dbmouse的個人專頁

漢堡包：大細同一般漢堡包差不多，唔係特別大或厚身，不過個包皮係軟熟幾好食嘅，但係入面塊牛肉炸到又扁又乾，仲要燶邊嘅，我哋叫芝士牛肉同雙層牛肉，2個包嘅牛肉都係咁乾咁柴，完全唔好食，個包呢個價錢係唔值得嘅Pizza：醬汁偏酸，洋蔥有少少苦澀味，辣肉腸無味而且一咬就化開，質感比m記新餐肉更鬆散，感覺好似啲合成下價肉咁奧良爾雞翼：口感明顯係白烚完再浸醬汁就算，雞翼入面完全無味，醬汁亦都唔香唔濃，而且都頗多油咖哩角唯一係好食，買到番去仲係脆口嘅我哋外賣自取，等咗差不多40分鐘先有得拎，堂食有一枱客，外賣機都見到係咁出單，明顯唔夠人做嘢。總結係：試完今次真係唔會有下次…查看更多

以前食過係幾好食，隔咗好幾年無食今日番去重溫，點知伏到一個頂點⋯3個人叫咗2碗麵加鍋貼，小籠包同抄手，飲品當然係門口部大大部懷舊豆腐機嘅豆漿啦～麵其實都無乜特別，係淋咗啲，都入得口嘅。至於豆漿，如果係飲開無糖嘅會覺得佢幾好，但我個人鐘意偏甜豆漿，所以覺得佢無味之餘仲有少少豆青味，不過都唔緊要，口味呢家野都好個人嘅，真正伏嘅係嗰幾款小食⋯個鍋貼啲皮厚到好似食緊餃子形狀嘅生煎包；小籠包又乾又實，超級市場買包急凍南翔小籠包都皮簿多汁過佢，嗰種實嘅程度燒似係食緊一粒有皮嘅肉丸；至於個抄手真係伏王！個皮嘅味好奇怪，啲餡又係勁實，辣油無辣油味。最好笑係，鍋貼，小籠包，抄手啲餡係一模一樣嘅⋯正當我哋諗會唔會連生煎包個餡其實都係一樣嘅時候，有幸見到對面枱叫咗嚟食，然後睇到⋯⋯原來真係一樣！聽到佢哋話個包面好硬😂仲用筷子敲咗2下咯咯聲😂😂😂總括嚟講，食麵係可以嘅，至於啲小食呢⋯勇者無懼可以一試咁囉…查看更多