YanLeung8137的个人专页

幾年前都食過佢地北角嘅分店都記住佢既雞好滑好好食不過始終地點唔方便知道佢喺旺角開咗分店今日再嚟試試佢今次試佢嘅係下午茶時間嚟到都差唔多五點唔使等位，有5張台隨便坐真實食到一半嘅時候五張枱已經坐滿，而呢個時段，加上係平日，真係好犀利今次食咗海南雞髀餐，雞胸柳餐再加埋桑拿瑤柱肉餅，加央多士這道海南雞髀餐實在是驚艷雞肉肉質鮮嫩多汁，加上溫泉煮蛋的獨特香氣佢就溫泉蛋係好食，每一口都是滋味十足。搭配上油飯,簡單卻又極具滋味順帶一提，個蔥油撈麵好岩口味肚餓可以食飯，細食都可以食麵但講到最驚喜，桑拿瑤柱肉餅實在是太驚艷了!肉餅好爽林，又有肉質，又有肉汁，不油膩卻又讓人食欲大開這個肉餅為呢餐帶來了更豐富的風味大推要試呢個肉餅無論是海南雞髀還是瑤柱肉餅,都讓人難忘而且樓面有個叔叔服務好好體貼又識講笑誠意推薦給大家…查看更多

麻辣拼盤 : 各種醬料搭配得恰到好處，超級惹味，個醬係個靈魂，配上皮蛋、牛展、牛肚、牛舌、魚皮，非常開胃魚肚燉雞湯 : 湯頭濃郁，是一道養生湯品，冇諗過佢個湯都咁濃咁足料鬼馬油炸鬼 : 蝦滑q彈多汁，外層酥脆可口，值得一試。蒜蓉辣椒卜卜蜆粉絲煲 : 湯汁鮮甜，蜆肉肥多汁。辣椒和蒜蓉異常惹味。豬五花, 封門牛, 花雕雞, 自家製餃子拼盤：餃子皮薄而不爛而且細細粒唔會好易食得飽。豬五花八異常出色昆布湯蒸海鮮: 海鮮好新鮮，洗得乾淨，有提示教每種海鮮蒸幾泰式串燒拼盤 ：串燒均烤制得恰到好處, 合格菜式，但食到呢度已經飽左七成湯底揀左野生竹笙松茸菌煲: 湯頭足料而不膩,竹笙和松茸的鮮味完美融合。重點黑樺和牛：呢隻牛睇啲色水同紋理就知好出色！！！無限任點真係無扼人餐水任拎款色好夠，順帶一提叫左啤酒，都係$58 任飲！呢個$438 真係好抵，由頭到尾都有驚喜，二人都可以住卡位，坐得好食得盡興，唯獨是唔好係個胃唔夠大😂 …查看更多

繼續喺OpenRice搵食今日出嚟旺角食lunch搵到呢間上樓嘅小店估唔到中午時間樓上舖入座率竟然有八至九成以今時今日香港嘅食肆，仲要係樓上舖呢個入座率真係犀利今日食嘅係午餐蚵仔煎滷肉拌飯，芒果田園沙律蚵仔煎份量好好，配備秋葵每一啖飯都會有餸食而且有菜有蛋比例，平衡得好好食完會有罪惡感仲覺得有啲健康前菜嘅芒果田園沙律係正正常常嘅飲品選擇亦都好多我今次加咗錢飲蘋果烏龍我自己唔記得叫少甜，咁所以飲落就偏甜咗啲午餐嚟講，呢個價錢係抵食順帶一提，店員嘅服務好好隔籬枱有人叫錯自己唔食嘅嘢都有啲狼戾但店員態度亦都好誠懇，同埋保持有禮貌值得欣賞…查看更多

銅鑼灣呢間車仔麵每次食飯時間10次去10次都要排長龍不過好彩車仔麵流量快，所以就算排隊都唔使排好耐每次都會食佢嘅豬頸肉抵食又夠大份蘿蔔亦都係好甜好大嚿另外酸齋都好入味不過不得不承認味精一定有，因為每次食完都會好口渴…查看更多

