LF9071的个人专页

今日油麻地收工，同同事去咗食越南菜——第一郡！呢間嘢喺油麻地呢個鬧市區，位置都幾就腳，放工經過都幾方便。一入到去，就感受到濃厚嘅越南風味，裝修雖然唔算豪華，但勝在乾淨企理，坐得舒服。佢哋啲撈檬同越式法包就真係幾出名，好多人推介。一開始我哋叫咗個越式烤豬肉軟包，呢個係我哋嘅開胃小食。個包切開咗做兩份，同同事share啱啱好，方便啲。麵包外脆內軟，烤豬肉嘅味道香濃惹味，唔會太鹹，肉質亦都幾嫩滑，同埋份量都幾足料，絕對係一個令人驚喜嘅開始。跟住叫咗個芒果糯米糍，呢個甜品真係無得輸！真心好好食，同長洲啲出名嘅芒果糯米糍有得揮！個糯米糍皮又軟又煙韌，口感一流，唔會太甜膩。重點係個芒果，又大粒又 juicy，甜度適中，完全係畫龍點睛之筆！食落去感覺好清新，係一個完美嘅甜品選擇。主食叫咗個順化牛腱米線，呢個係我哋其中一個同事強烈推薦嘅菜式。加多五蚊就有底，超抵！牛腱厚切，足足有四片，份量十足。牛腱炆得非常之淋，入口即溶，又腍又入味，完全唔會韌口。湯底味道鮮甜，唔會太濃，啱晒我哋呢啲唔太食得鹹嘅人。米線嘅份量都好多，食完真係好飽！雖然成碗要九十蚊，但係質素真係值回票價！仲叫咗杯芒果冰，呢杯嘢飲真係勁大杯！芒果味香濃，冰粒幼細，入口即溶，而且芒果味夠新鮮，唔會好似啲預先整好嘅芒果冰咁，有種化學味。係一個解暑嘅好選擇！總括嚟講，第一郡嘅越南菜質素真係高，價錢合理，地點又方便，服務態度都幾好，員工都好有禮貌。超滿足！下次收工仲會再黎幫襯！强烈推薦大家去試吓！ ！…查看更多

西塔老太太，在全國都有好多唔同分店，佢哋擺枱嘅餐紙上面有寫，香港都有一間，在尖東Signature 既噴水池邊上，係地面鋪。可能係咁嘅原因，今日星期日，都好多人排隊，所以吸引左我地行過去睇下食咩，排下排下好快就到了。坐低都聞到隔離各枱香氣撲鼻嘅燒肉味，order左之後好快店員就擺滿左一台食物，除了有醃好既生肉，有冷盤前菜、泡菜蘿蔔絲、醃青瓜，呢d泡菜等小食可以無限添置，餐廳還有提供雜菜沙律 & 同埋包住肉一齊食嘅生菜片，我們之後就咁包住燒肉黎食。先飲牛肉海帶湯，之後就開始我地今餐的燒烤，呢個係特色鮮烤元貝（兩隻），之後放入個金屬既container 裝住，可以保持到海鮮的精華，煮左一陣就食得。今餐燒肉比較特別的是香翁鳳梨牛排，因為真係第一次咁既配搭去燒，牛排厚度適中，for 燒肉剛剛好，燒過嘅菠蘿🍍蒸發咗啲水份，剩番多d糖粉都幾好味。而醃過既牛肉片燒起上黎好多汁，睇呢張相就見到肉汁既光咁，牛肉用調料腌製過，可以令到啲肉完全入味，而佢哋用原始泥爐烤肉（睇過佢用既泥爐燒，都係比較古法烤肉）與韓式嘅烤肉相結合，效果出黎就比較特別嘅中式韓國烤肉咁，食果時仲可以連埋芝麻醬一齊。香港普遍黎講係少有用泥爐呢種烤肉，食過今餐之後我都想揾下仲有無咩餐廳都係用泥爐烤肉🤔…查看更多

同屋企人在順利邨食晚飯，睇到晚上都係做街坊生意，好多人黎食晚餐，相信中午都係做學生&街坊生意。餐廳有個好抵食嘅套餐，係全日孖寶套餐A加B，佢個份量係兩個人嘅，我哋先嗌咗半隻海南雞，再加泰式豬頸肉炒通菜煲，要咗一個前菜係細嘅泰式無骨鳳爪，另外加個黃咖喱牛筋腩，配薄餅，最後叫咗個甜品拼盤。半隻海南雞是無骨的，肉有脾同胸，有兩種醬料，蔥油&酸辣醬。豬頸肉炒通菜有馬拉盞炒好惹味，用鑊仔上有個火仔保温。我們食泰國野都想叫泰式無骨鳳爪，呢個A+B餐都是加$38，而甜品拼盤（小）都可以比$42加配，呢個有三件甜品各二，分別是千層糕、奶茶布甸、同埋西米糕。黃咖喱牛筋腩就好送得飯，牛筋同牛腩都好冧，完全唔痴牙，值得一叫👍🏻嘢飲方面我們就叫左芒果芝士沙冰同埋珍多冰，呢兩杯特飲都唔錯，夏天飲夠哂凍。…查看更多

