大胃李的个人专页

約左人飲野時間未到又只得我同朋友兩丁友唔知做乜好，諗住去吉串平時唔會排隊嘅肥姐浪費下人生。行到一半見倒呢間餃子縣，朋友話佢個菠菜麵超好食而且有得坐。本住淺嘗嘅我地叫到成檯都係小食，得一份煎餃同一碗菠菜麵食物方面，菠菜麵一流滷水蛋要encore皮蛋豆腐正反正重點係小食好好食。野飲方面比較少選擇，檸檬茶都係紙包裝，所以俾多少少叫個青檸雪碧，亦不過不失。始終唔係正餐，下次來試試佢正餐先。最後用左半個鐘狂風掃落葉一輪就出返來，仲有時間排肥姐…查看更多

呢間野我同同事去左好多次, 一直都只係當佢係一間好食o既日本菜。今次朋友話同老闆傾完計之後知道玩法, 叫我準備$300 去食好西。去到先知老闆同朋友講book 位o既時候同佢講明幾多位, 每人幾錢budget, 有咩想食, 有咩唔食。老闆就會幫你諗掂個你獨有o既menu, 即係日本菜成日見o既"餓媽卡些" (日文拜託了咁解)。嘩嘩嘩出面食倒"餓媽卡些" o既地方冇$500唔使落樓, 今次得3舊水食倒o的乜? 答案係:1) 刺身(睇圖)2) 島根春香蠔 (期間限定)3) 堅魚(香港未食過)4) 燒黑豚5) 燒牛脷6) 櫻花蝦天婦羅(太好食冇影相)7) 送酒枝豆 (我地自己帶左幾次sake去)3舊水我覺得好抵。…查看更多

朋友襯51 返來香港幾日, 幾條友傾傾下有咩好食, 剛好路過3木樓下就一於共上去。入到去人唔多, 我地問WAITER 可否換入房佢連考慮一下都冇就話可以, 加分食物方面上次都介紹得7788, 馬上ENCORE 好食o既壽司,天婦羅, 刺身。呢幾樣野真係keep 倒個水準, gas 爐燒海鮮方面我地冇乜點玩, 因為上次用左好多時間玩臨尾先狂食野。不過上次隻蠔由鮑魚代替左, 又冇左蟶子, 不過又多左大蜆。 waiter 話師傅每日去揀最新鮮o既海鮮返來保證出品, 所以每日都會唔同, 我都想話鮑魚一定要試但大家都要睇彩數啦最後朋友話好想食sukiyaki然後又話食唔哂, 我就冇哂quota 食其他野鳥.........輸哂…查看更多

自從朋友介紹呢間野俾我之後我BOOK 左5次位終於成功, 而且BOOK 7 點要8:30交檯。間野好FULL。但試過又真心OK, 我地3個人叫左1 SALAD, 1PASTA, 1 RISOTTO , 1 MAINSALAD 係帶子柚子汁沙津, 帶子用牛油煎到好香, 柚子汁好清新。PASTA 係FUSION 菜, 腐乳忌廉汁, 老闆話係得獎菜, 本住乜都試一試嘅感覺叫左, 點知真係好好食, 最後搶住食。RISOTTO 係麵包蟹, 我本身海鮮敏感所以只食左一啖, 成個飯有一半係蟹, 朋友們好開心咁瓜分左我個飯。MAIN 係豬手, 相對比較冇驚喜, 但絕對唔差。環境方面好適合傾計, 可惜要8:30交檯, 以每人HKD250 來講真係OK。另外滿1000免開酒費, 3個人點1000蚊野真係食唔哂…查看更多

