水獅豬腳大王”，最後係不得不讚嘅經理同店員，服務好似置身於米芝蓮餐廳一樣，每次見有客人來臨及離開，熱情嘅經理都好殷勤哋招待！響我心目中呢度已堪稱為慈雲山服務最好嘅餐廳！希望長做長有！！！…查看更多

話說都唔係第一次嚟食，每次都會叫半筋半肉麵，今次下午茶四點半左右嚟到，都係跟以往一樣叫咗個半筋半肉麵，之前碗麵嚟到時會跟一羹乾乾哋類似雪菜調味，而枱面亦有一壺比客人加，嘗試問店員個店員有沒有好似完全唔知我講乜咁，當時成間舖得個5個客人，4個店員圍埋傾偈，亦懶得理咁嘅態度，好似阻住佢哋傾偈咁，本來一碗好有特色嘅台灣麵，無咗果羹乾雪菜之後就好似無咗個靈魂一樣，淡而無味，垃圾都不如，以後唔會再幫襯，絶對無下次！！！…查看更多

話說小弟係一名利苑酒家嘅超級死忠粉絲，平時去開沙田同觀塘分店最多，中環分店亦有幫襯過，今日放假一早有要事去旺角辦理，所以見附近佢哋有間分店就入去飲茶，一入到舖頭上緊樓梯近大魚缸位置已經聞到好大陣煙味，坐低位置咁啱又響風口底下，個風口又係咁噴一陣陣煙味落嚟，因為當時都比較肚餓唸住快啲食完快啲走所以都唯有死頂！每次都會叫我超喜歡食嘅鹵水掌翼，因為食過無數咁多間，得利苑嘅最有質素，而利苑響我心目中係叫乜都咁好味亦有極高嘅質素！但今次體驗令我完全改觀！碟鹵水掌翼直頭可以話係極差！！！第一眼望落去己見好多毛未清晒，第一口咬落去塊皮超韌，幾經辛苦咬開塊皮之後到啲肉，居然又硬又韌不特止，完全無味，食咗兩口之後唯有放棄！呢啲咁嘅質素居然會出現響利苑度！十萬分失望！！！經過今次嘅體驗，雖然呢間旺角嘅利苑分店令我咁失望，但都改變唔到我以後唔去利苑！因為我明白到係個別分店嘅問題，發誓以後寧願餓到胃抽筋都去番平時幫襯開果間分店！！！…查看更多

話說2022年1月5日於九龍灣德福敏華分店食中午飯，平時每次經過都見好多人排長龍等位，因為番工響九龍灣番13:45咁啱今次經過見有位又唔駛等咁就入去試吓，坐低時間中午12:45，用手機掃枱面QR code落單，揀好晒之後就按確定點餐，落單後12:50，點知坐到13:10都未有嘢食到發覺唔對路就睇吓落單有無問題，見”處理中”就問侍應，侍應用佢部手提落單機查完話我無落單，令我足足白坐20分鐘，浪費我嘅食午餐飯時間，無耐無時間再重新叫過又再等，就算再叫嚟到都差唔多夠鐘番工，搞到求其響附近食個包就算！！！估唔到咁多分店嘅敏華個落單系統咁垃圾！！！以後都唔駛旨意再去食午餐！！！無下次！！！…查看更多

話說2022年第一餐居然食咗啲唔知食唔食得落肚嘅嘢，叫咗個鮮茄豬扒飯，嚟到一路食一個吐啲一粒粒硬米出嚟，好似未煮熟咁！大佬！而家我唔係嚟食煲仔飯呀！豬扒好夠淋，好易咬，梗係，因為搵嘢嗱到完全無晒豬扒味，入口食到陣嗱喉嚨嘅味道！食完唔知駛唔駛睇醫生！疫情其間啲侍應姐姐連口罩都帶唔好就周圍行嚟行去遞餐比人！人哋食緊飯仲響周圍掃地！極差！！！點解會有啲咁低質素嘅餐？！平時食嘢比較少留意價錢，聽朋友講話呢間嘢今日仲要加價，哈！香港多幾間呢啲餐廳簡直係飲食業嘅悲哀！！！…查看更多

食過好多次呢間嘅午餐同晚餐，之前都不過不失，但今次於2021年12月18日上午11:20買了個炭燒鳥丼飯外賣，番到去一路食一路吐啲未煮熟嘅白米！！！白飯居然可以煮到一餅餅都可以出餐比人客食！！！有無搞錯！！！最簡單嘅白飯都未煮得好就夾硬攞比人客食？！啖啖有一餅餅硬米！點解出餐前完全無檢查過？！完全不能接受！無下次！！！…查看更多

