SuperKikiBB的个人专页

去旅行時都會特登搵當地製造嘅酒來試吓，今次我地來到旺角黑布街見到呢間人氣最旺，仲有香港製造嘅啤酒🍻一定要來轉happy hour 🤩一坐低店員有細心講解佢哋主打賣香港生產嘅少爺啤，我哋見剩係少爺啤都有9款咁多，都唔知點揀之下店員就逐一介紹，最後我哋叫咗兩SET BEER FLIGHT，一次試到6款手工啤Classic pale ale : 淨飲有啲似菊花茶，一啲都唔似5度酒精濃度，超易入口；好襯我地叫咗嘅一款小食「蔥油漬蠔」鹹檸啤：鹹鹹地有啤酒嘅清爽；同「酒先軟骨」好matchHigher than honey chrysanthemum 原來屬於Cocktail 系列，甜甜地，好啱女仔The grad master: 青淡得來味道似白酒Origins : 好重花香味1842: 本身有木香，濃麥味，前苦後甘。可以襯濃味食物，我地叫嘅「黑布月見茄牛意」就好啱食物竟然都有驚喜，通常酒吧食物都不外乎煎煎炸炸嗰啲AIRFRYER 食物，但係呢間整咗啲特色小食，我哋揀咗2款🐣酒先軟骨醉雞軟骨濃濃酒香，食落都有酒味，軟骨爽脆🦪 蔥油漬蠔好特別嘅製法，好日式但又有中式調味兩樣都幾清新同埋同啲啤酒又可以玩吓PAIRING。🍝黑布月見茄牛意HAK PO PASTA 份量都幾多， 意粉做到al dente，黑色肉醬都幾特別，香香辣辣，汁稍嫌多咗少少，如果多少少意粉仲好…查看更多

在中環鬧市，Green Waffle Diner 卻是一間簡約清新裝潢，感覺遠離繁囂自成一角 嘅餐廳。🍷 買一送一 cocktail 真係好抵！仲要係特別嘅cocktail, 唔係classic 個啲🫢 全部賣相都是 靚靚 😍 的！見到Keto Friendly menu 都好想試吓，所以我地叫咗🥑 Salmon Steak Avocado Salad with Apple Cider Vinegar三文魚煎得好香脆，蔬菜同牛油果都非常鮮甜，配埋個微酸嘅醋汁，非常開胃。另外，餐廳有新menu, 兩款菜式都非常吸引，所以我地叫哂2樣🤣🦀 Soft Shell Crab Presto Cream Risotto 雖然蟹仔細隻咗啲，但勝在個risotto 非常足料。青醬好味唔多講，risotto 仲有好多洋蔥及本菇，唔會有太膩嘅感覺。🧇PISTACHIO KATAIFI BLACKSESAME WAFFLE WITH ICE-CREAM每啖都食得到開心果脆脆嘅味道！而waffle 非常香脆，充滿了黑芝麻香味，配埋雲呢拿雪糕🍦夠哂香滑！ …查看更多

今次我地放學見到有個好特別嘅set 招牌咖央面煎糕(加茶記菠蘿脆) +9 °微甜濃豆乳-500-ml SET 🥇招牌咖央面煎糕 一粒粒串起，賣相非常吸引。同平時嘅雞蛋仔有啲唔同，咬入去是軟糯的，質地很特別。味道食得出有咖央係入面，好有椰香。略嫌菠蘿皮唔夠脆，但非常有特色。豆乳新鮮香濃夠豆味，保持一貫水準。另外，我地仲叫咗🥭香芒仙草凍，芒果味極濃，仙草份量足夠，略嫌西米多了一點，但整體好好味😋🥛樽裝燒仙草茉莉花茶豆乳濃濃豆乳配埋茉莉花茶，別有風味，唔似珍奶店主重茶味，呢度係講豆香。加埋仙草很有咬口。買任何產品+$18 就可以食到#養顏系列 我就揀咗 💆🏻山藥百合豆花，一開始以為山藥口感會好黏唔太好味，但食落原來好香加埋百合嘅質地好似成綠豆沙咁，可以做一個健康嘅飯後甜品。…查看更多

