yobi109的个人专页

大家都被疫情嚇得留在家裏，可是我們這等窮人沒有資格怕呢！每天都要上班，趁出糧食餐好嘅一於去稻八日式火鍋，外賣自取特級美國穀飼牛火鍋套餐，價錢仲好優惠添！二人份 $348，四人份 $688；一家人唔使$1000已經食到飽飽，火鍋材料靚，包埋湯底，屋企有個爐就食得啦！點餐之後等左一陣，店員好快手，唔使10分鐘已經包好晒外賣走得！湯底已經準備好，兩大支樽，沙嗲湯底香濃美味，不用其他調味包已經夠好味。真材實料套餐主角，當然係特級美國穀飼牛肉，仲有其他豬、牛、羊、雞肉。特級美國穀飼牛肉獨立分開一盒，清晰見到牛肉脂肪分布平均，肥瘦均勻，放落熱騰騰嘅湯底裏面滾幾秒已經食得，入口充滿牛油香，香軟鬆綿。媽咪就大讚美國自然豚肉，新鮮入口味道鮮甜，肉質柔軟鮮嫩。日本北海道滑雞片，鮮味道突出而且肉質爽彈鮮美，完全冇急凍味。羊肉就最啱細佬啦！羊羶係佢嘅最愛，肉色嫩紅，口感不膩不沾。丸類選擇同堂食一樣多花款，墨魚丸、牛丸、爽脆彈牙，味道調味得宜。加啲蔬菜就夠晒健康啦！最開心係有時令限定，花膠珍貴食材一樣有，滋潤又補身。蝦滑飽滿豐盈，食落爽彈鮮美，yummy!打邊爐又點少得炸魚皮、稻庭烏冬呢！炸魚皮最緊要就係薄身，色澤金黃，口感酥脆。稻庭烏冬圓潤，入口煙靭。整體非常滿意今次嘅創新外賣火鍋，香港人果然夠彈性，反應又夠快，火鍋材料又夠新鮮，各方面做得恰到好處！…查看更多

我差唔多閉關左一個月，忍唔住出去旺角行下街同朋友食個飯，我哋好耐都冇出嚟吹水啦！我真係驚佢會抑鬱。旺角比較靜中帶旺的金雞商場，我哋有個老地方叫做第三站，樓上舖地方比較大而且沙發舒適，食物水準都好穩定。《特色拼盤 》$68未諗到食乜嘢套餐之前，先叫一個特色拼盤，麥樂雞是我們兒時的回憶；雞翼皮脆肉滑又多汁；老公都話我唔知點解好鍾意食日式餃子；春卷、咖喱角直情好似喺學校開緊聖誕茶會咁！花枝丸同埋龍蝦丸就好有BBQ風味。晚餐升級了，頭盤有田園沙律，日式芝麻醬汁好開胃。《煙三文魚野菌忌廉燴意粉》$116喜歡煙三文魚那種煙燻香氣，味道鹹香，入口軟滑，野菌最啱喜歡素食的人士，忌廉汁濃郁美味，意粉彈牙有口感。 《意式芝士焗肉醬長通粉》$96意式芝士香味濃郁，拉絲的感覺真好，焗肉醬的牛肉有咬口，長通粉吸收晒醬汁的精華，飽滿可口。《水蜜桃乳酪 》喜歡水蜜桃的一定喜歡這杯乳酪的味道。《女皇 》老公說我就是女皇，這杯飲品確實不錯。忌廉上面灑滿玫瑰花碎，清香怡人；士多啤梨清甜。《特色芝士蛋糕》這裏很適合朋友傾計，因為一吹水就可以吹兩三個鐘，法國朱古力和藍莓芝士蛋糕同樣十分美味，為今晚吹水會寫上圓滿的結局。…查看更多

