yummm-的个人专页

日本過江龍辣麻拉麵，經過兩次都無食到，今次放假終於有時間可以去試一試喇🍴增量叉燒辣麻味噌拉麵+味玉◽️無辣無麻，更加食得出湯底原味，好濃郁又唔會太咸◽️拉麵麵質彈牙有咬口，係我鐘意嘅個種質感◽️叉燒面頭有一層肥膏，食落好有油脂香味 好正😋◽️味玉略嫌熟咗少少，同埋無酒香味🤔 小失望◽️芽菜都好爽口 夾埋拉麵食有唔同口感🍴增量叉燒x2辣麻味噌拉麵+味玉◽️小辣小麻，唔會好辣 只係有啲辣味，如果食得辣可以叫中辣~◽️叉燒x2=幸福感x2😆◾️下次試下挑戰辣度加倍！…查看更多

之前經過無時間買 今次終於可以試到😆係芋泥控的最愛 我都試過自己買芋頭返屋企整 看似簡單但都幾花時間 出面買就方便好多🍴芋泥肉鬆吐司◽️麵包有輕輕烘過 食落有輕微脆脆地 又有牛油香◽️芋泥好綿密 唔會好甜 微糖人士表示：甜度調得非常好，加埋肉鬆咸咸甜甜咁 一啲都唔會膩 食曬一個都幾飽肚🤭🍴芋泥奶凍吐司◽️奶凍大大舊夠厚身，同樣唔會過甜，食落陣陣奶香味，加埋一齊食口感幾得意，一樣咁好食😋◾️我諗作為芋泥控 食過一次呢間小店後 會成日都好掛住😍價錢亦都唔會太貴 可以沖去試！…查看更多

之前已經係外賣apps上面見到呢間酸辣姐，佢每個餸嘅介紹都好得意，所以好有印象 今次放假就叫咗黎試下🍴一餸經典酸辣粉- 揀咗薯粉+雞肉腸(bb辣🌶️)◽️一打開聞到酸味好出，食落偏鹹，酸度辣度係ok的◽️配料有好少量嘅芫荽蔥芽菜🥲如果可以多返啲就好◽️值得讚嘅係薯粉好煙靭👍🏻 但又唔係咬唔爛個種，呢個份量女仔食就夠 但男仔就…未必~🍴涼拌皮蛋(bb辣🌶️)◽️重蒜味 食落好惹味◽️皮蛋再夾埋啲芫荽蔥一齊食好正😋涼拌汁反而做得幾好，又好開胃◾️個人覺得涼拌小食好食過酸辣粉，酸辣粉湯底太鹹🫢，整體還好啦 份量唔算特別多~…查看更多

有朋友係澳門過黎香港玩，想食大排檔小炒，就揀咗呢間試一試，見佢串燒都好似幾正，不過今次就無試到喇🔸OpenRice book位有85折🍴懷舊椒鹽炸鮮魷◽️炸粉唔厚，食落好好好香口◽️🦑魷魚一啲都唔會韌，彈牙有咬口，點埋個汁食好正 食多幾舊都唔怕膩😋係每次食大排檔都必叫嘅餸🤭🍴潮式蠔仔餅◽️同樣炸粉唔會過厚，咬落脆卜卜◽️蠔仔都幾大粒，唔會有腥味，食落味道都唔錯又唔會太咸，記得趁熱食呀🍴沙茶芥蘭炒A5和牛◽️本身麻麻地沙茶醬嘅我，見到係招牌菜就諗住試下咩料，估唔到又幾好食，芥蘭炒到好入味◽️和牛粒唔鞋 好香油脂味🤤，呢個必叫🍴涼拌麻辣牛栢葉我哋一坐低職員就拎咗一碟涼拌小食過黎~◽️牛柏葉有小小韌，不過嗰麻辣汁唔錯，份量都好多◾️係可以encore嘅大排檔，坐得幾舒服 都幾多人食所以感覺上好熱鬧，好啱一大班朋友聚會啤一啤😆…查看更多

放Lunch唔知食咩好 就諗住試下新嘢，呢間只可以外賣無堂食，見外賣自取有套餐 跟小食同紙包飲品都只係$55~🍴蒜味叉燒菜飯+墨魚丸(半份)◽️睇落賣相唔差，太陽蛋有小小燶邊，撈飯食好正◽️叉燒份量都好多，不過比較硬身同鞋口，如果唔鐘意食肥叉嘅就啱曬🤨◽️蒜味好出食落好香，但偏咸◽️菜飯只得幾粒菜仔🥲◽️墨魚丸彈牙，口感係比較實個種，一般◾️$55黎講都尚算可以啦，不過個人覺得平時嘅燒味飯性價比更高🫢…查看更多

