foodmap.ltc的个人专页

去完會展睇展覽，諗住係灣仔搵食😀無意發現依間漢堡包小店😆成間店舖綠色好搶眼，門面好細，得幾張枱，點知原來樓上仲有一層🤣🍴 經典漢堡 $75📝評分: 7/10一睇個橫切面就知好多材料係入面，而且顏色好豐富，增加食慾🤭雖然係最平嘅一個漢堡，但一d都唔馬虎。酸種麵包烘過表面微脆，而且帶有牛油香😁漢堡牛肉雖有小小鬆散，但肉味幾濃亦有肉汁，配上洋蔥、青瓜、蕃茄，菜等配料，豐富得黎都幾好食😬🍴 松露醬漢堡 $115📝評分: 9/10松露醬漢堡嘅麵包一樣係烘過，表面微脆，配上6安士嘅安格斯牛腩肉、芝士、炒本菇，蕃茄，菜同松露醬mix埋一齊，成件事就禁形容都知有幾豐富😊 松露醬味道好突出，所以食落好滿足，不過去到尾段就覺得有少少膩了😂 但值得推介俾鐘意食松露同菇嘅朋友👍🏻🍴 脆薯條 $35📝評分: 7/10有四款醬汁可以簡: BBQ 醬/ 蜜糖芥末醬/黑胡椒醬/香料粉今次簡左蜜糖芥末醬，味道正正常常，薯條形狀比較粗身，口感比較厚實，而且新鮮炸起，所以熱辣辣好香好脆☺️整體來講，下次經過灣仔會想再去，份量都多，漢堡質素亦唔錯😬…查看更多

元朗好食嘅糖水鋪依家真係買少見少，今日介紹依間甜品鋪係我定期都幫襯下嘅。而依個冰烤紫薯系列就係我至愛☺️三款甜品配料大致差唔多，一樣有紫薯雪糕同黑糖水晶，最唔同係個底，分別有仙草、豆花同愛玉🤭今日就食左其中兩款:🍴 仙草紫草園（$40）📝評分: 8/10個人最鍾意配仙草底🙂先讚個紫薯雪糕，食到粒粒紫薯肉，唔係好假個隻紫薯味，個人鍾意雪糕呈半溶狀態，配埋黑糖水晶同紅豆，成碗野撈埋好有咬口好好食🤤🍴 豆花紫花園（$40）📝評分: 7/10而豆花底就冇仙草底禁有咬口，但豆花整體算滑🙂配埋紫米芋圓一樣好食！不過今次食嘅芋圓偏軟身，如果稍微有返小小咬口就更好🤭…查看更多

經過見到門面好靚，決定入去試一試😂The pizza project都係同Pici同屬Pirata group，所以menu上都會出現Tasting menu (前菜+Pizza+甜品 $220) 性價比高又可以同朋友share試多幾款😊🍴 Project Salad📝評分: 9/10個人覺得沙律唔需要過多嘅醬汁，依度嘅沙律只用上黑醋同橄欖油，簡簡單單配上新鮮嘅沙律菜已經好好食😋而且沙律又可以中和返Pizza嘅油膩感，建議大家要叫😊🍴 Gnocco Fritto (Truffle)📝評分: 6/10一共有三款口味選擇：Smoked Salmon/ Porchette Tonna/ Truffle今次我哋簡左黑松露味，一上枱聞到好香嘅黑松露味，熱辣辣食落好脆口，中間內層有大量黑松露醬，所以鐘意黑松露嘅朋友仔會覺得好食。唯一我覺得係可能外層油炸嘅關係，而且中間有大量黑松露醬，食食吓會覺得膩😂而且要留肚食pizza嘅關係，同朋友仔share會比較好！🍴 ‘Nduja📝評分: 8/10依度嘅pizza係即叫即焗，所以一定熱辣辣上枱👍🏻先講批底係薄身個種，所以食落外脆內軟🤭材料方面，辣肉腸好大片，值得讚賞位係每塊pizza都好平均分配到辣肉腸😂唔怕有人食唔到☺️不過辣肉腸有小小辣，唔食辣嘅朋友仔要留意下😌 而且配埋番茄醬同芝士🧀️成件事好食！🍴 Gamberi Aglio E Olio📝評分: 6/10另一款pizza我哋試左蒜香蝦，同樣地批底一樣外脆內軟，材料方面一樣有番茄醬同芝士，只係on top變左蒜香蝦，依款pizza食落鹹鹹地，不過蒜味略為較淡，如果可以濃味返小小會更好😙🍴 Tiramisu 📝評分: 9/10食開PICI嘅朋友仔一定熟悉🤭PICI 嘅Tiramisu好出色，好濃嘅咖啡味而且有淡淡嘅酒香，雖然口感唔算好滑身，不過勝在唔算甜👍🏻…查看更多

