SuzukiSo0814的個人專頁

今次打邊爐主打就係台式湯底已經有有好多款佢哋的海底椰椰子雞湯底抵讚，湯底香濃，帶著椰子的清甜味，煮出來的肉類和海鮮都吸收到湯的精華，另外，小食方面有小龍蝦，個個都鮮嫩可口，簡直係開胃王！而且前菜選擇多到你眼花撩亂，有各式各樣的中華沙律螺肉白蘿蔔，生果，仲有大量炸物，真係未開火鍋煲 已經覺得好滿足。前台出邊有大量嘅唔同丸同埋菜俾你哋揀有台灣特色嘅燕餃同岩燒障魚丸等等都有，原來都幾有特色最驚喜的是他們的生蠔，個個都大又新鮮，直接係海味爆棚！咬下去滑滑的，真係好過癮。除了生蠔，佢哋的海鮮選擇也唔少，像是鮮蝦，鮑魚，蜆，元貝都係新鮮到不得了，煮出來的味道超級鮮甜，配上熱騰騰的湯底，真係無得輸！牛肉方面更係唔少得，佢哋有幾種不同的牛肉 ，肉質鮮美，加上各種醬汁，真係食到停唔到口。…查看更多

今日就兩個去和牛門口有介紹和牛嘅來源地自己食都真正和牛呢度仲有自助沙律吧唔會驚不停食肉，好油膩而且沙律嘅醬汁選擇非常之多一定有款你鐘意我仲好鍾意佢嗰個雪條櫃好多唔同類型嘅雪條除咗和之外，依度仲有超多選擇，牛豬雞壽司，飯同麵，湯仲有小食。仲可以自己加埋啲醃製小菜啊，泡菜，生菜包肉熟食基本上都唔錯而旦種類好多我最鐘意黑松露薯條講咁耐，當然喺肉先係重點首先佢已經上咗條燒肉船比我包括有海鮮仲有牛里脊肉，牛肋肉，牛肋條，五花腩蝦同帶子都好新鮮重點一定要介紹吓啲牛肉和牛所以牛味濃油脂分泌絕絕子令人不停地加單牛肋條唔會簿而且有口感兩個人係咁舒服嘅環境慢慢食燒肉正！…查看更多

我鍾意食生嘢朋友鍾意食熟嘢竟然俾我哋搵到間生熟嘅都出色嘅放題仲有朋友最愛嘅乳鴿二話不說即刻去嘗試一下基本上呢度所有嘅好似放題嘢食都有得而且上菜都快，無咩點樣漏單其中有幾款嘢食，出乎意料首先講吓朋友最鍾意嘅乳鴿先乳鴿成個鴿都幾大隻應該特製嘅汁整咗未之後成個鴿唔使點椒鹽都已經好惹味首先我呢個鐘意食生野梗係嗌咗一兜刺身比自己獨享好欣賞呢度嘅三文魚油脂比例非常之好，而且大大片一啲都唔似放題質素拍得住出面嘅壽司舖蒜蓉粉絲蒸扇貝有時好怕一個細扇貝但粉絲超多好鐘意佢粉絲嘅份量適中，而且啱啱吸扇貝嘅味道配埋蒜蓉，頂呱呱咖喱軟殼蟹估唔到放題都有軟殼蟹食軟殼蟹上左一層薄薄嘅粉漿外面酥脆包着滑身嘅軟殼蟹再加埋佢特製嘅咖喱咖喱醬真係比到驚喜我唔係好辣但非常之香濃煮大硯，硯非常之大配埋個湯底非常之好食湯令硯嘅鮮味進一步提高…查看更多

今晚同朋友聚會，5洗諗食咩，集體決定去食極上大喜屋。其實放題永遠係懶人既好選擇，5洗煩5洗諗。種類又夠多。一入去，前菜已有沙律吧自助，泰式鳳爪，青口，中華沙律等前菜隨便食、係點菜既同時，可以開下胃先。個人推必試鳳爪，夠入味。至於重頭戲刺身，少不免我們重鎚出擊。三文魚，北寄貝，元貝，吞拿魚，牡丹蝦。有得叫既我都至少叫左一次。三文魚永遠係大家既至愛。香濃既魚脂係引人入勝既重點。而且牡丹蝦夠大隻，蝦身都夠彈，有口感。個人最鍾意係呢2款。如果有興趣，更可以一試海膽手卷，幾鮮甜。至於刺身外，仲有一系列熟食。燒雞泡魚乾係我必食，夠香口，脆身，小食必選！另外燒比目魚扒夠滑身，入口即溶，又5容易有飽腹感。另外羊架肉質夠嫩，食落滋味無窮。建議至少食一件。成晚個口基本上無停過，食既飲既都種類多。性價比甚高！…查看更多

