arwupolly的个人专页

見佢新開張就諗住試下佢，叫左火山排骨（當然上菜個陣無火啦，又細碟）、蝦餅（等左超耐，最終話無落單）、roti（又油又細份）、咖喱軟殼蟹（一般）！全部人企係到唔知做緊咩，廚房就應該唔夠人，枱枱都要等！最慘係佢overpriced, 無下次…查看更多

到訪這裡，原因是被它的海景用餐環境吸引到，而且食評好像很不錯，但結果真的令人很失望。叫飯，話飯煲壞，沒有飯類供應！叫all day breakfast 又話無南瓜，要轉其他食物代替，問我可唔可以（其實無得揀啦），但問佢什麼食物代替又唔知，要去再check! 咁你會否check完再同客確認？叫烏冬，烏冬份量少得驚人，只有平時一個稻庭烏冬的一半份量，性價比超級低！最後叫甜品-士多啤梨西多士：慶生用，份量一樣少得可憐，兩件都無！我估係得一塊麵包咁大把！最慘係食甜品唔會預佢苦囉！真係超級難食…查看更多

見網上評價唔錯，就特登去試下！一入去態度就唔太好，唔知天氣熱定唔休做，姐姐好燥下！叫左法式咖哩牛腩撈檬，d牛腩un到呢，我連咬都費事，剩係撈汁算！救命另外，胡椒豬肚湯底牛肉河，邊劃有胡椒豬肚味，同普通生牛肉湯河個湯一樣咁，不過叫做擺得落口醫肚個香茅雞翼似係翻煮又翻煮之作，乾過我荷包！佢唯一有樣好係，份量真係大既，碗碗都1.5人份量飲品就正正常常啦！但唔知點解越南咖啡無熱飲，一定要叫凍！總之唔會再食第二次，浪費quota…查看更多

搵左呢間餐廳食晏，環境唔錯，不過唔好預人會招呼你，咁我地叫左個green curry short ribs Risotto, scallop pasta and apple crumble，叫左個侍應要後上個甜品，佢第一碟上既竟然就係點甜品，話唔好意思師傅整左先，我當然不能接受，叫佢之後先上，呢個係第一錯！不過論食物，佢兩個main dishes係幾好食，份量夠同好夠熱！但個Apple crumble我叫佢上返個陣個雪糕變左cream，超級難食！第二錯，亦係我覺得呢間野差既原因係態度，佢拎張單俾我地對個陣，無講唔該同多謝都算，我無expect佢地會做，但我覺得好奇怪，條數唔明點解會咁，問多句，佢話幫我改左，咁好啦，咪俾$囉！跟住佢再拎另一張單俾我，話system出錯，咁點出錯又唔講，因為個breakdown一樣，所以我唔明，佢就拎部計數機大大聲禁俾我地，極無禮貌！總之呢間野唔suggest人去！…查看更多

見食評不錯，諗住帶媽咪去試下！一坐低未睇menu已經問你食咩🙄！間餐廳食物認真唔平，如果叫個牛肉飯要成$98，食個三文治都$3x-4x，太誇張！我見佢地最signature 係個蛋包飯同西多士，所以就叫左呢兩樣。再另外俾原價叫多杯少甜檸茶。上菜好快，個蛋包飯黎先，平時d茶餐廳禮貌好d既都會問你係咪share,俾兩隻碗你！呢間...見到你地一匙匙咁食，無野墊住都唔問下你要唔要！個飯除左凍、蛋無味、飯無味，其實都唔係咩大問題既😏，個西多士ok厚，但無平時食開有花生醬係入面，勁慳皮！杯少甜檸茶多冰到一個點都仲係好甜，點攪？最後，有個人叫班大媽侍應”阿姐”埋單，佢地竟然話：有無攪錯，叫我阿姐，小姐都唔叫？我xx! 我對上寫食評已經係2014年，今次為您而再執筆擇寫食評…查看更多

