Fraz's Profile

紅磡德民街添寶手撕雞簡直呃錢又衛生！本人經常於元朗，馬鞍山，屯門等分店購買食物，份量與價錢都好公平，唯獨德民街呢間就非常暴利，記得第一次去買男主人話要$40起，無問題！當埋到廚櫃揀選時，就感覺到嗰個玻璃嘅熱度非常高令人聯想到內裏嘅食物會唔會有變化，即時講咗聲對唔住唔買喇就走人。第二次因為應承咗會買青瓜手撕雞比朋友食而又趕時間所以又到德民街這間添寶手撕雞買外買，店員話一份要$60，無問題！我要夠$80，點知個店員將只有半盒嘅食物裝袋交給我，我即時問店員點解咁少嘅，跟我平常在其他分店所買嘅只得一半份量，會唔會聽錯或者攪錯！跟著店員身後的女店主出嚟就話舖租貴無辦法，唯有將貨就價，唔好意思呀！我本人好想好想知道連鎖店唔係都有規格去監管銷售？而是坐地起價！！…Read More

雞蛋咸牛肉三文治一間普通過最普通嘅茶餐廳，一件普通過最普通嘅三文治，令我朝早要轉車嚟食完再返工嘅三文治。晨早入到餐廳同老闆打個招呼，再與相熟面孔點點頭，人情味已經充滿整間店舖，坐定落柯打就必定係蛋牛治。件三文治嚟到先要小心翼翼輕咬一口，熱辣辣嘅餡料標煙湧現，雞蛋咸牛肉碰上牛油而散發出嘅香氣隨之而來，滿滿嘅餡料帶來的質感卻又鬆鬆軟軟，令人有吞之而後快之感!備註：老闆（有心）出品與伙記（交功課）出品係會有出入（+-20%）…Read More

中午前公司派我前往西環攞文件，太好鳥！因利成便來到石塘咀熟食中心食個麵先！牛根腩撈麵色澤深厚跟濃郁柱侯味道都相輔相成！炸醬撈麵肉絲，筍絲，香信絲跟甜酸醬無論份量同調味都配合得恰好！上湯水餃餡料有小蝦2至3隻，木耳，筍絲和沙葛粒堆疊起大拇指般的餃子，味道口感可以講得上絕配！要知道現今市道普普通通一碗麵都要三拾多元，而這裡的價錢跟食物皆超值，希望小店用心制作，讓大家繼續有口福！…Read More

早前曾嘗過滷水鵝三寶外賣兩次，感覺鵝肉質素高入味有肉香，今晚決定試試堂食如何！潮州米醋一上枱，已經香氣撲鼻，正鵝頭頸色澤麗亮，肉嫩皮爽，味透入骨。鵝三寶有鵝肉，鵝肝，鵝腸。鵝肉軟滑充滿濃濃滷汁香。鵝肝是新派做法，粉嫩滑溜帶著微微嘅甘香。鵝腸未算是肥美，剛剛能達標，始終要迎合本地口味。檸檬鴨湯入口清甜之餘還滲透著絲絲檸檬香氣。九肚魚烙呢個潮州pizza，整個烙都被九肚魚肉舖得滿滿，咬落脆脆烙邊連帶魚肉入口嘅感覺係幸福。韮菜粿雖然唔係我心目中形態，然而味道餡料都可以，餡料如果能夠再充實就會更好。本想點叫普寧豆腐，但廚房話今日唔賣，因為天氣太熱變壞咗倒哂！好！好！有借口再嚟食，要食哂餐牌為止。…Read More

