agnestsang76的个人专页

新開的台式餐廳，午餐時間約一點食，約等5分鐘便有位了！餐牌選擇不太多，亦沒有午市套餐，我們3人，點了櫻花蝦炒飯$98，酸辣魷魚麵羹$68，雞蛋蔥抓餅$48，蚵仔煎$78。先上炒飯，有櫻花蝦，蛋及紅蘿蔔碎，櫻花蝦香脆，與炒飯很夾，味道不錯，但有點貴！然後來魷魚羹，有幾片切幼了的鮮魷絲，酸辣湯味道適中，沒有太濃味，配上質地較實的麵線，麵線因較實而沒有索得多湯，很幼沒有口感，所以一般般啦！到台灣名菜蚵仔煎，賣相似煎蛋，一夾起，煎蛋下面係一團半透明粉漿，中間夾著蚵仔，少少莞茜同一條條既蔥，蛋還蛋，粉漿還粉漿呢個口感好嘔心，條蔥切到咁大條無口感之餘，搶晒蚵仔既味道，我們都一致劣評呢碟野，重要$78，寧願要碟蚵仔煎蛋！手抓餅，比起台灣街頭風味，較薄身，所以鬆脆同冇咁油膩，都幾好味。總括呢個價錢食台灣菜，但居然最地道既蚵仔煎都整得咁差，其他食物亦沒有驚喜，試一次就夠了！…查看更多

行過見到門口有人龍，上網一睇，完來出名蛋撻，所以又排下等出爐！$6一個酥皮蛋撻，超級新鮮熱辣，果然名不虛傳，酥皮唔會一咬就成個撻散晒，有幾層酥皮，香脆有牛油香，而蛋就香滑同蛋有蛋味，下次都要encore👍🏼👍🏼…查看更多

只有星期一至五下午6時至11時先營業既小店，主打客家擂茶湯圓，終於擇到日子黎試！叫左一份擂茶湯圓，招牌蝦籽炒麵，豬軟骨同客家圍頭仔粉，一共$97，咁多野食，都唔算貴！老闆話炒麵同豬軟骨都係即整，要等25分鐘。終於開餐，老闆教豬軟骨要後食，因為味道較濃，所以我地決定先食蝦籽麵，即炒，超野味，麵底係扁身啲既幼麵，炒得均渾入味，有啲似鼓油皇炒麵既味道但多左蝦籽既香味，實實在在係一碟蝦籽炒麵👍🏼再試客家圍頭粉仔，精華係上面嗰堆自家秘制菜保，可選辣，我呢碗係原味，菜保、蝦米等材料炒埋一齊，超香👍🏼到豬軟骨，炆得好林好入味，係個汁就咸左少少。第一次飲擂茶，茶葉加左芝麻花生磨成既香味，我覺得有少少綠茶香味，個質地啱啱好，唔會太'傑'，好少好少甜，唔溜，都幾好味，配上芝麻湯丸，但湯丸皮較林，好似溶左落個湯度咁。可改善下個湯丸。整體黎講，係一間好有心機既小店，希望會keep住有得食啦！…查看更多

旺角新開張既甜品店，主打梳芙里，即刻去試食，店舖好細，只有幾張圓凳，主力買完企係門口食，我地五個人，叫左五款梳芙理，落單時間係21:05！唔係講笑，我地等下等下，門口等食既人越來越多，唔係好對路，老闆話因爲一部機壞左, 最後我地22:11先有得食！其實真係幾過份，不過為左食，我地都照等！講番個味道，微暖既梳芙里，充滿蛋味，上面有少少cream 同黃色既汁做dressing, 我叫左綠茶紅豆，綠茶慕絲冇綠茶味，反而覺得紅豆蓉重夾，朋友叫左朱古力/芝麻都係一般，個味道唔出，唔夾個蛋味，反而另一款肉桂蘋果重口味啲重好味。上面有兩隻蝴蝶裝飾，我地試過，食得架，不過係好似糖衣紙咁囉！總括就一般啦，其實個梳芙理整得幾好味，重蛋味，有質感，唔係一陣風，但同個汁同其他味道就好似唔係咁夾，企係街邊食即制梳芙理又真係第一次，不過賣嗰時應該講聲我聽要等一個鐘囉。…查看更多