一直以為朗豪坊13樓只有酒吧同埋西餐，原來仲有間日式火鍋放題，仲要幾抵食添佢有幾個價錢選擇，我地最鍾意食牛舌，最basic嘅牛舌放題竟然$200有找，所以我哋好快就揀咗呢個餐。湯底選擇都有特色，一人一鍋，我哋就揀咗特別啲嘅生姜雞湯同埋胡椒和牛清湯！入到餐廳，我哋張檯位置樓底好高，一啲都冇壓迫感。自助食材都應有盡有，蔬菜新鮮同埋款式算多。咖啡機汽水機烏龍茶都有，加$30起仲有酒精類飲品放題，我哋揀咗$30嘅🍺生啤放題，竟然仲有得揀埋菠蘿啤同桃味calpis 啤，真係飲一杯都已經抵咗。講返嘢食，雞牛豬都正常好食，個牛舌真係要讚吓。第一碟擺盤一流，成座滿滿嘅👅牛舌，放低影吓相打吓卡都開心，食落仲要彈牙，厚度適中，我哋最後都食咗好多碟。整體嚟講係性價比極高，不過全場爆滿但係只有兩三個員工，見佢哋做到冇停手但係態度都仲係唔錯，算好難得，值得一讚。🫶🏻…查看更多

朋友回港，我地就來到 #海港城 Charcoal Bar 食個豐富晚餐💕💕 一行5人，餐廳經理帶咗我地近窗邊嘅座位，呢度個景真係超正，睇哂成個「香港」，因為個view 係香港地標。 首先來個 #happyhour 🤭 飲返杯黑啤養養生😅 仲叫咗2款小食，其中一款叫Padron Pepper，好香辣椒味，但原來完全唔辣，爽脆口感。Lobster bisque: 鮮甜又夠濃，當然有龍蝦🦞肉係入面啦！Charcoal-grilled squid: 微微香辣調味，保留到魷魚鮮味，再配埋特色醬汁，墨汁tartare sauce / 青辣椒汁 令魷魚更香甜Josper Grilled Yellow Chicken: 外皮香脆，肉質嫩口，好juicy Australian Kobe Ribeye (Charcoal grilled beef) : 好香牛味，咬落仲好有肉汁，唔會因為charcoal grill 而乾哂。甜品我地揀咗Lemon Tart : 甜酸平衡，解膩又可以滿足到食甜品嘅感覺Chocolate Two Ways：甜中帶朱古力嘅苦，多重texture, 很有趣的甜品…查看更多

餐廳喺大埔超級城，啱哂行街行到食返餐勁嘅一行入門口已經有一列自助嘅熟食同前菜，款式都幾多，有炸雞有海鮮🧃🍶飲品櫃都有極多選擇，最吸引係果汁酒，超市買都要十幾蚊一罐，呢度任飲。另外亦有冷熱清酒任斟任飲食物QR CODE 落單，方便清晰。無論魚生壽司以至串燒鍋物都應有盡有，每樣試一件都已經食到捧住個肚。🐠🍣魚生好新鮮，尤其推薦油甘魚同馬刀背。如果泰式生蝦有埋個泰式酸辣汁就更好。🍡🍢串燒款式都唔少，每次都熱辣辣送上枱，味道稍濃，但係送酒就啱啱好。🍲蜆肉豆腐鍋啲蜆好肥美，個湯清清哋，解膩一流。😋不得不提係個燒榴槤，燒得剛好大大件，非常滋味，無得輸嘅甜品。另外，甜品生果雪糕勁多選擇，大大個雪糕櫃，好多唔同牌子嘅雪糕雪條，連Häagen-Dazs都任食，下次記得留少少肚試多幾樣😆…查看更多