本身自己一個人食冇諗住寫, 但有少少不吐不快。呢間野味道價格實在不錯, 100 蚊唔使份量大飽肚有味精湯都不過份。只係個炸春卷淋到好似毛巾咁實在過份。因為怕出事我一向好少換野食, 最多唔食。隔離檯女士就唔同, 佢一直坐我隔離但冇食野, 到我差不多食完先聽倒佢問:"我個春卷你又話同我再炸O既?點解仲未上?", 伙記馬上展現澳O牛X公司精神跟進, 大嗌入廚房之後上左3條炭上來俾嗰位女士...........<<完>>…查看更多

行完山落左大圍諗住食雞煲點知佢關門大吉, 行行下朋友忽然大叫"喂江湖傳聞嗰間616喎, 試下丫"就入左去, 裝修古色古香有舊香港味, 點菜就非常新潮用IPAD。唔使諗馬上叫個全牛拼盤, 即係一個盤有哂10個部位等你試哂佢。佢個塾檯紙仲話埋俾你知要淥幾耐, 非常貼心, 可惜有幾個部位都冇寫, 員工話新版未印好。ANY 肥, 牛好好食但因為個拼盤冇寫名所以想再另外叫都有O的難道, 可以改善。另外點O既封門柳同牛峰我就比較鍾情封門柳, 我喜歡肉味不介意口感。埋單200 左右, 值得一試。…查看更多

天氣寒冷係想打邊爐嘅，但唔想普普通通咁打一次邊爐咁就試新野啦，幾條友約埋喺尖沙咀試一試三禾個番茄湯底，點知最後變咗食雞煲，人果然係善變嘅。間野同一哥雞煲一樣係先食雞煲再叫佢加湯打邊爐，分別在於佢個雞煲冇咁辣，而且好貼心咁有個隔係底所以唔會煨底。嘢食方面佢係食日式放題打邊爐，所以等緊個煲期間有刺身食，而且牛肉非常好食，明顯食得出兩款牛肉嘅分別，淨係個雞煲同牛都已經飽左9成😅，其餘好食嘅係鱔，蝦滑，豬。飲飽食罪上甜品先知道食得太飽真係罪過，因為佢個心太軟非常好食，我是晒佢成個甜品Menu想encore個心太軟發現我已經食唔落啦😭…查看更多

因為俾腦細捉住而遲到, 等候時間不能作準呢間我未食過, 朋友話以前呢度用石來燒所以叫做火山燒, 而家改左用GAS 爐好力左。個爐好好火, 打左兩個鐘換左兩次氣, 所以對手密密燒個口密密食。燒豬肉O既時候仲因為油脂多而出哂火, 不過佢唔同日本咁有冰俾你滅火, 不過見佢抽風好索性拎個雞皮去火炙, 超香成晚叫左大半個MENU 冇重覆過, 到最後都有野未食。絕對有下次, 當中印象最深刻係一人得一盤O既精選, 當中和牛, 八爪魚同雞都好正。缺點時間, 如果太肚餓就要有心理準備只有冷面可以頂一頂, 另外任飲要加錢感覺有點不爽。…查看更多

當我做野做到甩哂轆O既時候朋友CALL 食飯約尖沙咀等。尖咀好丫夠就腳, 馬上叫腦細食自己然後收工。去到朋友話放題店坐低左, 心諗:凍冰冰食放題? 去到有驚喜,原來間野主題係自己燒野食, 檯面放左個爐O係度, 然後上大盤海鮮自己燒, 檯面仲有鹽同清酒俾我地自己調味。另外一部份可以重覆叫, 我地最後就食左兩轉蜆同三轉菠蘿仲有多春魚，刺身壽司都足夠新鮮但凍冰冰冇食太多，反而天婦羅真心ok。個蒜香一口牛都好食，相都未影就俾人搶哂😅。甜品方面柚子雪糕唔錯，我地討論緊係咪hand made 。整體感覺不錯，係檯面窄得滯冇乜位放野所以叫得冇咁爽，另外因爲唔係繁忙日子佢俾多左9個字我地，由7點食到10點，否則又叫又燒兩個鐘唔多夠時間。…查看更多