見OPENRICE評價唔錯...就決定同班朋友黎試試...我以為佢每張都係圓檯..原來係卡位....位唔算多....我地叫左喇沙鍋(特別..唔係度度有得食)同皮蛋芫茜湯底....等個湯底黎之前叫左個魚皮同炸蝦雲吞食....嘩...我未見過D魚皮咁長咁上碟架...完全無碎...每條都超原整的...堅要讚...10級讚...個炸蝦雲吞每位細細的...一口雲吞咁...但超好食..因為完全FEEL唔到油既感覺..入面D蝦又爽...攪唔掂..前菜已勁正....非常期待個火鍋啊...果然...個喇湯湯底微辣...但好夠味....就連隔離個超級普通皮蛋芫茜湯底都好夠味...唔會好水..唔似出面..係就係見到D料..但完全無味.正...我地叫左美國桶蠔.....頂級牛....呢兩者係無敵既..必食...個蠔上時已超大隻...煲到佢熟都仲係好大隻...無沙..勁鮮甜..就連個邊我平時唔食..因為好難咬..佢都超嫩滑囉....個牛雪花分佈平均...入口當然唔會即溶..但勁有牛味...必叫..D餃我地叫左'九菜餃'....好大隻...無肥肉..好好食..個象拔蚌同珊瑚蚌好新鮮....爽口清甜....但好貴呢..好彩朋友請...其餘個D丸裡都好好食.....最唔好食係個鯪魚丸...D質感好怪...同埋我平時唔多LIKE食魚片..因為好多骨...所以只食左一塊...但覺得唔錯...最後要讚呢度D SERVICE..個個都超好...又識介紹食物...又快..一定會返DOU....…查看更多

想試MUJI CAFE好耐架喇..今日終於有機會....坐位都算多亦闊落....呢度係出COUNTER點完餐...再俾錢..自助形式的...我叫的SET有分三餸$88或四餸$98..抵食就真係稱唔上。佢冷盤同熱葷都算OK多....我叫四餸就會是兩個冷兩個熱...冷盤 - 和風雜菌汁厚燒玉子及薯仔沙律...熱葷 - 黑醋醬豚肉及酸甜醬炸雞....飯可選白飯或糙米...當然選後者...難得有健康飯食...和風雜菌汁厚燒玉子，玉子很厚...雜菌好多....啖啖都食到雜菌....個味道剛剛好...唔太咸....餸飯一流...薯仔沙律比我想像中好食好多...好FRESH既味道...因為佢入面加左(唔記得叫咩名)既蔬菜...黑醋醬豚肉 - 酸酸甜甜....肉質好腍....勁醒胃...酸甜醬炸雞 - 個汁好食...但我覺得個雞無咩特別...少少鞋亦唔覺炸過....我食清光...哈哈...整體黎講係可以再試....勁想試佢D甜品...賣相好吸引....…查看更多

這裡的餐不算特別平...一個麵加一個小食加一杯野飲最低都要$58....我地揀既五香牛筋腩同鮑汁鳳爪麵都要$68.....不過味道的確不錯....係細碗左少少...先講五香牛筋腩麵.....份量都算多...肉好入味...兩者都好腍...唯一不好就係D麵煮得唔夠時間...少少硬...鮑汁鳳爪麵好好食....D鳳汁入哂味...同埋勁腍...D骨勁易拆...個湯好濃....正..不過最值得讚係個南乳雞翼...每隻都好大隻...炸漿剛剛好....唔厚粉....炸到外脆內嫩..又夠味.....超好食...埋單發現原來唔洗加一....…查看更多

阿爸賣外賣返黎俾我..見到係水餃麵亦都唔抱太多期望...因為我不嬲去開食麵就唔會叫水餃..餃皮加麵唔係好飽咩...但係食第一啖就上左癮..極速完成整碗麵同湯....唔知佢D湯係咪用魚餚架呢..好鮮甜....奶白色的....D餃隻隻都勁大隻...有一半手掌心大小....最鍾意佢入面一D肥豬肉都無....我可以放心食用....同埋我發現佢仲有幾舊粟米..雖則唔係大...但我覺得好正....價錢唔算好貴...$30幾蚊....絕對抵食...…查看更多