行開Hysan , 見到呢間幾特別就諗住食佢嘅午後餐當早嘅晚餐。點知5:30 到，佢話要5:50 先可以入座食晚餐，午後又唔得，因為剛過了😖唯有等到5:50入座叫晚餐。🥗 油甘魚櫻桃番茄脆米沙律: 油甘魚有魚味，沙律菜新鮮，呢個配搭幾特別禾日炸物三種盛：炸蝦乾、雞軟骨、池魚仔，炸粉ok, 但調味太咸，或者佢係諗住係送酒？等人叫多幾杯？🐷 北海道豚肉、日本季節野菜風味鍋：豚肉有啲overcooked, 湯底太咸，令啲菜都好咸。👅 月見厚燒牛舌香蔥釜飯：牛舌係厚切的但有啲韌同埋都係好重調味，飯🍚嘅質地好好，但連埋啲汁都係咸得滯🐽 北海道十勝豚丼：豚肉味道不錯，燒到有啲燶邊，呢個味道係正常，個汁甜甜地，拌飯不錯，但呢個價位，略嫌少飯得滯🐟 燒油甘魚餃：燒得燶得滯同埋有啲乾Overall 食物賣相ok,但調味有待改進…查看更多

選址係觀塘區嘅寫字樓入面，地方舒適寬敞！ 我地到達時仲有HAPPY HOUR，立刻order 杯Tequila Fizz 歎一歎！🍲安格斯牛肉泰式火鍋套餐：一落單就有員工行埋嚟話張檯擺唔晒，轉張大啲嘅檯俾我哋。上菜時認真係陣容鼎盛，蔬菜籃、船粉一大碗，仲要肉都有兩盤。肥牛同肉丸都正常發揮，值得一讚係個大碗牛冧肉，手切仲要醃咗味道，配金邊粉一流，有咬口又有肉味，份量十足。湯底有啲肉骨茶感覺，都幾有東南亞風味😋🐮 牛舌芯配青胡椒燒汁：利用慢煮烹調，肉質唔錯，配個青胡椒燒汁都幾好味，不過估唔到青胡椒係唔辣的，如果帶多少辣味可能會再惹味啲🐽泰式豬肉串燒：烤得很好，豬肉醃得夠入味，同埋好厚肉，配埋個酸酸辣辣泰式汁食多幾串都得！🤩成餐飯最驚喜係🦪鐵板蠔餅: 啲蠔好大粒，同埋用蛋煎唔會好似潮式嗰種咁多粉，又唔會好似台式黏黏哋嗰仲感覺。大碟得嚟食完都唔會覺得太油膩🤭…查看更多

餐廳座落灣仔嘅商業大廈入面，自成一角，好適合同家人聚餐或者一班朋友飲嘢傾偈 $200 free flow 2 小時，一路傾一路食，很不錯Set dinner 份量十足🥗 凱撒沙律:生菜好新鮮，醬汁適中唔會太多🥣 蘑菇忌廉湯:有香濃松露味，飲落足料仲有好多菇粒子同菇片，唔會太鹹，仲有啲黑胡椒嘅香辣🥩 美國平鐵牛扒軟稔得嚟好有肉香，而安格斯牛頸脊牛扒就有𡁻頭。兩塊牛扒厚度唔同但係廚師都好完美做到五成熟，值得一讚。🍟 配菜嘅薯條非常好食，熱辣辣同埋調味適中另外，仔仔好想食🍝肉醬意粉: 意粉做到al dente , 肉醬汁多料又有香草🌿茄醬味，份量十足…查看更多