沾仔記，細細個已經食佢但大個左多選擇已經好耐無食今次下午茶時間黎到叫個雲吞牛肉麵食嘅係情懷？老實講牛肉就冇乜味雲吞都已經冇以前咁大粒面嘅質地係好食不過鹼水味都重湯底亦都麻麻哋已經唔係以前食嘅味道…查看更多

今次嚟試呢間酒吧式餐廳，呢度出面outdoor 好多人收工happy hour 。而裡面有大螢幕，weekend 睇波相信勁有氣氛。避風塘魷魚鬚$98首先魷魚鬚炸得香脆，外層係金黃色嘅麵衣，入口即化，一啲都唔油。招牌脆皮豬腩肉配酸椰菜及黃芥末$98另外一款招牌菜係招牌脆皮豬腩肉，豬腩肉燒得剛剛好，外皮烤得超酥脆，而酸椰菜同黃芥末嘅組合，令味道更加豐富。烤三文魚柳墨魚汁意大利粉伴三文魚子$188主菜烤三文魚柳墨魚汁意大利粉，三文魚柳烤得剛剛好，肉嫩皮脆，而上面撒上嘅三文魚子，增添咗一啲鹹香嘅口感，整體味道非常出色。最鐘意係「巴馬臣芝士檸檬忌廉汁」，酸甜之間帶出一啲清新嘅味道，好開胃。服務態度亦好，環境舒適，整體而言，值得一試。係一個聚餐傾計嘅好地方。…查看更多

通菜街好多小店，今日黎呢邊搵食見呢間價錢好優惠試試佢呢度主打叫套餐多，今次試大滿足定食套餐包A+B+C各選一款+台灣小香腸+涼拌小黃瓜我揀左甘香滷肉飯+逢甲鹽酥雞+麻辣鴨血+熱黑糖薑母茶+珍珠紅豆仙草凍（$9）老公揀滷肉飯+慢煮蔥燒豬軟骨+酥炸花枝丸+珍珠奶茶滷肉飯肉嫩，唔會太肥太油膩，味道岩岩好，撈飯食一流。鹽酥雞外酥內嫩，唔鞋口。熱黑糖薑母，岩曬呢幾日轉涼，少甜舒緩好夠辣，好好飲。而珍珠紅豆仙草凍清涼粉推薦一試，加$9就可以試好抵。另外套餐嘅小香腸同花枝丸意外係超好食，好似去左台灣夜市咁人流好快，好多小情侶黎食飯…查看更多

街坊平民西餐廳鴨脷洲大街，就好似一個迷你西貢咁，最難得嘅係呢度好多小店，連鎖食店唔多食嘅係一種街坊情懷，人情味，最緊要係價錢公道喺鴨脷洲大街西餐廳不多呢晚六七點嚟到已經有幾台客坐喺度食緊相信係好多街坊食開嘅飯堂雖然係小店，但係餐具擺放亦都有講究細節位可以睇得出佢係用心做嘅餐廳夜晚加少少錢就可以轉套餐變成四度菜，包括餐湯，主菜，甜品，飲品百零蚊一個人已經有一個4 course set晚餐輕輕鬆鬆又一餐焗飯天花牛扒朱古力雪糕麵包布甸…查看更多

嫩雞白布湯闊麵👍🏼👍🏼👍🏼👍🏼👍🏼獨特嘅闊面，再加上白雞湯每次都會成個湯飲晒而且雞肉嘅份量好多食完成個人又暖又飽肚每次經過灣仔，呢間係我嘅一人飯堂呢度最推介係呢個嫩雞白布湯闊麵…查看更多

港式扒房情懷港式風味愈來愈少舊式老扒房都好多無做或者轉型今次呢間金鳳都係變左現代港式食就係食情懷牛油餐飽:)餐湯:)黑椒汁/蒜蓉汁:)落汁時既喳喳聲～ 回憶呀野食係抵食，百零蚊食得好飽但係要服務就唔可以要求太多喇要快快手落單，上菜快快番枱做多轉要食服務就滿足唔到喇但係食物都係可以如以往既風味…查看更多