眨眼又一年，到左龍舟水嘅月份，特登去睇朋友玩水，然後一齊行一陣海旁再去食海鮮，三聖海鮮性價比高，去朋友食開嘅泰海鮮，食乜嘢由佢話事。一班人可以試多啲嘢食，食得好豐富每人都唔使$500。海鮮湯熱辣辣嘅海鮮湯飲落鮮甜，湯渣就睇得到有幾豐富啦！有魚、賴尿蝦、蜆仔同埋蕃茄薯仔。豉油皇鮑魚鮑魚夠晒彈牙，新鮮肉厚，加上豉油皇味道更加提升。泰皇芝心蝦丸一咬落去有爆汁嘅感覺，外面一層脆卜卜嘅麵包粒，芝士汁味道濃郁，蝦肉Q彈，美味可口。青山灣焗龍蝦青山灣出名食龍蝦，面層焗得香脆可口，淡淡的芝士味，龍蝦大大隻肉嫩細緻。白酒忌廉煮花甲烏冬底白酒香氣撲鼻，忌廉汁 creamy, 感覺新奇味道清甜，花甲大隻有肉吃，忌廉汁烏冬好飽肚。油鹽焗奄仔蟹 呢個真係食到舔舔脷，奄仔蟹 的蟹膏多到要爆出嚟！以油鹽焗 令到每一啖嘅味道都更加有層次，食得到蟹肉本身的原汁原味。 豉椒蟶子皇米粉底蟶子皇入口夠新鮮冇腥味，米粉底兩面都煎得好脆，伴豉椒汁非常惹味。招牌炸子雞至於唔敢食太多海鮮嘅朋友，招牌炸子雞就啱晒佢哋啦！皮脆肉嫩又多汁，好味道。雖然未到端午節，但係三聖邨已經好有氣氛了，下個月再嚟打氣！…查看更多

星期六放假,約了朋友吃晚飯,我們約了銅鑼灣,我逛了一會街,才去餐廳等他進去後發現時間還很早，6時多，所以沒有很多客人！燒雞翼上面用了不小七味粉。而在內是滿滿的雞肉,口感非常滑，而且十分惹味雞軟骨想不到是這麼大條！配了檸檬食用， 每一口都很新鮮，很快便吃完！燒牛肉香菇放上檯已覺得非常精緻，用這個承放著是真的比平常更有美感！頓時覺得美味哈哈這個肉好淋，非常容易吃進口！店員應該很熟手吧，如燒太久了，便會有點over！但這次是剛剛好！肉質鮮甜，惹味非常入口鮮味十足,有點咀嚼感！燒牛柳粒非常有咀嚼感！吃的時侯是要比少少牙力才可食用！而我個人是很喜歡吃牛柳粒的，所以這個我也是很喜歡的！清酒也是我很喜歡，有時吃串燒配一杯清酒，反而會令味道更出！今天晚上有酒和肉,十分高興,期待下一次聚會…查看更多

去旺角行完女人街想食韓國嘢，即時諗起一間抵食又經典嘅 梨滿園。裝修走懷舊風，最緊要就係價錢實惠，同埋我好鍾意食佢嘅醬油蟹。一坐低二話不說已經有幾碟傳統特色前菜，我最喜歡都係泡菜，味道香辣清甜。一坐低阿姐俾個特價晚餐嘅牌我哋，咁我又見到 韓色炸雞幾抵食，一於嚟過炸雞燒酒，一邊食炸雞一邊飲燒酒更加暢快。炸雞皮脆肉嫩又多汁，而且新鮮熱辣辣，越食就越想食，好味到呢！另一個菜式我係為佢而來的，韓式生醃醬油蟹，一隻分量已經好大隻。解凍時間剛剛好，識落仍然有冰涼感覺，味道鮮甜，蟹肉質地入口 creamy 。蟹膏仲可以配合紫菜同埋熱辣辣嘅白飯撈埋一齊食，滋味無窮！…查看更多

上個再上個星期日，如常到教會崇拜後午餐，這個位置之前都有不同的餐廳，轉過幾次手，竟然開了韓國餐廳，實在太吸引了😍😍我很喜歡食韓國菜，最驚喜的是韓國餐廳的侍應們都是韓國靚仔😍😍我地一行8人，其中我和3人見到部隊鍋，一致決定share食，正呀！再加了炸雞，部隊鍋內有豬肉，香腸，年糕，韓國麵，芝士，最好味是鍋邊的蛋，有粟米放入去，好香好好味蜜糖炸雞炸得很香脆，不油膩，加上蜜糖正呀另外姊妹食的豬肉飯，用個鐵盒裝住，好得意咁，但味道一般，個汁有點怪，我沒有試過，所以不知道另外墨汁烏冬賣相唔錯，姊妹說味道也很好，烏冬特別薄幾得意石鍋飯的賣相也不錯，很香今次食飯時沒有詳細看餐牌，下次再食會比較詳盡😂😂…查看更多

