唔想肥與肥小小的个人专页

Nice mood and music column is just right for a nice chill out w your accompanies. good experiences and worth first try w a lovely Sunday vibe!Flat white is Nicely smell with 30%fruity n nutty the rest.Good choice for a weekend vibe! The veg is just in a right quality. The egg is nicely controlled that won’t let u down. The sauce w herbs is balanced in the overall dishes. Last but not least, good looking!…查看更多

喜歡休息時間，更喜歡休息時間撞上好西！工作關係，有時候會到紅磡食飯，尋找驚喜嘅食品，而我相信嘅係，用心係睇得出嘅。由街頭行到街尾-祟志街，有好多間食店，憑感覺去做事嘅我，街尾行返轉頭，見到呢間小店，一點也不起眼，就係要睇下兩點多呢個時間點解每張枱都有人？！見到老闆(應該係)有飯有麵有粉，無撈麵就叫個兩餸米線，又提提我米線要點時間，十分鐘多…送上黎嘅樣就感受到色、香、味之首嘅色嘅威力！it made my day！味道睇相片評論啦，唔打過。奶茶都幾好，淡茶、奶比例合我口味。推介！希望佢唔好因為我嘅食評而有更多人走去食啦，因為我好憎好多人嘅小店，人生充滿左矛盾！…查看更多

每星期一次每次試一種招牌推介。荃西食開上一篇介紹嘅一間麵店。事原朋友介紹無添加麵店，仲要喺另一間隔離。去左一兩次，同老闆傾開，原來都喺度開左好幾年。唔講人地佢講自己啲食品。佢下功夫每晚準備好明天嘅湯料，又對食材有要求，魚要揀好嘅造魚湯，烹煮時間要拿捏得準確，又堅持自家調味，水餃要用雲吞皮... 以上幾點已經令到件事更有個性！食過十幾次。總結係唔係所有個性食材都會令你喜歡，好似我咁，試過佢地嘅雞翼，牛展，係比較甜，不是我杯茶。豬膶係用花調酒浸透，正！花枝得爽脆！魚湯好甜無味精！雲吞皮韭菜水餃好滑！....... 大家有機會都要試下！…查看更多

一路都覺得呢隻白雲先生都幾得意，原來有cafe的，嗰次同朋友上去，去過兩次感覺都唔錯。如果你真係鍾意呢個collection嘅公仔 咁呢度就啱你啦，因為上面有啲擺設可以畀你影相，大就唔係好大，不過上到去都好開心嘅，仲有啲紀念品飾物賣添。講返嘢食先，嘢食我覺得以樓上cafe嚟講都算唔錯，佢有個白雲嘅意粉上面真係好似雲咁樣㗎 ，佢係蛋白做成嘅，仲有啲旗仔有唔同人物喺上面好得意㗎！亦都試咗幾杯嘢飲， 荔枝玫瑰梳打，朱古力 同牛油果smoothie ，個味好濃，不過飲完就覺得有啲飽，同好膩，始終牛油果同奶再打埋一齊真係好飽。佢價錢似一般樓上cafe咁啦百零蚊到啦意粉。如果兩個人其實都幾好，坐低傾偈又唔趕人走，不過最好就book定位先啦。另外上次生日過去，你嗌甜品，佢會幫你用朱古力寫字。…查看更多

一由地鐵站出口，已經見到好多 poster宣傳， 見到個張相已經好想食！ 性價比高四五十蚊到已經有兩件，仲要流心，軟心。唔係淨係得係空氣感覺既pancake，梳乎厘pancake仲有好多唔同嘅味揀，上次試咗 Traimisu都未試曬其他，次次都好想試。佢D啲醬都好足料, 點埋落pancake度啱啱好仲有乾花襯托。佢啲pancake一slot咁出，所以基本上都要等一陣，除非你啱啱買飛嘅時候佢出嚟，又做到你個order。唯一就係佢要立食。側邊啲位都闊落既你可以企喺度同朋友食，但隔離少少就係馬路。佢黑皮…查看更多

泥過兩次，第一次好多人要排隊，喺出面等，咁啱我哋人齊，所以可以入。同埋佢用餐時間嗰陣好短得75定90分鐘，因為出面都好多人排隊。但呢排去可能疫情關係，所以冇乜人出街都可以坐耐啲同唔使排隊就有位。佢啲嘢食好脆口同埋好入味! 最鍾意食甜不辣同埋滷肉飯，仲有蛋餅，所以其實兩三個人泥食share會可以試多啲，唔使一個人叫咁多。啲鹽酥雞都好大兜，未試過係咁大碟，仲有啲雞粒係真係食到雞肉而唔係淨係得炸嘅皮。…查看更多

