懷念香港美食's Profile

星期六食omakase ，每位$680 ，我哋只係想休休閒閒嘆個lunch。入到餐廳已經聞到淡淡嘅煙味，不過餐廳中午12點開舖，開舖前有人食煙都未必有問題。士丹利街11號這類細小大廈的特色，就是每層只有一間食肆，呢間餐廳廚房在中間，顧客坐吧檯睇住廚師預備食物，餐廳在廚房最入面用貨品及櫃去間開一個地方畀同事休息。12點至1點期間就只有我哋兩個客人 ，對住三位廚師及一位waitress，去到十二點半，其中兩位廚師就去到餐廳休息的地方，然後又飄來淡淡的二手煙味。或者當時我應該打電話去控煙辦，等控煙辦調查吓二手煙味嘅來源。不過我真係只想休休閒閒嘆個lunch，今次用餐非常不滿，拿拿聲食完就走人，冇下次！…Read More

本來想去耀華街搵嘢食，點知發現耀華街已經唔似以前咁熱鬧，好多吉舖，真係冇心機搵食。跟住行多陣，行到去登龍街，再次燃點希望。因為呢度好多食肆，有競爭才有進步，於是搵咗呢間拉麵店，食咗一碗好好味嘅沾麵，麵質彈牙， 沾麵汁都好濃味，下午茶只收$79 ，好抵，服務亦都非常好，值得一試。…Read More

趕頭趕命得返一個鐘食lunch，來到一蘭竟然唔使排隊，跟住佢哋話要掃qr code落單兼畀預先錢，呢個應該係一個預先收費嘅app，要收咗錢先可以serve個麵。我跟住佢哋嗰個特別嘅QR code，掃來掃去都掃唔到！！！當我開始懷疑自己，於是立即在網上download一個qr code嘅app，但係都係掃唔到code。諗住搵職員幫手，點知只有一個職員，已經幫緊另一位顧客處理個apps嘅問題，結果喺咁趕急嘅情況，我只有無奈地離開。亦都對職員講：掃唔到qr code！跟住我去咗另一間食店用qr code掃單，無論係我本身內置嘅攝影機，還是download嘅app ，QR code都可以順利落單，總括而言：一蘭拉麵，你個嘢壞咗呀！！…Read More

去中環食午飯，總係又貴又迫，但如果可以等到下午茶時段，來到這裏就可以輕鬆地食個質素高嘅拉麵，下午茶$73 無加一，還有小食加飲品 ，真係抵到爛。真心地覺得這間拉麵舖的食物幾好（有時平嘢冇好 ），所以呢個價錢可以食到呢個質素嘅拉麵及小食 ，真係好抵，平時我在灣仔區要食同等質素的拉麵，起賣要$120。…Read More