malaynut的个人专页

家人同朋友食過呢度午飯套餐,話好抵.所以今日同家人去試.午餐多選擇,$80-95左右.加上可以自己攞南瓜湯同少少沙律.覺得味道好正宗,門口接待嘅係阿中媽,可能真係韓國正宗.食完超飽.下次同朋友去試下晚餐.服務覺得幾好,其中一個餐送錯,拿回即換.唔明點解其他食評會咁差.可能而家改善咗,又或者因為我地係星期一去所以客人少D? 我食八爪魚飯,好好食.家人食咗石頭飯,都大讚.豆付煲同鐵板豬佢地話有 D辣.唔食辣就小心。…查看更多

看了網上推介去九龍城試呢間泰國菜.一句講哂,唔會再嚟.十二點入去,有3枱人.舉手舉到手軟阿姐先注意,不過唔係立即行過嚟,轉咗一圈先至斯斯過嚟.叫咗pad Thai,蝦餅,木瓜沙律.阿姐落完單一邊轉身一邊話只可落一次單,75分鐘.想要杯熱茶,”冇”,熱水,”嗰邊自己湛”.D野嚟得ok快,同熱,大碟. pad Thai 冇味,1分.木瓜沙律好味,清爽,辣 4分.蝦餅普通3分. 朋友杯青檸梳打一早到,我杯凍奶茶冇影,舉咗一陣手先叫到阿姐check 單.不過幾好飲4分.食唔哂想打包,又扮學生舉手.阿姐見到話”咩啊！”. 埋單$280.可以係中環食.貼錢買難受！…查看更多