新蒲崗屬於舊區，地鐵都暫時未嚟到，但就係充滿着我爸媽拍拖嘅回憶，今日佢哋帶我嚟衍慶街食上海菜，很美麗的名字：三分俗氣。只不過係七點鐘已經全場滿座，睇吓餐牌價錢經濟菜式特別。我哋一於叫個四人餐再加啲小菜啦！前菜係出色的四喜烤麩，烤麩、毛豆、雲耳、筍加上甜甜地嘅調味，很開胃！小食我就叫左一個經典中的經典， 小籠包。一望師傅就知道功夫十足，賣相好，皮薄多汁，餡料鮮味質感鬆軟。而我記得細個食上海菜一定會叫酸辣湯，夠酸夠辣 ，真材實料木耳、筍、蛋絲口感豐富。宜家系出邊好少食到咁靚嘅韭黃炒鱔糊，我自己覺得係傳統菜，味道幾惹味。完美嘅甜品又係有瞇埋眼都識叫嘅豆沙鍋餅，到上海菜館一定會食， 金黃色入口香脆， 豆沙軟綿不太甜，名副其實嘅外脆內軟。非常美味。小店服務不錯， 傳統味道反而有驚喜。 …查看更多

如果喜歡吃重慶口味，這裡真係又係一個超正選擇，本身餐廳位置就唔係係人多大街嘅地方，剛好行過，見到有新店，反正都係一於座下，餐牌清晰，如果吃得不多可以單點，而個超值套餐確實十分超值，兩個人吃個食勻山城二人餐，相信絕對足夠，唔夠亦可以再加其他小吃，今晚就係點了個二人餐$125，一個山城牛肉麵，牛肉味道香濃軟熟，麵條煙韌彈牙好有口感，再配個燃情刀削麵加錢加了幾款菜，滷蛋、牛肉、郊外油菜一碟，呢個麵都十分之特別，係乾撈，麵身更彈牙爽口，牛肉一樣都係咁味道香濃軟熟，麵條配埋滷肉一齊入口味道更佳，小吃就點了入麻辣手撕雞，夠晒味道，雞肉嫩滑！同埋尖椒皮蛋，入口香滑，皮蛋唔會有陣石膏味道，伴埋帶點辣嘅尖椒十分刺激！油菜亦十分爽脆，帶點辣汁，夠晒刺激，跟餐還有飲品同糖水選擇，飲品就點了冰凍嘅甜豆漿一解口中辣味嘅感覺，而最好係佢個甜品紅糖冰粉，入口清涼軟滑，將口中嘅麻辣感覺盡消！另外佢嘅小食亦好好味，今次多點了個老麻紅油抄手$26，入口啖啖肉，味道帶點點辣，味道夠晒香濃！如果喜歡吃重慶口味，這裡絕對值得一試！…查看更多

行街行到攰最啱搵個地方食嘢輕鬆一下，至緊要食得飽就得，諗住去食番碗拉麵就梗係去拉麵店開餐入去坐低諗住點碗拉麵食，點知睇到餐牌發現仲有其他嘢食可以值得品嚐一下，最後放棄左食拉麵念頭，轉一轉口味食佢呢度嘅迷你石鍋特濃龍蝦湯海鮮泡飯，再點D小食食下，又可以食多種美食，小食先來有香煎豬肉餃子（5隻），餃子煎得夠香口，入囗食到香嫩肉粒外滿口啖啖香甜肉汁正再來係迷你石鍋飯，已索到陣陣香味，熱辣辣鍋飯吸收晒特濃龍蝦湯汁，包保每粒飯都會食到湯汁嘅鮮甜味道配埋海鮮一齊煮食落更加鮮，趁熱食就最正斗口感一流又飽滿食落有驚喜食完個暖笠笠鍋飯後，再食番個香濃軟滑抹茶雪糕更加滿足一餐美食又品嚐完畢。…查看更多

