Olaf~的个人专页

一次過滿足4個願望☺️- 蚊蚊豬老火鍋～～～～～～～～最近天氣凍咗好多，岩曬約埋一班朋友去打個邊爐，食個雞煲。今次竟然比我哋搵到間可以一次過食晒烤魚，羊腩煲，雞煲，再加火鍋既餐廳，價錢仲要先二百幾蚊，任食任飲，真係超級抵☺️餐廳一黎到會先上一個刺身拼盤同一碟海鮮拼盤，職員話呢份海鮮拼盤係得呢間分店先有架，得一份，其他所有野(除咗羊腩煲)都係任食架。我哋先嗌咗個羊腩煲，呢個係期間限定同淨係可以嗌一次架咋，羊腩好入味，唔會太羶，又煮得都夠淋，再點埋腐乳醬，都真係值得一試👍🏻跟住就食烤魚啦，烤魚嘅size比想像中大好多，絕對唔會因為係任食就比啲無肉食嘅魚仔，誠意滿滿👍🏻烤魚嘅靈魂一定係層魚皮，魚皮烤得好夠焦香，呢點餐廳做得好好，抵讚☺️最後試埋個麻辣雞煲，雞煲好夠麻，好惹味，啲雞都好足料又大件，食落啖啖肉，越食越滋味😋火鍋配料方面，極力推介大家一定要試佢既牛肉，除咗安格斯牛肉外，仲可以嗌埋封門柳同牛板腱，選擇好豐富。牛肉食落好重牛味，肉質又夠嫩，喺任食嘅火鍋料理到絕對稱得上數一數二嘅高質😆總括而言呢間餐廳真係雞煲火鍋放題嘅首選，新裝修環境又乾淨，極度推薦大家去試一試啊✅～～～～～～～～味道😋：9/10價錢💰：9/10服務💁🏻‍♂️：8.5/10環境🪑：8.5/10…查看更多

最近見到有個朋友推介呢間餐廳，見到個環境好靚，啲位仲係鳥籠咁，有種置身大自然好chill既感覺，今日就約埋個同事收工黎chill下打下卡☺️ 餐廳連平日都好多人，好full下，由於我地無book位又遲咗黎，所以都無坐到鳥籠位，下次一定要book定位先🙈～～～～～～～～龍蝦汁天使麵伴大虎蝦及三文魚籽 🍝 $258 呢個天使麵係我食過最好食嘅天使麵，麵煮得岩岩好，麵質較爽，龍蝦汁超級濃郁，再加上三文魚子既鹹味，味道十分之豐富。虎蝦真係好大隻，肉質都好彈牙，而且仲有3隻咁多，真係又抵食又好食☺️炭烤澳洲M5和牛肩肉 🍖 $398 不愧係M5和牛，對於啲靚既牛肉，我偏向食生少少，所以嗌咗三成熟，牛排四邊都烤得好靚，一拎上台就聞到一陣陣焦香味，食落牛肉都好嫩，好重牛味☺️。除咗個牛扒之外，配菜既焗薯仔都好出色，咬落唔會太淋有啲口感，仲有啲忌廉同芝士調味👍🏻Cocktail - Mojito 🍸 $108 黎得諾士佛臺，就梗係要叫番杯cocktail 飲下啦，我就嗌咗杯Mojito，味道同賣相都係一樣高水準🍀青檸味好出好fresh👀總括而言真係水準之上，環境又舒服，推介大家去試一試啊✅～～～～～～～～味道😋：9/10價錢💰：8/10服務💁🏻‍♂️：8.5/10環境🪑：9/10…查看更多