放假特登早小小過黎 試一試airside嘅foodcourt，因為6點後真係越黎越多人呀🥹🍴招牌去骨海南雞配黃薑飯+秘製香茅薑蜜◽️賣相都幾靚仔幾吸引，不過杯嘢飲太細杯，要加$29，但係幾好飲嘅~◽️雞唔夠嫩滑 比較鞋身◽️黃薑飯食落去個味有少少怪怪地😐◽️炸春卷熱辣辣，個皮夠脆 餡又夠多 唔錯👍🏻◽️鳳爪酸酸甜甜，不過不失◾️海南雞飯嘅話都係鐘意係九龍城食多啲🫢，小食都尚算不錯，不用太過期待~…查看更多

有朋友食過話好正，冬天凍冰冰去食就啱啦😆，四點幾左右去到唔算好多人兩個人食叫咗一款湯餃同兩款煎餃🥟🍴芫茜鮮肉餃◽️皮薄餡多好足料，仲要大大粒◽️湯底好鮮甜 飲完成碗都唔會覺得好口渴芫茜世一🌿😍🍴芝士粟米鮮肉煎餃🌽◽️外面煎到脆卜卜，入面keep到有肉汁，呢款食落鹹鹹甜甜咁~不過略嫌有少少油🫢🍴麻辣白菜鮮肉餃+邪惡金沙◽️面頭鋪滿咗金沙餡好邪惡，呢款辣辣地所以食落冇咁膩，幾特別 都唔錯😋◾️個人就鍾意食湯餃多啲，可以飲埋啲湯好正，餃子款式都幾多 推介！不過夜晚可能就要排隊luuu 要早小小黎😌…查看更多

通常黎Mikiki都係食壽司郎，今次決定試吓其他餐廳，見呢間環境都幾靚，同埋有set lunch就試下~本身諗住叫兩個意粉，但係見到隔籬枱鋸扒好似唔錯咁 搞到我又想食😆🍴風乾火腿卡邦尼扁意粉◽️賣相睇落唔差，仲有塊蒜蓉包同溫泉蛋◽️卡邦尼汁味道偏淡🫢◽️意粉反而煮到啱啱好 唔錯🍴鐵板牛扒餐◽️set餐有跟餐湯同嘢飲◽️牛扒都算大塊但咬落有啲韌，黑椒汁正常 唔夠可以叫職員加多啲◽️呢個份量女仔絕對夠飽🫢◾️整體都好一般，不過環境坐得幾舒服同埋裝修都比較少女心…查看更多

呢間好出名嘅拉麵小店，次次都要排隊？究竟有無啲人講到咁好食⁉️🤔今日12點左右去到，坐低之後陸續都keep住有人入座，小店座位唔多所以好快已經要排隊喇🍴白湯豚骨拉麵◽️豚肉半肥半瘦 又唔會太薄，同埋面頭有燒過 食落都幾香，唔錯◽️配有半隻溫泉蛋，但係覺得酒香味唔夠◽️拉麵我揀咗標準，但上枱淋咗少少🤏🏻可能落單揀返(較硬)食落會爽口啲◽️湯底偏咸🫢食完好口渴◾️豚肉可以讚一讚，但整體比較普通，不過價錢相對平民 都可以接受啦~…查看更多

諗住行下附近睇下有咩食，見呢間係新開 又有人係門口睇緊餐牌，我又去睇下先🧐舖頭細細間 得4張枱仔，不過都乾淨企理，5點左右入去坐低 都不斷有人入黎食~🍴魚蛋牛腩麵（$55）◽️魚蛋都幾大粒，食落彈牙有魚味◽️牛腩好淋唔痴牙，有連筋 連小小肥膏位，有牛味又有油脂香◽️麵無鹼水味👍🏻，不過好似煮得耐咗小小 食落偏淋唔夠爽口🫢◽️上枱前加咗炸蒜令到個湯底都好香蒜味🧄◾️估唔到又唔錯wo，同埋見到佢有崩沙腩同手切牛肉幾特別咁🤔…查看更多