咁啱經過，見到呢間泰國菜館樓高幾層，於是就行咗入去試食泰國嘢梗係唔少得冬陰功，佢嘅湯底唔算好辣，但係配料好多，除咗蝦之外仲有草菇、各色香菜。另外我哋叫咗個炒金邊粉，金邊粉上嚟嘅時候就有個好靚嘅蛋網包住左，個網包住到啲粉，但包唔到個味。佢啲香味傳晒出嚟。入面有啲海鮮同埋豆芽，隔離仲加咗啲花生碎喺度。個粉嘅調味啱啱好，食落唔知點解我覺得有少少煙靭feel，但又唔黐牙，好正我哋仲有幾串串燒，個人覺得雞肉最好食，都幾Juicy。佢個醬我覺得加咗少少花生，食得出有花生香味另外我覺得大家都一定要試嘅一定係佢嘅椰子沙冰。食落唔會太甜，但係又有好香嘅清爽椰子味。溶咗之後係飲品，唔溶嗰陣簡直係甜品。連唔鍾意食甜品嘅朋友佢都食咗好多。…查看更多

銅鑼灣廣場一期有好多食的，今日行到呢度揾餐廳食lunch，行到見到快樂小羊火鍋料理呢間餐廳環境幾好，位置好闊落好大，應該坐得幾舒服，又見佢有好多優惠咁，就試下今餐食羊肉火鍋。坐低就點咗一個叫光陰鍋的清湯鍋，佢有好多蒜頭、薑同紅棗、黨參，反正就係唔辣既湯底，佢有限時優惠，+$28 有一大盤A級羔羊肉，呢個真係抵食，當我地最後想再嗌嗰時真係冇晒，所以真係限時優惠；而佢地既羊肉卷完全唔羶。至於牛肉方面，我哋點左蒜泥牛肉、西冷牛肉，我哋最後嗌咗美國M5和牛。蒜泥牛肉好滑又夠厚，幾好食，呢個牛肉好值得點，出面街市買咁多牛肉都起碼6、70蚊，呢度有午市優惠下更抵食。新鮮基圍蝦小份有六隻，擺盤放得好靚，睇吓一條條用竹籤，方便火鍋邊爐，下面仲有一盤冰保持新鮮，而鮑魚小份就有四隻仔。餐廳在出邊供應的蔬菜係任食的，而調料係可以任意配搭的，下次有機會黎開呢頭可以再食。…查看更多

今日在Plato Cafe & Bristro 食晚餐，睇佢地menu 見全香港佢地有三間分店，晚上好快就入得餐廳，我們見到晚餐有set dinner, 在main course 之上仲包一杯$32 野飲，我們分別叫了一個 德國脆皮咸豬手配酸菜 $218 加一杯芒果沙冰 （+$26）卡邦尼煙肉意大利粉 $108 配蜂蜜柚子茶，呢杯野飲就唔駛加錢。因為係套餐，所以有包餐湯，是日餐湯係南瓜忌廉湯，南瓜忌廉湯都是南瓜蓉，真材實料。先上個卡邦尼煙肉意大利粉，碟邊灑滿咗芝士粉，鍾意嘅朋友可以加埋落去撈埋一齊食，材料當然有煙肉啦蘑菇啦，卡邦尼醬，如果加埋隻蛋就更加好啦😉今晚另外一個重頭戲就係脆皮豬手啦，餐廳將豬手切好一件件，擺放得靚靚仔仔，我哋食起上黎就好方便，一黎就唔使好用力切，切完都太辛苦無得好好進食，二來一件件就好方便進食，旁邊仲有酸菜同埋豬手醬，好夾豬手既味道，最後甜品係日式芝士餅，呢件芝士餅嘅份量啱啱好，唔會太多、太滯，又有西餐甜品嘅滿足，正👍🏻…查看更多

