紫貓的个人专页

西貢店已經幫襯過N咁次，每次食完都令我開心又滿足，一塊24吋pizza，一個悠閒既週未，吃著吃著，說著說著…咁就滿足了，平時黎幫襯都會買2件24吋pizza同男友一齊食，再唔係就加個千層闊麵，但今次襯住母親節就去買一大盒最大size既pizza外賣返屋企慶祝，哈哈~見住男友兩隻手捧住黎行，真係好論盡呢，拎到返屋企成個pizza仲熱辣辣架，我最愛就係咬落去食到啖啖既芝士同辣肉腸，加上佢地用既蕃茄醬，將兩種簡單既配料變得口感豐富起黎，真係好滋味呢…其實店入面既各款pizza我都嘗試過，但始終覺得呢款簡單配料既最岩我1]個盒好大啊辛苦晒你囉隻麻雀變得幾細粒…查看更多

自已本身好鍾意食韓燒，由於無黎漢和半年有多，所以佢幾時加價我地都唔知？以前係128+10%，食兩個鐘，同男友去既o個日我地6點半鐘入座，一黎去就同我地講，$158+10%，食個半鐘，心諗:下！？加左$30蚊仲要cut短埋時間？ok~都夠晒時間食既，一坐底就梗係去拎三文魚刺身食喇，跟住就係一碟二碟既生，熟食物，本來食得開開心心，點知！七點鐘左右，有個員工行埋黎同我地講，佢問我地":你地仲燒唔燒架？下！？我答:塊鐵板仲燒緊七，八件野，而且我黎無耐咋喎，妳唔係想話我咁快食完就走啊？跟住個員工咩都唔講走左去，去到七點二十分左右又黎問，今次話:你地有冇興趣想係七點半前埋單啊？平廿蚊架喎！我話:無興趣啊！同埋可唔可以俾我食得舒服少少，唔好黎煩我啊？跟住去七點半，佢又走埋黎同我地同埋隔離張檯既人講‘唔好意思，夠鐘喇，要埋單喇，嘩！！呢次真係火都黎，我同男友一齊開火，我地話‘食一個鐘唔夠就俾你地煩足三次，我地唔係半價入黎食架，你當d客係狗咩？趕得就趕！我八點先夠鐘埋單走人，你依家同我講叫我埋單，你check清楚入座o個張紙先喇…不知所謂，跟住其他檯所有人一齊大鬧佢地d員工，話佢地未食完仲燒緊野，只係停底吹兩句水，跟住就俾人收晒d仲有食物既碟，筷子...你叫人點食啊？嘈左一陣都無人行埋黎解釋，所有員工散得就散，最不知所謂既係去到我地自已嗌埋單o個陣，個經理竟然叫個洗碗既黎幫我地埋，其他檯都係咁，驚俾客鬧就單都唔敢埋，真係火滾，唔駛再有下次…查看更多

本身我自已真係好鍾意食甜品，但過甜的話，我就怕怕喇，每次見到d靚到好似藝術品既甜品，我都總係忍唔住買黎試，係九龍城Gioia by Chi 確實做得不錯，呢度既服務員亦都抵讚，每件cake佢地都清楚裡面既用料，我每件cake都問過，佢真係全部都答到，連甜度都話我知屬於咩程度，真係抵讚，有機會你地都試下…查看更多

呢日咁岩經過‘老佛爺’銅鑼灣既分店，之前想試佢既甜品好耐架喇，但每次經過都係咁岩食到好飽，搞到食唔落，連甜品都吞唔落既，o個日既我必定食得過飽haha…呢日經過，我又係食做到好飽，但擺甜品既胃我仲有位可以塞得落，所以就堂食買一件黎試，甜度剛剛好，蛋糕做得好鬆軟，食完成件都覺未夠喉，想黎多件，但耐何我想試既另一件又賣晒，所以唯有留待下次再試喇，不過佢地既服務真係有待改善，好白鴿眼香港人，但對住老外就鬼咁好笑容，眼見佢地對住買cake既客，毫無笑容，，招呼都無句，欠缺左d親切感，希望下次去o個陣情況會改善la朱古力迷既我，當然會買呢件喇…查看更多

