falaaa的個人專頁

多數喺Lunch Time時間嚟食竹筒飯，大多數時間都要排隊等好耐。可能排隊排得耐係唯一缺點。我已經嚟過好多次，每次都會嗌番竹筒飯食，有齊前菜、蒸蛋、甜味，好夠飽兼好味，主食由刺身到熟食-鰻魚呀，豬肉，魚類都係好好味。雖然排隊排得耐(有時候)但上菜速度好快，包括小食。有次嗌左 炸日本池魚仔，超級好味😋三色丼係必食之選宇治白玉都不錯，唔係死甜蟹肉定食同埋海膽定食都有齊前菜、蒸蛋、甜品。夠哂飽亦好味😋…查看更多

搭正12點開鋪時間食Lunch，完全唔需要排隊等位咁岩今次3個都食熟食，無嗌魚生。鐵板和牛同漢堡扒定食好味，推薦加錢嘆左杯即磨咖啡☕️值得回味3個人食左2百幾蚊，好抵食餐廳環境好乾淨又舒服😌…查看更多

去赤柱玩水果陣，得過餐廳上左2樓坐，好舒適又寬敞。2個人食左4百幾蚊，食物質素很好👍🏻有Duck Leg Risotto, Prawn Burger, Ice Latte, Lime Soda可以翻枱既餐廳…查看更多

話說係九龍城食完泰國菜，隨心係附近揾糖水鋪。呢間店鋪價錢唔貴，有自己磨既芝麻糊，杏仁糊，絕對係良心，有誠意既店鋪。我嗌左一碗”黑白” 豆腐花芝麻糊。個芝麻糊既香味連對面卡座既人都聞到👍🏻👍🏻香芒涼粉同香芒小丸子都係滿到瀉好抵食前後嗌左4碗糖水，都只係$117~ 店鋪環境乾淨，店員態度很親切友善。絕對值得回頭再食👍🏻而家愈來愈少傳統既糖水鋪，有時候想揾自己磨既芝麻糊，屋企附近公司附近都無選擇已經bookmark咗，下次一定會番嚟再食…查看更多

相信係我去過上菜速度最快既餐廳🍴自動Scan QR Code落單，一禁”提交”訂單，15分鐘都未夠就放滿成張枱。強烈建議你慢慢點餐，唔好一次過點哂所有食物，真係食唔切架餐廳環境乾淨，但偏嘈，比較難傾計。但餐廳格局好似身處泰國一樣，有點泰國風味。4個人一齊開餐只係$1200+，食得夠飽又夠滿足感燒豬頸肉真係好好味😋必食推薦柚子沙律唔辣既，好開胃(自問都食得辣)蟶子同虎蝦都不錯👍🏻可能當晚無大蜆，餐廳改以9隻細蜆，都幾有良心既餐廳…查看更多

行過北角見到街坊推薦新開茶餐廳🍴門口有麵包賣，相信一定係自家製造。麵包全部大大個，都係賣$8起，麵包既Size係平日麵包店既2倍，放大版。至於常餐既雞扒撈公，餐包加上炒蛋，基本上一個人都食唔哂，塊雞扒大過我塊面😝同事嗌左乾炒牛河😜都係大大碟同埋勁乾身，唔油脷呀仲有一個餐係豬扒太陽蛋飯，塊豬扒係絕對大過隻手掌，仲要2大塊，真係食完都飽足一日。抵食，大份，推薦大家嚟支持店鋪。職員有禮貌，態度又好滿足既一日…查看更多

以前每前去Greyhound必點生蝦+炒蝦金邊粉，係轉新菜單之後都無用呢2款菜式，但新品依然好味😋新品有椒鹽蝦，椒鹽扇貝等等，以海鮮類別之主，不過因為當時椒鹽蝦賣哂，唯有等下次。新品既蟹肉炒飯，好正！如果食得辣既就一定要撈埋綠色辣椒🌶️非常滋味另外，仲有一向大熱既單骨雞翼，蟹肉粟米餅同埋三文魚，真係回味指數高👍🏻平日係Greyhound都係嗌飲泰式凍檬茶同埋泰式奶茶，今晚同左一個”酒鬼”食飯就嗌左Vodka + Wiskey，好抵飲，$78/杯。…查看更多

環境舒適，入坐時間無限時，仲可以坐足2個鐘都無人趕🤣食物算多選擇，咖啡都好飲👍🏻2個人食lunch都係$200內值得一試(推介)，最好預先訂位，因為有免費甜品送。…查看更多

每次去馬鞍山探朋友，都一定會嚟食飯！環境衛生，坐得舒服😌今次係lunch time嚟食，分別叫左姜汁豚肉飯+$18升級套餐 (有湯，沙律同埋甜品🍮)同埋牛肉飯+$18升級套餐 (同上)2個人食埋單係$190/2位，好抵食最重要係我已經回頭食左第3次喇😆壽司🍣刺生都推介，好新鮮…查看更多

喺觀塘番工既關係，成日都會去Hopa食飯，每個星期都會轉換下Lunch Set，但最大人氣既餐一定係海南雞飯，試過一次一定會回頭再試。喇沙米線係我既最愛❤️今日既主菜係蝦，成碗米線都有5.6隻蝦，蛋同豆卜，好豐富又夠味道朋友食豬手飯，豬手入口即溶，唔痴牙，真係又入味又軟林林Hopa既咖啡，小食都係好正呀。餐廳所有店員都好有人情味❤️…查看更多

經荃灣友介紹下，終於嚟到口耳相傳👉🏻玉子燒專賣店。夜晚7點嚟到，店鋪雖小，位於係橫街角落頭，但傳出好大陣"煙燻味"，所以都易揾。玉子款式有咸有甜，今次點左2款口味👉🏻芝士黑松露玉子燒👍🏻 & 紫薯玉子燒👍🏻玉子原材料係來自日本蛋，蛋特別香同滑。廚師係收到Order後即時製作，燒好玉子後，再用煙燻1分鐘左右，成個製作過程只需10分鐘，就收到熱辣辣嘅玉子燒。不過仲未食得架！玉子經過煙燻後，要等待3分鐘先可進食，因為煙燻再留耐D帶出更香濃嘅蛋味。先食<黑松露玉子燒>，濃濃嘅松露同芝士好夾，一人食哂一件都唔覺滯。再食<紫薯玉子燒>，厚厚嘅紫薯，好香甜。總括: 值得番兜，再試埋其他味。而且價錢好平高質，$30-38/件，好滿足。…查看更多