星期天睡得晏了點，而天氣也太熱喇🥵同另一半响太子食完早餐後決定遊巴士河，入屯門去試食呢間小店。午餐牌上有好多選擇，比較吸引嘅就有兩款，分別是鹿兒島A5和牛膏炒飯 招牌蝦湯麵 選了鹿兒島A5和牛膏炒飯和小食貴妃雞卷及沖繩海葡萄炒飯上枱時帶著牛嘅油脂香撲面而來，入口滿滿是牛牛牛嘅肉味貴妃雞卷就看似普通，入口時卻散發著雞皮那微微油香跟嫩滑雞肉在口內游走，妙妙妙💯再追加一份😋沖繩海葡萄只是一般貨色，談不上鮮卻引領著旅遊的回憶不斷閃出的話題和另一半閒話舊事。晚市，我會再來的🥂…Read More

相隔數天再來是為了那色香味俱全的牛根腩之餘。甫坐下先點了淨豬手，炸魚皮，淨雲吞再來冰凍啤酒.啤酒夠凍不在話下，連酒杯都那麼貼心👍這裡的豬手也是絕味😋跟牛根腩一樣炆得腍滑易入口之餘骨膠原更是張口，味道濃郁得清香不過咸。香脆味美嘅炸魚皮，此名物源出於附近東興👍無得輸鮮蝦雲吞在此就顯現得失色，老實說句確是普通貨色。…Read More

原本想到波記食肥义鴨肶飯，但門口條人龍有大約十至十工人左右在等，唯有行過對面到熟食中心覓食，午餐食唔到想食嘅又無乜心水想食什麼就這間吧！簡單的牛根腩撈麵，上枱時先飲淡湯，清香而味濃，足料不錯!再看看麵上根腩，亮麗膠膠嘅汁液，得喎! 牛腩肉質入口夠軟淋微微有咬口，濃厚柱侯味道，至於牛根入口夠軟滑膠膠的，讚!麵質淥得剛好，配上濃厚亮麗嘅柱侯汁，吃上幾口麵要飲啖湯來調和一下口腔內嘅膠質!離去時老闆話好食就多啲嚟幫襯啦！會，一定會再嚟食埋其他如豬手，炸醬，魚皮，雲吞--…Read More

今晚特意來查證一吓呢間新開的是否舊舖搬新舖！一睇菜單就已經覺得後浪推得好貼身，跟現在的連鎖店差不多！人情味有老板响度仲有幾分，至於食物味道就見人見智！希望下次再來可以食回舊有嘅味道！…Read More

有幸能再次參與公子的飯局，整晚的菜式都令人回味無窮而且非常高水準，但要數這味最為突出！這菜式就是金錢蝦餅單看賣相真的其貌不揚，公子解說是由兩片冰肉包蝦膠油炸而成。甫放進口內咬開，一陣淡淡玫瑰露酒香撲鼻而來！口感輕爽而不膩，令人有欲罷不能再來一個嘅衝動！…Read More

是晚一家五口子人齊食飯，由細仔發板就嚟咗呢度，上次在這裡食飯已經3-4個月前了，今次預先訂位就不用排隊等，入內坐低點了以下菜式：沙汁龍鳳球，炸豬手，沙拉骨，蒜蓉蒸勝瓜再加多個火燄酸甜鱔球，單尾要碟契媽炒飯。大滿足！沙拉骨酸甜適中惹味開胃沙汁龍鳳球雞翼跟蝦膠配合得非常好皮脆肉香佐酒一流蒜蓉調味恰當帶出勝瓜清香和可口的爽脆呢個小菜上枱時由侍應畫龍點晴，眼睛先享受跟著聞到好香酸甜味，令口水直流配上白飯簡直一流。…Read More

是晚不幸要上山送別，落山慢行到這店子（跟資料）。店內簡潔，可說是前鋪後居的家庭式快餐店，看餐牌後點了紫菜包飯，韓式豬肉飯和炸雞，及後再加韓式魚片。在等侯期間細看餐牌發覺中午的價錢要比晚上便宜很多，很多！呢個紫菜包飯看來簡單卻又清又惹味魚片只是用嚟間場，但又出奇地啱口味！唔會似在韓國街頭食的很大魚腥味。韓式豬肉飯啲飯份量比較少，果汁確實太惹味，辛辣中帶點甜令人欲罷不能，豬肉更是爽脆不油膩。炸雞翼比在市面供應的來得普通，不過亦可一試無妨。…Read More

