Vivianycy的个人专页

尖沙咀都食到平價米其林！Happy Friday約左朋友黎呢度 Happy hour～ 餐廳主打多國融合菜，環境同氣氛都好chill，絕對係放鬆好地方！我哋試咗幾款小食佐酒🍹，全部都好高質，有驚喜！生紅蝦片刺身配布袋芝士紅蝦新鮮味道鮮甜，配上濃郁軟滑布袋芝士，口感層次超豐富！芝士嘅奶香同紅蝦嘅鮮味完美融合，作為開胃菜真係一流～👍日本千手茄子絕對係驚喜之作！茄子外層炸得金黃酥脆，內裡軟腍入味，佐酒一流！香煎比目魚、香辣茄汁藜麥配黑松露忌廉汁比目魚外皮煎得香脆，內裡肉質嫩滑，配上香辣帶微酸嘅茄汁藜麥同黑松露忌廉汁，味道濃郁得嚟又唔膩！黑松露嘅香氣提升咗成道菜嘅格調！Happy hour當然唔少得美酒啦，試咗幾款酒，每款都各有特色：- La Fiole（法國白酒）：清新帶點果香，好適合配海鮮。- Chevalier de Lascombes（法國紅酒）：口感醇厚，餘韻悠長。- Tombacco（意大利紅酒）：果味濃郁，易入口菜式同酒品質素高，環境又舒服，絕對值得再encore！💃🥂…查看更多

適逢Pondside三週年紀念，之前試過佢哋既下午茶好高質，今次同朋友黎試佢哋既三週年三道菜晚餐，環境同食物都好滿意👍當晚揀左河畔位置，落地玻璃設計採光極好，邊欣賞湖景邊享受晚餐，好chill。夜晚燈光浪漫，適合情侶或者慶祝活動。 前菜鮑魚拼大西洋紅蝦刺身鮑魚薄切，口感爽彈，鮮味足夠；紅蝦刺身超驚喜！肉質綿滑帶甜，蝦頭膏香濃布拉塔芝士配彩茄士多啤梨黑醋汁布拉塔芝士爆漿感十足，奶香濃郁，配酸甜士多啤梨同彩茄好開胃。 雜菌忌廉湯濃郁滑順，菌香突出，奶油比例剛好不膩，飲到細碎菇粒增添口感，仲有淡淡松露香。溫泉蛋沙律溫泉蛋火候剛好，切開微微流心，蛋香濃郁。主菜澳洲黑安格斯肉眼扒肉眼扒煎得焦香，切開粉嫩，肉質軟淋，牛味濃，邊位脂肪焦香。 配菜有烤車厘茄、蘆筍同薯蓉，薯蓉細滑，蘆筍爽嫩好食！ 威靈頓三文魚酥皮焗得金黃鬆化，三文魚厚身，肉質嫩滑，熟度剛好。內層有菠菜，增加口感。旁邊配咗薯蓉、蘆筍、車厘茄，清新解膩，呢個配搭有心思！ $333就享用到三道菜晚餐，好滿足好抵食，仲有靚靚紀念品贈送！8月限定，快啲約朋友去enjoy啦！…查看更多

Tallore is always my go-to spot for delicious and nutritious meals on the run. Been eating way too much junk recently, so tonight it's time for some healthy light food to reset my stomach. Ordered four items and shared with mum!Chicken Breast cauliflower rice was perfectly seasoned and satisfying. It gots chicken breast, chopped cauliflower, quinoa, and a runny egg. The caulirice also mixes with purple cabbage, cherry tomato and edamame. Definitely a great light meal!The Smoked Salmon Wrap was fresh full of spinach, cucumber and cheese. Every bite is refreshing and full of packed flavour.The Pumpkin and Sage Soup was creamy and comforting, it is ideal for a light yet fulfilling bite. Their Mixed Salad is a standout. I picked the tuna Poke Salad with its zesty citrus sesame dressing, the roasted cauliflower with tahini and pomegranate sauce and the Roasted Sweet Potato with maple sauce. Every dish felt balanced, wholesome, and full of vibrant flavors. If you're looking for healthy fast-casual food that doesn’t skimp on taste. Highly recommend this go to healthy restaurant!…查看更多