今次我地來食個豐富午餐先返學校練習，新推午餐好吸引！主食可以揀菜飯💚 或麵食💜套餐已配埋原味豆漿，超濃豆香！🍚 台灣肉燥菜飯 肉燥味道剛好，菜飯真係有好多菜，仲有隻燶邊荷包蛋 送飯一流，份量十足，高纖飽肚之選🥣開心果豆腐花開心果露味道夠濃又夠滑，開心果味十足，配埋香滑豆花，甜度剛好，超級好味😋🥣原味豆腐花 +芋圓（+$5）今次來多咗啲配料可以加，駿👦🏻鐘意食芋圓，不錯的配搭，豆花很滑，要幾多黃糖都可以自己加👍🏻🥢招牌麻婆腐皮蛋餅 蛋餅包住榨菜、芽菜同紅蘿蔔絲，配埋獨家自製麻辣醬🌶️麻麻辣辣，啱晒鍾意食辣嘅朋友！🥢魚肉煎豆腐 煎得不錯，魚肉彈牙，豆腐香滑，純佳配搭🤓🥛杞子元肉紅棗黑糖豆漿 + 桃膠女士必試， 滋潤香甜，最近血氣不足，啱晒👍🏻 足料又有薑味，大大提升豆漿嘅味道😋如果大杯啲就好啦！…查看更多

趁暑假帶仔去潮聖🤩 可以一邊食住台式美食，一邊「雪櫃冷笑話」放題🤪 慢慢食慢慢飲享受個午餐👍🏻🥔薯茄樂園餐🍅🐥辛辣雞扒刈包刈包上的印記令我地唔捨得咬落去。雞扒香辣韭菜襯埋軟綿綿嘅包一齊食口感十足有層次。🍝 蕃茄牛腱烏冬老牛筋好夠腍蕃茄味蕃茄湯凍味道比較清淡，啱晒夏天食。🟣地瓜球有四粒地瓜球，炸到外脆內軟🥤 開心返埋梨特飲鳳梨加蕃茄配落綠茶度，非常清新可口仲好健康添！🍧榴槤泰奶冰啲24榴槤肉加入泰式奶茶綿綿冰呢個配搭好泰式，味道配搭一流。個底仲有仙草凍，一個甜品三種享受😋🍴午餐可揀1主食，2餸，1小食🔆滷肉飯：份量十足🔆滷牛肋肉：好入味又夠淋🔆醉鴨舌：好有酒香，伴餸都有8條，抵食🔆鹽酥雞：大雞件，同平時有啲唔同🔆仙草冬瓜茶：消暑又解渴〽️炸花枝丸+$18 已經有4粒，外脆內軟，好有夜市feel另外，我地加咗夜市小食🩷台灣腸 ：燒到脆脆外皮🧡夜市雞卷 ：扁頭係腐皮包住雞肉，炸到外邊脆卜卜，裏面有肉汁。🥤粒粒白桃烏龍：飲品排行榜第一位🥇當然要叫來試吓啦！…查看更多

估唔到晌銅鑼灣嘅商業大廈入面竟然有間隱世日本餐廳，仲要清酒🍶任飲，只係$88/位 🤩店員細心講解任飲清酒有20+款，有甘口有辛口，分咗層放，任君選擇。食物方面選擇都好多，壽司刺身，以至壽喜燒串燒都有。🍣刺身壽司拼盤 🎣3款刺身+ 6件壽司，食落去都鮮甜，賣相仲好好👍🏻性價比唔錯。星期一、二、六餐廳仲有做串燒買一送一，價錢$28起，款式好全面，應有盡有，呢個PROMOTION簡直係非常抵食🤎浦燒鰻魚：醬汁份量剛好❤️明太子燒免治雞棒：原來明太子同雞肉咁夾💚鹽燒雞頸肉、鹽燒雞腎、鹽燒雞尾：燒得剛好，唔會太乾身💜鹽燒雞胸軟骨：質地好好👍🏻🩵燒秋葵，日本甜薯💛汁燒豆腐：燒得外脆內軟🤗…查看更多

