Annie_H的个人专页

Royal Inn 位於尖沙咀The One，餐廳環境優美，採用西式風格裝修，設計典雅大方。餐廳空間闊落，座椅舒適，令人感到輕鬆自在。週末中午時段提供 brunch menu，套餐包括1份主菜、1份沙律或餐湯，以及1杯餐飲，選擇豐富。我們點了1份All the Breakfast 和1份珍寶大蝦手工闊麵，另外點了2份沙律和2杯檸檬茶。All the Breakfast好豐富，包括烤薯仔、蕃茄、蘑菇、香腸、太陽蛋和多士。香腸味道濃郁，太陽蛋煎得恰到好處，整體搭配均衡，令人滿足。珍寶大蝦手工闊麵有一隻鮮嫩多汁的大蝦，搭配手工闊麵，麵條有嚼勁。醬汁味道濃郁而不膩，配上檸檬汁食用更能提升鮮味，令人回味無窮。Royal Inn 的週末 brunch 提供高質的食物和舒適的用餐環境，適合朋友或家庭聚餐。食物味道和擺盤均令人滿意，服務態度也親切，值得一試…查看更多

春水堂的環境寬敞明亮，座位舒適，適合悠閒享受下午茶。平日下午人流不多，座位選擇充足，氣氛輕鬆自在。我們點了夏季限定的黑糖鐵觀音珍珠奶茶刨冰（$46），選用春水堂招牌鐵觀音奶茶製作刨冰及雪糕，搭配煙韌的珍珠和雙色芋圓，口感豐富，茶香濃郁，黑糖甜度適中，味道唔錯。然而，實物與宣傳圖片有落差，份量比預期少，略為失望。另外點咗一份鹽酥雞翼（$48），即叫即炸，外皮香脆，帶有輕微鹽酥香氣，但雞肉本身醃製不足，味道單薄，未能充分展現鹽酥風味，稍嫌可惜。整體而言，春水堂的環境舒服，特別適合喜愛茶飲甜品的食客，但食物份量和味道仍有進步空間，性價比中規中矩，適合輕鬆聚會或小憩時光。…查看更多

大埔萬發海鮮菜館的晚餐體驗中規中矩，適合多人聚餐。晚餐不設套餐，需逐道菜點選，每道菜價格約$100至$200，對於多人分享來說較為划算，但單人或小組用餐可能會覺得略貴。我們點了半隻金牌風沙雞、雪裏紅石頭芥蘭、椒鹽鮮魷及黑椒薯仔牛柳粒。當中雪裏紅石頭芥蘭比較好食，炒嘅火口啱啱好，菜葉爽脆，味道清新帶點微辣，味道滿意。椒鹽鮮魷外脆內嫩，調味適中，表現尚可。然而，金牌風沙雞的調味稍欠突出，雞肉略乾，未能完全釋放風沙風味；黑椒薯仔牛柳粒的牛肉質感普通，黑椒味亦不夠濃郁，兩道菜均顯得平平無奇。整體而言，食物味道中規中矩，部分菜式有亮點，但整體性價比一般，價格偏高，適合喜歡海鮮及多人聚會的顧客。…查看更多

Pacific Coffee的健康餐有好多選擇，以$88即可享用一份健康餐，包括一份主菜、一份飯、一份菜、一份蛋同一杯咖啡，性價比高，適合注重健康飲食嘅人。每份食物盒上均清楚標示營養標籤，方便有特定健康或營養需求的食客根據標籤選擇適合的餐點，細心周到。餐點份量充足，足以令人飽腹，無論是午餐或晚餐都能滿足日常所需。Pacific Coffee每周提供不同的健康餐菜單，選擇多樣，不會覺到單調。我曾經試過日式照燒青花魚套餐、番茄燉牛肋條套餐、黑椒穀飼牛仔粒套餐及川香藤椒雞扒套餐，當中我最鍾意日式照燒青花魚套餐，青花魚鮮嫩多汁，照燒醬汁甜鹹平衡，味道唔錯。其他主菜如番茄燉牛肋條口感軟腍、黑椒牛仔粒香辣濃郁、藤椒雞扒麻辣開胃。整體嚟講係值得一試又高性價比嘅健康餐。…查看更多