老闆請食飯由葵涌專車往灣仔食午餐，用餐的地方是新開不到一個月的會所。會所簡潔寬敞、清雅舒適、服務殷勤，絕對稱得上滿意！菜色方面由冷盤開始：紹興花雕醉雞酒香跟味道調配得宜令人未食已經有味的享受，至於雞肉是實在而幼滑嘅！就這味醉雞已叫我有藉口再去食多次。其他如素鵝、脆鱔及燻魚都在水準以上，就由大家來品嚐見証會實在得多。菜餚方面就有：清炒河蝦仁一碟美味嘅菜色用上這三個字"爽、鮮、甜"已經形容得很貼切，再加上幾段蔥度點綴更是清新。其他的還有砂鍋粉皮魚頭、蔥油淋雞、酸辣湯全都味美非常！主食也不容錯過啊！灌湯小籠包、生煎包、蔥油餅、黑椒小燒餅，尤其是黑椒小燒餅絕對要一試！千萬不要叫漏呀!麵食雖然會令人飽肚但好吃的飽都要食。…Read More

是夜在黃大仙中心覓食，見有新店舖開張便抱著一試無妨的心態去試它一試。環境是頗為翠綠有著清新的感覺，甫坐下便開始看餐牌有什麼好吃！由於是新店所以都係點選餐廳的招牌菜色會比較穩紮穩打，就點了以下的：海南雞套餐三色醬汁顏色鮮艷可惜的是酸辣汁只酸不辣、薑蓉居然無薑味，就只有黑豉油最有味道及正宗。主菜海南雞不提也罷，雞冇雞味而雪藏味濃肉嚡！那油飯跟湯簡直鐵一般的師傅飯與師傅湯(味精飯與味精湯)。四色拼盤分別是串燒兩支(牛肉和雞肉)全被沙茶醬蓋住，非常適合老人家食用，因肉質異常軟淋。架吔多只是微熱而味道跟在馬來西亞店舖所賣的架吔沒兩樣。炸雞腿與先前的串燒雞肉同出一轍.....難吃！春卷簡直是素食者的救星，內裡全是菜(無味嘅菜)丁點兒肉碎也沒有。乜馬來西亞的春卷是這樣的嗎?重頭戲上演了：叻沙....就要了最基本的。大家睇相吧！我不懂得怎麼說，總之這間店舖可能主打少油少鹽味淡及以老人家為主要客人。…Read More

掛羊頭賣狗肉潮州菜館食川菜門外很多海鮮但大家請看清楚醃的食物與活的海鮮放在一起醃瀨尿蝦係新鮮本地的至於味道就各有各喜好(唔係我杯茶)醃螄蚶嗰醃汁好混濁內裡較乾及有泥都係嗰句~各有各喜好(唔係我杯茶)鹵水鵝肝鹵水偏鹹欠缺香味鵝肝的質感介乎於舊式與新派之間(即是想做得嫩滑但又未夠功夫)炒薄殼始終是不時不食這個更不倫不類雲勝牛爽肉啲牛肉都唔知爽响邊度?收錢嗰個就爽 椒鹽百花釀大腸椒鹽欠奉純粹炸物百花唔係蝦膠而是墨魚膠大腸已經同墨魚膠混為一體(食唔出)川椒雞球係川式炒雞球已經達到無言境界沙茶牛肉炒河港式沙茶牛肉炒河居然出現喺潮州菜館內絕對香港製造…Read More

作為腸粉專門店一定有招牌腸粉做賣點,正是"第一腸粉"!好吃與否則見仁見智啦! 但可以肯定的是腸粉皮確實做得不錯其實只是食回童年時的腸粉般沒兩樣!滑牛肉腸粉牛肉跟日常食的免治碎牛不相同,是切片後略為挅一挅.有肉味而又夠幼滑:)總括來說:~ 味道始終是以前的做法最好味! 也就是回到從前!…Read More