最近同朋友去左呢間鐵板燒慶祝生日，今期主題係海膽龍蝦！將海膽元素貫穿每一道菜而唔會令人覺得膩，大推！前菜熟成三文魚蓉牛油果他他/三文魚軟骨海草昆布/醃酸甘蔥三文魚牛油果他他：口感綿密三文魚軟骨海草昆布：口感爽脆，好似食海蜇咁，微酸開胃醃酸甘蔥：醒神開胃，係坊間少見既前菜。煙燻挪威三文魚有機沙律菜卷煙燻香氣突出，配上新鮮沙律菜，好夾！墨西哥海膽玉子豆腐配醬油三文魚籽海膽嘅鮮甜同滑溜嘅玉子豆腐完美融合，三文魚籽爆開嘅鹹鮮更提升味道。加拿大海膽半法國黑魚子醬生蠔伴蝶豆花泡泡生蠔肥美creamy，海膽鮮甜，加上黑魚子醬嘅鹹香同蝶豆花泡泡嘅夢幻感，打卡一流！白松露魚子醬蘭王溫泉蛋所有食材撈勻後食每啖都充滿白松露同蛋香，配上青瓜絲，清新淡雅，口感豐富！北海道海膽燒半熟帶子+紫海膽燒溏心鮑魚帶子燒至半熟，口感軟嫩；鮑魚彈牙帶嚼勁！配搭特製龍蝦醬，鮮味昇華！秘製海膽醬燒澳洲龍蝦龍蝦肉彈牙爽甜，秘製海膽醬濃郁得嚟唔會蓋過龍蝦鮮味。澳洲海膽配松本A5和牛薄燒和牛油脂甘香，卷住爽脆蔥粒同蒜片，再配埋澳洲海膽一齊食，油潤鮮甜，口感豐富！加拿大海膽黑松露炒飯黑松露炒飯粒粒分明，鐵板香氣同黑松露香將炒飯昇華，和牛脂香噴噴，面頭仲有海膽、大蝦彈牙，蟹子同爆漿三文魚子鋪面，口感豐富，超滿足😌昆布豆腐花膠味增湯鮮甜暖胃，用料十足。海膽柚子雪葩配黑糖燕窩柚子雪葩清新解膩，同海膽鹹香出奇地夾，再加上黑糖燕窩，為呢餐畫上完美句號。呢餐鐵板燒好高質，食得出師傅對食材配搭既心思，絕對係紀念日或犒賞自己嘅好選擇！…查看更多

今日放工同同事去左食花膠雞湯米，食完就明點解長期有人龍🤭羊肚菌花膠雞米線一上枱就聞到超濃雞湯味，湯底係老火雞湯熬成，仲有幾塊厚身花膠，口感軟滑，羊肚菌同米線吸晒湯汁精華，每啖都係精華，雞肉嫩滑，份量適中。貴妃雞酸辣薯粉鍾意食酸辣嘅必點！酸辣湯底帶椒麻同醋香，好開胃。貴妃雞皮爽肉嫩，薯粉煙韌有咬口，索汁能力滿分！時令田園蔬菜菜心用雞湯煮，吸收雞湯精華，鮮甜爽脆。蟹肉忌廉薯餅炸到金黃酥脆，裡面係流心忌廉同滿滿蟹肉！蟹肉鮮甜唔腥，忌廉奶香濃郁，熱辣辣食真係好邪惡。湯底真心高質！環境係街坊小店格局，坐得舒服。一定會再encore。…查看更多