今次係第二次係團購網買佢地既產品，仲記得上一次係銅鑼灣分店拎o個陣，店員無俾到佢地o個兩把好可愛既餐具我，返到屋企先知，激鬼死，佢地既芝士cake係屬於凍餅類型，一定要凍食先得，唔係就會溶架啦，上次試過情人限定酒味芝士餅，今次就試里約熱內盧藍莓芝士蛋糕，兩者我會揀今次呢個較為岩我口味，平時我唔鍾意食藍莓架，但呢個里約熱內盧藍莓芝士蛋糕既藍莓醬真係好醒胃，好味囉，平時一個M size既CAKE要兩百幾蚊一個，但團購價只係原價既一半就買到黎食，確實抵買，如果唔係團購，用原價既價錢去買既，我又未必會買囉，咁既價錢仲有好多好食既cake店俾我揀嘛，嘻嘻好鍾意呢套餐具，今次終於儲到喇好吸引…查看更多

呢次係我第一次去Outback Steakhouse 度食晚餐，之前見到好多食評都讚味道不錯，所以都期待…點知我同男友叫左四樣野，炸磨菇，最出名既炸洋蔥花，豬脊骨，安格斯肉眼扒.一黎就會上呢個包，之前見好多人讚話好好味，講真咪係一個普通包:(全晚唯一覺得OK好食既就係呢個炸磨菇，咬落去好juice，唔會太乾身炸洋蔥圈花，係佢地最出名既招牌美食，結果…食兩條已經覺得好油，好濟，同埋炸到乾晒，D油味好似用左萬年油黎炸咁而豬脊骨，個人覺得意粉屋都整得好食過佢，上面層汁好似求其搽上去咁，完全唔入味，D肉又鞋全晚令人最失望亦令我決定永不再幫襯既原因，就係原來二百幾蚊既所謂安格斯肉眼扒仲差過我係快餐店度据個扒，D肉‘鞋到飛起’又UN又乾搞到每食一舊就要飲灌水咁吞，真係不知所謂…係大家樂食塊幾十蚊既錢板餐西冷扒或肉眼扒都好味過佢多多聲…真係搵鬼笨，兩百幾蚊食塊咁既野，你話點會仲敢有下次？…查看更多

同男友兩個人訂左6:45去食、一坐底我地就即刻落單叫刺身…嘻嘻~~當然要食番D回本野先喇鍾意呢度有黃金墨魚刺身提供、但味道就偏鹹…貝柱刺身就唔太新鮮、其實既三文魚、甜蝦、仿鮑魚片都OK而壽司卷物果方面佢地都做得唔錯、不過海膽手卷就有D搵笨囉…成舊手卷得果DD咁多海膽、擺左落口都唔覺,,炸物方面就叫左'汁燒牛舌'同'雞腎'黎食、味道冇乜特別、其他仲有天婦羅之類、我就覺得食唔食都擺…點左碟炸軟殼蟹黎食都係覺得唔得囉、好厚粉之餘、仲要好霉、NO GOOD而甜品方面點左個芝士年糕同紅豆涼粉…前者味道好怪、完全食唔到芝士味、食到成口粉、而紅豆涼粉就更加水滾滾唔知咩味…總括黎講今餐既食物質數都係剛岩合格…不過以$148加一既價黎評論的話就絕對唔值囉…查看更多

幫襯過兩次、兩次都能我再三回味、大大塊24吋pizza夠晒滿足、佢地用料新鮮、啖啖滋味、不過我都會建議大家選擇堂食較好、事關凍左之後味道同堂食果種熱辣辣既味道真係相差好遠哩…查看更多