有天跟朋友提到，不如試一試放題以外的其他中式火鍋，於是，就來了這間靚煲皇。座位寬闊，即使六人卡位，亦都寬闊有餘。室內環境光猛，後邊又有電視，甚具型格。由於本人不吃菇類製品，友人便隨便點除了菇類的其他食品即可，也沒有理會人們點了什麼。這兒比較著名的應該是這個海公主魚煲，湯底很有味道：內裡有花膠,十分滋補，味道極濃，莫說是喝湯，就只是吃花膠,都很有味道。湯底，開頭喝起上來，帶點清香，都也不錯，之後加了幾次水，味道也沒淡化了。還帶點豬骨清香，胡椒的香氣。試了這條龍躉，入口鮮嫩，味道不錯，可以盡吸湯底的味道。除了正常的蔬菜籃之外還點了個蠔，當店員拿來的時候，原來蠔是最近從新的批發商入貨,賣相不錯，煮完之後，口感帶點爽，咬下很有質感。蔬菜類也很新鮮,吃了太多肉類也要消化一下另外就吃了兩隻餃，餃子皮相當吸味，其一隻內裏有大大隻蝦，因此起上來口感很爽口。本身還以為細細顆的，應該是彈牙的魚蛋之類？大口咬下，原來是內裏還有醬汁，非常熱燙，而外皮亦都非常彈口。…查看更多

之前嚟過慶祝朋友生日，食物味道都OK幾好而且鍾意佢哋嘅晚餐有優惠，全場熱鬧又輕鬆。今晚點左兩個 Dinner set , 落單同食物上菜速度都好快，是日餐湯及蒜蓉法包。喜歡食牛肉的朋友，點了芝士牛肉漢堡配沙律薯條 $148。漢堡包有得揀先至係老闆！正！牛肉味道濃郁，口感結實，肉嫩而且多汁。粗薯條如果可以俾多啲茄汁我就好啦！沙律成為我嘅飛佛，因為可以食多啲蔬菜好似冇咁Guilty。再share一個龍蝦汁海鮮麵 $158，鹹香的龍蝦汁伴以頗豐富的海鮮，麵身掛汁而且夠彈牙，水準相當不錯。套餐仲可以升級， 加 $38 就可以享受一個朱古力心太軟伴雪糕，仲平過去附近嘅甜品店食，而心太軟真係可以做到朱古力爆漿嘅感覺，真心讚一個！因為咁耐冇見，所以再叫多兩杯特色飲品！ Mint chocolate 同埋 Hot mocha …查看更多

今晚一班同事問慶功食咩好，有個就提議左我地去呢話，佢之前試過18禁卜卜蜆但失敗左，加上我地同事入面有d唔係好食得辣，但係又想試下大隻多肉既台灣卜卜蜆喎....所以今次大家就黎左呢度輕鬆食 - 原味卜卜蜆喇！呢個原味卜卜蜆用左香蒜、辣椒、蔥去做湯，湯底味道愈煲愈清甜，d蜆都好大隻，仲好多蜆肉，同事果然無介紹錯！一煲既份量都幾多下，真係一大煲蜆，限時內要食哂佢都真係有dd難度。。。如果唔係好大食既話，其實都夠2-3個人食，very good！係其他地方真係食唔多咁大隻蜆肉。除左蜆，我地仲叫左豬潤，又大塊又抵食，而且仲滑，係新鮮既豬潤。d生菜好甜，食飽左做餐後清腸胃就一流！！！今晚呢餐真係好滿足！…查看更多

