Mingming21的个人专页

呢個舖位都轉過唔少餐廳，對上一間係食海南雞，海南雞再對上都係食牛湯，冇一間做得長。今次呢間餐廳新開無耐，就諗住入去試吓，咁一間主打食牛嘅餐廳，我當然要叫個咖喱牛腩，如果咖喱牛腩都唔得嘅，其他基本上唔使試。一見到咖喱牛腩，已經好失望，牛腩數量好少，而且全部都非常之柴，牛腩仲要係雪櫃攞出嚟未煮到好熱，肉的中間只係微暖，$56送個牛湯，呢個牛湯飲完之後係會口渴，估唔到主打食湯河嘅湯底飲完會咁口渴，唔係熬出嚟咩？似係預製湯底。見到同枱嘅對面嗌咗個崩沙腩賣相都已經唔得，所以呢間嘢唔會再食，預感應該好快又轉第二間餐廳…查看更多

之前睇到網上有人拍片推介，所以走來試伏，點知真係伏，依家諗返起拍片嗰個人好都好大可能係收左x，點解會咁講？下面會講。雖然睇到餐牌唔算好期待，但係冇諗過會咁伏。碗麵嘅份量超少，基本上幾啖就食晒d拉麵，女士都唔飽。麵質:寫用咩全麥粒麵，麵質一般無特別。蛋:用比較紅嘅蛋黃蛋，味道冇乜驚喜。筍:9成罐頭筍，唔爽身，難食。肉:食落唔似叉燒，唔知咩肉，勁難食。得件白色雞肉食哂。湯底:非常普通醬油湯，唔係熬。店員會用部機打泡，但係對個湯味冇幫助。一碗咁嘅麵賣$105。呢間暫時係我全香港食過最伏嘅拉麵。…查看更多

喺荃灣嚟區講，算係高質，而且街坊價錢。食物的份量多味道亦唔錯，份量應該係香港食過既拉麵最多份量，男士會夠飽。間舖頭新裝修乾淨，老闆應該係日本人，店員有啲都講日文。…查看更多

性價比高，份量多價錢平，味道唔錯，只係長期多人。。。。。。。。。。。。。。。少少意見就係餃子嘅調味肉類調味全部一樣，同埋有時會撈亂咗其他餃子，食完要走同埋座位都比較細，但係都接受到…查看更多

呢間紅茶餐廳食過幾次，今次忍唔住要俾評論，對比荃灣廣場紅茶，大窩口呢間明顯食物比較鹹好多，究竟係糖同鹽落錯？定係廚師個味覺比較差？個炒飯食一半就真係頂唔順，成碟XO叉燒炒飯只係得個鹹味，失敗中嘅失敗。之前食嘅咖喱雞扒飯嗰塊雞扒又係鹹到乜咁，呢個炒飯又係勁鹹，我自問都識得鹹都頂唔順，為咗健康唔會再幫襯啦，遠離劣質。再講吓個環境衛生真係麻麻哋不太理想，周圍好多食物碎，之前夏天試過不停俾嘢咬，類似啲昆蟲啊蚊嗰啲，寫埋呢篇嘢呢間嘢唔會再幫襯…查看更多

荃灣大坡坊開左間火鍋冰室都叫做新開啦，平時行過都冇乜人，呢間嘢似係主食火鍋為主，午餐都有做，雖然冇乜期望，但係估唔到會失望。入到去叫咗個炒飯，一吵完聞到有少少燶味同埋乾真真冇乜油，本身都趕時間所以無換，勉強食咗八成。以前冇諗過入嚟食嘅決定應該係啱，你間嘢只係做火鍋根本唔需要有廚房技術，一叫你做廚房嘢就出事，你個廚房佬唔係做開呢樣嘢，佢根本就唔識冇技術。正常廚房佬一抄完即刻聞到啦。我未食過佢嘅火鍋我就唔評論啦，應該都冇乜機會會試，但係午餐就肯定唔得。…查看更多

第一次喺呢間食餃子坐低10分鐘左右上枱，咬落第一啖感覺怪怪地內裏點解唔熱？一睇原來未煮熟，啲豬肉仲係生，有冇搞錯豬肉都煮唔熟？係咪冇錢請個正常廚師，要請個智力唔正常嘅廚房佬？連最基本烚熟餃子都唔識。…查看更多

