roy3603的个人专页

極度不推薦，篇文有啲長，請大家耐心看完喺附近做完gym，諗住搵個地方鋸扒，就去左呢間餐廳。一入去，成間餐廳後幾枱客，80%以上空枱，有三個員工，一啲都唔忙。首先佢地安排左我地坐一個勁大風嘅風口位，我地問其中一位服務員，佢要向另一個好似高級少少員工「請示」，先批准我地轉枱，但係其實當時係有超過80%嘅空枱。我哋兩個人，睇完餐單，就叫人嚟order，係嗰位高級少少嘅員工嚟serve 我地，一份5成同一份7成嘅牛扒。叫完之後，我地一直用電話，過左10幾分鐘，有啲口乾，我地就發現我地連水都無，於是就同嗰位高級員工講想要兩杯水。個高級員工好型咁比左個手指公我地，然後過左10分鐘，我哋嘅嘢食、水、前菜乜都無嚟。:(然後我就同嗰位好似低級少少嘅員工講我地想要水，同埋啲嘢食乜都無嚟，佢反而問我哋order左未。大佬呀，前後都成半個鐘，而家先問我地order左未？隔離枱遲過我哋嚟，又有湯又有前菜食埋我哋乜都冇，真係好過份。以後都唔會幫襯，奉勸大家都唔好去！以免大家唔係食嘢食飽，而係成肚氣飽曬！…查看更多

Impolite waitress and poor food. No thank you and no good bye but just welcome at the beginning.We will not visit again.The view and environment is not as good as the pictures show on OpenRice .We visit this restaurant in the afternoon ,there are very few people there.The price is cheap but the food is also cheap too,the portion of the food is small and the taste is not good.The lunch set doesn’t include coffee and we need to pay $18 for the coffee.…查看更多

原本諗住開開心心食飯唱k，同女朋友嚟諗住聽下歌，點知啲服務態度勁差。:(個台勁細，一d feel都無。音響都算ok，不過音樂聲偏細。嘢食就過得去，選擇比較少，款式唔算多，上餐速度慢。最過分係，佢喺食到個半鐘嗰陣同我地講last order，咁我地就當然叫多啲，慢慢食，點知佢撘正兩小時嘅時間，唔出聲直接走嚟熄咗我地個爐，然後倒曬我地叫嘅食物。嗰度都有五、六碟食物，為咗趕客，咁樣浪費食物，真心唔欣賞。講真，你又全部吉枱，又無人出面等位，你咁早趕我地走做咩？如果你有禮貌咁善意提醒我哋，我哋自然會識做食快啲，不過餐廳就選擇用另一種方法，一方面浪費食物，另一方面導致呢篇文章嘅誕生。同埋我想講，呢間餐廳嘅主打係唱k火鍋，一路唱，一路食，就當然食得慢，咁你又要限時兩個鐘，我打電話book位嘅時候又無講，點會夠時間？我初頭以為星期六、日晚會勁多人，點知餐廳又無人等位，又咁多吉枱，都仲要咁樣趕客，唔怪得知間餐廳做唔起，搵幾多kol 嚟宣傳都無用，仲浪費埋Vsing個名。好好嘅concept，好好嘅硬件，就比好差嘅服務一手破壞。…查看更多

因為疫情關係，我用左delivervoo叫呢間外賣，打開個apps我比佢張相吸引左，大家都見到，佢張相係幾多肉，啲肉又幾咁垂涎欲滴，加埋嗰雜菌汁同啲前菜，於是就叫咗份試吓。點知嚟到之後大失所望，打開個盒，啲肉又少又薄，雜菌得嗰幾粒，前菜又少少，我心諗唔通我叫左兒童餐？我明白而家呢個時勢，大家都經營有困難，但係如果開得門做生意，可唔可以比返少少誠意？份餐要108，計埋運費要134，我真心覺得可以再做好啲啲。總之今次真係好失望，比佢張相呃咗，照片原來係照騙。…查看更多

呢間餐廳開左一段時間，在最近先有時間去試！第一次食係同朋友去食堂食，69蚊有個lunch set，有主食、有前菜、有湯、有嘢飲，難怪坐無虛席。第二次食係叫外賣，用外賣apps叫，好快就送到，不過食完先發現原本加左12蚊的即磨咖啡漏送左，即時打返落去餐廳，負責人好有禮貌咁話唔好意思送漏左，估唔到10分鐘後就送返杯咖啡上嚟，真係抵讚！極力推薦，一定要試！慢煮牛面頰，煮到好林，好入味，試意推介！會再幫襯！…查看更多

