monicawwy的個人專頁

為咗慶祝生日，專登想搵間有海景嘅餐廳🤤 因為有人鐘意食生壕，就揀咗呢間有得任食生壕嘅餐廳啦~~~呢度weekend嗰陣先會有Semi buffet lucnh，頭盤同甜品係自助同任拎，主菜就每人一款~~~可惜嗰日天氣唔好，落緊大雨，個維港景變得矇查查😭😭頭盤有凍海鮮，包括生壕、龍蝦、青口、凍蝦等等都係任食，生壕係法國fine de claire嘅，creamy有海水味，正！師傅都洗得乾淨冇壕碎，係略嫌細隻咗少少姐🙈 其他海鮮就正正常常，不過不失啦。其餘頭盤仲有沙律、麵包、湯、芝士同pama ham等等，不過我地都係主要食凍海鮮🤤 仲有每人一客嘅鵝肝漢堡，鵝肝煎得啱啱好，肥美有油香，好食！可惜呢個冇得encore😢主菜我揀咗慢煮牛面頰，成嚿牛都燉到好淋好入味，係舖喺底嘅配菜一啲都唔好食😂😂😂喺book位嘅時候，因為有request到生日蛋糕，waiter好好人咁幫我地點蠟燭同幫我哋影相，服務態度一流！個蛋糕細細個，好食得嚟又唔使食滯咗🤤…查看更多

要搵到生壕任食唔難，但係搵到又平又高質又好食嘅生壕任食就好難啦！估唔到咁都比我搵到🤤🤤🤤 重點係，佢係黃店嚟㗎！呢度有幾個package可以揀，普通任食、普通加帶子海膽任食同普通、海膽、帶子、生壕任食，要平要貴自己話事！唔好睇佢咁平啲質素會唔好喎，每次上生壕都有冰喺底同有跟埋檸檬，一啲都唔hea!! 每次叫幾多隻就真係比幾多隻你，所以食得哂先好嗌呀！生壕新鮮大隻肥美，帶子超厚切冇雪味，正！埋單都係每人300頭，絕對會encore!…查看更多

前日就係中秋節，為咗慶祝中秋節，我地一家人去咗一鍋豐到食晚餐，餐廳喺旺角嘅中心地帶，好方便呀餐廳有3個套餐可以揀，168嘅任食，218嘅鮑魚海鮮餐同埋268嘅象拨旁海鮮餐，全部都包肉、丸、菜任食同嘢飲任飲，都幾抵！我地4個人因為第一次嚟，就叫咗中價位嘅飽魚海鮮餐嚟試試先😛湯底都有好多選擇，因為屋企人唔食得辣，我地揀咗鮮茄蜆湯，個渴好清甜，鮮茄味濃郁，正！啲海鮮全部都好新鮮，乾淨冇沙，爽滑彈牙，值得一試！其他配料我地都嗌咗幾多，特別推介鮮滑牛肉，新鮮有肉味，記住唔好淥咁耐，如果唔係就唔滑㗎啦🙈另外，我地都一致認為豬頸肉、肥牛、墨魚滑都可以瘋狂encore，又新鮮又冇雪味，淥啱時間就超好食！食到最尾梗係要食甜品啦，呢度有好好玩嘅軟雪糕，可以自己唧完再加配料，仲有雪米糍、雪條、雪糕杯可以食，都係任食㗎！…查看更多

襯仲有少少涼意，梗係要趕尾水打返個邊爐先啦！平時淨係同朋友打開啲任食嘅邊爐，因為貪佢夠平但啲嘢食真係麻麻地，今次同屋企人就諗住打返個高質嘅邊爐，食好西！我地一行四人就嗌咗一個二人份嘅套餐，再散叫其他嘢食。先講吓個二人份嘅套餐先，個套餐乜都有啲仲送湯底，好抵食！我地要咗個蕃茄薯仔湯底，呢個湯底有好濃郁嘅蕃茄鮮味，唔係出面嗰啲淨係紅色嘅水。呢個套餐仲正之處就係包咗海鮮，有龍蝦、鮑魚、廣島蠔、帶子等等，全部都非常新鮮！啲龍蝦同鮑魚上枱仲郁吓郁咁，未食落都知非常新鮮！啲海鮮全部都唔好點醬料，唔係就會浪費咗啲咁靚嘅海鮮啦！呢度除咗海鮮靚之外，啲丸類都好高質㗎! 啲丸並唔出面街市買到嘅行貨麵粉丸，而係真材實料嘅丸！全部都大大粒夠哂彈牙，睇得出係連丸都有俾心機整嘅餐廳。雖然呢度打邊爐俾出面任食嘅貴，但係材料新鮮同真材實料，性價比高呀！…查看更多