來自台灣嘅阿默典藏蛋糕，相信大家都唔陌生😊今日想介紹依款達克瓦茲騎士，一共有四款口味，原味/焦糖/莓果/開心果😀🍴 達克瓦茲騎士（原味+焦糖）$68📝評分: 7/10一盒有8個，原味+焦糖各4個。外表有d似馬卡龍，酥脆嘅外皮包住奶油內餡，食落唔會太甜，奶油內餡都算順滑。而焦糖同原味嘅分別在於多左一份焦糖香，當然甜度而相對較甜🤣個人習慣鐘意配上一杯熱茶，一口甜點一啖茶，中和甜度之餘又無禁膩😙 Perfect match👍🏻…查看更多

朋友介紹，今次黎試試依間位於灣仔嘅台灣小店😬聽聞依間店舖一到食飯時間就會大排長龍，今次到訪嘅時間係星期六嘅6點左右，可能距離晚市時間尚早，所以一入即有位👍🏻🍴 紅燒牛肉麵 $72📝評分: 7/10依度嘅牛肉麵可以自行選擇湯底（紅燒/麻辣/蕃茄）同麵底（幼麵/手工寬麵），個人覺得牛肉麵當然係配紅燒湯頭同幼麵先係原味嘅經典組合😂先講湯頭，非常濃郁嘅紅燒湯頭，成件事好台灣🤣麵質方面，個人鐘意食爽口嘅麵質，唔太鍾意過軟，好彩依間幼麵口感彈牙，煮得剛好👍🏻牛肉方面，份量都算慷慨，而且好入味，口感偏軟身。🍴 台酒三杯雞肉飯$66📝評分: 6/10一個細煲仔禁上枱，下面有微火熱住，所以慢慢食都唔怕凍曬，依個位幾貼心👍🏻味道方面，個人覺得調味較重手，就禁食雞稍為過鹹，一定要配白飯先中和返個鹹味😌而且食完都真係會長期口渴🥲🍴 椒鹽鹽酥雞$56📝評分: 9/10每次食台灣野都一定必點嘅餸，依度嘅鹽酥雞好！食！好食在於佢重蒜！而且炸得剛好，雞肉嫩滑多汁唔厚粉，即場炸起食落熱辣辣好惹味🩷🍴 椒鹽四季豆$46📝評分: 9/10椒鹽四季豆最怕整得好乾無口感，依度嘅四季豆一樣重蒜！口感爽脆之餘唔會太乾，值得一試！😙整體黎講，主食一般，不過炸物就真心出色，下次會再嚟😉…查看更多

經過附近，諗住過嚟食個下午茶chill一chill🙃依間餐廳近海旁，平日嘅下午又冇咩人，成個feel好寫意😬🍴 Pepperoni (15吋 $178）📝評分: 8/1015吋嘅pizza一上枱有啲嚇親，切開有八件，畢竟我哋只有兩個人，有啲擔心食唔曬😂Pizza內有意式辣肉腸同水牛芝士，配上番茄醬依個簡單嘅組合永遠都係最夾❤️Pizza底好薄，食落好juicy好脆口👍🏻微辣嘅辣肉腸配上酸甜嘅番茄醬，加埋水牛芝士嘅鹹香☺️真係會一塊接一塊🤣🤣🍴 Parmesan Fries ($78)📝評分: 8/10熱辣辣嘅薯條面頭鋪上巴馬臣芝士碎，點一點松露醬，唔使形容都知好食😁依個下午茶真係食得好滿足😉…查看更多