住港島嘅我難得嚟到大埔之前已經食過佢嘅糍粑係最鍾意呢一間每次嚟都會見到有個姨姨喺度包緊所以一定係即日做新鮮做食得出去嘅芝麻同花生都係炒過嘅今次食落咗覺得芝麻好似多咗啲花生就少咗啲不過佢個皮做得好軟糯另外再試埋佢嘅芝麻糊$20抗通脹嘅價錢，試得過客家糍粑$40芝麻糊$20…查看更多

呢間拉麵喺一條橫行，唔顯眼嘅樓梯附近，好得意，要先落樓梯，再上一條窄窄嘅樓梯，平時都係一人一碗拉麵再叫小食，但呢度就出事喇，因為個雞白湯太好味道，要飲晒個湯，食完都好飽雞白湯拉麵，無論個湯，糖心蛋，定係啲叉燒全部好好食😂難怪中環區嘅拉麵，佢都數一數二，另外厚都切叉燒都要試試，好林，夠晒入味，而且唔會好肥膩👍🏼非常推介👍🏼另外南蠻炸雞都好食，夠脆，夠熱，即整冇翻炸白湯拉麵特色辣味濃厚白湯拉麵厚切叉燒…查看更多

自從年頭去完東京就心思思掛住啲日本和牛今日豪少少，一係唔試，一試試最貴嘅至尊D餐主打熊本岩手縣嘅和牛，真係不得了！先嚟咗一個A5和牛拼盤，淨係睇到"A5"呢兩個字已經好值得。和牛肉質真係無得挑，好嫩滑，一入口就溶化，啲油脂好豐富仲要佢唔呃人真係任點唔嬲放題嘅選擇真係多每一款都合格有特特別係燒肉，每一塊肉都係鮮嫩多汁而炸物都係落單即制所以係熱辣辣嘅服務方面值得一讚，服務員好細心同熱情，上菜好快冇漏單，清碟亦都好快手值得一讚係佢手機點單嘅時候確認下單前係可以睇到點過嘅食物幾點落過唔怕重複又重複絕對可以滿足肉食愛好者嘅味蕾。如果你係和牛嘅愛好者一定要試試#牛川 #日本和牛 #牛川燒肉 #牛川日本和牛專門店 #高質和牛 #120分鐘任食 #銅鑼灣美食 #銅鑼灣 #銅鑼灣必食 #foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #香港美食 #香港美食指南 #香港美食推介 #香港食評 #日本料理 #魚生 #刺身 …查看更多

同同事嚟到紅磡食飯諗住平日、上樓，就應該唔係太多人啦，點知出乎意料之外，當晚差唔多全部客滿，得返一張枱，呢度係行少少高級路線，裝修優雅，好適合一家人或者一堆朋友一齊去食，同埋餐廳職員好勤力，好有禮貌同親切感，係睇到佢哋有工作熱誠，唔會過分hardsell,有時未舉手，佢已經知道我哋想搵佢👍🏼推介熏蛋，松子魚，高力豆沙要讚佢啲小籠包同生煎包，夠晒熱辣，小心焫親嘴仔海蜇燻蛋👍🏼上海油爆蝦👍🏼原條松子桂魚👍🏼咕嚕肉金牌炒飯👍🏼生煎包👍🏼高力豆沙👍🏼…查看更多

黎開屯門睇吓有咩好食呢間好似好犀利，只係屯門附近嘅地方已經兩間分店，今次試咗酸辣紅薯粉，手撕雞同豬大腸，試咗一啖湯之後就真係覺得佢有佢嘅特色，佢嘅湯係濃味，惹味就算走咗，你都會有啲掛住佢呢個米線豬頸肉好食呀，不過切得比較細條，如果佢可以切返大少少就更加滿足而小食方面，叫咗家鄉手撕雞同埋脆皮豬大腸兩款都出色，豬大腸無嗰浸臭味，而且個皮真係整到好脆口難怪雖然只係中午12點，但佢都已經坐滿人仲要不停有人嚟排隊等食家鄉手撕雞$40+脆皮豬大腸$34…查看更多