第三次食via tokyo, 每次食完都好開心！今次都係諗住食綠茶雪糕，去到門口，見到推出左期間限定既焙茶味，於是就要各點左一杯淨軟雪糕。綠茶味，都係咁好味，濃香既綠茶味加上超滑既軟雪糕，難得既係佢滑得黎係有質感，唔係一入口就冇左！真係百吃不厭！到焙茶味，一入口就食到好香既焙茶味，真係有嗰種烘焙過既香味，好似飲緊茶咁，雪糕亦一樣咁香滑，但相比起綠茶味，佢既水感較重，奶味少啲啲，如果好似我地咁樣各叫一款的話，記得要KO培茶先，佢會快少少溶架！…查看更多

銅鑼灣充滿各國特色餐廳，想食一個簡單午餐原來不易，途經呢間門口似大排檔，但又掛滿西式廚師推介餐牌，見到坐滿晒人，又到下午茶時間, 就入去試試！室內約坐到20人，而室外就約20-30人，我地簡左坐裡面。餐牌選擇有好多，最後我地簡左：超值套餐$38: 蕃茄湯 出前一丁 吉列豬扒，炒滑蛋 牛油厚多士，熱檸檬綠茶下午茶餐$30: 芝士豬骨湯 肥牛 出前一丁，熱奶茶樓面約有3個侍應，約等左15分鐘先出飲品，我杯所謂檸檬綠茶，完全冇檸檬味，似係樽裝無糖綠茶加熱！👎🏻侍應非常忙，不停高呼售罄既食物：魚柳、青咖哩、茄汁....雖然飲品唔好味但我們還是充滿期望！再等多約10分鐘，炒滑蛋厚多士送到，滑蛋'辣'嘴既，都尚算香滑。食左多士之後成15分鐘，都未見出前一丁，忍唔住問侍應，但侍應一句：「得一個師父，要等下。」期間留意到其他食客食焗飯，反而好快有得食，而餐廳由我們到達時9成滿淨番2成，應該任何一個阿姐都可幫忙整既一丁！點解我地都未有得食，真係幾嬲！再隔左一陣，終於有得食，等左35分鐘既一丁，先黎芝士豬骨湯肥牛丁，一眼就睇得出唔係一丁，淡口味既味精豬骨湯，侍應話芝士係湯底度，真係食唔出👎🏻！跟住黎埋吉列豬扒 蕃茄湯丁，豬扒炸到皮好乾同好硬👎🏻，蕃茄湯好味過豬味湯，有味啲，不過個所謂一丁既口感真係唔得，面較幼同林👎🏻。我地用2分鐘食左半碗就走左！真心嬲等左咁耐為左食碗咁既野😡…查看更多

聽聞豬扒米線好味，星期日中午時間去試，店舖面積很細，門口有幾人排隊，我們兩位，約十分鐘便有位，一張細圓枱會安排坐5人，一坐低，店員以超快手腳清理枱面，更表演「徒手執骨」（豬扒骨）！排隊時已點餐，點了招牌炸豬扒酸辣米線$35，同套餐狗菜餃酸辣米線跟熱飲$34，坐低5分鐘左右就有得食。招牌炸豬扒，標明係手揼，唔用鬆肉粉，啱啱炸起，亦的確係出面香脆裡面肉林，不過就冇咩味。而酸辣米線，好大碗，湯太多，食到有啲論盡，酸辣湯加左麻辣既「麻」味，完全把酸辣味蓋過，而米線就彈牙滑口，至於狗菜餃就一般啦！埋單時就出現我最擔心既場面，碗米線既湯好滿，店員送餐時手指公插落碗湯度，即刻閃過徒手執骨既畫面....oh my god都好彩係走先見到呢一幕，總括黎講，先唔講衛生，味道就真係好一般，唔值得encore, 至於衛生既野，可能有人覺得呢啲先係風味呢！…查看更多

隨意選擇了這間尖沙咀的泰國菜，我們一行四人，一坐下，服務員貼心地準備每人一杯溫暖的香茅茶，香茅味超濃！餸菜價錢由$88-300，不算便宜，最後點了：1）炸軟殼蟹 - 雖然係細隻蟹，但外面炸到脆卜卜，裡面都重係juicy既蟹，點埋酸辣汁，好味又開胃。2）紅咖喱雞- 質地較稀，唔辣，味道較甜3）油酥餅 - 呢個好味，又鬆又香4） 薯仔餅 - 較咸及重口味，不宜沾咖哩。5）蝦醬通菜 - 通菜新鮮，好味6）辣椒糕炒硯 - 個汁超野味，好味7）冬蔭公湯 - 叫左3-4人份量，每人分到一碗多啲，不過有好多隻蝦架！但味道就偏酸，可以再濃味多啲。8）菠蘿炒飯，用碟裝架，都幾好味！叫野食嗰時侍應叔叔都好好咁俾意見，但食左大半，差唔多8點半，餐廳只有一半入座律，無人等位，但佢地不停黎收野，最過份係碟硯，食淨幾粒，問我地收唔收得，我地話等陣，轉頭過黎再問，我地話重有，阿叔竟然拎起公羹，幫我地搵，跟住佢話「冇喇」，就收左碟野，最後問我地要唔要甜品，我地真係冇咩興趣再坐。埋單每位$240，食品份量，質素都ok, 只係服務員最後俾人感覺趕客，而餐廳一半入坐律，點解要趕人走？實在費解！…查看更多