今日介紹依間長期要排隊嘅麻糬波波😙果然名不虛傳！食完真係有驚喜❤️麻糬波波一共有四款口味: 原味、朱古力味、紫菜肉鬆味、雙重芝士味。每次出爐都會有兩隻味，恆常就有原味，至於另一隻係咩味就睇緣份了🙈🍴 原味麻糬波波 $25/6個📝評分: 8/10每粒都圓轆轆，大大粒，外脆內煙韌😊雖然話係原味，但有好多黑芝麻，所以充斥住淡淡嘅芝麻香👍🏻而且入面唔係空心，煙韌得黎有空氣感，食完一粒仲想食多粒嘅程度😉🍴 朱古力味麻糬波波 $35/6個📝評分: 9/10朱古力味真係有驚喜！口感同原味一樣外脆內煙韌，微暖之下朱古力呈半溶狀態😍半溶嘅朱古力配上煙韌口感嘅麻糬真係無得輸！總結黎講，明白點解長期人龍👍🏻下次會想試埋另外兩隻口味，不過就要看緣份了🤣✨溫馨提示: 每人每次限買一打…查看更多

心血來潮想食泡飯，經過附近諗起村爺爺，記得幾年前初嚐佢哋招牌嘅極上海鮮龍蝦湯泡飯，印象幾好食👍🏻見今晚唔使排隊就打算再食🤣可能八點幾太夜去到，極上海鮮龍蝦湯泡飯賣曬😔禁唯有叫其餘兩款泡飯試一試🤷🏻‍♀️🍴 雞肉蜆肉雜菌龍蝦湯泡飯 $58📝評分: 3/10一上枱見到個湯底顏色已經心知不妙，明明話係龍蝦湯，但個顏色似足例湯😓一入口果然同龍蝦湯完全靠唔上邊🤷🏻‍♀️加上泡飯內有雞肉、蜆肉、雜菌、生菜等，令到個湯頭有啲似打邊爐湯底味😌講完湯底，要講講d餸，雞肉正正常常，底下有大量生菜同雜菌，份量都幾多。至於蜆肉都有十粒八粒，但好腥！係好腥個隻！！整體黎講成碗野唔討好😫🍴 螺片雞件魚腩龍蝦湯泡飯 $68📝評分: 3/10同上面個碗都係一樣嘅湯底，所以唔再重覆形容了🤨雞件一樣正常味道，螺片同魚腩各有兩至三舊，但魚腩有一半又係腥既，又重泥味，肉質又鬆散😭整體黎講，真係幾失望😞唔知係咪太耐冇去轉左menu? 個menu太多字密密麻麻，同埋個味道唔係我記憶嘅味，可能真係要叫翻海鮮泡飯可能好少少🙁…查看更多

天寒地凍，諗住黎食碗粥暖一暖身😀一坐低店員送上三碟前菜，分別係牛腩滷蛋、泡菜、洋蔥蔬菜🥬先講前菜，泡菜比較生，口感上比較爽脆，唔算入味所以唔係好辣，但個人口味鐘意食比較稔身入味嘅泡菜多啲😗牛腩滷蛋唔知係放左好耐定真係凍食，凍食有啲怪怪地，牛腩同滷蛋都偏硬身，我唔太鍾意😌洋蔥蔬菜依款伴菜，用醋涼伴洋蔥、青瓜、豆角，酸酸甜甜幾開胃😂🍴 章魚醃辣泡菜粥 $78📝評分: 7/10食韓國粥品嘅特色係食到尾都仲係有温度，所以好適合冬天食暖一暖身，今次食依款章魚醃辣泡菜粥，加入酸酸辣辣嘅泡菜去煮粥非常惹味，而且章魚份量都幾多，口感彈牙爽口👍🏻整體來講，個粥唔錯，適合冬天暖一暖身☺️但伴菜就麻麻地🥲不過留意到佢哋嘅伴菜會經常換款，希望下次可以試下其他🤣…查看更多