最近同朋友係旺中行街，發現咗地下新開左間滷串小店，位置好方便，旺角站B1出口行1分鐘就到！經過都聞到陣陣滷水香，同朋友食左佢啲既皇牌combo，有驚喜！🌟大大皇牌BIGBIG Combo $55一份有齊5款招牌，計返每串都係$11，真心抵食！✔️鮮鮑魚 - 滷得入味之餘又保持到彈牙口感✔️超大生腸 - 清理得乾淨無異味，咬落脆嫩爽口✔️火雞腎 - 滷得剛剛好，爽口有嚼勁✔️大墨魚 - 厚肉又Q彈，滷水味完全滲入✔️秋葵 - 爆汁口感有驚喜，中和滷膩感✨醬料係精髓！必點「黄芥末+甜醬」呢個黃金組合，提升鮮味之餘又唔會蓋過食材本身味道。重口味朋友可以試吓佢哋嘅椰香沙爹醬，香濃惹味！記得加少少辣油，風味即刻提升～食材每日新鮮製作，滷水汁唔會死鹹，食完唔會口渴。人均$50左右就食到高質滷串，性價比超高！以後嚟旺角唔使淨係食魚蛋燒賣!雖然係外賣店但製作速度都幾快。…查看更多

估唔到荃灣竟然有$200有找既邊爐放題！有19款火鍋湯底任君選擇，我哋揀咗番茄湯底，一上枱已經好有食慾，湯底酸酸甜甜，好開胃，仲有好多蕃茄粒，足料！$200呢個價位仲有海鮮食！有蝦、魷魚、聖子、蜆、蠔仔！海蝦大隻彈牙，其他海鮮都非常新鮮！肉類方面有手切新鮮肥牛、新鮮肥牛、特級精選牛板健、五花肉等等！仲有新鮮自家製的魚類和餃子！自助區仲有各款丸類、蔬菜，水果，火鍋配料，包括魚皮、響鈴、炸物。飲品區都有驚喜位！除咗汽水啤酒，仲有自調水果茶同仙草奶茶，解膩一流～最後記得留肚食埋雪糕！以$198呢個價錢，可以享受到火鍋放題，真係好抵食！…查看更多

餐廳走暗黑系型格裝修，氣氛神秘又浪漫，好適合慶祝活動、情侶約會。密瓜帕馬火腿沙律蜜瓜香甜配上parma ham鹹香，加上Parmigiano Reggiano奶香真係絕配，沙律菜淋上黑醋橄欖油汁 ，清新開胃。吞拿魚牛油果泡沫他他配羅勒油擺盤精緻，吞拿魚他他肉質軟滑細膩，配上微酸牛油果泡沫及自家製羅勒油，入口即溶和風醬油大蝦煙肉扁意粉有驚喜，融合左日式風味fusion意粉，意粉煮得彈牙有嚼勁，每條都掛滿和風醬汁，大蝦肉質新鮮爽彈，配鹹香煙肉粒和鲣鱼片的鮮，香煎牛封門柳牛柳煎至外焦內粉嫩，牛肉味濃郁，伴碟薯蓉綿密。mocktail✨Passionate night，以熱情果醬搭配新鮮西柚調製而成，熱情果既酸甜與西柚的微苦平衡得剛好🍊✨First Crush，青瓜既清新與菠蘿香甜，好refresh…查看更多

呢間冰室好抵食好足料，而且蛋白質滿滿，完全Gym L friendly！💪金牌炸雞配雜菜沙律炸雞外皮酥脆，內裡雞肉嫩滑多汁，調味恰到好處，唔會過鹹。雜菜新鮮爽脆，配上輕盈嘅沙律醬，清新解膩。鐵板厚西冷牛扒配帆立貝（黑椒汁）牛扒厚身軟嫩，黑椒汁微辣。帆立貝大粒鮮甜彈牙，跟餐薯角都炸得香脆唔油膩，加分！跟餐配蒜蓉牛油多士，烘得脆口，蒜香撲鼻。豉汁蒸倉魚健康之選！魚肉嫩滑，豉汁鹹香惹味，送飯一流！🍝牛肝菌意粉配雞扒牛肝菌醬汁creamy，意粉好掛汁。板燒雞扒蛋白質滿滿！雞皮香脆，雞肉厚身嫩滑，份量十足，仲有大量菇菌，飽肚之選。…查看更多