之前已跟朋友試過一次伊呂波...對呢度既肉念念不忘...今次再臨，已知消貴不非...但想請兩位帶契我升職的兩位大人食飯....當然要食好野...呢度最正唔單止係D食物質素高，而且個環境好特別...好和風..令你好似身處係日本D居酒屋咁...當然大好多...我地被安排坐榻榻米...兩位大人想飲啤酒有侳酒小食...小女雖然想力保荷包不失...但..唉..叫左碟魚生刺身同TEMPURA...魚生新鮮到爆...超厚切的..TEMPURA亦好好食...炸漿一D都唔厚...剛好包全入面既蔬菜同蝦...我地叫左兩個拼盤...一個係海鮮拼盤，我只可以話最好食既係個北寄貝同帶子..超甜超新鮮..殼入面既水都飲埋....但係其他我就覺得唔應該拎黎燒....因為一控制唔好就變乾或燒焦...浪費了新鮮既味道..所以下次唔會再叫....個牛拼盤我唔記得係有D和牛係入面定係普通高級牛....我剩係知每款牛都勁好食...油脂分佈平均..真係好似睇卡通片咁...食完剩係識講個'嘩'字...食完呢個牛....真係對其他韓燒好無咩興趣...最後我地覺得太好食又字夠喉...就叫多碟牛肉...呢個明顯被比下去...雖則都好食....友人更教我咩汁都唔好蘸，食牛既鮮味....一個字正...好有肉味...其實呢餐飯我真係得5成飽..但已食左我$1800...…查看更多

跟朋友買了團購黎呢度食，黎度先發現只有我地呢一檯唔係黎食打邊爐，哈哈！買了二人餐，但因為友人係女仔，加上佢上錯左個蛋花蕃茄湯(4人份)，所以真係食到要打包..首先上菜既係冷盤-皮蛋..酸酸地，唔辣的..但都幾好食...個雞煲我地叫左小辣，煲到中途明顯變辣，但也可接受....D雞肉好滑...亦都算多..但係我覺得個汁可以再濃止...而家略嫌稀左少少..但都有70分的...我覺得全晚至正係個麻辣豬頸肉，豬頸肉炸到脆身...無肥膩感.碟底亦唔多油..配合麻辣味...我拎左黎送左半碗飯..最後個蛋花蕃茄湯，本身覺得普普通通..都係家常菜..但係好好飲......下次一家要試佢個打邊爐....見到單張好底...好似百幾蚊就可以任打兩小時...…查看更多

之前已試過油麻地那間，已經覺得好好味...但因打左十次電話去都無人覆...唯有轉場...好彩有BOOK位，因為勁FULL....我地被安排坐近窗既大枱...都好闊落...我地叫左9大'鬼'...其實佢樣樣都好食...但最好食都係燒鵝、龍蝦伊麵同個焗蠔....超得！首先燒鵝皮薄肥膏唔厚，啱我...佢勁大隻鵝..啖啖肉...同埋我鍾意佢淋上面D醬油多....唔會太乾身..我朋友連個頭同頸都食埋....龍蝦佢按斤計...唔係隻隻計....所以侍應煮之前係魚缸拎左隻好大既龍蝦俾我驗貨先...佢隻龍蝦好多肉..又唔老..仲要個芝士麵超好食...多汁又有芝士味....好鬼怕個D自稱芝士龍蝦伊麵個D食完只係覺得食左個白汁伊麵...同埋好大盤...個窩貼鮮蝦小棠菜炸得金黃香脆，皮唔會太厚..咸度適中....砵酒焗桶蠔太好味.....蠔好大隻..炸到個邊有少少脆口....個醬汁濃度剛剛好包住每隻蠔...個中式牛柳(唔記得個名)...汁還好...但肉較難咬開...一般...黃金蝦按隻計...每隻都好大隻....我地叫左每人2隻..我連殼都食埋...因為佢好脆..同埋D蛋黃精粹係哂個殼到..個蜜椒西蘭花鱔球我就覺得麻麻地....因為我唔鍾意食爽口既鱔..我鍾意食類似日式燒鏝魚個種腍身...但汁是無問題的...其他大致上都有70分或以上.....我一定會再黎既！…查看更多