尖沙咀食飽飯再食甜品，被門口相片所吸引，於是叫左個"No.1" 既綠寶石香甜蜜瓜雪奶$68, 巨峰梳打$35，相片中既"No.1", 唔太見到雪花冰，出面被粒粒蜜瓜蓋住，頂層係雪糕.... 但現實：圍邊既係稀虛既6片蜜瓜，裡面係灑滿蜜瓜味粉，裡面係雪白無味既綿綿冰，頂層一球雲呢拿雪糕，賣相欠奉，蜜瓜無味，綿綿冰無味，蜜瓜粉得香味，附上練奶，因為無味所以再叫左練奶！巨峰梳打同罐裝汽水一樣味，冇驚喜！總括係真心覺得唔好食同唔抵！…查看更多

超愛吃海鮮，被開飯既相片吸引，係一個清閒既星期六晚去試一試，我地冇訂位，當時六點半，只有一半人，所以可以即時入座。黎之前已經決定左要龍蝦套餐：$428 ，有一份龍蝦飽，半隻燒龍蝦，鍋燒烏冬同芝士薯條。龍蝦飽內有半隻蝦肉，飽就用左似係用牛油煎左既厚吐司，香脆既飽配埋秘制醬汁，夾住啖啖龍蝦肉，都幾好味！跟住試埋另外嗰半隻燒龍蝦，充滿燒烤同海水味，個身舖左芝士汁焗，但爭少少就係蝦身肉地較林，如果實少少會好味啲！試埋烏冬，好大碗，熱辣辣，用埋嗰半個蝦頭，龍蝦味就冇乜，不過用料都多架，有八爪魚，青口，蜆肉等等，都幾好味。叫左一杯Magarita，士多啤梨味濃烈，好味！但稍為細杯左少少！總括黎講，龍蝦菜式冇令人失望，三吃價錢$428都合理，份量就一人食太多，二人就8成飽，menu小食選擇都多，下次可以加埋小食，咁就十成滿足！…查看更多

今次第二次食呢間日本餐廳，「海」位於商場地下，星期日晚約7點，已見到門口站滿人，我地兩位，心想一定要等好耐，但出期地，等左十零分鐘就有位。兩個人，叫個一客魚生飯$55，一碗牛肉烏冬$46，灸燒三文魚壽司$23，芥末八爪魚軍艦$22，油甘魚壽司$28。魚生飯有約五片魚，鮮味不過不失。牛肉烏冬，標明係手打既，超抵食，都幾大碗架，烏冬較粗身，非常彈牙，湯底係日式湯底但唔係淨得甜味，都有肉香味，都幾好飲，反而肥牛質素一般，好un! 不過只賣$46，食到呢碗彈牙烏冬喎，都抵晒啦！超愛吃火炙三文魚，而呢度冇令我失望，厚切三文魚，大大塊，燒到油脂暖暖地，面有陣魚油香，加啲蔥花，真係好美味！而且唔會過多飯，啱啱好！芥末八爪魚軍艦，即做，所以塊紫菜係脆既！最後埋單都只係$174！食野既時候留意到餐廳雖然唔算大，但廚房同樓面都有好多職員，上菜執野都好快手！如果見到門口多人排隊，其實都唔洗等好耐架！…查看更多