荔枝角工廈有好多出色小店，今次同朋友黎試下呢間黑布小巷，柔和燈光加木系檯燈，感覺舒服又放鬆～整體質素唔錯，性價比高。 慢烤雞腿蛋吐司吐司烘到微脆，入面夾住超大塊烤雞腿肉！雞肉嫩滑，帶少少蜜糖甜香，加上蛋同沙律醬，口感豐富！慢煮雞扒手工滷肉便當雞扒厚切，肉質嫩滑～滷肉肥瘦適中，鹹香入味，撈飯一流！配菜有滷蛋、粉絲同粟米粒， 豐富又滿足～芝士火腿蛋餅蛋餅皮煎得香軟，入面夾住火腿同芝士！拉絲效果超邪惡～點埋酸甜醬汁，開胃又惹味！椰汁芋頭三色圓芋圓口感煙韌，芋泥偏稀，帶濃郁椰汁香，不會太甜。黑布醉蝦🌟新品必食～醉蝦好入味，醬汁甜甜地，作為開胃小食唔錯👍桂花烏龍茶味清新，桂花香氣天然，入口回甘解膩～食完濃味嘢飲一啖，瞬間refresh！…查看更多

Homeland真係慶生首選！鹹食、甜品高質，仲有靚靚生日畫碟，超有儀式感！✨仲有餐廳週年慶優惠❗️生日月最後一彈！朋友偷偷比左驚喜我，滿滿心思同儀式感🥰 食完飯店員拎出靚靚畫碟生日蛋糕，唱埋生日歌，仲有即影即有！超窩心、儀式感滿分。私心推介：韓式玫瑰醬龍蝦QQ捲捲意粉 一上枱視覺效果💯 龍蝦肉彈牙鮮甜，捲捲意粉口感煙韌，好掛汁，每一條都沾滿creamy微辣韓式玫瑰醬。醬汁濃郁但唔會膩，微微嘅辣勁好過癮，鍾意食濃味意粉嘅朋友一定會愛！法式香草烤春雞配薯菜春雞外皮烤得金黃香脆，肉質嫩滑多汁，雞肉醃得入味，充滿香草同蒜香。伴碟薯菜都好出色，薯蓉軟滑creamy，蔬菜烤得爽脆。地中海風蜆大青口配酸種麵包 大青口同蜆肉都好新鮮，醬汁係精粹所在，用咗番茄、蒜香同香草煮成，帶微微酸辣嘅地中海風味，點烤脆酸種麵包食真係一流！慢煮雞胸胡麻沙律 慢煮雞胸肉質嫩滑！胡麻醬香濃又開胃，沙律菜新鮮爽脆，整體好清新。特濃開心果巴斯克奶蓋蛋糕 ✨今餐嘅重頭戲！餐廳好貼心，知道慶生特意喺碟上畫咗生日祝福，好有心思～蛋糕口感綿密軟滑，外層微焦，內裡軟心，開心果味濃郁，奶蓋鹹香，昇華開心果香氣。開心果控絕對要試！宜家仲做緊優惠👇1️⃣ 午市四人同行一人免費👉 逢星期一至五午市堂食，全單免加一！（以最低價錢套餐為準，每位須點一個午市套餐）2️⃣ 生日之星現金券大利是🎂 生日客送「荃灣店限定」$100現金券 x3張！（消費滿$300可用1張，每次限用1張，有效期1個月，只限星期一至四晚市5點後使用）3️⃣ 激筍小食優惠‼️ $9.9買10張小食換領劵！平均每張$1都唔洗！（每次消費限用1張）…查看更多

喺太子附近行街見到有間酸辣粉街坊小店，即使大熱天時，都無阻要食酸辣粉嘅慾望！小店可以選擇外賣或者立食，除咗酸辣粉仲有其他多款小食～見唔係太肚餓但又想試下，最後試左最佳搭配。最佳搭配有蘿蔔、豬紅、韭菜同大腸！蘿蔔好清甜，煮好腍，而且吸滿辣湯汁，好惹味！豬紅口感滑溜，配埋口感爽脆嘅韭菜同埋大腸，口感好豐富，終於明白點解呢個小食個名會叫做最佳拍檔～各款食材夾埋一齊食，真係最佳搭配！下次經過再試酸辣粉同其他小食~…查看更多