平時好少出旺角，行過呢間無乜人食嘅餐廳，見到餐牌上面嘅份量都幾大份，就想入去試下一坐低，侍應就即刻遞上餐牌同一杯暖水，杯水仲有個侍應手心嘅餘溫，頓時感到十分溫馨！再揭開餐牌，見到一幅幅的食物圖片，哇！好似好抵食咁，心諗今次唔會中伏掛！跟住叫左個是日午餐，馳名咖喱牛肉飯同杯即磨咖啡，唔知點解杯即磨咖啡唔洗兩分鐘就送上，效率好高！咖哩牛肉飯大約5分鐘後送上，個碟好大，份量好少，好有空間感！啲汁好稀，味道一般我計過，呢碟飯一共有5塊牛肉，如果計飯係5蚊，杯咖啡10蚊，牛肉就要6蚊一塊，哇，一定要當係黑毛和牛咁食先得！馳名咖喱汁好稀，味道一般，牛肉有5塊，計返條數每塊6塊。呢間餐廳好適合一家大細、多人聚會，因為份量夠少，可以食多啲款，不過我就唔會再嚟，因為好似無食過嘢咁。…查看更多

有晚突然想吃日本串燒見到旺角新開左一間深宵食堂又見到有龍珠高達做擺設老闆識貨👍🏽一於就入去試下見到單餐有個甲羅燒個名好特別即管叫個黎試下一黎就見到滿滿蟹膏加飛魚子擦上麵包度勁好味🤤回味無窮呀勁度👍🏽👍🏽大推呢味菜老闆勁度推薦的豚肉露荀卷薄薄的豚肉包住個露荀清甜可口只可恨得幾條未到喉🤤叫左茄子🍆，羊架，冰燒波蘿，焗蠔，呢個去邊都一定要吃的虎蝦，新鮮蝦味重🤞🏽好正最後仲有鰻魚玉子燒…查看更多

今日約左幾個舊同學食飯，有其中一位推薦去食順德菜，於是就去左佐敦的順德公魚村河鮮酒家食晚餐。我地四個人叫左個四人套餐，價錢唔算貴，環境都幾寬敞。首先上嚟嘅係順德煎釀二叔公，雖然係有啲油，不過都幾鮮味，作為第一道菜，引下啲口水分泌都唔錯。之後呢個湯就真係要極力推介，一定要試，好飲到不得了，份量都足，我地四個人每人飲左一至兩碗湯渣都好足料，可以見到有幾款唔同嘅藥材，同枱嘅舊同學連藥渣都唔放過呢度咕嚕肉同出面食到嘅好唔一樣，出面嗰啲好多時會炸到勁乾，呢度嘅咬落去表層鬆化，不過入面係軟同有肉汁，正！呢個係污糟雞，睇落去都唔係好污糟，不過食落去就好好味！最後一道菜，今日嘅主打，枱面魚，條魚味鮮甜，魚湯係翅底湯，另外會附有唐生菜，索左啲魚味同湯汁，好好味！總括而言，今晚呢餐大家都食到好滿足，下次會再嚟…查看更多

嚟銅鑼灣行街，到左食飯時間間間餐廳都爆曬，又唸唔到食咩，行過見到有刺身加燒肉，一石二鳥，就去試下雖然係食飯時間，但可能位置較偏，所以都唔洗等好耐就有位，一坐低就叫左份剌身食下先。刺身中的甜蝦同帶子係必食，食完再叫左兩次，唔錯其他刺身都幾有鮮味龍蝦刺身係必食嘅，首先將龍蝦拆肉，鮮甜！食完啲肉之後個殻會攞去煲粥，啲粥好正跟住就到燒海鮮啦，有幾多海鮮燒呢個蟹蓋無得頂！大量肉類任燒任食都要食下菜幫助消化嘅其實食到呢度已經食唔落，不過叫左就食埋去啦！壽司都算唔錯嘅總結整體上都算唔錯，適合一班朋友一之齊嚟任食任燒！…查看更多

喺太子區要搵間稍為好啲嘅邊爐唔係咁容易，早排聽朋友開左間四季文昌，除左有高質火鍋材料之外，仲主打椰子雞，一於去試下一坐底覺得口渴，即刻整個椰青飲下先，椰青好鮮甜，個椰殻仲印有餐廳的logo，別出心裁然後就叫左個冷盤，有面包蟹、小龍蝦、生蠔、青口、甜蝦，仲有蜆，值得一提嘅係小龍蝦，喺出面都未食過咁好味嘅小龍蝦刺身，食落好鮮甜，一定要試！依牙鬆槓嘅小龍蝦，食落去好新鮮！份量十分的海鮮伴盤，魚好好味，建議同海鮮湯底一齊食牛脷，好味，不解釋！主打文昌椰子雞，好鮮有雞肉味總括而然，又有火鍋又有刺身，值得推介！…查看更多