一直都想黎, 但就係成日都唔記得左件事。今日同朋友行經銅鑼灣, 又唔趕時間, 不如去食個便飯。企係門口睇左一陣菜單,雖然無discount, 其實都唔係好貴, 都算過得去。餐廳面積唔算大, 但座位都算寬 ,唔會坐到好逼不過都係食過便飯就無謂咁執著。款式都幾多可以揀, 我揀左個深宵帶子燒, 另外叫左個烤羊扒其實我幾鐘意種配搭,因為食帶子燒會唔夠飽 但一個人食又食唔曬,所以2個人岩岩好呢個羊扒就剛剛好, 滿足了食欲。秋刀魚都燒得幾香, 又唔鞋, D 汁撈埋成條魚變得好好食,攪到我連炸紫薯都好大啖咁食曬, 肥死。露旬燒唔算太膩,但味道好香總括而言, 呢個晚餐都算性價比幾高。不錯。:)…查看更多

老爸今晚帶我去食夜粥，估唔到佢都咁update，佢話係佢啲同事介紹佢嚟食鮑魚雞粥，趁著媽媽今晚放假唔煮飯，我哋就去試吓！今晚得我地兩個撐枱腳，先叫咗個粥底火鍋先，就係呢個必食推介鮑魚雞粥，如果我冇聽錯嘅話應該係南非鮑魚，當然唔係超大隻嗰啲啦！另外會有半隻雞。粥底火鍋要慢慢滾，唔可以心急，因為太大火就會燶㗎啦！然後就放雞肉落去，大概五至10分鐘熟咗就可以食得，雞肉新鮮，肉質嫩滑。鮑魚師傅已經預先切件，放落粥底滾一陣就食得，鮮甜彈牙！粥底冇落味精，質地仍然夠杰身，先食一碗粥打底，加啲蔥花加啲胡椒粉一樣好美味！另一美食推介就係炸魚皮，真係皮脆可口，用嚟送粥咁梗係冇得彈。:)叫咗一碟肥牛肉，用足底做火鍋更加吸收到肉嘅精華，而且到最後食嘅粥就會更加鮮甜原味十足銅鑼灣地點方便，日式裝修兼且座位闊落，兩個人食幾樣野已經飽飽，試唔到太多，下次再約大班朋友來食餐勁嘅，可以試埋其他海鮮耶！…查看更多

好耐都冇去探過姑媽啦！佢之前做完手術都唔得閒，而家趁佢做完物理治療嘅時候順便約佢食餐飯，地點一於就佢方便喺佢屋企樓下！以前呢個商場冇咁多嘢食，最近就多咗好多新血！我哋揀咗Mee...lemongrass，主打東南亞菜的，最緊要佢嘅菜式好多元化，馬來西亞、越南、泰國口味都有，滿足晒我哋唔同人嘅胃口！我喺門口已經比隻大龍蝦吸引，重點係做緊半價，優惠 $84 真係大爆發，風味果然十足的喇沙真係食過返尋味！抵食又足料，大大碗喇沙，真係夠兩個人分享，我個人推介必食招牌菜！波士頓龍蝦喇沙用原隻有成 20cm 的波士頓龍蝦，龍蝦肉不單止夠鮮味，入口厚肉，口感爽彈，惹味濃郁的湯底令龍蝦鮮味更加提升。姑媽就讚美 Mee.....的喇沙口味正宗，因為佢都係1/4個馬來西亞人，食得出湯底有水準，而且仲有傳統嘅「摻摻」，一半油麵一半米粉，仲有睇落去唔係好起眼嘅豆卜，吸收晒湯底嘅精華。製作好有誠意！另一款要讚嘅係馬來蜜汁炭燒厚切豬扒撈檬 $66，豬扒肥瘦相間，一啖入口真係回味無窮！而且見到飲品都好得意，點只冰冰咁簡單@好有創意的飲品。Cool 爆鮮芒果冰冰 $38 好大杯啊！一座芒果冰山有粒粒新鮮的芒果肉，清甜唔會酸。泰珠奶茶…冰 $38，用了泰國品牌的原瓶奶茶，成個玻璃樽倒轉上枱，已經好有型。配上珍珠更加有qq 口感，奶茶香不會太甜。本來已經飽飽，點知見到有甜品，當然都唔可以錯過香芒椰汁糯米飯 $48。甜品賣相十分精緻，外型就好似一對拖鞋，糯米飯煙韌香口，再伴著濃郁椰汁香味，芒果肉香甜多汁，完美的一個晚餐。…查看更多