中學朋友住喺將軍澳，難得聚一聚就去咗佢屋企附近嘅Popcorn搵佢☺️中學時期好鍾意食韓燒，見到有呢間韓燒放題，就決定去重溫下以前嘅感覺哈哈😂💰平日夜市放題7-9pm每人$258加一💰間餐廳都算大，我諗都至少有30枱～中間就有個自助放題區域，有雪糕區、嘢飲區、軟糖區、醬料區、熟食區、糖水區同埋蔬菜區～款式超多⛄️⛄️好搞笑地竟然有個好似夾軟糖嘅區域，搞到我忍唔住都攞咗兩三粒軟糖食☺️😂其他嘅嘢食就會係用手機落單，除咗平時通常都有嘅牛豬羊雞肉類，估唔到佢海鮮都幾多選擇，竟然有扇貝帶子生蠔蝦魚等等😱忍唔住嗌咗好多海鮮黎試～海鮮真係好有驚喜！魷魚鬚同蝦都好彈牙，食得出係新鮮嘢，扇貝帶子同生蠔質素都唔差，生蠔仲有得揀要鋪滿芝士，芝士好多食得好滿足☺️☺️忍唔住都encore左幾round啲海鮮😂肉類款式都好多樣化，最深刻嘅係牛柳粒、薄切西冷、雞腎同辣雞粒，肉質好好，比起平時放題餐廳，質素食得出都高好多，好有驚喜🙆🏼‍♀️🙆🏼‍♀️另外都好鍾意嘅就係佢有個蔬果區域比大家夾有啲咩野想擺落錫紙盤上面燒，我自己就夾咗幾碗菇類再加牛油一齊燒，DIY自己決定份量嘅感覺好正🐥🐥呢間餐廳除咗係韓燒放題之外，其實仲有唔少韓國嘅熟食可以嗌，好似炸雞、冷麵、餃子、烏冬等等都係免費㗎，我自己就叫咗炸雞同魷魚鬚～平時放題餐廳可能佢會放晒啲炸物喺出面等我哋自己去夾，食落去通常都已經變做室溫冇咁好食，呢度就變左我哋手機落單等佢送過嚟，送嚟嘅魷魚鬚同炸雞都係熱嘅，外皮依然好酥脆，好欣賞☺️☺️！✨去到甜品環節，呢到由中式糖水去到雪條雪糕都有，我自己就已經食得好飽啦，就咁食咗條Dreyers雪條就收尾。今次試到嘅嘢食都算好高質！⛄️另外仲有好多嘢食都未試，下次去開將軍澳希望可以再嚟一次試埋今次試唔到嘅嘢食🦔☺️～～～～～～～味道😋：9/10價錢💰：8.5/10服務💁🏻‍♂️：9/10環境🪑：9/10…查看更多

今日去咗食潮州菜，相信大家對潮州菜都唔陌生，但係同酒吧crossover嘅潮州菜就真係第一次見🤣聽朋友講呢間餐廳仲係由米芝連名廚主理，所以未食就已經好期待☺️招牌白滷水海鮮拼盤 (9.5/10)呢個滷水海鮮真係好有驚喜，有鮑魚，海蝦，大蟶子同埋大墨魚，細份嘅分量都好多，完全夠2-3個人share☺️。海鮮好新鮮爽口，而且仲係用白滷水嘅方法烹調，白滷水同海鮮真係好夾，白滷水完美咁襯托出海鮮的鮮味，一啲都唔會搶味，更賦予咗海鮮更多嘅口味層次。超級推薦👍🏻二人精選套餐(9/10)另外我哋仲嗌咗個二人套餐，同埋都係好豐富。前菜酸脆蘿蔔好爽脆開胃，再配上明爐老火湯，好足料食得出係無味精👍🏻跟住仲有重頭戲威士忌酒香鵝肝，擺盤同賣相都用咗好多心機，不愧係米芝連級潮州菜。鵝肝同威士忌好夾，食落好香鵝肝嘅油脂香，同埋威士忌又大大減低咗油膩感，真係絕配☺️食潮州菜就梗係唔少得滷水鵝啦，而呢個餐包咗一碟金牌滷水獅頭鵝肉，獅頭鵝肥瘦適中，肉質緊實，滷得好入味☺️脆炸拼盤配黑松露醬啲炸物都好出色，黑松露醬好香好惹味☺️最後仲有上湯時蔬同埋潮式炒米粉，炒米粉好足料，放咗好多蝦，炒得都好夠鑊氣👍🏻呢餐飯真係食得好滿足，同埋不得不讚一下餐廳嘅環境同埋服務，成餐飯都食得好舒服好開心，好推薦大家黎試下☺…查看更多

