echoll29的个人专页

去挪亞方舟玩完之後中午就去左呢間餐廳食飯，夜晚有自助餐，但中午無，只可以單點野食，憑門票可以打8折，折完之後平均一個餐80左右，其實都算可以。叫左個喇沙，芝士焗飯同埋兒童套餐，味道都唔錯，不過等得比較耐，喇沙好夠味，湯好飲，焗飯芝士味同奶味都好濃，兒童套餐用個飛機餐具裝住，啱曬小朋友，而且會配杯雪糕，用餐體驗唔錯。…查看更多

中午食飯嘅時候真係好多人排隊，次次經過都俾佢地嘅芝士汁撈公仔麵吸引，好多芝士鋪喺麵上邊，睇落好好味，所以就專登去試一下。叫左個配雞扒，芝士其實係幾多嘅，塊扒都算大，蛋都炒得幾滑，d芝士汁同d麵撈埋一齊好好味，啱曬芝士控。…查看更多

炮台山比較出名嘅一間茶餐廳，成日都好多人排隊，於是去試一下。中午都有唔少套餐可以選擇，試左番茄牛肉通粉、豬柳烏冬、牛肉漢堡配滑蛋飯，通粉同烏冬都有再配牛角包同炒蛋，分量都幾大其實，而且蛋炒得好滑。通粉唔錯，不過烏冬就麻麻，可能豬柳本身就有d硬，番茄通粉同滑蛋飯都唔錯，唔怪之得成日都咁多人。…查看更多

成日經過都見到有好多人排隊，所以去試一下。中午去有午市套餐可以選擇，試左滷肉飯、牛肉麵、拌麵、芋泥肉鬆卷餅同埋滷肉A菜，我覺得除左拌麵同埋芋泥肉鬆卷餅味道還好之外，其他都比較一般，滷肉飯d肉比較硬，牛肉麵分量好少，配嘅飲品都好淡，總體麻麻。…查看更多

星期日10點幾去到，基本滿座，坐低之後就發覺開始要等位了。個場其實都算大，不過d檯比較密，空氣唔係好流通。我地總共7個大人9個小朋友，坐最大嘅臺唔夠坐。第一round點嘅時候上得比較快，不過後邊可能人逐漸多，上得就比較慢了，勝在比較抵食，而且味道都可以，推薦芒果布甸，排骨，牛仔骨同雞扎，分量都幾大，會再來。…查看更多

星期日中午12點多d去到，要等位，不過都好快，入邊其實唔大，好似就十張檯左右，唔可以超過90分鐘，不過其實上得快半個鐘都可以我地兩大兩細，叫左7樣野，味道都唔錯，中意蝦多士同埋千層糕，蝦多士中間全部都係蝦，啱啱整好熱辣辣，好鬆脆，千層糕好大一件，唔太甜，小朋友中意。…查看更多

星期六去赤柱玩，專登去試下。就喺路口邊，大排檔風格，比較容易搵，好多人喺入邊食早餐。叫左個豬扒包同菠蘿油，等得比較耐，可能因為即叫即整。啱啱出爐，熱辣辣，所以好好味，包好鬆脆，餡都ok，可以一試。…查看更多

Klook做緊下午茶買一送一，所以比較多人。除左套餐入邊嘅野，仲有自助部分，主要係餅乾同朱古力，我覺得自助部分嘅野仲好食過套餐入邊，雖然品種唔多，但味道唔錯。至於套餐部分，我覺得比較適合影相，因為擺得幾靚，味道方面除左scone同氣泡茶比較好之外，其他就無咩特別，買一送一可以試一下，正價嘅話就真係唔係好抵了。…查看更多

赤柱著名影相地方之一，黃色嘅外墻，坐樓上可以選擇坐陽台，天氣好嘅時候的確舒服。食物價錢唔算好貴，中午來食叫左三個brunch，不過呢度嘅brunch無配飲品。試左牛扒配雙蛋，全餐同埋麥片，其實分量都算幾大，味道還可以，可以一試。…查看更多

平時經過都好多人排隊，所以來試下係唔係甘好食。叫左肉骨茶拼海南雞，喇沙，串燒雞同埋蝦膏通菜。喇沙真係好味，唔辣，湯底有好濃嘅椰汁味，而且料都幾多，配左杯拉茶，味道偏甜。肉骨茶感覺同喺新加坡食嘅味道唔係好一樣，不過料都算足，海南雞分量還可以，配左杯話梅汁，味道清爽。串燒雞都幾大串，味道都唔錯。蝦膏通菜，呢個係最一般的，唔覺有蝦膏味，可以唔試或者試其他整法。…查看更多

唔知係唔係知道就來通關，平時中午經過唔係好多人嘅九記勁多人排隊，一開門就滿座，而且仲陸續有人來，我外賣叫左碗咖喱牛腩伊麵，等得都幾快。碗麵分量就真係唔大了，不過味道真係唔錯，牛腩同面非常入味，而且牛腩好林，就係價錢比較貴…查看更多

用 APP兌換左一張咖啡券，45蚊可以換杯8oz或12oz嘅熱飲，於是去試左杯西班牙拿鐵，味道唔算好特別，而且可能要自己攪一攪先飲，因為飲到最後比較甜，不過個拉花幾靚。…查看更多

每次經過紅車厘都忍唔住入去買拿破崙，9蚊兩塊，味道唔錯，性價比極高。除左拿破崙，間野仲有傳統麵包、切件蛋糕、曲奇、蛋撻等，d切件蛋糕睇落都幾大件，好似幾好食甘，下次要試下。…查看更多

隱於鬧市嘅麵包店-Happy Roller，蛋糕卷真係非常正，試過開心果同朱古力花生麻薯，開心果真係好濃嘅開心果味，而且有粒粒，朱古力花生麻薯都係，花生味濃郁，夾住花生粒同朱古力cream，真係好正。間野仲有傳統麵包賣，價錢都唔貴，下次買來試一下。…查看更多

之前有人介紹加利年餅屋，專登去試下，買左皮蛋酥、菠蘿油同埋花生包，勁推薦皮蛋酥啊，入邊有小小姜，而且真係有d流心，唔太甜，非常好味，菠蘿包好特別，三個小球癡埋一齊，花生包除左花生醬之外仲有d花生粒，非常唔錯。…查看更多