Koey1995的個人專頁

服務優良友善會傾吓偈，地方好坐，味道唔錯，份量也足，今次係食午餐，會再黎試試dinner💯侍應醒目，送餐快，有自助salad bar很方便。約會/一人/同朋友想搵安靜輕鬆環境的推介。…查看更多

本身開開心心high個tea，臨近晚市時間，因餐廳得我同家人一張枱，0提示下專登響我地打算打卡的時候（岩岩坐低影既2秒😀）立即熄燈！然後唯有夾硬黑蚊蚊影左一兩張相。發現後面近門口有個人影，以為係路人甲，就斯文地提示呢位好矮既男士可否讓開一個身位畀我地影一張相，佢無反應（當時我唔知佢係侍應），我提多一聲（大聲少少驚佢聽唔到），佢竟一句罵我「麻煩你態度好少少，你地要走啦喎我地做晚市」我O曬嘴，唔係我地唔肯走，係我地「由頭到尾」完全唔知有「落場」呢件事，呢到營業時間亦都冇寫，問過佢地佢地都只講左會轉menu同截order，並「冇話過要人走」，無端端係見我地得一枱就無提示下熄燈趕客都算，仲要係我以為佢聽唔到就屈我態度有問題（一黎就教訓個好開心影相既食客🥲🥲），真係好回憶都變黑名單！利申：我同家人兩人食野過程係完全冇麻煩過佢地冇同佢地交集亦冇得罪，所以我更加先至唔認得佢係職員囉😨😨😨一埋單走左行開，間野即刻開著返啲燈，解答街外人問menu啲野，真係唔知得閒得滯扮落場玩野定點啦🥺？？？？你間野整到天花龍鳳幾靚都冇用！請埋一班玩客既侍應仲要罵人的🥺🥺😭以後不幫襯也會叫曬所有識既人不好來光顧😀 我差啲直頭想call消委會呀😡😡😡😡😡😡😡…查看更多

因為工作原因，我長期都係響屋企食嘢，我每次都係經美食平台叫呢間餐廳嘅外賣，最意外驚喜嘅係，我每次嗌啲咩嘢食，全部都係好好食，售價親民合理，外賣啲水準都唔會變差，每次都要等一陣，因為佢哋應該係即刻整的，從味道方面就已經知道係有誠意。好食到我忍唔住一路食一路係要專登呢度打食評😂😂我分別食過晒佢嘅所有小食，今日就食豬肉飯，之前食過佢嘅牛肉飯，鰻魚飯等等，全部都係好好食，我自問挑剔，真係唔錯。…查看更多

同朋友飯聚，唔少人都話唐宮小聚好食，係時候試一試預早左幾日打去訂位先知booking都算full，所以大家如果想食記得預時間早d卜啦～去到餐廳環境幾好座位都舒適，周圍企企理理，有濕紙巾同手套預先提供方便食客。有個松露飯無影到相，但係好好味的…查看更多

天時暑熱，每每行過都會黎買杯台式飲品，唔算非常好飲但都不過不失。但好無奈，今日去到叫左杯宇治抹奶茶五分糖，換黎既甜度簡直媲美原味。飲完一啖實在飲唔到落去，拜託了可否換過杯3分糖。本身諗住唔得就算，但有幫我收返杯飲品，諗住佢地會幫忙換過杯，整野飲果位無戴眼鏡的女服務員黑曬面咁了大個杯口，倒左啲茶落去再換粗飲管落去就咁比返我。見佢咁唔情願，我都冇再多講拎走就算。味道係啖返少少，但最大問題係個開口大成咁，換條粗飲管落去都係無補於事，荃灣區假日咁多人，其實只要比人撞兩下個洞口已經足以令杯野倒瀉我全身。我唔知道pack過新一杯比我有幾難，甚至我寧願你唔換比我好過。呢次經驗令我對茶番極為失望，亦唔會再考慮光顧…查看更多

最近pancake盛行，朋友介紹下來到這間甜品店試試！門口有凳比食客排隊等候入座，記得要響門口張紙寫名同幾位排隊，等左兩三枱就入得，衛生都ok～一入座大大陣蛋香味pancake香味環繞～唾延三尺，拿拿聲就落單，至於招呼客人的薄荷水都唔錯，幾清新，好過平時出面的檸檬水。好快甜品就上，唔洗等好耐，pancake厚厚軟軟，一移動就有強勁的動L效果相當吸引～忌廉芝士味幾重但唔膩。另一款甘栗當然口感多層次啲，亦多一球雪糕點～…查看更多