見到唔少朋友都有推薦wingman，佢地啲雞翼嘅口味好多，好似好吸引咁，於是乎今日就黎試試佢😋～～～～～～～～👯‍♀️Sharing Platter - Netflix & Chill $258👯‍♀️呢個platter可以任揀3款口味嘅雞翼各6隻，仲有一款配菜😋我地揀咗Spicy Buffalo, 日本蜂蜜芥辣同埋巴馬臣芝士蒜蓉呢3款口味。Spicy buffalo真係幾辣下，隻辣嘅後勁辣，下次會揀番classic buffalo🤣 蜂蜜芥辣果款味道唔錯，蜂蜜同芥辣都幾match☺️ 巴馬臣芝士蒜蓉都幾好，芝士味恰到好處，唔會太濃同太淡。小食方面就食番啲菜，揀咗個菠菜甘藍沙律配柚子醬。啲菜真係超級新鮮，同埋個醬都好好味👍🏻🍟甜薯薯條 $55🍟甜薯薯條係即叫即炸，炸到好脆好香，食落又好重甜薯味，好好食好推薦😋～～～～～～～～味道😋：8/10價錢💰：7.5/10服務💁🏻‍♂️：7.5/10環境🪑：7/10…查看更多

早幾年同朋友去東京旅行，初嘗試梳乎厘班戟就係食呢間幸福班戟～個時發現呢樣甜品真係好特別好好食😭😂之後見到佢地係香港開分店，一直都想去試但係排隊時間實在太耐🤦🏽‍♀️上個週末經過K11 musea見到門口竟然唔係太多人，就決定入去食個tea，搵番日本旅行嘅感覺⛄️😂—————————-🥞朱古力香蕉班戟 $89 🥞 (8.5/10) 排左20分鐘就入到去🦔一食第一啖，d回憶即刻返晒嚟🥰 我自己鍾意啲冇咁厚實嘅pancake，呢間既班戟空氣感好重，完全做到入口即溶，喺香港真係一直都搵唔到有第二間比佢更fluffy🦔忌廉唔膩，加埋黑朱古力醬，都唔會話太死甜，真係食得好滿足☺️☺️不過唔知係自己諗多咗定係因為佢啲擺盤係用即棄餐具，令我覺得都係係東京食既好食d xd不過質素都已經好好，完全可以比我過下口癮當自己去緊旅行😛我見佢地銅鑼灣、尖沙咀、沙田都有分店，如果大家同我一樣都係鍾意食啲空氣咁重啲冇咁厚實嘅pancake嘅話，都推薦大家去試吓🥰☺️———————————😋味道：8.5/10🤵🏻服務：8/10💰抵食：8/10⏳排隊時間：20分鐘…查看更多

最近調左去粉嶺附近番工，lunch time特登行左去聯和墟個邊覓食，見到呢間裝修咁吸引，價錢都唔係太貴，就入去試一試🐥～～～～～～～～🍔安格斯牛肉漢堡 $98🍔我同朋友一齊叫咗一份漢堡同一份意粉黎share～漢堡有配埋沙律同薯條，份量適中，漢堡扒肉質都幾嫩幾Juicy🙆🏼‍♀️不過薯條就竟然唔係熱上，食落重少少凍，有啲失望🤔🍝三重芝士焗肉醬意粉 $68 🍝呢個意粉就有驚喜，個名叫三重芝士，芝士份量落得超多，超厚一層鋪喺肉醬上面😱意粉麵體我中意偏硬既，佢既硬度都岩岩好🐥整體味道唔錯，係食到後面芝士太多可能會好膩，嗌杯凍嘢飲一齊食就會好d⛄️Lunch time來講，呢間唔算太多人，唔係幾洗等位，入面都坐得舒服👼🏻只係價錢方面係個區來講偏貴少少，間唔中食下都唔錯☺️☺️🙆🏼‍♀️～～～～～～～～味道😋：7/10價錢💰：6.5/10服務💁🏻‍♂️：6.5/10環境🪑：7/10…查看更多