最近屋企人生日，所以就帶咗佢黎大角咀試下呢間米芝連必比登推介嘅泰北菜，超鍾意食泰國嘢嘅我真心好期待🇹🇭😍呢間餐廳嘅裝修好民族風，入到嚟已經feel到一陣泰味~😆員工都係泰國人，所以用英文落單㗎!!🍴泰式咖喱蟹汁軟殼蟹🦀◽️咖喱好濃 有陣陣椰香味，食落帶有少少甜，入面有洋蔥同其他配菜 口感豐富◽️軟殼蟹炸到脆卜卜，份量都夠有5至6舊仔◽️蒜蓉包夠厚身，牛油味🧈好香，麵包都焗到脆脆地，點埋咖哩食一流👍🏻唯一缺點❗️得三塊唔夠食呀~~要另外再叫🤤🍴泰北咖喱金麵◽️特別之處係有2款麵，一款濕麵一款乾麵，乾麵脆卜卜 濕麵好掛汁，有唔同口感◽️🐥雞扒煎過好香炭燒味，雞肉都好嫩滑◽️咖哩甜甜地，香料味好重，加埋青檸味道豐富啲 好食😋如果咖哩可以多少少就好~🍴炭燒豬頸肉◽️豬頸肉食落好嫩口，有焦香味同埋唔會太油膩，點埋個酸辣汁食好惹味🍴蟹肉炒飯◽️蟹肉份量正常，加埋青檸同魚露食落都唔錯雖然相比之下略為普通少少，但係因為其他幾款都比較重口味，所以呢個反而可以解下膩🍴海鮮青木瓜沙律◽️酸酸辣辣好開胃，配料有🦐蝦、魷魚等等，亦都好新鮮彈牙辣度對我黎講可以接受🌶️（利申：譚仔食三小）🍴椰青◽️唔使講都知清甜好飲凍冰冰仲有椰肉食，好正~必叫😆◾️一大班朋友或者同屋企人黎食都好啱，環境有feel嘢食好味，推薦推薦！不過記得book定位 夜晚都幾full喔🤭…查看更多

今日係旺角做嘢，放Lunch出去行下睇下食咩好🤔 因為我嘅Lunch time已經係人哋嘅下午茶🤣呢間下午茶$49好似都幾抵食，又可以飲下湯所以就無叫到嘢飲🍴椰子雞湯米線◽️上枱前會加啲椰絲係面，湯底飲落帶有少少甜，但椰子味唔夠濃🫢◽️🐥雞件份量正常，夠嫩亦無乜雪味◽️有少量配料，雲耳、豆卜、腐竹、生菜等◽️米線彈牙唔會太淋◾️個人覺得食到最尾有少少口渴，所以無飲曬啲湯，不過下午茶$49黎講整體係唔差，同埋見到佢款式好多，有機會再試埋其他…查看更多

屋企人食過覺得好食 今次帶埋我去試一試，止一止台灣癮先😆因為好夜先去所以冇乜人，坐低就即刻落單~🍴紅燒牛腩牛筋麵◽️牛筋好軟淋 夠入味，牛腩帶肥膏 唔會鞋◽️湯底對我黎講啱啱好 咸淡適中◽️麵質正常 有小小咬口唔會過淋🍴木魚炸豆腐◽️豆腐好滑，外層有小小脆皮，加埋面頭醬汁酸酸甜甜，呢個必叫‼️🍴酥脆鹽酥雞(大)◽️唔會炸到太乾身，雞肉keep到嫩滑，調味正常唔會過咸，份量都幾多◾️絕對係會回頭嘅平價台灣菜，每樣都有水準唔差，睇到啲相已經想再去食喇🤤…查看更多

我同男朋友都好鐘意食腸粉 係OpenRice見到呢間評價都唔錯 就黎試下👫店面細細間 10點半am左右去到基本上都滿坐 需要搭枱，環境尚算可以接受因為諗住之後食其他，所以無叫到太多🍴豬潤腸粉◽️豬潤份量足◽️上到枱係已經冧咗豉油，出其地唔會太鹹 有少少甜甜地◽️賣相唔係好皺皮個種，腸粉皮未算好透薄，不過夠滑，仲有菜解下膩🍴菜包粿◽️入面大概有蘿蔔絲、椰菜、沙葛、芹菜、豬肉、花生等等🤔◽️皮比較厚身 食落有咬口，我男朋友覺得唔錯，不過我就麻麻地未食過都可以試下◾️腸粉比較出色，即叫即整熱辣辣唔錯，呢個價錢幾抵食👍🏻，食曬一碟腸粉都好飽肚~…查看更多

作為米線控嘅我，都bookmark咗呢間米線好耐，今次終於經過去食🤭平日晏就去到，唔洗等位直接入去坐低~🍴重慶麻酸辣湯底 + 魚肉春卷 🌶️小辣◽️湯底酸味比較出，略嫌咸咗小小🤏🏻◽️魚肉春卷炸過 表面仲有小小脆卜卜，入面魚肉比較實有咬口，都幾好食😋◽️米線正常唔會太淋🍴霸王雞翼(5隻)◽️雞翼唔算好嫩，有小小鞋🫢調味都啱啱好，不過不失，想食都可以叫~◼️整體都ok 正常合格米線，如果經過會再食，特別魚肉春卷值得試😆👍🏻…查看更多