今晚在淘大行街，食完晚餐就響淘大食，我們揀左泰Cool食泰國菜，睇menu見泰式咖喱雙拼好吸引，有兩隻蝦、兩隻軟殼蟹，+ $30仲蒜蓉包或者薄餅，我哋就揀咗蒜蓉包，上嚟有五片蒜蓉包，兩個人夠晒食。咖喱好出色，就算白飯都一定好餸得飯，我同個friend 都覺得好值得叫。另外，我哋仲叫左椰汁雞湯，呢個椰汁雞湯好惹味，有香茅、洋蔥、雞肉，上果時有個火熱住，保持温度。我們再加咗個香芒蟹肉炒飯，呢個炒飯唔係乾身既炒飯，濕濕地既炒飯，蟹肉係鋪左在飯面。因為用手機落單，我們都係睇一樣先叫一樣，甜品就留到食到八八九九嗰時先最後再追加。最後甜品係芒果糯米飯，present 得靚靚仔仔，有白嘅糯米飯同埋紫糯米，食落都好好美，very nice，作為今餐完美嘅結束。…查看更多

國慶三日假期既最後一日，在YM Square食水門雞飯做晚餐呢間鋪雖然唔大，但出菜好快，我們等了一會好快有位坐。坐低咗一陣，睇咗一見到Menu有唔少選擇order左半隻雞，加一個雞油飯。另外，仲有泰式清湯腩船麵，呢個$50，真係比較抵食，船麵要泰式嘅金邊粉，成碗麵有5件好厚身既牛腩，仲要好冧，正，我仲加左$10麵底飲品方面order了一個芒果沙冰，同場應該至少有五、六杯同我地order既一樣，今日香港依然好熱，所以叫呢杯芒果沙冰都是消暑推薦👍🏻呢度仲有見佢哋Menu有個嘗鮮價既$20一串和牛串，我哋都點左兩串試下，和牛燒得好僅僅熟，裡面肉質係粉紅色既。嚟得水門呢度就梗係要試吓去嘅海南雞，我哋叫咗半隻海南雞，呢碟海南雞係去骨，旁邊仲有雞紅、雞芯、雞腸、雞腎。…查看更多

十一國慶，在出去睇煙花之前就在觀塘食台灣嘢。原來呢度都有六両三，之前在其他地方食過，今晚就食呢間分店。聽講香港呢幾日假期周圍都係人，認真怕同人迫同排隊，好彩呢度好快就入得，兩個人坐得舒服睇左menu 一下我地叫了兩個一人火鍋，加$48追加和牛&兩枝啤酒。無諗到在呢度都食到和牛呢個追加野飲就要了一枝 hoegaarden & 另一枝要左 stella artois好快火鍋料同個火鍋都到左，好彩佢比左呢張枱我地，放滿了一枱。我們分別點了豚腩肉同埋豚梅肉，梅肉比較冧身，好食，腩肉都唔錯，薄切，麵食就要了台灣粗麵&關廟麵，幼身嘅就係關廟麵。我們仲加了個珍珠飯送餸。呢個就是菜同埋丸相中既呢粒芋頭係我食過少有既咁靚咁粉既芋頭，芋絲好多，一舊太細唔太夠喉，太好食😉埋單最後唔駛$350…查看更多

在調景嶺站搵嘢食，上網睇到見到有呢間餐廳都好似好唔錯，夜晚打邊爐，放題食牛肉先揀湯底，除咗普通嘅蟲草雞湯底之外，我哋仲升級order了另外一個博多美人骨膠原啫喱雞白湯底，呢個真係未試過，一人一個邊爐，自己take care自己😆我哋用手機落單，餐牌有提供Wi-Fi，除左火鍋料，仲有熟食，另外出面自助區就可以自己整醬料、拎甜品-雪糕、整嘢飲、仲有各種蔬菜、丸類，自助區醬汁調味好多選擇。今晚主食牛，食牛肩胛肉，呢盤好靚，肥瘦相間。仲有羊肉&豬肉，都是一片片的羊肉口感食落幾爽，雞肉都有提供，煮熟既雞肉出乎意料咁滑飲品櫃好多野飲選擇，汽水、茶、果汁嗰啲都唔少，仲有芒果&提子沙冰旁邊仲有甜品 - 雪糕、蛋糕、泡芙、啫喱杯、布甸杯、糯米糍……有一點係食完想講呢間餐廳好好，坐位坐得舒服，唔會好迫。同前晚食飯有關，呢個就係無比較就無傷害🤔…查看更多

