foreverpet的个人专页

早前食左同棟的顏府非常出色，見到月下酌做緊半價 promotion 所以一試。一開 lift 門，一張貌似結婚簽到果d長枱就頂住左窄窄的走廊，要好迫咁步入餐廳。部長 serve 我地坐低，但我比張枱頂住隻腳，望一望竟然係淘寶款升降茶几果d手柄，部長只係叫我坐過一格。。。我真係未見過 fine dining 會用升降枱。好明顯呢度似酒吧劈場，無疫情時做完晚巿較低張枱，立即變酒吧亦得，得左！再來到 service，呢個價位真係唔會 expect 一張 out focus 的menu 放入 iPad 比客睇. 睇得辛苦，選擇又不多，期間部長多次催促落單。我們兩人相對而坐，而餐碟偏長形，部長上菜時卻會專登豎放? 令觀感非常突兀，說好的 fine dining 呢？食物方面，不過不失，食得出食材係冰鮮貨。招牌素叉燒唔好食，浪費 quota. 呢個價錢呢個質素呢個服務，半價左都嫌貴！…查看更多

見到有外賣快取，menu 同圖片都好吸引，就叫左個鮑魚肉燥燴飯，盛惠$90. 有可能係最貴的外賣。點知見到佢拎起個外賣碗盛白飯 心已經一沉。。。然後佢同$30台灣店一樣咁加了幾匙所謂的肉燥，同一小隻鮑魚。。。賣相零。。味道。。。個肉燥係無味 ge, 台灣小店應該比它好吃。鮑魚不過不失，但點都唔值 $90...只能講中了超大的伏。。。。…查看更多

本身想食一風堂, 但要等 30張台, 於是過左隔離只要等 2張的羅麥記. 圖片好吸引, 但係佢漏單...左右隔離都食完, 我地叫的都仲未到.催完可能hea做, 叫左個叉燒炒飯, 來到個飯濕身, 無味. 叉燒粒少到可以數得到. 黃咖喱大頭蝦撈丁, 面唔係出前一丁, 淋身, 無咬口. 咖喱還咖喱, 面還面, 完全唔入味. 大頭蝦都是無味架!!!! 怎麼可能?! 難度分 10分!垃圾到爆....永不再食!!!! D waiters 仲要完全無歉意, 唔好意思都無一句! 埋單 $180, 2碟劣食, 1杯波蘿冰…查看更多

係昭隆街做完運動, 懶得行去利源東街(超多好野食), 就求其去左呢間買左個米線, 結果中了大伏!!!! 無諗到一街之隔可以爭咁遠!!!個米線好似未煮熟, 浸極個芯都係硬的!!! 個墨丸講到好勁, 咩自家制乜乜乜, 點知無味, 蟹籽丸都係! 唯一食得落肚的係酸菜. 我唔知呢個食評可以點樣寫夠二百字, 因為實在難食到乏善足陳, 甚至有衝動打返去問點解個米線唔熟都夠膽送出街? 奉勸各位認住佢, 千祈唔好去買車仔面...永遠句號無下次.…查看更多