今日同朋友去咗間台式打邊爐呢間台式打邊爐店位於尖沙咀度地方好容易搵環境好闊落坐得好舒服佢哋有好多唔同嘅湯底而湯底個個都各有特色而特別我覺得係鳳梨苦瓜可能用咗台灣苦瓜我食唔到苦味嘅但鳳梨味就好特出打邊爐落去一啲都唔覺得熱氣再加埋個麻辣湯底喺側邊冷靜與熱情之間真係好正店可好多嘢食可以去攞仲有手機落單手機落單竟然見到有糍粑上到黎一開始我地覺好奇怪點解糍粑上面唔放黑糖嘅食落去先知滋味外面先係金黃色嘅脆皮跟住入面就係煙煙銀銀嘅糍粑而黑糖漿原來係包喺入邊熱辣辣炸好一咬落去黑糖就會出黎最緊要黑糖份量控制得好唔會好甜出到竟然見到比我見到有一大堆滷肉自己可以加埋紫菜整個滷肉飯特別一提佢哋啲牛肉好靚所以我地瘋狂咁叫個個變左牛魔王呢度啲甜品都有好多唔同嘅選擇雪糕除咗軟雪糕之外仲有好多雪條俾你拎而我就食咗呢個脆皮嘅雪糕非常好食其實呢度嘅小食都有多元化仲有小龍蝦糍粑鹽酥雞台式小食環境好食物佳美好…查看更多

呢排政府禁堂食，唯有買外賣回家食啦。於是係開飯主義揀咗個蕃茄濃湯豬軟骨拉麵。個人好中意個蕃茄湯。一黎貨真價，夠濃！2黎又有蕃茄既香甜，酸酸甜甜，特別開胃。而且濃湯配烏冬一流，撈麵甘食又得，當沾麵甘試又得。中意濃湯既，慢慢一口湯，然後一口烏冬又得。味道毫無違和感。更甚反而欲擺不得。當然豬軟骨肉夠嫩，帶有燒汁甜味。但建議同濃湯分開食。因為蕃茄味濃，好易搶過豬軟骨既風頭。但5係話佢哋5好食。只係分開試會更好，避免口腔味道太多而嘗不到優點。…查看更多

行過附近，見到一家新開既川辣外賣店，就好奇去試下。我揀左一系列自選粉面配麻辣湯底，然後挑拎反公司食。打開外賣，淨係試湯底一啖，已經想講垃圾2個字。你話自己麻辣湯，飲開似普通香辣湯甘。花椒八角味5見，反而更似開內溝味粉整成既湯底，又淡又5吸引。更加5好講辣。同街邊普通車仔麵無咩分別。人地d肉仲5會鞋身。我叫肥牛同羊肉，2樣都鞋到pk。我食碗完全不合格既粉，不如去茶記叫車仔麵都無甘嬲。至少味道肯定比佢好。打死我都5會再食。…查看更多

係灣仔忙完，諗住食個晏抖抖。5食由試可，食完就好失望。價錢5係特別貴，但質素一定好一般。我叫既魚肉，竟然有魚腥味，魚肉5滑兼有腥味，已經破壞個成個面既口感。等二，魚肉係帶有微細碎骨，5會嗆親，但口感差。5對路。而燒汁豬軟骨，肉質無問題，但5夠入味。完全5覺有燒汁味。唯一最正常係咖喱魚蛋，無伏。本身我叫清湯底，但魚腥味加清湯無味，結果要追加蒜辣醬將辟味。5係我都5想再食落去如果有得再揀，絕對頭也不回，5食！…查看更多

