Anna1207的个人专页

朋友生日，訂左7點至9點時段，入座要先付款，問左話訂位已經注明想要安排係甜品度寫生日快樂，佢話你睇到我地嘅甜品ok先，我會幫你安排蠟燭，之後拎左d 馬卡龍小蛋糕，佢又話佢地無再做呢d, 蠟燭全掉，一支蠟燭都揾吾到喎........好失望，臨時臨急，吾通得返半個鐘先走出去買蛋糕咩☹️☹️☹️☹️☹️食物方面，剌身一般，清酒煮蜆最好味。榴槤都吾錯。主打嘅和牛就真係吾得囉，完全無一塊係嫩，有1，2塊仲好韌。串燒都係一般，都係有部分燒得好乾。甜品係靚，但味道吾太得。 雪糕有Häagen-Dazs、雀巢，Dreyer's.梗係食Häagen-Dazs， 但雪櫃得返芒果同咖啡味，但都好好味。另外特別想讚梅酒，好好飲，酒精濃度應該吾高，因為我飲左2杯，都吾覺有咩，＜我係吾太飲得嘅人＞。我地點左嘅有d都無送黎，但我地無追啦。8點半就吾可以再點，8點55分就要你還枱。二人要856蚊，我覺得吾算貴，但亦吾算抵，比大喜屋貴，但質素選擇都差 吾多。…查看更多

經常排長龍，難得六點幾見到只有4，5個人排隊，又一個人吾想煮，試試吧！估吾到份量好少，之前係佐敦一間2餸飯三十幾蚊有蝦果間比較，起碼少一半份量。回到家試下，味道都算可以，但吾係美味，懶惰吾都都要接受，但細食嘅我晚飯黎講，都覺得吾夠。 另外價錢黎講，就真係好貴，香港平均黎講兩餸飯都係3x 幾，吾講最平28蚊， 但佢要43蚊得2個餸，仲要份量咁少，真係好吾抵食，d姐姐都幾惡，你要排隊時好諗定要咩，吾好阻住地球轉，香港大部分多人幫襯嘅都係咁。但如果43蚊咁少份量，仲要排長龍，我寧願行遠少少上一田超市入面個2餸飯，人地3餸先44蚊，仲要好大盒，夠2人食，所以反影地點嘅重要性，果個位係地鐵口，又係巴士總站，放工鬼咁攰就會吾想煮。…查看更多

幾個朋友意外地比放飛機，咁唯有一齊去食過晏，天氣太熱，大家吾想係個街上揾食，走入地鐵站，連接住嘅商場就最啱入😅一直上扶手電梯，到4樓就見到有食肆，裝修都幾靚，門口menu 見都多選擇，吾駛揾啦入去啦:)！叫左2個set lunch, 2個都係98蚊，另加1杯飲品，朋友杯飲品好靚，但吾記得影低佢添巴馬火腿芝士酸種麵包味道吾錯，但比較欣賞豬頸肉多d豬頸肉沙律估吾到豬頸肉有好多，多到食吾晒，因為太好味所以要打包回家。前菜有迷你薄餅，沙律菜，湯，份量吾多，但味道好喎。飲品青檸梳打＜味都可以，但青檸味係淡。蜜糖水蜜桃__＜＜呢個叫左少冰少甜，變左勁淡。…查看更多

呢間開左好耐，我都無入過去食，因為睇門口個menu好似吾太吸引, 魚蛋，燒賣，我不如過葵涌廣場，或葵芳地鐵口果2間地鋪食。今日6點幾好肚餓，行完新都會，見佢吾駛等位，門口有張相個叉燒蛋飯56蚊，好靚咁又好抵食，入去叫呢個飯，加多碟黑椒雞肉意大利粉。加錢12蚊飲手打西柚綠茶？叉燒好乾，無咩味，飯量勁少。黑椒雞肉炒粉，黑椒太多，好辣，雞肉有雪味，但好過碟叉燒飯嘅，份量都飽嘅。杯西柚綠茶係無咩味，少少甜嘅茶味。奶茶正常。例湯都係好淡味。第一次光顧，都應該係最後一次😅…查看更多

上星期同朋友係同一幢永光中心食日本串燒，中間間lift 停係10樓有幾個潮人出lift，見到個門口裝飾好韓feel, 心諗下次去試下。中午預約2點鐘，全場只有我地一枱，午餐幾十蚊，但小食飲品都要另加錢。點左有手指公讚嘅牛仔骨韓式年糕，新出品嘅魷魚拌飯，加小食魚串，韓式飯團，2杯熱柚子蜜。柚子蜜就係睇到係用現成開水果隻，其實都預左係呢種嘅。先黎個飯團，一咬就勁熱同散開，明顯啱啱用微波爐叮熱。上面加左沙律醬，好奇怪同好----難食。另一小食，魚旦魚糕串，應該又係翻叮，乾爭爭，又係吾好食。牛仔骨年糕牛仔骨只有2件，其他係牛仔肉，個牛肉味道可以，但年糕係淰pat pat@-@魷魚拌飯個味同魚串，同牛仔骨係一樣味，即同一個調味辣醬，都幾辣，味道一般。唯一3款前菜係個酸蘿蔔幾好。埋單250，一個字，伏😅…查看更多

