mcdulldull_123的个人专页

一行5人試左龍蝦🦞海鮮餐，試左白灼五小福，食到食材原味，配少少辣椒豉油已吊出鮮味。杏汁豬肺湯，豬肺乾淨爽口，杏汁味香濃。招牌白胡椒龍蝦,龍蝦大隻爽口，胡椒味非常白，粉絲入味，非常香口惹味👍霸王雞雞肉香滑，只是味道略淡。豉椒炒蜆非常大粒多肉， 味道炒到岩岩好👍整體來說非常滿意，服務好客熱情，有機會會再來試試其他菜式…查看更多

無論出餐服務、員工態度都十分離譜🤬我堂食用QR下單，不足30秒店員已經遞上訂單收據。 我一直耐心等候，因為見到店面周圍都貼滿「耐心等候、不要催單」等警告字句。都體諒可能繁忙時間。但期間見住廚房一直出外賣單，平均3-4單外賣先出1-2單堂食。 而且堂食出單次序極之混亂，比我早落單既未上菜，比我遲半個鐘落單的又比我更早上菜。我點左兩個餃子、一個串燒，足足等左45分鐘，見到比我遲下單既人都開始食餃子，我先忍唔住問店員。店員一句道歉都冇，就咁一句「漏左單，整返俾你。」毫無歉意。隨即我見到有客人食左一啖發現餃子唔係佢點的，店員拎住碗錯既餃子猶豫咗好耐，又問收銀職員點處理，收銀職員大叫唔知道呀，就見住店員將餃子拎返入廚房。 其實真係唔知店員在猶豫什麼？客人用過既餐點唔係應該立即棄置？然後重新出過一份正確嘅餐點給客人？ 面對以上店員混亂且不專業的服務態度，我跟朋友都一致決定立即起身走人。呢間鋪頭貼滿哂叫人唔好催單既標示來做掩護，實際上根本就係自己服務有問題。…查看更多

Pizza 味道可以，外賣可以一試，但堂食絕不會有下次。 排隊情況混亂，不是跟排隊票號入座，經常性會出現一班疑似是老細/職員相識的朋友突然插隊。用餐當晚共有三班朋友插隊，第一班八人，第二班八人、第三班四人。注意：堂食座位只有三十三個。我在5:45pm到店排隊，當時排第28位左右，預計是可以第一輪可以入座。但店員在5:55pm突然放進一行8人疑是女老闆的朋友入座，結果我唯有等第二輪，怎料第二輪開始時繼續有第二班八人、第三班四人的疑似朋友再次給優先安排座位。 而且侍應們大部份時間都按老細要求招呼熟客，我落單都叫左好耐先有人回應。如果大家有大把時間唔介意排隊，亦唔介意因為茶客式大細超待遇，可以一試嘅。…查看更多

本身最愛吃四喜出品的明太子法包，面包上及中間都鋪滿明太子醬，十分足料及咸香味十足。 但最近幾次購買，質素已大不如前，中間的明太子醬更少得可憐，感覺2/3時間都在吃白法包。 以為是個別事件，但結果再買兩次都是如此，十分失望😞 …查看更多

諗住試下個海鹽雪糕。下單時講明要海鹽新地筒，但店員俾了扭紋新地給我，我表示不要扭紋要求退回，店員同我講現在只得返扭紋（前2位客人要淨海鹽味是仲有的），咁我冇辦法唯有照要。 之後我行開觀察，後面是接著有淨海鹽味供應的。 店員服務態度十分有問題，店員可以表示對唔住我吱錯左，而不是講大話話賣哂求其迫客人要就算！原本想試個海鹽雪糕，結果混埋雲尼拿，完全不是我想要的味。現大部份人對於甜食的quota是有限， 講真唔會浪費個quota食杯雲尼拿雪糕，對食物同服務都十分失望！…查看更多

一早起身諗住飲杯果菜汁排下毒，點個換來一肚氣！明明點左一杯指明要少蘋果的果菜汁，因為蔬菜份量他們已經預先切好，佢拿了一份蔬菜，再切了大約4~5個小蘋果落去！佢先落左2蘋果，之後落1條西芹，半條青瓜（切開4件的），2小舊左右青椒，更沒有落苦瓜，飲落沒有半點苦味（應該冇記錯）！ 之後再不停加蘋果填滿整杯！我已立即跟店員表示我要的是少蘋果，店員表示d蘋果都未落哂，少左架啦～ 根本成杯佔最大部份就係蘋果，而且冇落主角苦瓜，如果唔可以更改分量/缺貨應一早講明！當客人耳邊風，得過且過，唔會再有下次！P.S（對上一次購買時說明少蘋果，男店員（可能是老闆）是有減少蘋果數量的）…查看更多

