vivian201的个人专页

完全唔明白喺觀塘食一個lunch要差唔多二百蚊，好食嘅話都話姐，問題係又貴又唔好食……Lunch menu好多都好貴，已經叫做揀咗個中規中矩價錢嘅～都冇咩期望但求不過不失，原來都咗難🤣只係炸豬排都可以整得咁難食？？？好厚好實好難咬，唯一叫好小小係啲炸粉牌子應該幾好，彌補咗舊豬排嘅味道同口感～但最後都係食剩兩舊咬都咬唔到就放棄咗，食咗個寂寞咁幾十蚊嘅話我可能都唔會特登打食評，但成二百蚊真係要俾返個真實食評依間貴店😕同埋要讚下服務幾好（緊係啦，有俾埋加一☺️）…查看更多

見新開有胡椒豬肚湯都幾特別就試下啦加咗個手撕雞個手撕雞食咗兩啖後就覺得啲肉質同味道都好怪好似「縮縮地」咁但我知佢唔係唔新鮮個種只係依個味真係唔識欣賞諗住擺落拉麵個湯到會好啲個拉麵仲加錢揀咗個酸香湯底一試個湯底真係永世難忘🥲然後已經果斷放棄咗 直接就咁食個手撕雞總括而言 稍為好食只有煎餃🥹🥹✨✨✨✨✨胡椒豬肚湯永樂麵🍜評分：0/10元氣手撕雞評分：1/10煎餃🥟評分：4/10✨✨✨✨✨…查看更多

依間野新開張時係幾好的，雖然貴，但食物質素 衛生等都好好，隔左成年，終於知點解門口無左條龍！！為大家介紹茶餐 $48 肉醬一層麵相信全香港只有依間有。黎到既時候我同朋友即刻啞左 然後我兩啖吃完 個一層硬到呢 從未試過咁快食完一碟野 而且係唔好食！仲比我發現碟邊有D咖哩跡而待應就淨係上菜 唔會比餐具你架可能我要好似加菲貓咁食千層麵啦 呀 唔係 係一層麵總捨而言，唔！會！再！黎！吃！灣仔是有更多好過佢既選擇 無謂吃唔飽又一肚氣。…查看更多

本身係門口望左一眼 店員就即刻出黎介紹入左去果然係無失望 本身打算係行去食南記 好彩入左黎食姐環境好舒適 裝修好新 應該係開左唔太耐但野食水準真係好掂我叫左個豬扒叻沙米線湯底配米線真係好正 如果豬扒可以分開上就更好 不過都唔會話好淋依度連杯凍檸茶都好飲過出面連續聽到隔離兩台人都讚野食好好味有一台仲食食下個簿餅話好食再叫多左個我係心底讚之餘就上黎讚埋一份啦我諗依度中午食飯應該好多人 但我因爲係5點先去食下午茶 就完全超舒服咁食最難得係佢既服務 完全係香港見唔到架喇店員超級有禮貌 要知道係香港食野基本上無加一無服務 有加一都唔代表有服務所以依間令我覺得自己唔係身處香港 哈哈！推介 非打手 只有好好同好差我先會上黎留食評 依間就絕對係好好之列再去開北角天后都一定會再食依間…查看更多

星期六中午時間去，店內已經逼滿客人，大多都係梅窩人，好似得我同友人係遊客，咁都知依間應該唔會點伏同同行友人叫左個豬扒炒烏冬，同五香肉丁公仔面，奶茶。炒烏冬都唔錯，烏冬滑，但如果豬扒薄d再正d五香肉丁面都幾好味，面煮得好好味，但肉丁比起平時食既有d咸而奶茶都係好味既無論係熱定凍，無得彈依度既裝潢好懷舊，屋企附近以前都有類似既茶記小店，但無再做落去，所以真係好希望依類咁有風味既茶記小店能夠一直保存落去！下次黎梅窩都會再黎依間，會試下餐牌上既餐蛋面同公司三文治，好似都唔錯咁…查看更多

我係因為琴晚食完決心要開個ac寫篇真實既食評，亦並唔係打手。其實兩年前已經去左番本放題，又係見咁多like就去試，結果一啲都唔好食！依家又多間築地番本放題，又係同樣情況，我好懷疑哩兩間番本啲like係點黎？？首先，又有得食蒸氣鍋又有得食放題，賣點係幾唔錯，因為我冇食過其他地方既蒸氣鍋，尚且唔能夠評論太多，只係依舊成舊磚咁既肉係咩一回事？同埋2個人去想個蒸氣鍋相當細，每次蒸得啲咩？蒸蒸下都冇咩耐性了。。。其次，放題方面，魚生有粒蚊係咩事？見到之後已經唔敢再叫多round魚生。跟住有啲熟食已經算ok架喇，對味蕾好有衝擊，食完淡矛矛既蒸氣鍋再食翻啲煮得咁咸既野食，係別有一番風味既！跟住要講既就係佢既蜆係我食過最細隻既蜆，但又好神奇可以有好多沙有沙唔出奇，但係啲蜆真係相當唔足月 我食緊啲咩？！唯一可讚既地方係佢既服務係好好，但坦白講完全彌補唔到食物既質素。係意見書寫唔晒我既意見，但希望番本老細改善下食物質素多過走去淘啲like番黎(唔知係咪淘，但真係十萬個唔明白你啲like點黎？)其實係香港食野，得過且過，我都廢時走去寫食評，只係好睇唔過眼依個番本集團！希望大家唔好再比佢既正評欺騙！完。…查看更多