上月移左民嘅朋友回港，我話想食炸雞，佢提意去李家，話正過其他連鎖炸雞店，果次係灣仔食。今日無端端要去荃灣區，搜下荃灣有咩食，見到個名咁熟嘅，再查下，原來係李家吾係淨得灣仔有。我上次食過原味，今帶屋企人試下啦，可以試多隻醬汁。蜜糖蒜蓉醬，嘩嘩嘩，正呀！好香蒜蓉，甜甜地有好輕微嘅生蒜辣，好開胃。原味係好得，所以實點嘅，新鮮熱辣辣，外皮夠晒脆，雞肉嫩滑。不過怕熱氣就要諗諗，脆皮好厚，都真係好熱氣。係韓國旅行，至鍾意食街邊嘅魚糕，其實鍾意果個湯，所以點左個魚糕湯，雖然有覺得貴，因為主角炸雞半隻，先100蚊左右，但個魚糕湯要168蚊，但好想飲好足料，勁多魚片，魚蛋，蔥花，湯係呢隻係韓國街邊飲嘅味2個人食真係好飽…查看更多

以前呢間一開已經成日幫襯，好多人買，疫情果時成日買外賣返屋企食，疫情過左就好耐無幫襯過，早2日仲去錯左樓下1樓間四川買涼皮添。今日又想食涼皮，咪記住去返2樓呢間重慶，吾駛等，無人買。。。。。。嘩，份量細左咁多，明嘅，貴租嘛，但配菜極少，得好少花生同勁少青瓜絲，勁快就撈左，又吾問下人要吾要芫荽😑，味道又無以前咁好食。下次都係幫襯返樓下間四川，一樣係25蚊嘅涼皮，人地大碗好多，有多d配菜，又有面筋，雖然涼皮無咁滑，但個汁人地做得好味d 。…查看更多

*奇怪，要我修改先可以出，我又無收餐廳任何優惠，單純覺得餐廳吾錯，值得分享。我係堅持吾會改以下嘅評價朋友仔生日，係香港食晚飯間間都90分鐘要交枱，唯有食完晚飯去第2輪，甜品就係得到大部分女士嘅歡心，開心食開心傾。係佐敦廟街靜靜地嘅一間小小店，得幾張枱，淺色木嘅裝修，我鍾意嘅日色小店feel。點左2個梳乎厘班戟開心果梳乎厘班戟呢個好好味，吾會太甜，味道香滑櫻花梳乎厘班戟個人覺得太甜，尤其係2粒和果子頂上有片好似白紙嘅係食得㗎，味道係甜甜，但口感好奇怪。底嘅梳乎厘班戟係好味嘅。另外點左3個養生花茶牛蒡茶桂花國寶茶洋甘菊花果茶一大茶壺上，其實可以2人分享一壺都足夠。可能因為係茶包，所以都感覺一般，但食甜品配杯熱花茶都吾錯。做會員有8折，所以最後結帳都吾貴。…查看更多

睇左太多social media 嘅宣傳，好想試下呢間韓國嘢，點知真係好一般，期望越大，失望越大。真心其實價錢係吾貴嘅，4人餐有醬油蟹同蝦各2隻，但味道真係好一般，基本上所有小菜都係吾好味，最失望係個牛肋骨，肉又乾又無咩味，入面有件白蘿蔔都可以。個湯係清水咁，最先上嘅一個南瓜吾知係咪湯定汁，感覺差過用水開粉嘅即食湯。總括就係中伏。另外，餐廳位置好奇怪，係大廈電梯旁邊有個門口，要出返去後面條街。餐廳待應非常忙，要叫好多次先有人理你。飲品好少選擇，亦無甜品叫，生日蛋糕要收100蚊切餅費。…查看更多

地點係合和，之前經常到合和同QRE, 成日會想揾日試下一遊，因為見佢裝修好貼近日本嘅居酒屋。今日終於第一次去光顧。2個女士食吾得多，只點左3個食物，2杯飲品。除左個厚玉子燒幾好，但要75蚊比較貴，但都算好食無所謂。杯熱柑桔水45蚊，飲得出係超市一樽開水果種🤣 好失望。但另外2個食物，老實真係好一般，係合和中心就吾算貴價，但以味道就吾值。但點解咁多好評嘅。還好，因為全場得3枱客，比較清靜。我記得好似睇到10點半關門，但9點幾就比定張單，然後10點要求比左錢先，可能收銀要收工😅…查看更多

