RaymanHo的個人專頁

琴晚同朋友途徑電器道，有d肚餓，見到尼間“哈比斯燒肉串和咖哩 ”，而且又聞到好香，於是就想入去試下。雖然店面唔算太大，但都有位置可以坐。我點咗羊肉卡巴，我朋友點咗雞肉卡巴。見到落咗單之後佢哋係即做。見到份卡巴卷第一感覺就係，使唔使甘大份啊，做宵夜有種罪惡感LOL。入邊真係好足料，羊肉同菜都好多，做晚餐其實都夠。食起身好香，羊肉唔會騷，吃完真係好滿足。我朋友比較細食，食做一半已將話吃唔落，話剩低d聽日做早餐。所以真係好抵食，分量大，味道又幾好，推薦！…查看更多

香港係美食之都， 自然世界各地嘅美食都可以品嘗。琴晚心血來潮， 突然想試下印度餐。上網搵到尼間印度餐廳，而且開業冇幾耐，於是抱住嘗新嘅心態去試下。鋪面雖然簡單，但都透露出陣陣印度風情。店鋪內裝飾樸素，以紅色裝潢為主， 有不少印度裝飾品，將印度嘅異國風情很好地展示給顧客。因為只有我同另外一位朋友來，所以點咗3樣菜式。第一樣係香甜奶油烤餅。整體來講不算太甜，韌韌地，幾有口感。之後我哋點咗印式燉羊肉。 羊肉煮到好霖，冇咩騷味，微辣，刺激我嘅味蕾，另我想繼續吃下去。D汁都好濃，同烤餅一起吃， 味道好match。最後我哋叫咗烤芝士。其實係第一次食印式烤芝士，芝士唔係熟芝士，所以口感好特別， 好似豆腐甘樣，味道唔算好濃，算係幾清新嘅菜式。總結來講，尼間印度餐廳算係不錯嘅選擇，味道同裝修都充滿印度風情，而且唔算難搵，值得一試。…查看更多

朋友介紹九龍城有間泰國餐廳幾唔錯，但係唔記得叫咩名，好似有個鱷魚logo。上openrice一search就搵到有間叫做鱷魚泰國餐廳。於是今日就同一個frd去試下。尼間餐廳唔錯太難搵，喺富豪東方酒店巴士站行十幾分鐘就到，去到就可以搵到好明顯嘅鱷魚logo。入邊環境唔錯，俾人感覺好乾淨好舒服。仲有一幅好復古嘅鱷魚掛畫，唔怪得叫做鱷魚泰國餐廳。因為只有我同frd兩個人，搵位唔難。我哋點咗3個餸。第一個餸係前菜泰國串燒。燒的啱啱好，好嫩好香。之後我哋點咗椰青焗飯。分量真係好足，而且好香椰汁味，入面d椰肉好滑。 最後我哋點咗椰青做飯後甜品。好清新。雖然餸唔多，但係都幾飽，價錢都唔貴，最緊要係味道唔錯，值得來試下。推薦。…查看更多

紅磡黃埔通左車，我呢哂大西北友緊係要黎行下喇，行到攰攰地就費事揾野食，見到呢間舖就入左食，開下我今年係呢邊嘅第一餐飯。 羊架呢度和5羊架真係羶味好濃，入口有濃濃的脂香味，夠晒香草味，而且一份羊架嘅份量絕對唔會小，入口夠結實，師傅用左唔小香料去燒，唔需其他調味已經夠晒正。食小小鐵板燒同店員師傅吹下水都真係幾寫意，下次都可以叫班朋友黎gathering ，不過無諗到小店都做得幾好，有人情味，食物選擇都多，要搵時間再黎先得呀!!…查看更多

之前朋友介紹九龍城有間意大利餐廳d嘢食幾好味， 於是今日同frds一齊去試下。感覺的確幾唔錯，值得俾like。環境：餐廳以紅色為主格調，感覺幾舒服。內裡的裝飾畫同燈光都俾人幾warm嘅感覺。周圍幾乾淨，可以放心食嘢。服務：服務都幾周到，waiter幾nice， 上菜速度OK。食物：出去食嘢梗係希望可以吃好西。雖然我對意大利菜冇咩研究，唔知道係唔係正宗，但最緊要好味。我哋total都點咗7,8 個菜式，有意大利飯，薄餅，意粉，黑毛豬火腿沙律， 燒春雞，心太軟配雪糕，味道到幾唔錯。特別推薦燒西班牙紅毛豬骨，燒得啱啱好，好入味，幾細嫩。黑毛豬火腿沙律都幾特別，據說係用風乾48個月嘅西班牙黑毛豬火腿做沙律，味道好特別。最後來個朱古力心太軟配紐西蘭雪糕，好滿足。總體來講，味道唔錯， 價錢合理，無論一家大小來，同frds來食嘢吹水， 呢度都係唔錯嘅選擇。…查看更多