是日夜晚係我同男友既紀念日、我同男友都偏愛食日式放題慶祝D特別日子既、今次就揀左呢間'鍋一燒'食放題慶祝,,佢地既放題分開兩個價錢: $138 同$188兩個價錢俾人客選擇、食物包括有刺身, 火鍋, 燒物...呢間放題係無點菜紙提供俾人點菜架..要點菜既話就要叫侍應幫你落單、但由於係食放題、如果要侍應企係你面前、用手寫你要既野食、其實真係好麻煩兼浪費時間..OK搞左幾分鐘個侍應先寫晒我地要點既菜、而我地就當然坐係度等食架啦、點知等左幾個字先上4件壽司、而我地叫左幾樣火鍋配料連火鍋既醬油就遲遲未上’催左佢地兩次先等到D火鍋配料、但個醬油就催極都冇影…每次催親佢地、佢地既反應都係‘好啊~我幫你跟跟……跟丫跟…跟極都唔見果兩碟醬油呢…至於其他既刺身炸物..又係要三催四請先上…嘩…~~!!成個鐘頭淨係不斷催佢地漏單都唔知幾多次…真係食到成肚火.成晚都唔知食左幾多野落肚、.唔出聲就側側膊, 唔多覺. 而且食物味道一般..係旺角呢個競爭咁激烈的地方, 咁既服務態度和食物質數絕不可接受.呢間野真係請我都唔會再去食多次啊…查看更多

其實之前係某板長分店食過幾次壽司、但係都係覺得味道普通、價錢又偏貴、所以都有好一段時間冇再幫襯佢地LU、最近佢地係馬鞍山開左間分店、每次經過都見到人龍不斷、人氣非常、咁岩呢次經過既時間正直晏晝點零兩點既時間、呢段時間剛好冇乜人排隊、而我又好想食壽司、所以就入左去食喇、一行三人食左五百幾蚊、ORDER左好多碟壽司…碟碟都令我回味無窮…魚生真係好新鮮、飯既醋味又剛剛好、飯質軟硬又剛好、呢個午餐食得我地又開心又滿足、下次必定再幫襯過既:)…查看更多

大家有冇試過mochi sweets佢地既日式糯米滋啊？我買左兩種味道黎試、分別係抹茶同酸奶芒果慕絲味、整體黎講味道麻麻地、而且仲有一陣UP UP地既味道、本以為可能係個抹茶味既問題、點知食埋個酸奶芒果慕絲味就知原來真係佢地既MOCHI有陣UP味..打晒折扣囉><講真真係唔值咁貴一粒囉…查看更多

呢晚一行七人圍住卡位黎坐、感覺好舒服:)、我地當晚都叫左幾多野黎食架、整體黎講食物既味道真係唔錯架、唯一不大滿意既就係‘蟹子沙律’沙律上到黎出左D 水、令到成碟沙律冇晒沙律醬味、都幾敗筆…查看更多

尋晚一行六人去左元氣食壽司、本來係件愉快既事件、食飽喇~大家拎起張單諗住計下總共食左幾多錢、然後除番6個人頭夾錢、點知唔計由自可、一計大家就把鬼火!!!!!~計出黎既總數係$14xx、 check番張單就發現有成十幾碟壽司order左但最後根本冇上過檯既都被計埋落張單裡面,好彩我地不嬲習慣出街食飯一定會影底美食既相片姐、今次就係靠呢幾張相同佢地拗咋、唔係真係有排嘈囉,,果十幾碟我地梗係除消埋唔要喇、個經理幫我地除消左之後,,我地再拎張單計過總數,,發現之前佢地計多左我地三百幾蚊囉、即係如果當初我地唔check就咁計左個總數夾番錢的話、我地就會被人呃左三百幾蚊囉... 成件事上面佢地一句"sorry~唔好意思都冇,,作為消費者真係好失望...…查看更多