阿一豬扒酸辣米線下午茶每逢下午2:30開始，點米線或飯都送上一杯熱飲，凍飲另加$3，所以下午茶時段黎食就會有免費熱飲。招牌阿一豬扒酸辣米線是這裏的靈魂，湯底酸酸辣辣，味道濃郁惹味，辣度適中，如果不太能吃辣的朋友可以要求小辣。豬扒是另一大亮點，煎得恰到好處，外層微焦香脆，內裏保持軟嫩多汁，既不會太韌嚼不動，也不會乾巴巴，口感完美平衡。米線份量十足，粗細適中，吸滿了酸辣湯的精華，每一口都滿足，絕對能吃得飽。整體來說，這碗酸辣米線不僅味道唔錯，性價比高，值得一試。我哋係星期六下午一、兩點時間去，裏面座位已經坐滿人，建議避開午餐時間，晏少少兩、三點去食，又可以享受下午茶優惠。整體嚟講，阿一豬扒酸辣米線值得一試！…查看更多

今日朝早食得太飽， 晏晝只係食咗少少嘢， 4點幾就好肚餓， 突然好想食和牛😋， 去咗十侍食壽喜燒和牛。 要經過小巷搭電梯上2樓， 店內環境ok， 坐得舒服。 我哋點咗2人餐(賣點鹿兒島A5黑毛和牛)， 套餐包一份野菜拼盤、自家製壽喜燒醬汁、日本蘭王雞蛋兩隻、讚岐烏冬、自家製雪糕。另點咗白桃乳酸梳打飲品， 食物好快送上， 店家送咗前菜比我哋😙。 店員很細心， 每一個步驟講解清晰👍。 前菜有蘿蔔、南瓜、茄子。壽喜燒用棉花糖幾特別， A5黑毛和牛真係好好食😋， 難怪有證書 。A5黑毛和牛肉質嫩滑，好味😋😋😋野菜拼盤有蟹柳、冬菇、金菇、椰菜、豆腐、豆卜、皇帝菜、芋絲等。除咗A5黑毛和牛， 仲有野菜拼盆+烏冬， 最後食埋雪糕， 滿足😚。…查看更多

今日大概11:25pm到蘇媽蘇媽，係門口等咗一陣，11:30pm開始午市，可以入座。餐廳環境闊落，裏面有好多座位，主要有卡位，二人座位同四人座位。午市有三款餐單，午市精選A($79)、午市精選B($89)、午市精選C($129)。我地點咗兩份午市精選A，1份檳城亞參喇沙同1份檳城白咖哩油麵。午市套餐包一杯熱白咖啡或奶茶。檳城亞參喇沙，粉麵改要滲滲，一半米粉，一半油麵。喇沙湯底味道正宗，配菜多，小辣好食。檳城白咖哩油麵，好香椰奶味嘅白咖哩同豐富配菜，鮮蝦彈牙，味道唔錯。…查看更多

今日下午經過K-pop餐廳，門口menu見到有韓國菜式，睇圖片食物望落好似幾吸引就入去試下。餐廳裏面環境闊落，座位都幾多，主要係卡位。店員會提供menu同點餐紙，自己喺點餐紙寫低要點嘅食物，先付款後上菜。我哋點咗一份lunch set，lunch set包一份主食加一份小食同一罐飲品。主食點咗鐵板炒辣豬肉飯，配四粒韓式甜辣炸雞粒同一罐韓國桃味汽水。鐵板炒辣豬肉飯味道唔錯，小辣，豬肉同飯嘅份量都好足，夠惹味。韓式甜辣炸雞係即叫即炸，食落熱辣辣，炸雞配甜辣醬好夾，幾好食。價錢方面，lunch set只需$99，份量足，味道唔錯，性價比高，值得一試。…查看更多

今日想食蕃茄粉麵，去咗蕃滿門食晚餐。我地7點幾去到，唔駛等位就可以入，店舖裡面都好多座位。我地點咗一份鴛鴦雞扒配經典炒蛋蕃茄湯底意大利粉，同一份秘製黑椒牛扒配經典炒蛋蕃茄湯底螺絲粉。蕃茄湯底可以選辣度，我點咗小辣。但辣味遮蓋了蕃茄湯底，建議選不辣蕃茄湯底，食落蕃茄湯底味道會較為濃郁。黑椒雞扒味道一般，有啲失望。鴛鴦雞扒包括一香煎雞扒同一塊香酥雞扒，味道還可以。價錢方面，一碗雞扒或牛扒蕃茄湯底粉麵要$69，另收加一費用，價錢略貴，不過晚上六點前免收加一。…查看更多