之前搵到食過泰國餐廳，但係執咗而家改成泰斗，夜晚食燈光有啲暗，有裝修，坐都OK ，但張凳今日見到有啲污糟😂叫咗四個餸 加4串串燒魷魚有啲鹹菠蘿炒飯有兩個版本，一個平啲$138，另一個貴d $168 ，我哋叫咗個貴嘢，係幾好食，焦糖菠蘿，係幾好食，餐廳切好一片片，可以就咁食。炒咗通菜係幾野味椰子雞就太‘杰’ 水份好似唔夠咁，想飲個湯，但同預期有落差佢有火熱住，保持温度，但餐廳今晚冷氣好足，坐得耐有d凍最後叫左串燒，其實大家都好飽串燒幾厚肉，對得住個價錢今晚都食咗$600最後最後餐廳太好生意，好多人等位，但係佢哋唔係好大，所以最後食咗75分鐘都一定要走啦。…查看更多

同屋企人今晚在旺角食日式晚餐，地理位置好方便，但building 唔係太起眼，長板燒餐廳在大廈的2樓我們叫了以下食物 生蠔好有海水味，好新鮮，是Irish Rock 睇同影出嚟都係充滿水分好食😋😋松葉蟹膏多士是我們去日本餐廳都想點的朋友原本對蟹膏海鮮呢d都卻步，但佢都話幾好食，完全無海鮮既醒味，多士食到我地唔夠喉，配松葉蟹膏好夾。睇落呢個北海道鮮帶子夾海膽好full, 似兩個迷你漢堡飽咁🍔🍔呢度有兩粒，一人一粒😆Scallops相對黎講味較淡，配上味濃嘅海膽，真係我們第一次食既配搭，我們都不約而同地講原來可以咁樣配搭。😆😆鵝肝大啡菇鵝肝唔會太油，煎熟嘅程度都係啱啱好，可能因為咁，鵝肝味因為煎得好靚所以都好香。至於串燒方面，我們叫咗有機菠蘿、牛舌，牛空腹、雞髀肉，燒物送梅酒一流👍🏻👍🏻另外仲要左千葉縣包菜三點盛，呢個就係三件不同的壽司。值得一提嘅係店員好細心幫我哋準備專門食生蠔嘅碟、另外都幫我哋好快既換碟同收好食完嘅嘢既盤，都可以看出佢哋比較細心。食物質素相當於價錢，今餐net $804，連埋加一合共付了$884。…查看更多

記一下今個周日食的潮州菜，一行五人，去了寶琳食晚飯。我們係訂咗位，都準時到達餐廳，但係都要等10分鐘。四點金餐廳在商場入面，前菜有醃鹹菜點左個三菜一湯套餐，再加咗餸菜滷水鵝拼盤鵝片就得面頭果五片，的確比較少，想食多片都無😅叫咗一鍋蠔仔肉碎粥，食左一半先影😂😂食落唔鯹，味道都鹹味適中韭菜花炒鮮魷呢個比較野味，比較合適配白飯魚腐湯浸時蔬呢個比較清淡煎水瓜烙胡椒豬肚湯，一人一碗咁上一枱餸係咁總體嚟講餸菜都係正常，無特別印象深刻。餐廳嘅內在環境，行商場外面都唔會一眼睇晒入邊係點樣。透明嘅櫥窗睇到師傅點樣準備部分食材…查看更多

同朋友行尖沙咀誠品，行行下覺得餓就近在誠品入面食左晚餐，我倆叫了他們的招牌菜Piggy piggy 排骨豬肋條，另外要了個Crab & Burrata Cheese Pizza 薄餅。望住呢個景食真係好正，我們揀左個景邊位，時間係7點，還未完全天黑，睇住日落景，既有日景又有夜景，朋友都話好正Menu 全英文餐廳門口都有餐牌Piggy piggy 上的時候熱辣辣，條骨出哂煙豬肉好嫩，切落去好容易切，咬落口又唔黐牙，係靚嘅豬肋骨，果然係招牌菜，值得一叫。另外我哋仲叫咗一個Pizza薄餅Crab & Burrata Cheese Pizza有蟹肉、芝士，我哋仲加咗$30叫咗個煙三文魚配呢個Pizza，原本我以為煙三文魚係在呢個Pizza上面，原來佢係分開一碟咁，似係小食咁樣另上。Add with smoked Salmon (+$30)嘢飲方面，我們叫了杯Mocktail (non-alcoholic mixed drink) - Grapefruit Buddy感覺幾清新今晚叫佢份量夠兩個人食，望轉個維港日、夜景, 夠哂嘆。…查看更多

今日晚上食呢間排隊拎咗飛等左成個鐘，因為今日都幾多人，星期日的緣故吧食呢個似食放題咁，其實佢用的食材都好新鮮，我們叫了個茶碗蒸，即是蒸蛋，好似附近果幾枱都有叫😆😆連埋所有埋單唔使$400食物照如下：…查看更多