經過新城市廣場發現Honbo係沙田新開店，平時聽就聽得多，一直都未有機會試😀趁唔使排隊就一於試試😀🍴 經典漢堡 $88📝評分: 7/10第一次食當然要試一試經典漢堡，麵包稍微烘過，做到外脆內軟嘅口感同淡淡牛油香😬漢堡扒煎得香之餘亦保持肉汁，幾juicy👍🏻配埋酸瓜、洋蔥、生菜等配料，平衡番個油膩感☺️🍴 芝士漢堡 $98📝評分: 8/10經典同芝士漢堡嘅分別只係入面多左芝士，其他配料完全一樣，個人鐘意食芝士，與經典漢堡相比多左份芝士鹹香🤭🍴 薯寶 $38📝評分: 7/10薯寶其實係薯餅嘅一粒粒版本🤣一上枱聞到好香，炸得好脆口👍🏻下次要試埋薯條☺️…查看更多

網上見到有人推介依間青口放題，覺得幾特別😂見到menu有三款唔同嘅口味90分鐘任食，而且$250/1 唔算貴(+$30仲有薯條放題)，心思思過嚟試一試😎🍴 經典白酒忌廉煮青口📝評分: 8/10先講依隻經典口味，通常西餐青口都係配白酒忌廉去煮☺️ 一上枱，熱辣辣出曬煙，份量都幾多，青口平均都算大粒飽滿。醬汁方面，香滑嘅忌廉汁配上洋蔥香草去煮，好香好creamy，掛汁之餘又好夾青口，果然依個經典口味真係無得輸🤭每份青口都配上兩塊蒜蓉多士，脆口又重蒜蓉味，唔錯😬🍴 喇沙煮青口📝評分: 7/10除咗白酒忌廉之外，喇沙煮法亦係我其中之一個好鐘意嘅配搭，不過唔係度度都有得食😌 依度嘅喇沙汁，唔算好辣，食落有椰香味，醬汁偏稀，唔算好掛汁😌不過煮得好惹味，越食越開胃😉好岩送啤酒🍺🍴 西班牙式煮青口📝評分: 7/10當日龍蝦湯口味無提供，變咗依隻西班牙式煮法，店員介紹話辣辣地都幾好味😃微酸嘅蕃茄汁配上西班牙辣肉腸去煮，食落酸酸辣辣禁，又幾夾幾新鮮😙個人鐘意用醬汁入面嘅蕃茄蓉同辣肉腸放上蒜蓉多士食，好似變成一款Tapas禁🤣🍻Moo Moo Beer $48 (Happy hour)叫左兩杯啤酒配青口😃一款係moo moo classic beer，入口麥味較重，適合男士👦🏻另一款係白蘭花味，人口有麥味之餘帶點花香味，好易入口，適合女士👩🏻整體黎講，依個青口放題性價比高，每碟份量都幾多🤣雖然無得試龍蝦湯🦞有少少失望😌不過三款口味都唔錯。而且餐廳環境舒服，近海位置，加埋正值世界盃，好適合係度一邊睇波，青口配啤酒🍻…查看更多

️今日介紹一間我成日幫襯嘅咖啡店☕️位置比較偏僻，係錦田嘅一條小巷子入面，但相當有名氣，每逢假日都有一堆人排隊幫襯😂試過一次堂食，老實講咸點輕食同蛋糕甜品味道正常，唔算驚艷，但Cohee嘅飲品比較出色👍🏻 所以每次經過都忍唔到想幫襯😎今次介紹一杯我最鍾意嘅飲品，唔鐘意飲咖啡嘅朋友仔都岩飲🤣🍴 Earl grey chocolate $38 (Iced +$5)📝評分: 9/10Earl grey + chocolate依個組合係出面嘅coffee shop唔常見😊 聞落有好香嘅Earl grey味，入口先有Earl grey味然後有淡淡嘅朱古力湧出嚟，估唔到Earl grey 同朱古力可以夾得黎，兩隻味都好平均，值得推薦👍🏻不過假日去嘅關係，外賣一杯野飲等左20分鐘左右😅…查看更多

