Muimuibaby的个人专页

呢間野真係癡線。年二九十二點入去食，明明仲有早餐，但又唔俾個餐牌我。俾個節日特別餐牌，樣樣加十蚊。再問佢就話都可以叫早餐，但要快。叫早餐A6，有個蕃茄湯通粉。個男侍應就話冇通粉。咁問佢有咩可以轉，佢又攞個餐牌過黎，話得米粉，淮山麵。蕃茄湯米粉已經夠怪，但諗住算鬼叫自己咁晏叫早餐。同個男侍應話米粉okay，佢企响度唔走，又唔出聲，唔知佢做乜。首先黎個多士，見到都覺得好一般。隻蛋煎得好樣衰，但同多士食得落口。三文魚啞色嘅，又唔太凍。唔敢食，怕肚痛。跟住，佢地放低咗碗白色嘅麵。米粉係白色但我冇諗過連蕃茄湯都係白色。個女侍應就話蕃茄湯賣晒，可能同事冇同你講，係得豬骨湯冇其他嘢可以轉！佢係有道歉，同埋錯不在佢。咁我都算照食。但碗粉真係好樣衰，亦都好難食。屋企求其煮都好食嗰佢。劣質茶餐廳質素扮西餐廳收$5X再加一呢下真係接受唔到。俾錢走人。年尾流流開開心之食啲咁嘅野好侮辱！仲要食剩咁多好折墮。希望其他人都唔好墮入惡道。…查看更多

放假，同屋企人去food court食嘢。不過自己又唔肚餓。好衰唔衰，聞到雞蛋仔味，一時口痕，點知就中伏。當時冇人等，落完單好快就有得食。但食第一啖，首先係一種好假嘅甜味。然後係覺得好淋，一啲都唔香，唔脆，食到個心仲濕濕地咁。都唔知熟透未。食完一粒，已經忍唔住同屋企人講好難食。都見到個粉漿上邊係有啲啡色一點點，相信嗰啲係伯爵茶粉。但又唔知點解食落去啲茶味又冇乜，反而好大陣香精味。可能係啲材料問題🤷🏻‍♀️雞蛋仔嘅嘢，難食極有個譜。個味唔好，如果口感搭夠，應該都OK嘅。可惜呢間係兩樣都冇。食底雞蛋仔，廿幾三十蚊係市價，本身都冇乜期望，亦冇諗過要寫食評。不過真係越食越頂唔順，先忍唔住影張相。食咗幾粒就放棄，無謂浪費自己quota。…查看更多

好日都唔會去西營盤食飯，難得去開呢頭食飯，食完就揾糖水食。水街下底嗰間食過幾次，响Openrice揾到呢間芋圓就撐上去斜路頂試下。雖然大熱天時，同朋友兩個都係叫熱嘅食。我嗰碗紅棗桂圓清心丸芋圓真係好普通，水多料少，每樣得幾粒，$45完全唔吸引，仲要個水唔多好味。咩台灣古早味又真係吹得太大。平時食嘢冇影相習慣有啲後悔唔影低加入呢個食評度。可能食凍野食冰類會好食啲。如果你食過响太子嗰間芋圓，相信你都唔會再去呢間，價錢同質素都冇得比。…查看更多

簡中會經過太子，但從來未經過餅店附近。尋日第一次發現呢間舊式餅店，立即被放滿店外的餅點吸引！有香蕉糕，芝麻卷，又有蛋卷，鳳凰卷，仲有雞蛋糕，乜都想試。睇完一大輪，最後超愛食鳳凰卷嘅我，買了一盒來試食。價錢唔平，要$30得12定14舊。食開的中國貨則是$12有8舊。但Made in HK呢個絕對係賣點，值回票價。鳳凰卷好脆，用料好足。好多芝麻沙糖，食下一舊食下又一舊，一日KO晒一盒。會再返去Encore！下次一定要試埋芝麻餅香蛋卷！…查看更多

朋友食飯見面，朋友揀左呢間泰國菜。環境ok，野食一般，冇乜特別。串燒牛豬都唔好食，咸到苦 但由打電話book位到confirm booking到招呼落order，都有一位好chur嘅阿姐。Book位時話只可以食兩個鐘，ok清楚明白。Reconfirm booking又係佢，佢提醒book嗰陣已經同講左只可以食兩個鐘。到入坐嗰陣又再講一次！！我地去食餐飯啫俾佢搞到好tense。到落Order，我地有我地叫，佢有佢不停咁問食唔食海鮮，飲唔飲野，chur到我地本來想飲都變唔想飲。最後我地食左兩個鐘，仲有枱，佢地亦都冇迫我地走，但我地都係坐多左十分鐘就埋單。一睇張單見到收左一項唔知乜野，問佢佢就話係枱面嗰5兜醬。應該係10蚊位。我地冇睇清楚餐牌，所以唔肯定有冇寫。但泰菜要收醬料錢就真係第一次見。通常叫串燒食，沙爹醬會跟串燒一齊上。但佢地係啲醬坐低時已經響枱面。而五款醬我地亦只係用過沙爹醬。分享呢個收費純粹係俾大家做reference。…查看更多

一向食開同屋苑另一間舊式上海菜。一次偶然聽到身邊朋友話四期樓上都有一間上海菜可以一試，今日過美開孚就揀左呢間食lunch。對於唔係區內人嘅我地，呢間店嘅位置係唔易揾。響平台轉左一個圈先揾到，先發現樓下商場二樓係有樓梯通往三樓入口，但位置一樣隱蔽。五個人點左幾個菜同點心，真係冇一樣好食過老店。但招呼，環境，衛生比老店好。試下新野無防，但下次應該會揀老店了。…查看更多