jencheng2004的个人专页

喺新加坡度食過天天海南雞飯，又要排隊，服務又麻麻，加上並不如食評中嘅五星米芝蓮，便決定返香港再食多一次。入到去環境優雅，座位舒適，服務也很好，整體感覺似西餐廳多過似中餐廳，同新加坡喺大排檔嘅感覺一啲都唔同，非常舒服。看到餐牌，算是中價位餐廳，點咗人氣最盛嘅海南雞拼炸雞，豆漿雜菜鍋，豬肉骨茶鍋，油飯以及鹹檸檬梳打。首先講海南雞，雞肉冇味不過做得幾滑，全靠醬汁補救。但係炸雞係凍嘅，底下墊左三舊青瓜，所以感覺唔好食。其次係豬肉骨茶鍋，個匙羹係畢唔到啲湯，湯底其實OK嘅，但係啲排骨係完咬唔到，又唔入味。個豆漿雜菜鍋都幾好，但係落咗好多雞腎同埋粉絲。油飯都幾好食，幾香唔算好油。呢餐食左$700幾蚊，我個人認為性價比唔高，唔會再回頭。…查看更多

未搬之前同一班同事一齊嚟過，嗰陣都ok算好食，亦冇限時間。換左新舖第一次嚟，除左限時之外，d音樂嘈吵到以為自己落咗disco，同坐係隔離嘅人傾偈都好似鬧交咁，d歌仲係懷舊金曲！店員想做多轉生意，見你食完嘢都唔走，就將d音樂愈較愈大聲，等你連傾計都傾唔到，實行轟走你。食物質素已不如前，鑊氣都有嘅，只係價錢貴左，碟頭細左，不過仲有店員為你表演筷子開啤酒樽。眼見國內人或者遊客居多，唔似想做本地人生意，服務態度都唔多好，所以唔會推薦。…查看更多

講真，呢度食仲抵過响茶餐廳度食，雖然個餐牌係加左價，但係幾度菜，加埋一，再有𣾀豐信用卡優惠，都唔洗一舊水，响上環嚟講，性價比超高。再加上服務好，嘢食又啱食又抵食，坐得又舒服，搞到我每個禮拜都總會嚟食…查看更多

我今日去食燒肉，用信用卡落完單，留左email先，click埋email收單據，送出左張單先發現留錯左email address 。所以即時問男店員email會唔會有信用卡資料，佢答我唔到話搵經理幫我。跟住餐到我都未收到回覆，於是再問嗰位男店員，佢話搵經理過嚟同我講。如是者我餐都食完，個經理完全冇出現過，我再問過另一位阿姐，阿姐話經理唔知行左去邊。於是我就坐低响度等左大概10分鐘，個男店員想收餐趕我哋走嗰陣，就‘好似’醒起我仲係度等緊佢個經理，經理ka Ling於是行埋嚟問我咪事，我就再重覆同佢講我嘅問題，佢就話幫我去問下先！我其實由點餐嗰刻到食完，佢哋都冇人跟進過。再等5分鐘左右，經理問左分區經理先回覆到我嘅提問！…查看更多

天氣熱，去ibis 既可以涼下冷氣，又可以享受下美食^_^今日食雞扒意大利飯，煮法一如以往嘅穩打穩扎，尚算好食，只是今日坐無虛設，等得比往常久一點，還好不趕時間，否則要打包回去了！…查看更多

好耐冇嚟宜必思食午餐，同幾個同事一齊嚟食飯，坐下傾下計，好舒服，員工又nice，仲可以任你坐唔趕你走。食飯都有品質保證嘅，特别鐘意飲佢嘅中式湯，好足料，唔係普通味精水，下次嚟到可以考慮一下！…查看更多

中午嚟食飯仲抵，中午1點前埋單，仲有15% 折扣添呀！呢度嘅服務員個個都好友善架，佢有好多好好嘅推介。除此之外，呢度仲可以任坐冇時限，我試過約朋友食飯，禮拜六下晝坐左半日，佢都冇趕我地走，仲不斷幫我地斟水，反而我地覺得唔好意思，問返佢洗唔洗交枱。真係真心讚嘅！午餐有中西湯揀嘅，中湯好好味，古情可以話係真材實料去煲嘅。西湯我都試過，我特别鐘意佢嘅磨菇湯，佢真係用好多菇菇嚟打嘅！…查看更多

今次第二次嚟光顧，食物都尚可，但消費都唔算平。不過服務就可以講得上差，員工冇笑容不單止(其實冇期望佢笑，但唔好黑口黑面啦)，斟杯水俾你，係熱到掂唔到隻杯嘅(因為係玻璃杯嚟)！所以都唔會再嚟第三次…查看更多