amen0613的个人专页

難得今日做導遊, 帶國內朋友食下地遁美食, 廟街當然係一個好去處啦今日真係太熱, 宏興有室內位都幾好, 估唔到冷氣夠凍... 正!最正當然係點煲仔飯啦, 仲有蠔餅, 蝦, 炒蜆, 呢餐幾好味喎!由其係蝦同蜆, 又大隻好入味, 汁又夠味, 我朋友仲話撈飯好好味!食咗好多先$215... 抵食下次我都同朋友再黎食餐勁!!!…查看更多

Good morning 早餐來來去去都係個幾間......今日真開心好早到咗九龍灣megabox, 有機會食到一個自選早餐其實我唔知佢地有早餐呀...真係樣樣都係你自己點三兩元一件, 最貴都係$5, 食得好開心呀!講番水準, 除咗個pancake好硬好唔得之外, 其他可以的, 一般味道唔算太突出.... 不過自己想食幾多條腸仔又得, 幾多個包又得... 都幾開心呀^^…查看更多

講真, 深水埗茶記可以坐耐d, 又舒服d, 呢度係一個好選擇:)老細都幾細心呀, 見到你黎過幾次, 送個例湯比我, 心感溫暖...今日叫咗個tea set, 星州炒米, 水準ok啦, 不過不失, 相比銅鑼灣嘅聯威舊舖, 水準就真係未夠班, 話雖如此, 呢度比較適合同朋友傾下計食個tea, 又坐得舒服嘅地方!難得係呢度係深水埗區嘛 …查看更多

約咗個客未夠鐘四圍行下.... ha, 竟然見到間公和.. 以前真係冇留意喎,,,好, 食碗豆腐花先...嘩... 好滑呀, 正過九龍城個間呀!炸豆卜, 都好味, 雖然油都唔少, 但味道唔錯, 熱辣辣, 加埋辣醬令人回味, 如果唔係約咗客仲要食多餐, 我真係黎多碟呀…查看更多

今日公眾假期, 約咗朋友係西貢度hea 番餐...要食得輕鬆, 又可以睇下狗仔吹下海風, 呢度會係一個幾好的選擇lunch set其實普普通通, 來來去去豬扒飯, 牛腩飯就係意粉, 雖然悶d, 不過可以欣賞下海景, 睇下狗仔, 都幾開心, 而且冇比人趕走... 我同朋友足足坐咗四個鐘..hehe!講番個通粉, 其實水準都唔差, 汁都足夠, 三文魚雖說是罐頭, 都起碼有一定份量, 不錯的選擇!如果再夜d, 仲有live band 呀 ^^…查看更多

今日因為會遲食lunch, 唯有早餐食飽d啦中國人要飽飽當然要有米落肚...我是舊思想人呀, hehe!既然去地鐵站買早餐, 不如食QQ RICE, 我都幾鍾意食健康食品, :)平時煮俾狗狗食我都會考究下呀!今日呢個早餐SET, 肉鬆魯肉紅米飯+熱有機豆漿$22一大早見到姐姐好有禮貌為我介紹食物, 雖然我叫咗SET, 但絕對唔係整定比你呀, 即叫即做, 個飯仲係暖暖呀...而且肉鬆都幾多, 唔好以為早餐料實比少D, 整個飯團結結實實呀, 咬落唔會太鬆散, 味道都唔錯呀加上杯熱熱豆漿, 呢個早餐值回票價^^…查看更多

今日雖然係父親節, 無父親的唔代表我唔洗食飯... hehe反正在西貢市中心, 多人嘅地方就真係唔想去..呢間地方都算大, 兩個舖位喎, 起碼得舒服d...唉, 中伏....星期日又係無炒粉麵下午茶餐叫**成個西貢大部份茶記星期六日下午茶都無炒粉麵餐算啦, 食個快餐叫咗個粟米斑脯意粉+凍檸茶 $36完全冇味, 淡到似食緊白烚意粉斑腩係似好多, 不過佔九成都係粉團, 並非魚肉基於唔想浪費食物, 唯有好勉強自己食咗半碟, 心情好沉重唔怪得出面咁旺, 呢間咁靜......總之食麥記好過.....…查看更多

今日去諾士佛臺唔係為食飯, 只係想三五知己飲下野, relax下.. o... 今次真係relax, 毫無準備下入咗呢度, 夜晚happy hour 原來做到8點, 我地過左時間... 不過當飲少杯酒囉..hehe!傾下傾下, 忽然轉燈, 仲加強音樂, 原來有肚皮舞睇呀... 唔好期待跳舞女子有幾多歲, 幾靚女, 有氣氛, 又可以大笑同事們被請去跳舞的傻樣子, 已經值回票價!不過, 同事們就話飲品麻麻, 無咩味, 我算lucky, 我杯 apple martini都似樣呀, 酒係少咗, 不過 green apple 都好足味, 開開心心都唔錯啦...下次可以玩high d ^^ …查看更多