朋友係要見嘅！ 今次我地就約咗去一間可以😌放鬆身心靈嘅素菜餐廳食晚餐。呢度嘅裝橫簡潔俾人一種遠離繁囂嘅感覺。餐廳提供5道菜式嘅set dinner menu，主菜、甜品、茶品都有4款選擇。❣️頭盤❣️特色素小食：酸辣四季豆酸酸辣辣，非常清新開胃🍅是日餐湯新鮮蕃茄湯：香甜美味又開胃🥗素某沙律新鮮沙律菜+香甜水果，好refreshing🍠野菜天婦羅粉漿好薄，炸得來，但係都可以保持到蔬菜嘅水份，咬落有爆汁嘅感覺🍽️ 主菜香草素雞。烤野菜。山藥慕絲素雞嘅香口得來質地都好好，山藥慕絲飽肚又健康黑白野菌。素帶子。貓耳朵粉貓耳朵粉質地al dente ，野菌汁香濃而不膩。素帶子很特别，第一次食，真係有海鮮味。💓甜品💓茉莉花雪梨凍利用荷葉做器皿，盛載茉莉花雪梨凍，清爽又清新，啱呢啲黐立立嘅天氣，有種洗滌心靈嘅感覺。麗楓秋栗香滑栗子蓉配爽口烏龍茶凍。很有秋意。展開草本拼配茶、揚眉草本拼配茶每款茶係代表唔同嘅心態同人嘅唔同階段而設，飲得很舒服😌 無諗過素食都可以有咁多款式，仲可以咁滿足😌…查看更多

好耐冇嚟銅鑼灣食街，原來都仲有好多特色餐廳同酒吧，今次我地就來到一間專賣本地少爺啤嘅酒吧!佢其實都有賣好多其他特別酒廠嘅手工啤酒，不過我哋都係試返本地生產🤗🍺Summer of 1842: 少少花香味、清新可口，真係好啱夏天飲🍺正 Jeng : 睇到個名就想飲，真係「正」！甘苦得來又有花香，襯到野食又可以就咁飲👍🏻嘢食方面都好得意，好多創新又有本地色彩嘅料理，例如腐乳卡邦尼意迷，麻辣牛舌等等。我哋最後試咗下面幾樣：🐮啫啫沙爹牛肉腸粉煲：惹味得嚟唔會太鹹，啲牛肉有口感又有牛味，唔係乸到冇晒味嗰種🫛雞油毛豆：用雞油走油過嘅毛豆，加入不同香料拌勻，送啤酒一流🤭🐮香辣牛肉他他：生牛肉碎mix with 自家製辣醬，再加入芹菜芫茜，配埋香脆帶甜味嘅饅頭薄片，味道中和咗個辣味，好有特色。🤩…查看更多

喺學校做完花式跳繩訓練，當然要食個豐富下午茶😋 今次我哋揀咗台式餐點#段純貞 x #日出茶太🐮紅燒牛肉麵牛腱非常入味，而湯底係利用多種香料加入四川元素而成，所以同其他紅燒牛肉麵嘅湯底有少少唔同，香味十足。🐮清燉牛肉麵利用牛大骨咬仔嘅清燉牛肉湯濃而不膩，配細麵每啖湯加麵食，食到舔舔脷。🥬滷肉青菜油麥菜油麥菜份量不少，滷肉味道剛好唔會太鹹💫蒜粒古早台灣腸甜甜嘅台灣腸配埋蒜頭酸菜一齊食，多重味道，多重感受。🐓 鹽酥雞同台灣夜市好唔同，呢度係大大粒雞粒炸到外脆內軟。最特別之處係佢有大量嘅九層塔一齊炸，所以每舊鹽酥雞都好有九層塔嘅香味。🥛 手工仙草凍鮮奶仙草嫩滑，甜度適中，配鮮牛奶，小朋友鍾意❤️🥭 芒果QQ愛文芒味道，配QQ珍珠加椰果，消暑又解渴。…查看更多