朋友生日諗住食好西，諗左好耐食咩，之前尖沙咀食過呢間，食西班牙菜好高質，就再encore.原來銅鑼灣舖既menu係唔同啲，佢有唔同既套餐可以叫除左個套餐外，仲額外點左個香蒜炙燒海膽盒配蒜蓉包 $159一送上黎估唔到係成餅海膽，好豐富。仲聞到好香火炙海膽味，個size 岩岩好放上蒜蓉包上面，食落好香濃，有小小個椒既辣味，但又唔會搶到海膽既鮮味。之後加$35左杯Sangria, 飲落好清爽同淡淡既紅酒味，重點入面啲水果唔酸，唔會影響杯野既味道。套餐既Tapas 揀咗西班牙芝士牛肉大啡菇，送到上嚟好香芝士味，一咬落去個大啡菇超多汁再配上入面啲牛肉唔會好韌，呢個係必食！Soup: 海鮮湯。飲落好香濃既海鮮味，每啖都會可以食到唔同既海鮮，仲要唔細粒。Main: 白酒煮法國蠔配特級牛肉濃湯飯。 朋友見到即刻影相打卡，個擺設好特別。個牛肉飯好香牛肉味，就算冇牛肉淨係食個飯都有牛肉味同好香濃嘅洋蔥味。而個蠔湯入面好足料起碼有成around 9-10 隻蠔，飲落淡淡既白酒味加上蠔湯，味道好豐富。我個人中意食一啖飯再配一啖湯意外地唔搶味，好夾值得一試。最後個甜品係無花果脆批配雪糕， 無花果配上酥皮熱辣辣加上雲呢拿雪糕凍冰冰，冷暖交融，最正係唔會太甜，為呢餐生日飯打上完美句號。…查看更多