Lunch經過呢間餐廳，見到有馬來咖喱牛坑腩飯而且價錢都OK諗住去試吓，點知一見到就中哂伏，咖喱汁完全唔得一d椰香味都無，所謂嘅牛坑腩柴到xx，仲以為廚房比錯，就問個收銀佢話呢個牛腩係正常，連杯嘢飲都唔得，有償有真相，唔怪得知間野冇乜生意，成日要企門口拉生意。你啲牛腩唔得嘅你就唔好用牛坑腩作招徠呃人入去，入到去完全唔係嗰樣嘢乖黎，同佢反映仲要覺得冇問題，咁同欺騙有咩分別？。…………………………..…查看更多

Lunch叫左個咖喱牛腩，本身牛腩數量已經唔多得3-4嚿細其他都係薯仔，仲要嚿嚿都係柴過乾柴，完全咬唔到吞唔到，聽到隔離枱都食到吊哂鬼。你d牛腩唔得就咪賣啦，定係拍板呢條友收左著x？有批靚牛肉賣？真係差到極點，做起左開始賺黑心錢？…查看更多

價錢加左，份量縮水，質量開始下滑。以前廚房出既嘅份量都好平均，近幾個月就好求其，同一個餐既份量可以相差一倍，明顯係求其出餐，我個餐件牛扒同坐對面位客人對比明顯細，我嗰份係我食過出面餐廳最細份嘅扒，我同侍應反映個侍應都知道唔對路。…查看更多

份量好細味道一般。蝦餃係唔錯，牛肉包冇乜味，食完兩個蝦餃同兩個牛肉包都可以完全唔飽，份量真係偏小，男人去食一定唔夠飽除非叫兩倍嘅食物，同埋啲點心應該係即蒸嘅係幾新鮮…查看更多

周圍揾野食就諗住去幫襯下小店，喺門口睇咗一陣都15/16諗緊入唔入去，平時未食過嘅食店有時都會上OpenRice參考吓食評，但係今次冇做到就中伏，呢間負評比率好大。入到去間餐廳叫咗個香茅豬扒雞翼飯，全部都係用即棄嘅餐具，個飯盒本身嘅容量都比較細，等咗10幾分鐘飯到，豬扒雞翼似番炸出嚟嘅，味道非常非常之一般，豬扒叫做勉強入得下口，個炸雞翼竟然裏面係生（有冇搞L錯）炸嘢已經係好簡單，就咁炸你都可以炸唔熟，睇得出餐廳平時有幾咁求其，好後悔入咗去。食完嘅餐具要客人自己掉去垃圾桶…查看更多

事緣早幾日中午經過呢間新開既餐廳(睇左陣餐牌食物圖片好多都影到賣相幾靚)，見到個咖喱牛腩飯好似幾吸引於是就入去試下，座位都係典型新式茶餐廳咁間到好細，裝修唔錯，係好舊式嘅茶餐廳風格，不過食得茶餐廳好少理咩裝修，最緊要價錢合理味道OK就算，我本身都已經要求唔高。坐左陣個飯好快就黎到，點知一睇就覺得不妙個賣相同個餐牌既圖片係二回事(雖然我都知圖片只供參考，但都唔好咁過分直頭係兩樣嘢呀，咁樣同欺騙消費者有咩分別)，連個味道都普通到唔普通，唉，又中伏。好心呢啲無良商家唔好用假圖片呃人，有晒證據影埋相，希望各位公開呢d無良商家。…查看更多

行過呢間無咩人就入左去，阿姐好快手就上左湯，但整到周圍都係，佢可能無為意，最後自己抹。之後叫左個椒鹽豬扒，賣相幾好以為唔差，食第一啖就feel到好x咸，d鹽唔洗錢？…查看更多

今日下午經過見無乜人就入左去試下，成個場約1/5人，坐低睇咗餐牌諗住穩陣D就叫左個港式豬扒包，等咗大約10分鐘有得食，一揭開個麵包就有驚喜，塊豬扒又薄又細，目測平均大約3-4mm厚，其實都幾考師父刀工。咁都算啦，就連味道都有”縮”味，一定唔係沙律醬嗰陣味，奶茶非常之一般，冇乜茶味，呢個豬扒包係暫時食過最難食嘅豬扒包，食完有中伏嘅感覺。食食下仲要有啲烏蠅仔飛來飛去，連環境衛生都唔得，唔會再黎，依家終於明白點解冇乜客人。…查看更多