a30624700的个人专页

見到好多人都話好食，今日經過附近，見到唔多人，唔使等位，就決定去試吓。兩個人叫咗五個點心，埋單$180。食物味道可以，但叫什麼平民米芝蓮就太誇張了。今日食完，我返而唔明點解咁多youtuber堆介。豉汁蒸鳳爪：鳳爪唔夠腍炸雲吞：非常之脆其他三樣：味道可以餐廳環境乾淨。如果想食點心，行開嗰頭的話，可以試吓。但我覺得唔須要特登去食。另外，有個外勞呀姐，同枱枱客都講普通話。香港請嘅外勞唔係要識講廣東話嘅咩？…查看更多

第一次去，叫咗四個餸，已經係揀瞓身推介個list上面嘅菜式，但只有一個叫做可以，其他都好醎蒸扇貝: 蒸太耐，冇乜鮮味，唔知係咪唔新鮮，啲豉油好鹹南乳香酥骨: 肉好柴，冇乜肉味，冇乜南乳味但好醎，有碟南乳醬，但點咗更加鹹，唔點又冇南乳味炸大腸：唔夠脆，仲有啲韌，味道都係偏鹹，但點完個酸甜汁都算可以環境同服務都可以嘅，食物份量偏少，食物味道更加失望。食完幾個鐘個口仲係覺得好口渴，唔知係咪落咗好多味精。平均每人約二百，我覺得唔值…查看更多

兩個人一人一碗車仔麵、飲品，另加一個小食，共一百五十大元，並不便宜。味道可以的，但算不上特別好食。環境乾淨，可以一試的小店。反而沿着附近的鋪頭有驚喜，可以去附近走走。…查看更多

又貴又唔好食。今日去食午餐，叫咗個火車頭，盛惠$80大元，好多河粉冇乜餸。加咗個春卷，兩條大人手指大少少嘅size，盛惠$26。咬一啖，只得個胡椒辣味，見到入面黑孖孖嘅肉碎，我都唔知講咩好！同阿姐講，佢話可能老闆娘重手咗少少喎！我通常都唔會比負評，但我真係忍唔住。今日洗咗百幾蚊就係食啲咁嘅嘢。唯一安慰就係杯奶茶只須要加三蚊，雖然都唔係好飲！以後想食越南野，都係行多幾步去下一條街果間，雖然都貴，但起碼人哋好食呀！…查看更多