Josephine LauCL的个人专页

一個無聊嘅下午，心情好一般。想起吃甜品可以令自己開心，當然就要滿足一下自己啦。聽見朋友講銅鑼灣內街裏邊有一間不錯嘅疏乎厘餐廳，於是即刻出發。去到居然唔使等位！！簡直奇蹟，隨即坐低點左兩款不同嘅疏乎厘，一款係季節限定嘅紫薯另外一款係經典嘅栗子口味。不過可能餐廳環境比較細小，坐得比較迫！廚房亦比較迷你，所以點餐之後都要等20分鐘先有得食！餐點捧過來時，震震香氣令你食指大動⋯⋯疏乎厘軟綿綿，伴隨紫薯感覺吾太甜，仲有一個豆腐雪糕相伴，豆味濃郁，令我食完有滿足幸福嘅感覺，即時覺得開心返晒！另外一款栗子口味，就見仁見智啦！我就覺得比較甜，好在有杯加左檸檬嘅水中和一下！總括嚟講，銅鑼灣鬧市，角落中有一間不錯嘅甜品餐廳，都值得推介，因為你都會感覺到佢係用心製作嘅！價錢亦合理。…查看更多

聖誕節約朋友出嚟相聚，朋友想帶埋狗狗出嚟玩，又想搵一個好去處茶敘一下，想起西環有一個不錯嘅餐廳，於是就膽粗粗帶埋狗狗一齊去啦。非常高興，間餐廳有outside seat, 完全符合我哋要求。坦白講，向餐廳嗰邊望就非常之靚，令一邊廂仲有個鳥籠添！佈置簡直令你以為置身於世外桃源。但係餐廳嘅叧一邊，風景就一般啦，但重點係可以安放狗狗。我哋已經超滿足！當日餐牌選擇唔多，因為真係下午茶時間，所以就叫左一個Tea set 兩個人嘆下！當拎到Tea set 過嚟，簡直令我超驚喜！估唔到喺西環嘅橫街之內，有一啲咁高質素嘅餐廳，從前呢啲嘢食只有大酒店先有呢！我就叫咗個Caramel tea, 朋友就叫咗個cappuccino; 味道都非常好！至於食物嘅味道，每一款都各有特色，最頂果層就可以做到有一啲蘑菇味嘅蓉！口感好得意！之後個一層，就係啲鹹食，一粒圓轆轆嘅胡蘿蔔，最初以為佢係朱古力，一咬開好似飲湯咁㗎！仲有一個點心原來係用麵條做㗎！每一款食物口感各有不同。總括來說，在鬧市之中，能夠搵到一個自成一角嘅餐廳，食物質素都算係好，真係值得推介！不過要注意一點嘅係，呢個Tea set茶餐，只係星期六、日及公眾假期先會提供！…查看更多

記得第一次嚟呢間鋪頭係20年前嘅事。以前我就覺得個蟹膏壽司冇得頂！今次朋友又想試吓，咁就一於再嚟回味一番！估唔到今時今日嘅吉利除咗蟹膏壽司能夠保持水準之外，其他食物係感覺到有心思又有創意。今次食完簡直感覺回味無窮啊⋯⋯首先店員推介喜知次，本身呢種魚係出邊食都比較貴。師傅能夠將魚有技術香煎左表面，之後點一啲海鹽食，新鮮嘅程度簡直冇得頂。加上用咗金箔裝飾，成件事簡直係令食慾嘅感覺昇華！剩下嘅魚肉用嚟煮清湯，鮮甜得不得了。跟住就叫咗三款壽司，包括海膽壽司，豆腐壽司，蛋壽司！全部材料係北海道直送，用齒頰留香來形容絕對唔過態。壽司我哋仲再食多一轉呢。其次就試吓一個蟹肉湯麵，都非常鮮甜。順帶一提，條魚嘅其他部份包括魚肝亦都將佢燒成佐酒小食，食好嘢當然要叫翻個石榴酒飲下啦，果然感覺清新！成件事簡直加晒分啦。最後梗係要食返個甜品，畫返個完美嘅句號啦。甜品味道OK，相對主菜就當然唔係咁特別啦！…查看更多