wayne.pun的个人专页

除左上菜時，職員會教學點煮d牛肉外，仲有圖文並茂教學！佐賀A4黑毛和牛肩胛套餐 （期間限定）偷食人地兩舊牛肩胛，味道唔錯，撈埋香蒽溫泉蛋飯一齊食，配搭十分好鹿兒島A4三重黑毛和牛套餐三重和牛包括1. 肉眼、2. 西冷、3. 牛肩胛另加$10轉香蒽溫泉蛋飯跟隨職員教學，處理d牛，好好食，好滿足，一路煎一路加壽喜燒汁，完美配搭，3款牛入面，肉眼最好食，其次到西冷，最後牛肩胛，但3款牛都好好食。性價比好高，對得起個價錢！配菜蘿蔔加入少少柚子落去，味道好夾Book檯8點半後，會送一碟北海道豚五花…查看更多

生蝦刺身 - 大大隻生蝦，夠新鮮，配上泰式醬汁，將普普通通嘅生蝦提升到另一境界🤩🤩煎BB魷魚配青醬 - 魷魚煎到啱啱好，唔會太熟，調味方面，如果就咁食就略嫌重味左少少，但配上綠色泰國醬汁，味道中和返，好好食，值得一試😍2025火車牛炒飯 - 雖然分量唔算大，但勝在好食，食落去好有牛味，簿簿地，一細塊一細塊嘅牛肉，醬汁均勻分布每粒飯。😜飲品選擇唔算多，而呢杯泰式綠奶茶唔算好甜嘅泰式奶茶，味道都唔錯，同泰國飲嘅一樣😙豆腐雪糕味道唔錯，有少少豆腐嘅味道，在配上黃色嘅粒粒，有微微嘅咸蛋味，幾特別🤓…查看更多

脆皮鮮奶卷 - 外皮唔算太脆，同想像中有少少出入，而入面鮮奶合格有餘，但有一條入面係凍號蜜椒薯仔牛柳粒 - 味道尚可，但牛柳粒必須讚賞，易咬開。豉椒炒鵝腸 - 一上菜時係好香，而且好多煙出，味道適中，鵝腸唔會太肥，值得讚賞。黃金鮮魷 - 作為成餐飯最貴嘅小菜，的確令人期待，部分鮮魷難以咬開，而面頭嘅黃金皮，有少少硬，但味道係唔錯嘅。豉油皇炒麵 - 成晚最好食嘅一碟，味道啱啱好，唔會太咸，一上菜時，仲有少少鑊氣，可以讚賞一下。…查看更多

休閒一日，黎到藍田大地，推薦呢一間咖啡店，店舖裝修與附近商舖不一樣，有少少復古嘅感覺。首先介紹返我點左嘅「黑松露野菌長通粉」跟餐免費加一杯「烤榛子鮮奶咖啡」。「黑松露野菌長通粉」有適當嘅黑松露香味，每一條長通粉都可以食到勁多好好味嘅汁，讓人有一種好滿足嘅感覺☺️☺️☺️，食完再食嘅感覺。正👍🏼「烤榛子鮮奶咖啡」當杯咖啡放上餐檯時，已經傳出陣陣榛子香味，飲落有好重嘅榛子味道，但唔會有甜到爆嘅感覺，味道啱啱好。…查看更多

黃金炸牛堡 $60個包勁大個，食完佢都飽左7-8成。塊肉個size尚算正常，但最重要個味道係適中，而且無過多嘅醬汁，加埋中間夾左d菜，成個包係好食嘅。燒賣 跟包叫+$10第一次係咖啡店有燒賣食，所以，膽粗粗叫左一份，本身佢嘅燒賣應該係煙煙韌韌，我覺得幾好食嘅，可惜佢應該用左微波爐叮熱，個皮有少少硬凍牛奶咖啡（大）跟個包叫+$26呢杯牛奶咖啡就咁睇落奶多過咖啡，但飲落咖啡勁濃烈，落埋d糖水，味道好夾，可以一試…查看更多

