SUET_K的个人专页

次次經過都心思思想食 今日終於入左去啦一個人安排坐大台 因為揀左食咩 一坐低就嗌左個茶漬飯然後就係無盡等待……見係星港六lunch time人都唔少d 侍應都勁忙 就冇特別追單啦點知等左45分 都完全冇聲氣 睇左隔離兩位顧客坐低 食完 埋單 都仲未有野到！終於追單 個侍應聽到我等左45分鐘都呆左！佢幫我去追單 又再返黎問我其實係嗌左咩 即係一開始就冇落到單啦？如果唔係一睇電腦就知！好啦 食飽 嗌埋單等左10分鐘……冇反應！！坐我對面個位顧客嗌完一分鐘都唔使 已經埋到單咁我唯有再嗌啦 又5分鐘…睇住我右邊既顧客又係嗌完一分鐘已經埋緊單！真心燥！直接沖左埋收銀個位大嗌我要埋單 就即刻出左張單俾我埋我食個飯都係15分鐘 但白等既時間就要60分鐘！係我特別樣衰定間野服務有問題？？野食又唔係特別好食 真係冇下次啦！…查看更多