成日都係social media見到大家黎呢間美國黎既burger快餐店到打卡，自己成日經過佢既分店都冇時間去試，今個假期出開灣仔就搵左另一半一齊去試☺️⛄️～～～～～～～～🍔Cheeseburger (all the way) $85🍔我哋兩個人叫左兩個burger加1個regular size既薯條，一打開包住漢堡既錫紙d熱煙就飄出黎，勁熱辣辣🙊😂個size亦比平時食開既快餐漢堡大同厚，塞滿我地揀all the way既配料🙆🏼‍♀️個包有芝士生菜蘑菇蕃茄同兩塊牛肉，食得出每樣配料都好新鮮，牛肉牛味好重，不過唔算太juicy。呢個價錢黎講性價比正正常常唔算高💁🏼‍♀️🍔🥓Bacon Burger (all the way) $85🍔🥓另外叫左個bacon burger，分量一樣係咁大份😂呢款同cheeseburger一樣配料，只係cheese換左bacon～但係一食落都有驚喜⛄️bacon烤到勁脆，連埋包食有咬口得黎仲多左份煙燻味，我地都中意呢款包多d👶🏻🍟Regular Fries $50🍟仲有就係薯條～佢哋用個紙杯裝住薯條，本身以為份量唔多，點知佢地裝個杯裝到滿瀉😱薯條好重薯仔味☺️☺️外面超級脆，入面又煮得好軟，比起一般薯條仲多左陣花生油味。好特別👶🏻我地兩個都食到停唔到口😂～～～～～～～～overall真係大份到食唔曬😂。下次再黎應該只會叫1個漢堡2份share🙊應該會抵d🙊~我見佢港島九龍都有大概4-5間分店，如果咁啱係附近既話我會encore☺️一定叫番個薯條hahaha😂🙆🏼‍♀️～～～～～～～～味道😋：7.5/10價錢💰：7/10服務💁🏻‍♂️：7/10環境🪑：7.5/10…查看更多

嚐囍煲仔小菜 - 點心有驚喜，煲仔飯失望😣嚐囍嘅煲仔飯都幾出名下，今日咁岩去堅尼地城，所以順便黎試下佢🙊門口好多人排隊，我哋兩個人都排咗大概40分鐘左右先入得🤣我哋嗌咗3個點心同一個煲仔飯，點心整體質素唔錯，煲仔飯係算fail😭燒賣皇$28燒賣勁足料，啲蝦又多又大隻，幾正👍🏻小籠包$23小籠包都ok, 唔算細隻，隻隻都有唔少湯汁👍🏻蝦腸$28蝦腸都係足料，不過啲皮就唔算好滑，合格啦🤣到重頭戲腊味田雞煲仔飯啦$90都真係幾失望下，味道好淡，啲田雞嘅肉質好鞋，好似煲咗幾個鐘既雞肉咁鞋，田雞好fail。唯一叫好少少既係都有啲飯焦，但都唔算好食👎🏻總括黎講，係唔值得排咁耐既🤣味道😋：5/10價錢💰：6/10服務💁🏻‍♂️：7/10環境🪑：6.5/10…查看更多

