eclair night的个人专页

每次經過，人龍都係長得嚇人，今日決定左要食到。排隊排左45分鐘終於入到，係入之前聽到好多人叫爽腩，第一次試，留個好印象，都係叫得穩陣D，食返清湯牛腩麵先。一黎到飲啖湯先，唔錯，果然冇令我失望個麵底採用左超幼細麵，幾特別，唔同以往食幼麵既感覺，本身鍾意食硬麵既我，食落個麵都感覺軟硬度適中最後當然試埋牛腩，略為多左小小肥膏，肉質腍身好滑感覺唔錯，可能排隊係外面長時間聞到濃郁既牛味，食落牛味反而唔重。試過清湯牛腩，下次一於試一試爽腩!…查看更多

荃灣區真係好多好野食，就正當煩惱食咩之際，見到呢間串燒舖有香噴噴既味道攻出黎，唔理咁多，就入去食返幾串再搵正餐。一見到Menu，見到雞全翼即刻就再點，可惜老闆話供應商黎錯雞中翼，唔理咁多啦照殺!雞中翼 ($18/2隻) 雞肉串($16)雞中翼同雞肉串都見到用獨特醬汁搽上再燒製，好食!!值得一提係，有時係其他地方食雞肉串係好乾好[鞋]，但呢串雞肉係 嫩滑同埋有沖唔乾身，抵讚!!燒原條茄子($38)茄子製作時間長小小，因為全部野都係即叫即做，同埋見到老闆整條茄子都好多個步驟，等左陣終於有得食，一食有驚喜!! 真係值得等一等!!(唔食辣既朋友，記著同老闆提一提)整體滿足有驚喜!!…查看更多

車仔麵 － 四周圍都總有一間，但真係感覺好食嘅真係好小。第一次去回味車仔麵，正值lunch time，舖外面條龍超長，心諗車仔麵都要排隊等？點知原來係排隊叫麵底同揀餸，排到我時睇睇價錢「＄32 三餸一麵加冷熱歛品」價錢中規中矩啦，行埋D發現原來好多餸選擇，除左平日見開嘅魚蛋、豬皮、豬腸、蘿蔔、豬紅⋯⋯等等常見款式外，原來仲有 蝦卷、串燒、漢堡扒、煙鴨胸⋯⋯等等多好多食材選擇，再排埋小小見哥哥仔執餸嘅份量真係抵鑽，前面個客人叫煙鴨胸，佢一疊就放入去，牛腩大大舊都會執4至5舊入碗，再幫手剪開。讚！到我揀麵同餸：油麵、生菜、牛腩、豬腸、蝦卷。份量果然冇變，同樣都係咁多。牛腩 － 食落感覺唔錯，食得出牛味，平日一般其他舖頭都會比醬汁味道覆蓋哂。豬腸 － 相反呢個有濃郁嘅滷水汁，再配合爽口豬腸，唔錯。蝦卷 － 係唔需要加錢都可以點，好食。生菜 － 都係生菜⋯⋯三餸之後，每加多一個餸加＄5蚊整體由衛生、食物款式、份量、食物質素、碗內餸菜擺放位置，我都感受到一份尊重。（留意我張相冇用過自己對筷子執過呀，仲有留意到為位客人碗車仔麵D餸都有執整齊先取出比客人）回味車仔麵 － 值得推介比大家。…查看更多

「大角咀」唔係因為什麼特別原因，都冇咩機會經過。約左一班朋友，旺角、尖沙咀、銅鑼灣、灣仔⋯⋯食下食下都唔知食咩好，最可惜開始越來越冇驚喜。記得有朋友推介過 樂天客棧，睇個客冇咩特別 ja，大角咀小去，即管就試一試。南洋菜真係冇咩情況機會接觸過，大角咀、南洋菜，好新鮮下wo!!一打開Menu，有小小驚喜wo（食物相影得唔錯，選擇都幾多），即刻睇下食家們有咩好介紹，試左D好野留個好印象先，再留意一下，原來有分大、中、小 分量選擇，好貼心！欣賞！我地3男3女，好多食物都點 中 分量岩哂我地。好吸引、櫻花蝦份量好足、四季豆好爽，如果配啤酒一流！久遺了嘅銀針粉，外表平凡，食落真係欣賞！好濃郁嘅咖啡味，可惜雞件過大，冇左食完想再食嘅感覺唔怕肥嘅朋友，真心推介一食！包皮、生菜、芫茜嘅配合，令到岩岩好，大滿足！蝦夠大隻，咸蛋醬包裹著，咬落口感同味道都一流熱辣辣嘅鐵板，味道豐富嘅炸菜碎肉醬淋上清淡嘅豆腐面，中和左兩者，一齊放入口岩岩好，配白飯就更正唔知係唔係其他食物好有驚喜，令蕃茄炒蛋變得冇咩特別，不過不失 3種味道，鍾意桂花、班蘭、椰汁嘅味道，合埋一齊就更加特別！每個菜式上檯到食落口都有驚喜，唔錯！值得再幫襯試其他唔同嘅菜式。…查看更多