又到一月，係開學嘅日子啦，姐係又係時候食開sem飯haha。今次就簡咗旺角呢間方題，喺瓊華中心，近地鐵站方便又易去，又可以坐足兩個半鐘慢慢傾計慢慢食🤤食方題就一定唔少得嘅係刺身併盤啦，我地就咩都嗌咗啲。三文魚超厚切，完全冇偷工減料，新鮮肥美冇筋，超好食呀！呢度嘅帶子對比起其他方題就細粒咗啲，不過味道ok嘅。另一個必嗌嘅係北寄貝，鮮甜爽口彈牙，正呀！除此之外，呢度嘅甜蝦都夠新鮮，有甜蝦應有嘅鮮味！呢度嘅甜品不過不失，自助形式，不過對比其他舖頭款式就少咗啲啦。不過！加分位係，雪糕竟然有哈根達斯期間限定嘅mochi綠茶雪糕！竟然唔係雀巢雪糕，需然每人只限叫一杯，但係超級有驚喜呀！總括嚟講，係一間質素好好同有驚喜嘅方題！…查看更多

嚟到sem中，開始chur啦，又mid term又deadline真係好攰呀，襯今日星期六，啱啱完咗幾個deadline,一於食放題輕鬆吓，化悲憤為食量！今次去嘅呢間極上大瀛喜喺觀塘，近地鐵站，都幾方便㗎，不過食飯時間人多嗰陣，等lift都有啲啲耐，大家要俾啲耐性呀！一嚟到，就梗係要叫刺身船啦，今日唔係好肚餓所以唔係叫咗好多刺身，但係食得出呢度嘅刺身係高質嘅！我地最鐘意帶子同北寄貝，新鮮又唔腥haha另一個我地認為呢度必嗌嘅係饅魚，肉質彈牙，汁夠味唔太咸，推介！仲有呢度嘅東風螺都好好味，冇沙入味爽口，正！值得一提嘅係，呢度有脆皮朱古力薄荷雪條，好少放題有得食㗎，為呢餐嘅放題畫上一個完滿嘅句號！…查看更多

九月就係食開sem飯嘅月份，難得組爸返完工出咗糧話要請食飯，咁梗係刷噃餐勁㗎啦為咗迎合唔同人嘅需要，我地就揀咗食放題，貪佢咩都有啲嘛今次我地就揀咗食大滿喜嘅午餐時段放題，每人都係178加一，叫做錫住組爸嘅荷包啦一入到去就梗係要嗌刺身先啦，冇多冇少，同我地落單嘅數量一樣，抵贊呀特別推介三文魚同帶子，兩個都好鮮甜，三文魚厚切無根無雪味，帶子大大粒夠飽滿，正！北寄貝爽口彈牙，都唔錯㗎刺身之後就梗係要食噃啲熱嘢啦，我地四個人一致認為芝麻雞翼同芝士年糕係最好食嘅！雞翼皮脆入味唔太咸，加埋芝麻就更加錦上添花，好香口，芝士年糕熱辣辣，流心芝士加上軟糯嘅年糕真係好好食！咁嘅價錢，咁嘅質素，我地一定會再encore!…查看更多

近排考完試，就想同同學一齊食噃餐好嘅，好好獎勵吓自己haha 咁第一就緊係諗到食放題啦！openrice完就見到呢間評價好唔錯，就決定book呢間食啦我地book咗星期六嘅下晝五點半，嘩，個埸爆哂！所以大家有心去食就一定要book位啦！因為好肚餓，一坐低就梗係叫咗個刺身先啦三個人叫咗好多嘢，同埋真係寫幾多俾幾多，唔會求求其其咁亂咁俾全部刺身都好新鮮，特別推介珍寶蝦，超級大隻，好鮮甜！三文魚係厚切，好大方 熱食方面都叫咗唔少嘢，最推介嘅係饅魚，好夠味，肉質好食，同喺日本食嘅有得揮！encore咗幾次燒菠蘿好甜好多汁、炸物夠熱夠脆、串燒都唔錯甜品方面，本身想試布甸㗎，要自己出去拎，但係行咗去兩次都冇哂未refill就冇緣試了不過，其他甜品都好正，有港女最愛嘅馬卡龍唔太甜好脆好好食呀！…查看更多