同男朋友每次經過teawood，只要冇飽過龍都會忍唔住入來食返個士多啤梨蜜糖磚甜一甜～～😳😊對於情侶黎講呢款真係必點之選～一來環境幾好坐，二來一邊慢慢食都依然脆口又甜絲絲，一啖又一啖都唔覺膩😋😋每次食份量都岩岩好，又唔會食到最後冇曬雪糕同cream，食完都會滿足～同男朋友都一致覺得食完心情靚好多呢次係響綠揚店食，但食過咁多次，其實間間水準味道都差唔多，另外可以一提既係員工服務大多都親切，令人感覺幾好…查看更多

朋友介紹下帶左我黎cheesecake factory食蛋糕，黎到一開menu，嘩好多款蛋糕，花多眼亂為食既我點左咸焦糖芝士蛋糕，又咸又甜實食得過啦！之後朋友remind我話好大件，所以同我兩份share，一黎到，真係幾大個cake，兩人一件唔過份～一黎試一試個cream，真係驚喜，好香牛奶味，質感細滑又唔膩口！然後試試蛋糕，果然係我心目中既咸咸甜甜，好食又中和，食到我一啖又一啖停唔到口其他口味仲未食過但呢款絕對可以一人清一個哈哈…查看更多

小學食甜姨姨食到而家大個都仲食緊，水準依然～有日食緊必點既木桶豆腐花果陣見到格離食緊好大座多士～好大陣花生格仔餅味不過果陣時食完飯食埋甜品太飽食唔落～決定要再來試一試～同屋企人share食，感覺好似食緊奢侈豪華版格仔餅咁～掘空左麵包芯，入面放住烘脆左既骰仔面包咁，食極都好多醬，仲有花生雪糕好match嗚呀好濃味好正～～又凍又熱下次黎會再食～而且價錢都相比同類店平，幾抵食天后呢區有咁既質素同性價比係冇得輸…查看更多

聽朋友成日黎食，今日下午響附近終於過黎試一試～入到去店家招呼幾親切，又主動擔凳比我擺野、又問我要凍定熱水；落餐係用平板電腦感覺唔錯；因為約左人，等了十幾分鐘先落單，可能因為人唔多，所以店職員冇話我～拉麵來到，感覺可以再熱d會更好。味道夠，蛋有d細隻，但好食，大隻d就好啦因為我最喜歡食溏心蛋～叉燒較薄身，入口溶，唔錯～紫菜都幾大塊，可以分成兩塊更佳。餃子等左陣先黎，唔算大隻，但又脆又熱，味道唔錯算好食。…查看更多

同朋友行過見menu吸引就入去試試，下午七八點左右三個人唔洗等位，侍應表示個半鐘限時進餐。點餐後等左一陣先來餐湯和沙律，本人叫既係沙律，普通有啲菜咁，冇汁，正常。然後來了野飲，本人叫既係薑母抹茶。抹茶雖然飲到啲抹茶粉未攪勻哂，但落足料，夠甘味，薑味都好夠，幾好飲。跟住等左好一陣子，先來了焗野菌，一打開好大陣味散發出來，非常香，都好入味好正👍🏻👍🏻其他野食就唔叫好過，詳細睇相同描述吧👎🏻🤦🏻‍♀️🤦🏻‍♀️🤦🏻‍♀️…查看更多

一直見呢間店好評不多所以遲遲未試。行過正好係2點半下午茶時間又未食lunch...穩穩陣陣點左個中華冷面.好大碗仲送加州卷同飲品~唔知其他野食伏唔伏，至少呢個幾好食又彈牙，仲會好飽店員很好禮貌，野食都好快到，環境舒適。…查看更多

約8點鐘左右5人入座只等了5至10分鐘便有位，招待員講普通話，很有禮貌，入座時雖然係撘枱，但空間比唔撘枱既5人位置更大。 用餐時間限定個半鐘。5人都點左冰沙飲品之後點野食:結賬時每人只付$111，算幾抵食…查看更多

見肚餓便走入food court望下有乜食，唔想食扒又唔想食拉面之下見呢間店食物款式多賣相又唔錯，晚餐只約50蚊左右，便點了個黑欖肉乾木桶飯。48蚊仲送碗冬瓜湯，本人好淡口，個湯對我黎講咸左d但可以接受。飯的份量很多，大食既人食完都應該滿足。以晚餐來說，這價錢和質素真係非常唔錯，很滿意。…查看更多

今次係第3，4次黎，小妹既提早慶祝生日飯。魚就例牌一定叫因為超好味，今次叫埋乳豬雞煲食，一樣冇得頂。漁牧混豬:左邊抹茶醬味道淡，綽頭野中間乳豬醬右邊就似蜜糖芥末味雞煲好惹味好正…查看更多