第二次黎食晚飯，朋友約係銅鑼灣食晚飯，例牌係我提議嘅，中日韓台泰越，朋友話好耐無食越南嘢，我即時諗起呢間，有人唱歌嘅，把聲好聽，樣子都幾靚仔😊 去吾去，女友人即時go go go.餐廳環境吾錯嘅，有打卡位，算係幾有特色，今次無上次咁好彩，被安排坐係最入，既無得睇靚仔，亦遠離個打卡位。食物嘅portion 比較少，for 女士就幾好，可以試多幾樣嘢食，味道中規中矩，吾講得上好好味，但亦算幾好。個甜品比較突出，榴槤肉吾錯，因為可能我地兩位女士係榴槤愛好者另朋友點左支玫瑰啤酒，佢話好好飲，有2個好字，雖然有點少貴，等我遲d係越南旅行叫支飲下先。雖然坐係遠離個台，但我有走出去點唱，佢又真係唱得幾好聽，廣東歌，國語歌都有，全部情歌😍😍果日無滿座，所以過左限時都無追我地埋單，幾好，我試過係旺角有間餐廳，下午茶時間，由入去到離開，全場得我地一枱4人，入座千叮萬囑90分鐘，一夠鐘就比張單你，呢d餐廳我係永遠吾會再幫襯😆呢間我肯定會再幫襯，不過好似吾係晚晚都有人唱歌，可能訂位時要問問…查看更多

我真係未試過一間餐廳，食左3啖就同自己講，我一定要寫食評，心諗點可能咁多好評㗎。我點果個古法卡邦尼亞意粉，首先d煙肉係又乾又喊，喊到係食吾到，個汁杰到一個吾識形容嘅地步，好油好漏，我食左3啖，真係食吾到，個喉嚨好似比汁封住咁，我同侍應講，佢無咩反應，唯有要杯熱水，倒入去浸左d杰油同cream出黎, 先繼續食到意粉，但煙肉真係咸到喊，無再食落去。主要係個汁係杰到一個點，仲要無咩味。朋友點嘅黑豚肉醬意粉話好一般，但起碼佢食到同食晒。薯條同雞亦都係一般，絕對吾可要叫好味。我好懷疑呢篇食評會吾會出到，早幾年又係有間勁多好評嘅係佐敦嘅餐廳，我篇食評係出幾次都消失左。最後，我想講，我食完返到屋企肚痛肚瀉。我估可能係杯凍水，一入座要左2杯水，飲到係水喉水味。…查看更多

金朝陽中心消費有100蚊coupon, 友人又喜歡打邊邊，一般火鍋放題都坐得好鬼迫，又會計住時間，高質少少嘅通常都係散叫，真係幾百蚊一個人都食吾飽。呢間雖然貴價嘅吾係任食，但任食嘅肉都吾差，任食嘅配料都好多選擇，任飲又係算多選擇，食得好飽之餘，質素都吾錯喎。環境真係好得，3個人坐大卡位好舒服，樓高有露台，就算坐吾到窗邊，都可以拎杯飲品出去睇下風景，有海景可以影下相，出去戶外高枱chill 下。最後送嘅甜品我最欣賞，好多配料又吾太甜。…查看更多

本來相約老友去試葵芳一間文青咖啡店，點知閒日都係無位，咁熱嘅天氣係門口等，真係咪搞。諗住行返去新都會揾食，發現近扶手電梯有間食星馬菜，大家都肚仔餓，又有位喎，心諗是但啦，入去試下啦。午餐 今時今日呢個價錢真心好抵食送餐速度好快藥材肉骨茶湯係送嘅，但無肉骨嘅但湯好濃藥材味，湯渣都睇到有紅棗杞子玉竹，甘甘甜甜，細細碗 ok喎海南雞飯雞肉嫩滑，配個蔥甜豉油，讚魚片燕餃喇沙滲滲滲滲原來係油麵加米粉，燕餃好味，魚片一般，但個湯好有驚喜，吾多食辣嘅我，一邊叫辣一邊不停口😅餐飲 檸檬蓮米水， 檸檬得一片，好濃薏米味，如果多2片檸檬就好。…查看更多

知道有間新開嘅湖境餐廳，剛好有時間來吃個late lunch 一間好似温室嘅玻璃小屋，入內環境採天然光，好舒服但可惜有一枱係右邊高談闊論，有3個女士係左邊走黎走去影相，變成好嘈好壞氣氛近窗湖邊只有幾張枱，聽到話預約至9月中，但我由2點入內至3點離開，一張枱都未有人坐，只有3位女士輪流不斷自己拎住杯飲品走去借枱影相，其實我都想，但真心面皮吾夠厚食物質素中上，但以這個價錢比較，係同區都可以食到更好嘅，所以價錢放左係有個靚湖境上豬扒肉質厚實，但吾算太乾，有肉味，但比較欣賞個伴菜 baby corn 脆脆甜甜。卡邦尼意大利麵 中規中矩，沒有驚喜。午餐 2選1， parma ham melon or pumpkin soup個人比較欣賞個湯， 好creamy 餐飲 只有coffee or tea咖啡好難飲整體覺得，如果閒日又預約到窗邊嘅枱，都值得去，但不包會有係走黎走去嘻嘻哈哈不停影相嘅人🤣🤣🤣…查看更多