原本今日想吃焗飯和意粉， 於是打電話到天澤的薩利亞打算先叫外賣後自取 。電話裏的職員表示餐廳並無提供此服務，客人必須到店面下單。恕我孤陋寡聞，普通一間茶餐廳都可以先下單再自取 ，一間連鎖餐廳竟然無此服務。算吧~ 於是我唯有到店面下單。下單完畢後我立即詢問收銀男職員外賣要等多久？他表示大約10至15分鐘，於是我等到20分鐘才詢問職員我的食物是否準備好？ 店員向我表示食物正在準備，叫我到門口等 。後來比我遲下單的顧客都已經取了食物，而且點的食物比我多。  於是我再詢問門口男職員，他表示幫我去廚房看一看，但出來仍然沒有給我任何答覆 。之後，所有比我遲下單的客人都已取得外賣，我於是再入店內詢問其他職員，她表示食物正在包裹便無再理會我。 最後過了10分鐘我見仍未有食物，忍不住直接向店長查詢。女店長入廚房後表示食物出錯要我再等五分鐘，我已等了三十分鐘，晚上830了，我已經非常餓，於是我表示不再等了並要求退錢。 該女店長立即黑面，並向我多次理論表示外賣一向都要等15分鐘以上，而且態度並不友善。  最後我忍不住發火才肯退錢給我。此店的職員工作態度求其，對客人的查詢敷衍了事，對於運作出錯並沒有加以正視，好似唔休做，作為一間連鎖餐廳 ，職員態度不應如此，應再多加培訓，否則只會更多不回頭的客人！…查看更多

鴻星為一家以食蟹聞名的餐廳，本應對其水準不用置疑，但今次卻令人大失所望。今次我地一行四人點了黃油蟹套餐【皇宴】，本著與膽固醇一拼的決心，結果白白浪費了quota~ 首先，頭盤算是不錯~ 法國高山熏鱔 ~ 煙熏味和鱔魚油香頗夾，吃後其香味仍在口中迴旋! 櫻花蝦炒蝦球~ 蝦都大隻爽口，加上脆脆的櫻花蝦，咸咸脆脆，算是不錯! 正當讚嘆兩碟餸都不錯時，才是進入今晚的高潮!亦是失望序幕！ 無錯! 就係黃油蟹出場~ 黃油蟹~ D黃油去左邊！? 蟹膏是滿了整個蟹殼，但蟹膏卻是像蒸得過熟的雞蛋般~並不如廣告所講的油香肉嫩！ 原個椰青翅~內有豬肉、火腿、 螺肉等吊味，配上淡淡的椰香，挺清甜的~ 南非鮑甫烤海參~ 此為四人份量，實在少得可憐 。每人只有半棵小棠菜， 四片鮑片，和四分一粒約一口大小的海參，頗為小氣。 飄香石頭魚飯~我們未吃過石頭魚，只知味道有點苦澀，未知是否石頭魚本味如此，所以不予置評。 杏汁官燕~上枱是根本不能分辨到底是熱食還是凍食，蛋白過老，為此餐其一之敗筆。 最後甜品為紅棗糕，上枱時是微熱的， 甜度適中，但已不能挽回分數。 整個晚飯上菜時間頗長，要有絕對的耐性。值得一提是，套餐牌上並沒有註明一隻黃油蟹的重量，當我們下單後，經理表示魚缸所有蟹都超過5兩重，而套餐內只包一隻不過五兩重的蟹。在一心來到吃蟹宴下，惟有要補回7兩，1兩為$108的差額。 在每位約$1300的價值下，品嚐到的食物味道、服務、環境，確實是物非所值！亦對其以蟹聞名的美譽 感到失望！…查看更多

食物味道和餐廳環境是可以的，可惜店員的服務態度係極之惡劣。昨日晚上我地一行四人到太子分店晚餐。到埋單時，我們一時忘記跟店員講我地有會員証，當時張單都未到，我地就拎出張証出黎問可唔可以俾返佢睇 ? 店員睇到冇睇就妙咀妙舌話:「車，得果95折。咪差果少少，又要去取消張單！你知唔知好麻煩？」之前就咁就行左去。 過左一分鐘，佢當無件事咁叫我地簽單，當然係冇會員優惠。 我地確實有點唔順氣，就照俾返張會員証佢叫佢出過張單。 之後佢大大話:「得果95折，攪咁多野。」整個過程語氣非常惡劣。是次晚飯是為我爸慶生， 最後卻因為這件小事換來一肚火， 其實我們都是太子分店的常客，眼見平時員工招呼都是很一般，但相比態度惡劣的尖沙咀店好一點便繼續幫襯。不過經過今次後看來這間公司的員工質素都是有過之而無不及，而我們亦都不會再幫襯大自然素食的任何分店，如果管理層仍然漠視民意無意改善，那我只可以勸你們心情不好時千萬別去，以免食素換來一肚氣。 …查看更多