食完飯經過Sogo後面，見到一間好顯眼嘅綠色coffee truck🛻由於本人唔飲咖啡嘅關係，所以叫左其他飲品試一試☺️🍴 Matcha Latte $50📝評分: 7/10落單後，店員會即場發打抹茶粉，亦會細心問你甜度，所以甜度方面可以自行調節👍🏻今次簡左抹茶配oat milk，所以無牛奶禁有漸層效果😌不過味道方面係唔錯嘅，由於簡左微甜，抹茶味好突出，啖啖回甘👍🏻可以推薦俾鐘意飲抹茶嘅朋友仔😁🍴 Hojicha Latte $50📝評分: 8/10依杯焙茶latte簡左牛奶去沖，漸層效果好吸睛☺️入口有好濃厚嘅焙茶味，加入牛奶沖配亦多左一份順滑，依杯值得介紹👍🏻🍴 Hoji-Matcha Latte $53📝評分: 8/10見到menu有焙茶抹茶拿鐵依個組合好特別，所以叫黎試一試😉以抹茶、焙茶同牛奶三樣野加埋一齊沖配，效果又幾特別🤭抹茶味稍微較突出，有微微回甘，但飲飲下又有淡淡焙茶嘅香味，特別得黎又幾好飲😆適合鐘意茶濃嘅朋友仔😎🍴 Matcha Chocolate $58📝評分: 6/10抹茶朱古力依個組合比較少見，所以都叫左杯試下🙃以抹茶、朱古力醬同牛奶🥛沖配而成。甜度方面朱古力唔算好甜，但依個組合朱古力味會較突出，有小小蓋過左抹茶味，依個位就比較扣分😟整體黎講，飲品都算高質👍🏻會再encore！下次有機會試埋bagel同曲奇同大家分享❤️…查看更多

每年一到十月，Shari Shari都會推出萬聖節期間限定嘅南瓜紫薯刨冰🍧今年見到推出左新口味 - 南瓜竹炭，所以去試一試😉🍴 南瓜竹炭刨冰（萬聖節期間限定）$120📝評分: 7/10一上枱已經見到滿滿嘅南瓜醬同竹炭醬🎃多到滿瀉禁濟🤭刨冰一如以往保持水準，食落好幼細，唔會有粗冰粒嘅情況🥰食到冰底都一樣夠味👍🏻 刨冰表面有南瓜籽同Oreo 餅碎外，裏面仲有紅豆🫘口感上一樣咁豐富😉味道上，南瓜醬比較突出，入口有濃密嘅南瓜味，相反竹炭就相對較淡，應該係配合視覺效果而加😂 整體黎講，個人都係比較鍾意南瓜紫薯依個組合🙈不過作為 Halloween special，黑襯黄色依個組合又幾吸睛👀襯住萬聖節🎃大家不妨可以試試應下節👻*溫馨提示：食完會成口黑色👻請準備紙巾抹嘴🤣…查看更多

經過中環，發現依間新開嘅茶飲店，見到門口貼左張紙，寫住只要購買含芝士奶蓋嘅飲品，即可以30分鐘內免費無限添加芝士奶蓋😍所以決定入去試一試😁🍴 三重港茶皇(微糖少冰)$36 📝評分: 7/10依杯三重港茶皇係人氣No.1嘅皇牌飲品，第一次黎試，當然試佢哋嘅招牌😁依杯茶飲以港式絲襪奶茶作為茶底，加上黑糖珍珠、蜂巢脆脆同芝士奶蓋作為配料😉奶茶入口順滑，茶味突出，微糖嘅話會更為突出奶茶嘅澀味☺️配料方面，黑糖珍珠煙韌有咬口，芝士奶蓋帶點鹹香奶味，質感輕盈算順滑👍🏻不過唔知係咪蜂巢脆脆嘅份量比例唔多，唔係好食到脆脆🤔整體黎講，依杯茶飲配搭都幾豐富，茶底又夠突出，價錢性價比算高，下次會再幫襯👍🏻…查看更多