今日lunch去咗燒肉like食，平日兩點幾去到，唔駛等位就可以入。燒肉like要手機QR code落單同付款，唔收現金，只可以電子支付。付款後至開始接order送餐。燒肉like可以單點肉或點套餐(包括1碗白飯、1碗和風湯、1份泡菜或迷你沙律)。我地點咗2份套餐，1份牛五花套餐(100g)，1份牛五花套餐(200g)，2份套餐都配迷你沙律。牛肉同五花肉嘅肉質都唔錯，肥瘦相間，燒完食落唔韌，沾滿枱上提供各款嘅醬汁，好惹味。蒜香醬油呢款醬汁配燒肉最夾。整體嚟講，呢間一人燒肉性價比高。…查看更多

今日3:30pm食第一餐，去咗譚仔食，發現依家譚仔有推出下午茶餐。我地去到譚仔見裡面坐滿人，等咗一陣有2人卡位就坐低食。我地點咗2份迷你雙餸米線餐，另雙拼1人小食，點咗1份迷你紅油木耳同迷你蒜泥白肉。不過迷你雙餸米線唔可以點炸醬，所以我點咗腩肉同豆卜。另外米線只清湯或麻辣湯底可以選擇。下午茶餐都幾抵食，單點迷你雙餸米線配1杯熱飲只需要$35，加拼2份迷你小食都只需$42。除咗米線，下午茶餐仲有多士同三文治餐選擇。…查看更多

近排甜姨婷姨推出刨冰買一送一優惠，所以食完晚餐就去甜姨姨食甜品。去到門店已經大排長龍，我哋排咗一段時間至可以入去食。甜姨姨有9款刨冰，醬爆(奶醬脆多)、黑極(海邊走走)(黑芝麻豆腐)、留戀(榴槤豆腐花)、初心(草莓乳酪)、黃到金(楊枝甘露)、汪阿姐(迷人紅火龍果)、朱古力森林(薄荷特濃朱古力)、400次髒髒朱古力(Kit Kat朱古力)、白雪(焦糖椰子)。我地點咗黃到金、黑極、朱古力森林、初心。黑芝麻豆腐刨冰同薄荷特濃朱古力刨冰特別好食。刨冰裏面多層次，口感豐富。…查看更多

今日經過喫茶，見餐廳裝修得好靚，餐牌蛋包飯好似幾吸引，就入去試下。餐廳環境舒服，裝修好有西式風格，有2人同4-6人座位。但餐廳空間有限，裡面每張枱同枱之間位置比較近。我點咗一份壽喜燒牛肉蛋包飯，可以加$28升級定食套餐，配1杯咖啡/梳打及是日涼拌菜。或加$32配1件喫茶蛋糕。我最後加$28點咗1杯抹茶牛乳。餐廳職員服務好好，蛋包飯送到後，幫我切開蛋再淋上汁，等我可以影相。壽喜燒牛肉蛋包飯味道唔錯，但價錢略貴，$98，升級套餐+$28，另加一服務費。…查看更多

今日Lunch想食牛丼，經過東京チカラめし，見裡面好多人光顧，就入去食Lunch。我地大概12點到，裡面已經坐滿人，係店餐廳門口等咗一陣至入到去。餐廳闊落，裏面主要有四人卡位座同圓枱。菜單有牛丼、豚丼、定食、咖哩同配菜選擇。牛肉丼主要有燒牛肉丼同鹽燒牛肉丼，仲可以選擇丼的大小，並、大。我點咗燒牛肉丼(配唐揚炸雞2件)，份量選擇並。價錢總共$58，如果單點燒牛肉丼會再平$10。燒牛肉丼味道唔錯，牛肉份量足夠，炸雞味道一般。整體黎講，燒牛肉丼性價比高。…查看更多

今日晚餐叫咗榕基鹵水外賣，食招牌鹵水獅頭鵝。我哋點咗兩分全日套餐，套餐包一款煮食配一碗白飯/白粥/鮮鵝油撈麵同一款小碟(糖醋炒花生魚仔/川椒蓮藕丁/家鄉甜酸菜/爽脆醃蘿蔔)。主食點咗一份招牌鹵水獅頭鵝同一份綜合牛肉(牛展+牛筋+牛肚)。小碟點咗糖醋炒花生魚仔，食落爽口。招牌鹵水獅頭鵝 $65獅頭鵝鹵水夠入味，鵝肉唔韌，獅頭鵝沾甜酸醬，味道唔錯。綜合牛肉(牛展+牛筋+牛肚) $67牛展、牛筋、牛肚都煮得夠淋，牛筋食落有入口即溶嘅感覺，牛展唔韌，牛肚夠爽口，整體唔錯。…查看更多