Happy Friday 試下呢間有得食有得飲既餐廳，因為full house, 所以限左食個半鐘。餐牌上有好多特式英國，德國啤（雖然店員話淨番幾款有），我簡左一款英國Imperial Stout黑啤，酒精有7%，顏色係深啡色，麥味重，甜味都重，所以唔覺得太苦！枝啤酒都550ml, 但店員冇主動俾杯我地！食品方面，試左3款食物：芝士煙肉牛肝菌$82，芝士舖滿兩塊大姑，但我地覺得佢係大啡姑，牛肝菌唔係一大塊？味道ok既，菇加芝士點都唔會難食，旁邊有幾塊沙律菜，係我地黎唔切俾反應時已被收了！小食拼盤$108有4隻雞亦，4個魷魚圈，同芝士薯條，鷄亦好味，魷魚就硬左少少，薯條痴住芝士絲，送啤酒一流。燒牛肋骨$198呢個等左半個鐘，真係燒出黎既，肉好林，肉邊就燒到香香地，個汁唔太濃味，所以冇搶走肉味，不過較肥，大部分係肥肉，切左肥肉，就唔係淨番好多！旁邊有多款配菜：沙律菜，蕃茄，秋葵，薯仔同日式味道既海帶毛豆！我地一路傾計一路慢食配菜，但每次職員行過都問收得未（絕無誇張，起碼5次），其實碟上重有食物，點解要問？而且都是同一樣兩位女職員，最後我地要拎住叉扮吉野食，先可以安心傾下計！指定食個半鐘嘛，時段內用餐，點解要咁趕？呢度唔係茶餐廳！到埋單俾錢，大門口貼住某某信用卡公司推薦，簽卡個folder都係用某某公司，諗住一定收佢地卡，點知店員話唔收！冇原因！餐廳本身食物質素冇問題，但員工影響到成件事好差，一定唔會再黎！…查看更多

將軍澳地鐵站附近欠缺小食檔，開滿大集團既食店，祥興位於地鐵站A出口對面馬路，係citysuper集團既foodcourt內，一入去左邊第一間就是了！必食：生煎飽！$28有4個，真係超好味，睇住即場做，熱辣辣，每次食都辣親咀，但一定要襯熱食，佢皮薄，輕輕咬一小口，鮮甜既湯汁湧入口，飽底香脆，乾身唔油利，肉餡鮮嫩，連埋脆底一切咬落去，點埋豆瓣醬加醋，連埋湯汁一齊放入口，真係好美味！強烈推介！！…查看更多

5.1假期，決定去大尾篤郊遊一下，上網搵到呢間燒烤嘉年華，俾佢個超大兒童彈床吸引左，就即刻卜左，一行4老，7大，2小，一共$1800，4小時。未夠12點我地已經到左，等開門，門口點人數時佢會check下你啲handcarry, 確保你冇帶野飲，野食可以帶！我地簡左港式燒烤，環境開楊，呢度蔬菜要自費，$20蔬菜包，雖然唔貴但都覺得唔應該自費！6人一爐，一個爐包2包炭一枝蜜糖，一卷廁紙，幾對膠手套。佢枝百花蜜味道比較淡同稀。第一次拎食物盤，冇得簡，咩都有啲，等你食晒呢盤，就可以拎個盤去自選。丸類：唔推介，試左幾款，好似咬緊粉團！香腸：好咸！豬頸肉：肉好林，啲汁好入味叉燒：充滿叉燒汁，燒完後都唔會乾曾曾，又juicy又林又好味！牛扒：燒完好似牛肉乾黑椒/香草/咖哩雞扒：無得輸，勁推介！「葉」到好入味，皮脆肉嫩，每啖肉都有黑椒味，香草味亦好香！好似出面食既一樣！好味！魷魚蘇：冇蘇既魷魚，叉嗰時有啲輪盡，不過燒左好耐都唔會變un,重辣辣地，幾好味！有啲似包裝既「葉」魷魚，不過呢度唔un架！豬扒：超大舊，味道一般！雞全翼/雞翼：燒野必食！好味！第一次燒野食食咁多肉，呢度既肉類質素都幾高，枝蜜糖冇咩味但野食葉得好入味，大家都玩得食得好開心！不過呢度如果唔係自駕，都幾難到同離開，同一地點有兩個燒烤場，車位好少，走既時候見到好多車都係度等位！…查看更多

住沙田既朋友超好評既日本餐廳，原因係價錢、份量合理，食物新鮮，味道亦不錯！3個人，叫左幾款三文魚壽司：有火炙、芥末等，火炙壽司燒到暖暖地，大大塊三文魚，有啲油份係面，飯同魚既比例啱啱好，好味👍🏼👍🏼芝士雞扒石窩飯，充滿芝士👍🏼主菜：燒和牛套餐$599，有澳洲、美國同韓國，每款約有7-8片，跟約8塊深海魚刺身，有塊鐵板係度自己燒，有啲貴但係和牛喎！幾稔幾鮮味，加啲海鹽係面，都幾好食既！食左好多肉之後叫左兩款小食：蟹籽沙律同芥末八爪魚，黎到先知賴左！蟹籽沙律係湯碗size, 而八爪魚係飯碗size, 同一般日本餐用既小碟唔同，好飽😅最後埋單一共$1025！舖頭好細，好快就坐滿晒，証明朋友冇介紹錯！下次會試試其他野食！…查看更多