喺鑽石山睇完戲，拎住去商場內指定餐廳食飯，可以有九折優惠，咁啱行過見到呢間馬來西亞菜餐廳，就入去試下，點知令人大失所望！:(:(當晚星期六，七點食飯時間，都幾多人，等左半個鐘先有位。餐廳有唔少套餐，不過人人都食套餐，唔通個個都想食套餐咩？肉骨茶一嚟，我地大跌眼鏡，說好的肉同骨呢？為左品嚐肉骨茶，我地虛耗左人生的30分鐘，點左價值60蚊傳說中嘅肉骨茶，聲稱有二人份量，啲水就有三至四人份量，不過啲肉同骨就只得畫面所見，2、3舊咁大把！個湯啲味仲要好怪，好咸，無平時肉骨茶嘅味道！呢樣嘢嚟左之後，我地對之後嗰啲都好驚！巴東牛肉飯，58蚊食落牛肉味無乜，椰香味較濃，咸，肉量較多海南雞半隻，118幾滑，有雞味，唔怪得個個都叫，果然招牌菜係唔衰得參峇四大天王，58蚊睇餐牌有四款不同的菜，其中有荳芽，餐牌上只係寫內容，但無講整法，諗住叫嚟食清清地，健康啲，點知一上嚟見到樣就心知不妙，根本同魚香茄子煲無分別，仲要無荳芽，勁、勁、勁咸，勁、勁、勁油，食完唔知會唔會返屋企個廁所出唔到嚟嗰晚食三百幾蚊，貴就唔貴，不過同想像中有出入，係得隻雞好食啲，其他都麻麻。最後埋單，個服務員見到我舉手，竟然扮睇唔到，難道我有這麼渺少嗎？…查看更多

咁啱喺旺角麥花臣睇完波，沿住染布房街一路行去廣華街覓食，經過呢間新昇海鮮酒家，見啲套餐都幾抵食，就入去試下。當晚係星期六，一入到去人山人海，原來酒樓有做任食火鍋，聽講質素都唔錯，不過前幾日先打完邊爐，於是就擺位食小菜。一入到去就見到有個好大的魚缸，入面放左鮑魚、龍蝦、魚（我估係斑）、長腳蟹等多款海鮮，心諗嚟呢度食海鮮實無死。一開波就叫條有聲稱2兩重的海斑，做緊特價百零蚊條，蒸到啱啱好熟，肉質夠實，夾落去有魚味，唔錯，都夠3至4個人食！跟住叫左一斤白灼蝦，都幾新鮮！蒜蓉粉絲蒸扇貝，都幾好味，不過多油左少少。整體上都唔錯，原本仲想食多個片皮鴨，不過食左呢幾樣加埋個菜個肚已經投降了，唯有等下次先啦！…查看更多

尖沙咀亞士厘道開左間新酒吧餐廳，聽朋友講隻炸豬手超好味就即管去試下。去到亞士厘道一抬頭就見到勁大個招牌，一定唔會搵唔到地方啦入到去地方都算寬敞，搭一層電梯上去，一出門口就係，去嘅時候係星期四夜晚十點，只淨返幾張吉枱，兩間k房滿曬，都算多人。吧枱設計幾有特式招牌炸豬手每枱都有叫，我都唔執輸叫一份，外脆內軟，肉汁豐富，唔錯！德國啤酒腸，聽聞係廚師用啤酒浸香腸再煮，食落去有啤酒味，好有特色！黑松露炒雜箘煙三文魚薄餅雞翼都唔錯炸薯條同炸魚最後又點少得啤酒呢…查看更多

有次喺對面食飯見到呢間Via Tokyo門口都排曬長龍，今日終於俾我試到啦！我同我女朋友糾結左好耐，究竟要食牛奶味定係綠茶味，終於我地兩樣都揀左我本身係綠茶迷，不過今次我竟然愛上左白色嘅牛奶味，估唔到會有驚喜！牛奶味（白色）嘅口感又滑又香濃，真係會令人上癮！加埋水果真係一流！之後點左個綠茶味芝士蛋糕，味道係唔錯，不過食完有啲滯，屬於大胃王嘅我被KO左一半最後點多杯抹茶，都幾好飲，不過唔係好知上面嘅圖案係啲咩…查看更多

今晚約左女朋友仔去食晚餐，突然間想食西餐，喺網上搵到呢間西餐廳就立即去試下。門面其實唔算難搵，格局OK當晚去到人比較少，可能係因為平日夜晚，而當晚我又夜收工，所以靜左少少。入去嗰陣道門有少少tricky，推唔開又拉唔郁，原來係兩邊一起打開，都幾有特色。主菜嚟啦，我地每人點左份嘉福香烤澳洲M7和牛肉眼扒，我叫五成熟，女友叫七成熟，我個人認為五成口感剛剛好，牛肉味香，入口即溶，一流！甜品也十分精美，唔會好甜，啱啱好最後點左杯cappuccino，呢個thank you都幾窩心…查看更多