今日約咗一個阿sir食飯，佢講明要抵食嘅餐廳同埋要喺旺角，咁第一時間就梗係諗到要食放題啦！喺旺角嘅放題愈開愈多，質素亦都參差，話明要同阿sir食飯，就梗係唔可以失禮啦！喺openrice度search一search，就揾到呢間評價都幾高嘅放題，於是就拍板決定book呢間啦因為要就一就阿sir嘅時間，就book咗9點先開始，仲平啲添！樓下仲有姐姐派coupon可以減10蚊好抵，而且每人加30蚊就有刺身食，為食嘅我地當然要加啦話明係食火鍋放題，第一時間當然要揀湯底啦，呢間湯底嘅選擇有好多，大路嘅豬骨湯當然有，特別啲嘅就有人蔘雞湯、壽喜燒湯等等 我地5個人可以揀兩個湯底，咁就揀咗特別嘅人蔘雞湯同埋龍蝦蕃茄茄湯 兩個湯底都非常之唔錯，非常之足料，人蔘雞湯底直情有一隻雞嘅份量！食極都仲有雞喺個煲裏面 龍蝦蕃茄湯有一個超大嘅龍蝦頭喺裏面，超型配料方面都有好多嘢食簡，火鍋唔少得嘅肥牛好高質雪花分佈平均，超靚冇雪味同好新鮮其他肉類都好新鮮，有肉味，唔係普通街市嘅雪藏貨而且上菜嘅方式都好特別，會砌到靚一靚咁上，喺其他任食嘅火鍋店完全見唔到丸類方面，個人推介芝心丸同貢丸，特別好食，唔係街邊嗰啲水汪汪嘅芝心同得麵粉味嘅貢丸！海鮮方面，全部都好新鮮同埋洗得好乾淨，啲貝殼類完全冇沙，抵讚最後就係刺身，好鮮甜，冇雪味，特別推介三文魚、象柭旁同甜蝦，食過返尋味！…查看更多

尋日睇電視見到m記賣廣告話有新包，見好耐冇食過m記就心郁郁想試，咁啱經過m記就入去買嚟試啦新出嘅係北海道三文魚雞肉火腿堡，咁就叫咗一個套餐，見間嘢都唔係好多人，裏面整嘢食啲員工都幾多㗎，諗住好快就走得，點知等咗成20分鐘先有得拎走，超級耐！！！個包都ok嘅，都幾足料，但係啲醬實在太多啦，成口都係嗰隻醬嘅味，其他料嘅味一啲都食唔到雖然隻醬個味唔錯，但係少啲醬應該會好食啲…查看更多

雖然我冇咩點睇韓劇，但係身邊個個朋友都好瘋狂！佢地成日都話要食炸雞配啤酒，但係炸雞實在太熱氣啦，所以今次就去咗呢間人氣勁高嘅烤雞店:)因為怕好多人要排隊，所以我地6點就去到，點知，都 要 排 隊！等咗20分鐘到就得，我地就叫咗個甜辣烤雞同兩杯嘢飲，個雞甜甜地幾多食，唔算太辣，朋友唔食得辣都食到，雞肉唔乾幾juicy，好食，可以encore 嗰兩杯嘢飲就真心唔值咁貴都係呃like gimmick嘢居多，唔係為影相嘅話可以唔使叫，下次唔會再飲食完大概八點，出面勁多人排隊！！！！逼到呢…所以大家想食又唔想排隊嘅話就早啲去啦…查看更多

啱啱開sem就想食好少少迎接新一年嘅來臨，sem頭唔食好啲，sem尾要食杯麵好對唔住自己因為大家都係學生budget唔係好多，喺openrice度見到呢間評價唔錯，價錢唔太貴，就嚟咗呢間食啦雖然食飯時間嚟，但係一啲都唔多人，坐得好舒服我就叫咗個滑蛋雞柳丼，滑蛋同雞都真係好滑唔太咸，調味啱啱好午市套餐仲跟埋個小菜、麵豉湯同沙律，麵鼓湯咸咗啲，其他就ok啦題外話： 雖然間餐廳唔多人，但係當我地舉手嗰陣隔咗多耐先有人嚟，服務有待改善！…查看更多

記得以前一蘭啱啱喺香港開店嗰陣真係勁多人去朝聖！而家可能冇咁hit，唔使點排隊就可以食啦！一蘭其中一個好處高係唔使驚得自己一個去食冇人陪咁尷尷尬尬 xd因為佢有啲毒毒地嘅位，有塊版與世隔絕咁，唔會見到其他人haha一入去就要叫嘢食啦，佢好貼心咁要你填表，揀要咩口味嘅湯底，要咩硬度嘅麵，揀完之後等咗10分鐘到就有得食啦！好好食！！同我喺日本食到嘅味道係一模一樣 碗麵完全係跟住你嘅選擇去整嘅，湯頭濃郁，麵條軟硬適中 雖然定價貴過日本，不過正常嘅，一定會再encore!…查看更多

今日朋友生日, 佢話想食啲cafe, 見近近地就去咗hesheit食啦, 其實都唔係第一次去㗎啦, 但係水準都係咁高!嗰日8點去到都要排半個鐘隊, 等咗陣就入去睇吓有咩食啦我就叫咗個墨汁魷魚意粉, 上菜都幾快吓㗎(:呢個意粉要俾10個like呀!好好食 魷魚新鮮, 意粉煮得啱啱好, 辣辣地好惹味 之後就加碼叫咗個甜品, 酸酸地加啲甜甜地嘅脆脆, 配答得宜, 好味!後記: 因為朋友生日, 所以排緊隊嗰陣預先問咗啲staff, 可唔可以喺甜品度加蠟燭, 佢話ok, 但係之後個甜品送到嚟係一滴蠟都見唔到!!!! 呢樣真係要扣分! .v.…查看更多