今日由食素朋友介紹我去食私房菜...問心我真係好少食素, 原來而家d素食好多樣化, 真係估佢唔到...朋友話呢間素菜館係私房菜形式經營平時都要book位先有得食呀...我地今日就order左兩個幾特別嘅菜, 朋友笑住話當自己食緊肉啦... haha..素叉燒$50 -小碟, 另大碟$78幾乎估唔到係素食, 幾可亂真!不過我覺得肉質唔似係肉, 太散, 而且太重燒酒味, 但仍算可口素羊肉串串燒 -$50/6串, $78/12串呢個真係好似, 連味道都好似, 仲有花生醬整成串燒醬伴食, 仲以為自己去咗泰國菜館呀呢度有最低消費, 只要叫夠約$3x/人, 就可以任食飯, 湯, 及糖水仲有呢度嘅侍應服務都好有禮貌呀,食完都覺得心平氣和咗喎... 下次想食素, 記得要先打電話預約留位呀^^…查看更多

呢個商場大改革之後就真多咗好多嘢食, 不過最like都係可以跟朋友行下hea下啦...熱天就當然做就我地去食凍嘢...食一杯透心涼嘅乳酪...o... my favour!綠茶乳酪味道足, 仍帶有乳酪微酸口, 亦唔溶.. 結結實實, 正!加埋Blueberry.. 原來一杯乳酪可以令我咁開心, 仲有朋友一齊食... 笑下講下...一次過滿足晒3個願望…查看更多

今日跟朋友重遊以前工作重地, 感概呢個商場又變咗了真係約人都要查清楚間餐廳仲存唔存在先好....朋友話食烏冬... 吓, 又係呢間....上次去鑽石山dinner都覺得除咗烏冬就冇嘢好食, 不過見朋友咁想去.. ok啦, 就食烏冬啦!lunch時間已過, 估唔到有個下午茶set.睇落$30幾蚊都可以啦... 就叫咗個魷魚餅同豚肋骨烏冬餐, 仲有杯飲品呀估呂到真係粒粒魷魚都幾好味喎, 好有咬, 又唔肥膩, 值得推介呢個就ok啦, 不過我覺得佢硬咗少少,又油咗少少.. 我朋友就話都可以.烏冬仍然係主打有水準 或者真係唔同地區, 廚房又唔同, 服務態度都好d... 可惜大學生做暑假工就真係要醒目d... 我地叫菜, 佢黎錯,無所謂啦我, 地食緊佢先過黎話, 剛才唔記得同你地講呢個烏冬湯底係黎錯呀....吓咁都得.... …查看更多

黎長州飲飲食食呢個經驗大家都有... 近兩年興食大波波魚蛋, 市區邊有咁大粒, 難得係長州點都要食番串上一次食$8/串, 有兩粒, 今次食已經$10/串了.. 味道當然係我至愛麻辣魚蛋, 又係咁... 點解成日都係好味嘅野食就越做越差...魚蛋ok仍然彈牙, 可惜完全唔入味, 真係用水沖沖就冇晒麻辣味!下次要諗下仲食唔食... 門口放張poster話三色台介紹過有鬼用咩!…查看更多

見等巴士期間, 有時間去食下小食, 呢間舖平日都多人, 假期weekend更加唔洗講.今日買咗$10/7條腸粉, $6/5粒燒賣yes, 好普通食物但為咩咁多人幫襯, 西貢冇幾多間有得食, 叫做平價小食, 腸粉都算唔錯, 幾滑, 燒賣冇咩特別, 不過勝在趕時間又可以醫下肚先!不過, 呢間小食店最值得一提唔係食物, 係做野個3位姐姐, 非常吋爆, 非常無禮貌, 就當日有位男子買$7腸粉, 1串魚蛋外賣, 一位姐姐問完話$10/腸粉, 男子更正後姐姐冇做到, 之後又另一位姐姐再問, 男子話$7+1串魚蛋, 點知最後位姐姐包左$10腸粉, 2串魚蛋, 男子氣結理論幾句, 但姐姐們一口咬實男子沒有更正, 仲話你唔要就走, 我地仲有大家客要野...最後男子沒有要就走了... 之後姐姐們仲大聲講話客人幾吋...haha...真係絕... 三個女人一個墟, 長期係個墟度工作聽唔到客人order, 仲咁惡.. 我只怕如果我是該男子, 相信罵戰少不了...咁既唔憂做態度, 食物一般水準, 少呢個客應該冇問題.....不過將來又會走幾多....…查看更多

平時大家去銅鑼灣宜家行街, 都總愛食下熱狗$6, 加杯汽水$10 (SET), 肉桂卷$6, 新地筒$2, 又或者瑞典肉丸, 迷你泡芙....今日, 我就食咗杯新地, 嘩... 朱古力醬可以自己加多D呀, 仲有粒粒星星增加口感, $6/杯, 超值, 爽呀…查看更多

一到weekend, 西貢就會有好多大小狗狗跟主人黎遊玩, 好多餐廳仲歡迎狗狗入呀!市區茶記近九成都唔welcome狗狗不過西貢呢間茶記有多張戶外枱仲有大太陽傘, 就算落雨帶住狗狗食野都冇問題啦!今日, 剛好下午茶我就叫個叉燒瀨粉, 凍檸茶, $26, 好簡單的tea set, 但叉燒少少肥又幾好味, 估唔到唔錯,西貢食野唔平呀, 呢個茶餐價錢, 仲有狗狗陪食, 見佢地咁開心, 我個tea覺得特別滿足!值得一提, 個度侍應姐姐做野快手快腳, 招呼都ok, 亦冇話催人食完散場, 西貢玩完飲杯凍檸茶休息下唔洗太費, 呢間茶記都係一個選擇!:)…查看更多