西九全海景高質Fine Dining餐廳🍽🎀 - Pano～～～～～～～～Weekday夜晚約咗幾個朋友放工之後聚一聚，因為都一段時間冇見啦⛄️所以今次決定搵間高級啲嘅餐廳一齊去食餐開心啲嘅dinner，有位朋友就推薦左呢一間係西九，可以望到維多利亞港嘅夜景嘅一間法國菜餐廳～🙆🏼‍♀️一坐低就見到個景色真係好靚，好彩我哋book枱有講定想要個對住海景嘅位🌃🍝Homemade Linguine with Spanish Red Prawn $348🍝佢哋嘅dinner set menu有兩款，價錢分別係$888/$1188，我哋唔想食咁貴，所以都係攞左個A la carte menu單點main💁🏽‍♂️我就叫左個西班牙紅蝦意粉🍝。意粉用左好濃郁嘅紅蝦汁裹住，食落海鮮嘅香味超重🥰餐廳仲用咗自家製嘅扁意粉，食落彈牙得黎熟度煮得岩岩好，係我鍾意嘅硬度⛄️除左擺係意粉上面既原隻紅蝦，意粉入面仲撈左啲切碎左嘅蝦粒同埋蘑菇，一齊食更豐富☺️分量方面亦啱啱好，唔會話太少👌🏼🍫Smoked Chocolate Lava Tart $148🍫食完主食之後我哋仲叫咗個朱古力撻做飯後甜品🐥脆嘅撻皮配半固體既熱黑朱古力醬同草莓醬，朱古力味唔會死甜，撈埋士多啤梨嘅酸味一齊食好夾，另外亦配左個淋左海鹽焦糖醬嘅雲呢拿雪糕，雪糕同撻一齊食一凍一熱，感覺有啲似心太軟haha😂對比意粉，甜品就冇咁大驚喜🙆🏼‍♀️之後睇返如果午市嚟食嘅話， two courses價錢係$328 ， three courses就係$398 ，對比起晚市,午市感覺真係性價比高好多，日頭嘅view應該都唔會比夜景嘅差，所以大家有興趣嘅話可以試吓去食佢嘅午市啊☺️☺️🎀！～～～～～～～～味道😋：9/10價錢💰：6.5/10服務💁🏻‍♂️：8/10環境🪑：8.5/10…查看更多

李家 - 抵食午市炸雞🍗李家最近喺西灣河都開咗分店，之前喺灣仔食過幾次，覺得都幾好食，分量又大，今次一於試下佢嘅新分店先😋鋪頭入面嘅風格同灣仔嘅一樣，都係燈光偏暗，個人唔太鍾意，因為睇得唔係好清楚啲野食🤣之前食都係夜晚，今日lunch食先發現原來佢lunch優優都幾大下，而且係假日都有，我嗌咗半隻原味炸雞都係$78🤣今次係嗌外賣，佢嘅外賣包裝都幾有誠意，啲雞用錫紙包得好實，拎到番屋企食都仲熱辣辣👍🏻啲雞都炸得好香好脆，肉質都ok，但無咩汁，灣仔果間好食啲🙈味道😋：6.5/10價錢💰：7/10服務💁🏻‍♂️：7/10環境🪑：5.5/10…查看更多

銅鑼灣出名韓式芝士粉炸雞🧀🍗 - BHC～～～～～～～～一到星期六日，食炸雞嘅心癮又起😂😂今次決定去試呢間一直都未食過嘅B H C試吓佢最出名嘅芝士粉炸雞🍗🙆🏼‍♀️🙆🏼‍♀️🧀🍗BBU-LINKLE 芝士烤雞 $178🍗🧀之前上網一直見到大家話最推介呢間嘅炸雞就係呢款芝士粉炸雞，今次難得一嚟當然要試一試佢啦！一上到黎就見到份量好多，仲要每一件雞上面都鋪咗一層好厚嘅芝士粉，超足料⛄️。一食落去佢嘅芝士粉同其他舖頭嘅有少少唔同，食得出係自家製嘅，味道偏甜亦帶有少少酸味，同雞肉配搭得好好，外皮仲要好脆，食落好過癮☺️☺️隔離有乳酪醬伴住，如果食到膩嘅話就可以加啲乳酪醬去一去佢嘅甜味～另外就係佢有得俾你揀要全翼或者全髀，只需要普通款價錢加$10 ，有得咁揀都算幾貼心👧🏻🥗COBB SALAD $88🥗一上到黎比佢既份量嚇親，用咗個勁大嘅兜裝住一大堆沙律，有好多沙律菜，仲有煙肉碎、雞胸絲、車打芝士、蕃茄、烚蛋、牛油果同蝦，不過呢啲配料就俾得唔多，主要都係沙律菜～～食落都算新鮮，加咗少少沙律醋，整體而言不過不失啦🦔個芝士粉炸雞真係有少少驚艷到我😆，不過如果兩個人share一份嘅話食到最後會覺得有啲膩，最好就係一大班人嚟食啦👶🏻👶🏻～～～～～～～～味道😋：7.5/10價錢💰：7.5/10服務💁🏻‍♂️：7/10環境🪑：7.5/10…查看更多