食完完全無滿足嘅感覺，奇怪的安排，明明勁多檯，但唔安排人入坐，以滿足排隊嘅現象。首先，飲品（包括酒類飲品或汽水）全部sold out。第二，茶壺裝水時，出熱水口同個茶壺位置唔對，要將茶壺斜放先裝到水第三，有刺生嘅壽司，舊飯係比較溫暖，熟食嘅壽司飯較為清涼。同埋舊飯係酸左少少第四，有部分壽司碟上有黑色一點點第五，食物方面- 藍鰭吞拿魚拼盤 - 同donki超市外賣比下去。- 日本產池魚 - 薑味太重明明同donki壽司一樣，但外賣好食過堂食…查看更多

昼食 - 呢個set lunch價值$168，撇除價錢，以味道黎計，正正常常，未見突出，米意粉算比較特別，平時唔多地方有得食。兩條麵包仔，比較袖珍，做到外脆內軟，一d都唔簡單。而呢個set lunch可以配兩個小食，我點左「慢煮雞肉配蜂蜜柚子胡椒」同「日式明太子野菌酥皮脆盒」。先講講「慢煮雞肉配蜂蜜柚子胡椒」，雞肉唔錯嘅，但食唔出蜂蜜柚子胡椒，可能份量唔多。「日式明太子野菌酥皮脆盒」係成個set入面最好食。最後講講個主角「番茄南瓜湯」，有番茄嘅味道，總算合格之作。豆腐芝士生乳卷 - 唯一對得住價值嘅作品。味道比較淡，有代改善。…查看更多

朝早起身黎一杯 - 熱培茶latte，成個日暖晒，味道唔錯，少少培茶味道，唔會太搶，又唔甜，啱啱好。熱抹茶latte，d泡濃密得黎又唔太厚，濃濃嘅抹茶味，令人回味無窮Egg in cloud, Chicken, Avocado Salad & CroffleEgg in cloud, Salmon, Avocado, Salad & Croffle兩份早餐，看似同一樣。但一份主角係煙三文魚，但唔算太咸，味道OK。而另一份主角係雞胸，少少黑椒，雞味濃郁，唯一係雞胸份量再多少少，會更加正。另外，一舊雲嘅太陽蛋，有少少甜味係蛋白上，幾有特色。其他沙律同牛油果新鮮。以呢個價錢黎講，絕對抵食。…查看更多

好耐好耐無出街食，今晚就同幾位老友食呢間細細個就聽過，但從來未去過嘅陳記燒鵝。5人行，叫左一隻燒鵝，如果作為主打菜，有少許失色，燒鵝嘅切口，好多都切唔晒，一夾就伯連續幾舊。而最重要嘅皮，有一半係脆，都算唔差。但燒鵝汁唔錯，用黎撈飯一流。:)砵酒生蠔煲 - 正正常常，唔算太差，上菜時，仲係好熱，正:)西蘭花炒帶子 - 呢個係全晚晒好食嘅小菜，一上菜，無耐就清晒椒鹽豬手 - 唔算特別，正常發揮:)胡椒豬肚湯 - 呢個值得一試，足料，而且味道啱啱好，胡椒味唔會太搶…查看更多

由於疫情關係唔太敢堂食，於是，外賣久違嘅餐廳，牧羊少年，當日透過openrice 落單，方便兼且有額外折扣。😊😊😊而我叫左一個set lunch，一個沙律，另加一個小食。俄式牛仔柳意大利粉 配 凍水果茶 - $102先講講俄式牛仔柳意大利粉， d牛仔柳煮到啱啱好，唔會過熟，又唔會生，食落去唔會有渣，同時好易咬開兩邊，值得一讚另外，凍水果茶，唔會太甜，飲完仲可以食埋個舊橙同西柚牛油果香芒烤雞沙律 配 胡麻醬 - $94D雞烤得幾好，食落去唔會硬梆梆，d菜都幾新鮮蜜糖芥末蕃薯條 - $54呢個小食係最值得一讚，本身已經有甜味嘅蕃薯條，唔點任何醬都好好食，再配埋呢個蜜糖芥末醬，簡單絕配。…查看更多