已在這間CAFE吃了數次，最記得第一次吃的時候，他們更送了一兩件蛋糕予我們..不太記得名稱..是桂花豆腐芝士蛋糕嗎？ANYWAY，我記得味道是不錯的....我覺得要在這位置經營一間有心的食店不易...畢竟地點不算就腳..要吸客就要有特色..見這店好有心想做一些不是普通貨色的咖啡...但價錢賣得過份貴又不行(雖然我覺得值的)...佩服老闆的膽色..哈哈這裡唯一我覺得不太好的是食物種類很少，可能因為舖頭面積不大的關係..很難又要兼顧又要煮野食...但我覺得加一些螺絲粉沙律啊或CAESAR SALAD啊也是可以考慮的...今次叫左意大利火腿碎蛋包....味道不錯...包的份量剛好...我跟朋友都叫了GREEN TEA LATTE...拉花好靚...所以一定要拍張照片留念...朋友懂少少拉花技巧，還教我數拉左幾多個圈...哈哈....入口好香綠茶味...但我覺得可以再甜少少....或許只靠明治奶的甜味確實不夠...喝到最後我望望杯底，仍然有個拉花樣...…查看更多

葵芳逢星期六日都非常多人，見這間餐廳不用等位就進去了...可能這間餐廳價格不算特別平，而葵芳又太多食肆...所以進去後發覺都不是太多人...但食物確實是不錯的..我們兩人叫了醬油鴨、麵根冬菇煲、生煎包及芫茜魚蓉豆腐羹...只可以說所有都80分以上...生煎包真的超好吃....皮薄，所以煎得香脆....裡面的肉球很大....好多肉...最重要的是爆汁的...救命...我現在一邊打食評還一邊流著口水呢！麵根冬菇煲，內裡有兩款麵根...(其實我不知另一款是不是也叫麵根)..一款軟身..一款硬身..同樣是好食入味..將汁料吸收哂..冬菇份量也很多...我們吃不完啊！因為所有食物都是重口味....當然要飲碗芫茜魚蓉豆腐羹清清腸胃....我們叫的不是一碗，是'例'..每人可飲兩碗..每碗都是滿滿的...材料很多...但味道清新...我亦好奇為何豆腐煮羹，但又不會爛...哈哈...另外，醬油鴨超入味，肉質腍身易入口，份量也不算少，每件都又大又厚身，啖啖肉....如果我個胃還有位置，一定要叫碗白飯，將所有汁醬掃清光..我一定要再來食生煎包啊！你要等我啊......…查看更多

因為假日關係，銅鑼灣真係周圍都無位，巧合地找到這間餐廳，事先看OPENRICE評價也升不錯，但因泰國餐廳那邊無位，職員安排我們坐日本餐廳那邊，原來兩間餐廳同一老闆！餐廳頗暗同非常凍，但職員落單快上菜都好快！首先講豬肉串燒，上碟時覺得很特別，因為糯米飯用藤織成的器皿盛載，跟豬肉串放得美美的，賣相不錯，但味道一般！因豬肉串很難咬開，要牙力夠好才行！飯原本無味，靠配的汁醬同吃才行，但配上的汁醬少得可憐，夠蘸豬肉串就不夠配飯了！另外豬軟骨生菜包，豬軟骨炸得香口，但有些酸酸的味道，後來才知應該有青檸汁在內，可能泰北菜關係...配料有花生、薑、乾蔥等.....味道特別...但都是那句'可一不可再'!生蝦刺身- 蝦算大隻，味道亦鮮甜....那碟海鮮濕炒河我覺得好好食，醬汁超多，每條河粉都有醬汁同吃，不會白雪雪....海鮮份量也不少...但我覺得河粉才是精粹，我希望河粉粉量多些，海鮮少些也不打緊！最後是咖哩牛腩，味道濃郁，牛腩非常入味加上那些牛筋肉身軟腍...超好吃的....汁醬蘸上碗邊的薄餅，確實是一個出色美食..奈何這間餐廳味道偏咸，而且食物質素參次.......嘗過一次便夠了....…查看更多