上到去第一個感覺真係好少女心，因為D裝修係好靚，係粉紅色又有D燈牌，但原來佢係食泰國菜的，好少泰國菜嘅裝修係咁樣，粉紅色又有啲燈設計，坐卡位半圓咁坐4-5個人都ok架。同埋仲有board game可以玩嘅，又有得咗露天嘅地方，不過嗰日太凍所以冇坐出面，同埋都唔鍾意畀啲大廈圍住嘅感覺。講番佢啲嘢食先，都唔係細架，碟炒金邊粉幾個人share都ok，但個菠蘿炒飯原來就唔係原個菠蘿嚟嘅，但嘢食嘅味道都幾好同埋好多選擇，個menu都有好多唔同同特別既食物配搭，有少少fusion嘅感，覺唔算太傳統，所以同朋友嚟坐下都幾好架。…查看更多

見朋友嚟呢度食，一路都覺得呢度好靚，所以上次情人節就過咗嚟呢度食brunch，佢嗰日係特別日子，所以就set定咗個brunch set。都好多個course，588起，有free flow champagne任飲，都試咗好多唔同嘅beverage。上到去個環境好舒服，好光猛，好開揚嘅感覺。 但如果坐近窗邊枱與枱之間就比較近同隔離，環境係靚嘅！食物質素都好好。佢係食fusion菜嘅主要係西式同日式，佢嗰starter已經好大份，main course都好好食，仲有啲刺身海鮮，都好新鮮，天婦羅好脆，同埋食物嘅感覺擺位同伴碟都好好，個risotto唔算太膩，但純粹嗰日情人節變咗做粉紅色搞到冇曬胃口 。lol有埋甜品，兩個人嚟呢度撐枱腳係浪漫嘅！食到四點到，因為四點到佢就要落場，準備夜晚。但可以畀我哋上去上面吧嗰度繼續坐同飲嘢。如果帶蛋糕上去切，切餅費每人85蚊。…查看更多

同朋友嚟試呢一間，啲嘢食好特別。特別係有一個火山飯入面係鰻魚嚟嘅出面係應該係用蛋白定棉花糖做嘅火山，坐下食下嘢影相都幾得意。佢啲炸雞就冇咩好特別，甜辣度唔夠，夜晚食飯時間都多年青人去呢度食。…查看更多

誤打誤撞嚟咗呢一間, 佢D雪糕好似雪葩咁好fresh, 又唔太甜，仲用新鮮既紅肉火龍果打成嘅雪葩，食落清清地，好清新又冰涼嘅感覺！成個環境裝修係用綠色仲有啲花感覺，佢仲有唔同味既雪糕/扭紋，不過我嗰次淨係試咗火龍果。值得一試再試！！！…查看更多

旺角係多嘢食，但成日都唔知食乜。 我自己就鍾意泥呢一間，食炸豬扒嘅，佢啲豬扒真係好脆！脆到都見到一條條嘅外殼，唔似一般吉列豬扒，反而我自己覺得太脆好似好熱氣㖭，因為一夾已經有碎片脆飛出嚟，真係好脆但好熱氣。其實我最鍾意就係食佢個泡菜烏冬，因為個泡菜湯底辣度啱啱好，配埋個烏冬好入味，又彈牙，價錢60-70算係咁啦…查看更多

以前跳完舞最鍾意同朋友嚟呢間食lunch，試過佢，木瓜雪耳鮮奶，天氣凍凍地飲杯暖嘢落肚好滿足！佢啲意粉都好好食㗎，黑松露好出， 佢嗰個軟殼蟹意粉都好好食，仲有 carbonara。最鍾意食scone！！仲有唔同嘅果醬配搭。不過好多時你冇book位或者walk in都冇位，同埋佢唔憂做咁樣。…查看更多

最鍾意同父母嚟呢間食，因為性價比高，我個陣去佢晚餐set係有前菜12隻蠔或者和牛刺身/一隻蟹，再加埋個main course，仲有出面既semi buffet沙律同甜品吧。出淨係食出面啲嘢已經好飽，因為都好多選擇。 包嘢飲有紅酒白酒嗰啲，成個set價錢仲係二百幾蚊三百蚊到，所以已經嚟過好多次， 旁邊仲有得掉飛鏢，環境都唔算太嘈嘅西餐廳。…查看更多

以西餐嚟講lunch價錢唔係特別抵，lunch set有蒜蓉包，湯，main course同餐飲。個蒜蓉包好脆嘅，有紅湯／白湯，其他嘢食都冇乜特別，D朋友就中意食牛扒，我食個焗豬扒飯都幾夠味重好大份，但整體上以西餐泥講冇乜特別又唔係特別平每個餐都90以上，不過如果想唔想太嘈同坐得舒服嘅話都ok嘅 。佢12點50分前埋單仲有八折…查看更多

鑑於疫情關係，做個負責任而又要支持飲食商戶嘅香港人，決定買外賣。今次叫左呢個米線，等左十多分鐘(不太明白為何今次比入座慢，或者剛好有新員工？未準備好食材？明明唔算爆)回程十分鐘倒，清潔好隨身物品，開餐！眼見餸料都是滿滿的，特地唔分開湯同料外賣，測試下個米線本身質素，可以接受。BB辣度，剛好只係一兩滴鼻水。不錯！黎緊揀其他料試下先。補充一下，店內全是卡位比較狹窄，平時都剛好碗貼碗，汁彈對面十分容易，期後入黎嘅你要留意，小心食嘞！…查看更多