雪瀛手作 - 抵食豐富飯堡😋雪瀛手作西灣河店開咗幾個月，今日終於第一次食佢😋鋪頭門面唔大，主打飯堡，價錢一啲都唔貴，有幾款basic啲嘅甚至$28就可以食到☺️今次我就試咗佢哋嘅厚燒鰻魚玉子飯堡$48，配中華沙律+螺肉+冷泡玫瑰紅茶$12。建議大家一定要加$12跟餐，真係超級抵，咁多野先$12🤣小食同野飲味道都正正常常，野飲個樽好靚，絕對物超所值👍🏻個飯堡真係好大好足料，鰻魚同玉子都好大塊，仲配埋一塊大蕃茄同生菜，我揀咗楓辣醬，味道好夾，食完都唔會膩☺️味道😋：7.5/10價錢💰：8/10服務💁🏻‍♂️：8/10環境🪑：7/10…查看更多

鰂魚涌健康外賣之選🥗🙆🏼‍♀️ - 饗量Fete Up～～～～～～～～最近成日都食外賣食到感覺好唔健康🙊今日決定約埋同事一齊lunchtime去買呢間專做外賣沙律便當既Fete Up食個健康lunch🙆🏼‍♀️🙆🏼‍♀️佢地除左幾個沙律配搭比大家揀之外仲有得自選，由菜去到醬同肉都有得自己選擇，仲有卡路里比大家做參考tim🙌🏻🥗Duck Lift (597kcal) $81🥗揀左呢個duck lift，配料有鴨胸、蕎麥麵、五色菜（羽衣甘藍、紫洋蔥、蕃薯etc)同毛豆，醬料就係蒜豆醬。食落佢份量都好多，每配料既份量大概都係1比1，鴨胸算比得幾多，我自己仲要食唔曬🙊味道方面值得一提既係佢地既鴨胸有煙燻既味道，同埋蕃薯烘烤到個皮有脆口既感覺，呢兩樣配料都好好食⛄️ 總括而言係好飽足同營養好豐富既一餐👶🏻💃🏻！整體質素真係唔差，只係價錢唔算平，間唔中想健康下係唔錯既選擇👍🏻～～～～～～～～味道😋：7.5/10價錢💰：6.5/10服務💁🏻‍♂️：7/10環境🪑：7.5/10…查看更多

尖沙咀文青裝潢Cafe🙆🏼‍♀️ - 只～～～～～～～～同幾個朋友見面約咗喺尖沙咀，上網見到呢一間Cafe裝修好似幾靚，亦聽朋友講可以坐耐啲都冇問題，所以就決定book呢間食個晚飯☺️🍝鹽燒蟹棒明太子貓耳朵 $98🍝好特別地呢間餐廳除咗普通意粉之外仲有貓耳朵呢一個選擇，好少食貓耳朵嘅我決定叫一個明太子貓耳朵嚟試一試。一上菜就見到佢份量都唔細👶🏻食落明太子味都幾出，醬汁算濃郁，幾掛到上麵到，可惜就係蟹棒得好細份，亦冇咩其他配料，食落有少少齋🙌🏻🍵熱泡沫鮮奶抹茶 $56🍵另外加咗杯嘢飲，價錢都唔平🙊🙊不過一上到黎見到有個靚拉花～心情都好啲哈哈😆飲落抹茶味唔會太濃，鮮奶嘅味同抹茶味平衡得幾好，亦唔會甜，係我中意既種類😂感覺野飲比野食更出色🙆🏼‍♀️除咗嘢食之外，餐廳內部真係幾靚，亦坐到好耐，最後坐咗大概三個鐘先走😆～～～～～～～～味道😋：7/10價錢💰：6.5/10服務💁🏻‍♂️：7/10環境🪑：7.5/10…查看更多