話說下午茶時段叫咗個$74嘅燒味三拼飯，燒肉切雞同燒鵝三拼，下午茶$74其實都唔平，但成碟得幾舊燒肉係有啲肉，其餘切雞同燒鵝都係得皮同骨，睇相就睇到！太興唔係差到咁吓嘛？！做生意都唔係咁做吓嘛？！發誓以後都唔會再幫襯！！！…查看更多

小弟每星期都會到呢度一兩次飲茶，話說2021年1月3日星期日下午飲茶，叫了幾個點心，牛肉腸嚟到明顯唔係剛剛整，入口不但硬身，入面牛肉直頭係硬身兼凍凍地！綿花雞又唔熱又散鬆鬆！鮑汁雞腳更差！不但唔熱，一上到枱啲汁已經半凝固狀態，十分失望！之前都唔係咁嘅，今次對翠園極之失望！就係因為有AE信用卡食飯有折扣所以先開始嚟呢度食飯同飲茶，而家no喇！無下次！！！…查看更多

話說第一次來這舖頭是下午茶時段，所以不用等位，而今次第二次來到這舖頭，因為太多人所以去到門口要取輪候飛，等了大約20分鐘後，見有2個人不懂用按輪候飛的機，不小心按了9個人，攞住張飛向一位姓曾戴眼鏡的女員工話不小心按錯，之後那位女員工完全無睇門口有好多人等緊位就立即帶那兩位客人入座，搞到我要再等多十幾分鐘才可入座，坐低後再發現原來那位姓曾的女員工不是負責門口的帶位工作，亂到七彩，若果講一聲按錯飛就不用排隊那安置一部輪候機器於門口有何用？！之後跟那位姓曾的女員工講那2位客人剛剛到是否按錯飛就不用排隊，之後她還用十分惡劣態度話因為那2位客人說按錯飛等了很久，跟本她完全無睇過那兩位的輪候飛就帶他們入座，這裡的員工無清晰知道自己負責的崗位，做事十分魯莽，搞到亂七八糟！…查看更多

之前去台灣旅行一向超愛飲幸福堂，一直都係台灣幸福堂嘅超級fans，覺得響台灣好飲過老虎堂，直到知道香港正版幸福堂響旺角開咗就去潮聖試吓，去到一見到有得求籤、解籤櫃桶同埋見到有人即抄珍珠就知係正牌，珍珠係就係即抄，可惜抄得太淋，飲落個奶味唔夠rich同啲珍珠好似融合唔到，同一般嘅不知名細舖味道差不多，仲有抄珍珠個員工將珍珠入落個杯度嘅時候比較生手，搞到個杯出面立黐黐唔夠專業，超級太失所望，反而香港老虎堂比較好飲好多，希望日後有所改善唔會影衰台灣老虎堂個名…查看更多

話說一向都很喜歡去太興餐廳嘅我某日下午茶時間去海港城分店食，整間舖頭有四五張枱都係無人坐緊，但員工”梁xx”係都要迫一啲唔識嘅人坐埋同一張枱都唔緊要，但”梁xx”嘅態度極差，樣子兇神惡煞咁叫客人坐埋一邊，真係要考慮吓適唔適合做服務性行業！其他分店服務一向都好好！希望其他嘅太興餐廳唔會比呢間分店影響評價啦！…查看更多

叫了兩碟好常見嘅餸同一支啤酒，支啤酒一來到時已經唔夠涷，但見已開所以無耐地接受，而果兩碟餸同個白飯可以話係"極差"!!! 絶對可以話無咩食過呢啲咁差嘅餸，第一碟係好普通嘅"西芹雞柳"，個雞柳差到食唔落口，幾十歲人從未食過啲有腥臭味嘅雞柳! 等二碟亦係好平常嘅"椒鹽鮮魷"，嚟到時見炸到咁深色已知用極度千年油先炸到咁嘅效果! 點知入口極難咬，極"un"! 再講個白飯，重生米味極差! 所以同太太食咗兩啖飲埋支啤酒就閃人去隔離明記整碗牛腩米無咁嬲!!! 已經收得唔平點可能會咁差?!!! 10000%無下次!!!!!!!…查看更多