行經太子被呢間霓虹燈招牌吸引住，小店行簡約工業風，主打熟成雞湯及煮干湯拉麵🍜，湯底有特色，小食同甜品都超出預期，如果你係拉麵控，呢間絕對值得專程去試！熟成鹽味雞白湯拉麵第一啖湯已經被驚艷到！湯底濃郁唔會過鹹，熟成雞鮮味融入其中。麵質偏幼身，掛湯能力一流，每啖都掛滿湯汁精華。配料都好豐富，雞肉丸子，慢煮北海道黑豚梅頭，大葱絲，青葱，風乾蕃茄，雞油烤茭白荀，豚肉叉燒肥瘦比例適中，溏心蛋流心，正！熟成雞煮干醬油拉麵雞湯底加入煮干（由兩種沙甸魚熬製而成），最特別係可以自由搭配清雞湯同煮干湯底比例，兩者唔搶味，反而鮮味層次更加豐富!Samuri炸雞炸雞即叫即炸，外皮酥脆，肉質嫩滑仲好juicy！開心果巴斯克蛋糕甜品都好出色！巴斯克蛋糕妣美蛋糕店！表面烤到微焦，內裡軟心，開心果味香濃得來唔會太甜，口感綿密，每一啖都係幸福感！焦糖布丁布丁口感滑溜，焦糖醬甜度適中，帶微微苦香，平衡得剛剛好。配面層cream食奶香十足Cold Brew Cold Brew咖啡口感清爽，酸味同苦味平衡得唔錯冷泡八女煎茶茶香清新，回甘悠長，食完濃味嘢飲一啖，即刻解膩！…查看更多

最近去咗呢間主打低卡健康嘅餐廳， 啱曬想keep fit既朋友仔！$98食勻蛋白杯+主食+沙律+排毒茶！真心抵食！自選蛋白杯有13款口味選擇困難症發作！揀左綠茶口味。入口有淡淡綠茶清香，甜度適中，完全無假甜味。加入奇亞籽，口感豐富，滑溜中帶點嚼勁。而且無蛋白粉怪味，飲完成杯已經有飽肚感，作為輕食或運動後補充都好啱。雞胸肉蕎麥麵配沙律雞胸肉慢煮得啱啱好，唔乾柴，加上胡麻醬調味。底下嘅蕎麥麵煙韌得嚟都好清新，配埋沙律同南瓜，成個set營養均衡又好味👍坐喺窗邊可以望到城市景觀，自然光透入嚟感覺好舒服。一個人嚟食可以享受寧靜時刻！…查看更多

同朋友喺西灣河太安樓掃街，竟然發現咗一間超隱世嘅鐵板小店！門面唔算起眼，但傳出嚟嘅香氣真係擋都擋唔住，我哋試咗幾款招牌菜，完全冇失望，性價比高到驚人！🌟招牌牛肉丼必點推薦！超香牛肉同洋蔥香氣！牛肉份量十足，口感軟嫩唔會過肥，醬汁甜度剛好，撈埋珍珠米食，瞬間清碗！鐵板小食系列牛肉薄燒牛肉片經鐵板炙燒，鎖住肉汁之餘帶微微焦香，食落牛味濃郁，簡單用黑椒同鹽調味已經足夠，伴飯或單食都一流！日本一口和牛粒和牛粒外層焦香，咬落去油脂豐富，每粒都沾滿特製燒肉汁，配搭旁邊嘅炸蒜片一齊食，好惹味！爽彈墨魚仔墨魚仔大隻，口感爽彈，完全唔韌。鐵板燒過好香口，再淋上牛油蒜蓉醬汁，惹味得嚟又唔會蓋過墨魚本身嘅鮮甜！汁燒帆立貝帆立貝超大粒！表面燒到微焦，內裡軟嫩，淋上牛油醬汁，更加鮮味！雖然店舖細細只做外賣，但師傅手勢同用料絕對拍得住居酒屋級數！以後掃街又多個高質選擇啦！…查看更多