久違嘅放題都好一段長時間無食放題，於是，就黎左呢間新開嘅台式一人一鍋放題任食，由於，新店開張，每人送一杯珍珠奶茶，可能店舖位置一般，唔洗排隊。湯底，我就要左松露野菌昆布湯，當打開個鍋時，好濃烈嘅松露味慢慢被我吸收晒，好香。之後我先叫左部分小食，夜市鹽酥雞當然走唔甩喇，幾好食，唔錯，放題黎講都出色喇，其次，叫左個柯仔煎，小弟見識仲好少，未食過放題有柯仔煎，都大塊，蠔肉唔差，最少食到蠔肉然後，再叫手工糯米腸，唔太大特別，不過好食嘅。滷水豆腐就好似少左d味。但打邊爐點少得牛，佢仲要有埋羊，d封門柳最好食，細細舊，一啖食落肚，最後就要講講佢嘅甜品，細細杯，啱啱好，而且唔係好甜，值得一食。…查看更多

Baileys Latte - 就咁睇落去似平平無奇嘅dirty，飲落去甜甜地、苦苦地，幾特別，唔差嘅，而佢個塊餅好重杏仁味，好好食Americano - 呢杯好正常嘅americano。Mocha - 個花拉得好靚，飲左一啖，唔錯，幾好飲Homemade Sausage Roll - 皮做得好鬆化，而入而嘅雜菜同肉都好好味，最重要係自家制BBQ Duck Pizza - 市區比較少有嘅Pizza，幾好食，個皮係好鬆脆味道啱啱好Lasagna Porcini Mushrooms - 以往嘅千層麵大多數係肉醬，而佢係用白汁野菌，幾特別嘅口氣，可以一試Creme Brilee Cheesecake - 面個層焦糖都係脆，暖暖地，而中間嘅芝士係涼浸浸，今日中午時間都幾熱，食完正正透心涼最後，店員嘅細心，誠懇嘅態度直得一讚…查看更多

各式各樣嘅串燒 - 1. 燒冬菇，正常水準嘅燒冬菇2. 燒和牛牛舌，可能牛舌無咩脂肪，食唔出有咩特別3. 燒和牛，好好食，唔差4. 燒八爪魚，最好食，加埋佢d汁，簡單一流甲羅燒 - 好好食，將d魚子，蟹糕，適量蟹肉，鵪鶉蛋撈埋一齊食，味道好夾，正燒魚背，店員嘅特意介紹我食，本身燒魚背將魚油釋放出黎，已經提升食物嘅質素，而佢嘅汁好獨特，值得食多次又係店員推薦，龍蝦係新鮮嘅，係蝦肉上放海膽再燒，好好食，食完之後，將龍蝦頭斬兩邊，一邊煲粥，另一邊煲湯，好正，好好食店員另一推介，油揚內藏蠔肉，好特別菜色，但好好食好大杯嘅飲品…查看更多

百花煎釀蘿蔔糕 - 十分有創意嘅點心，平時較為少見，而佢做到外脆內軟，值得一讚鮑魚珍菌千層酥 - 啱啱好，一口就食到唔錯，而且鮑魚都有彈牙口感，鮑魚下面有適量嘅珍菌，好食流心鵪鶉蛋燒賣 - 好有心思嘅燒賣，入面粒鵪鶉蛋真係做到流心，而蝦肉係全熟，時間掌握好出色黑松露野菌餃 - 好好食，黑松露味唔會勁重，適當嘅黑松露味道提升左野菌餃嘅味道金麗湖蝦餃 - 蝦餃無話特別，但勝在高水準，蝦肉彈牙，皮薄，又係考功夫嘅點心鮮蝦水餃魚湯稻庭麵 - 水餃係出色嘅，但稻庭麵係唯一失準嘅地方，煮耐左少少，有一半嘅麵夾唔起職員介紹嘅手工啤，好飲，唯一缺點，佢貴左少少，但可以一試…查看更多

店內好傳統嘅裝潢 - 首先讚下店員，有禮貌，而且好細心就咁睇個餐牌，合理價錢，唔貴，同市區好多糖水舖比較，仲要平少少豆腐花  併  杏仁糊 - 豆腐花細滑，杏仁糊唔算太甜，正豆腐花  併  腰果糊 - 豆腐花配合濃濃嘅腰果糊，好好食大魚蛋 - 睇落平平無奇，但d醬汁先係重點，，正…查看更多