行過蜆殼街，見到有間標榜無味精餐廳，就買個午餐回公司食。首先要讚個湯，青紅蘿蔔湯幾甜，飲落係清甜而滋潤。完全感受到係無味精。因為味精會令人好口渴。而且細細碗湯，見到仲有湯渣可以食，證明足料。第二，個咖啡牛腩飯都份量十足。牛腩大大件，有五大件。飯份量又夠，管飽。如果要彈，就係咖喱汁少d，5夠撈飯。因為個汁好香椰汁味。個汁有d綿身，更顯個汁夠濃。撈落無味既白飯，惹味十足。仲有帶點香辣，提神醒胃，係冬天食，好暖身。個人推薦，可以翻轉頭再買！…查看更多

本身係呢間食開酸菜魚薯粉。今日心血來潮，就叫重慶酸辣粉同口水雞一試。首先，叫佢個酸辣粉套餐，係一碗無餸既酸辣粉加一杯飲品，盛惠你50元。仲要呢個價係外賣，不是堂食。然後叫套餐加22蚊可以有口水雞。但另外有個套餐，係口水雞套餐可轉薯粉，都係50元.....當然，如果分開叫係份量多d，我認為係無咩問題。但薯粉份量同平時叫酸菜魚薯粉份量差唔多。而且無餸。肉碎又5係多。酸度同佢既酸菜魚如出一轍，但辣度明顯不足。更似普通辣醬。所以食落一啲都5過癮。口水雞更係同一口味。雞較瘦，食落咬骨多。如果甘都要50蚊，我不如去食傷x酸辣粉好過。至少都有個餸。性價更高…查看更多

天后有幢新開既food court ,裏面有林林總總既食店。其中有間新開既酸菜魚餐廳做外賣，就買返公司食。做酸菜魚外賣既餐廳係天后幾乎係無。而呢間，係令我有d喜出望外。首先，我揀左薯粉。薯粉有口感，食落煙韌又有過癮。當然，要煮得岩岩好先可以有呢個口感。否則太冧失去彈牙特色。而魚片大塊少骨。重要食落好滑嫩，魚片配上酸甜既湯汁，入口惹味。湯底既酸菜，酸度得宜，帶點甜味反而更調出酸既惹味。好正。魚片既鮮滲係湯中。一啖魚片，一啖湯，美味！…查看更多

冬天係食川菜既好時機，又暖又刺激。行過天后，就入左一間叫蜀香門第既點午餐。叫左個中辣回鍋肉套餐配酸梅湯。午餐係師傅即炒既回鍋肉，夠鑊氣！熱騰騰既回鍋肉，自帶微焦既脆口感，零捨好食。配帶青椒大蔥炒出既香氣，惹味無窮。而配上佢哋既自家辣油，提升食辣既暢快感，令人食5停口。因豬肉切得夠薄身，所以更易入味。配上一口白飯，調和辛辣感，將汁滲入米飯。又另有一番風味。如果太辣，又可以飲啖酸梅湯，酸既開胃，正好係配飯既神助攻。我諗定下次再叫咩好了。…查看更多

係大埔，郭仔記車仔麵都一定人氣。趁禁堂食時買反屋企食。其實食落，又真係5覺有咩甘特別。首先，份量5多，其實簡單既三餸面，魚肉豬腸墨丸加油面。真係基本野，盛為42蚊，不包飲品。叫個燒味飯或附近好有名既海南雞飯 3x元就有，兼飽肚。性價相對真係比下去。可能我叫得普通，墨丸係現成貨，無特別。魚肉好普通，不過不失，但又5係特別。唯一係鹵水豬腸入味。而加腩汁比較口渴，好似係味精湯既感覺。男人食一定5夠飽，女仔食就差不多。…查看更多

呢間鍋貼都開左一段時間，今次終於有時間坐底食個晏。我簡單叫左一個紅燒牛肉麵，轉麻辣湯底。冬天時食就係暖入心既好美食。當碗麵一到，我差d以為自己睇錯。滿滿既牛肉一碗。就甘數，至少有十多件。心入面一邊暗爽賺到了。平時係其他地方食，一碗六七十蚊先有5至7件牛肉已經係多了。今次仲要40蚊就有甘多，抵到爛啦！就甘一試，麻辣湯底其實好一般，麻同辣既味道不足，反而有d係香辣湯底。但味道幾好既，有辣反而胃口會更好，食得落牛肉。而牛肉，質量不錯，咬落肉質嫩滑，煎過既表面更香口。感覺一分錢，十分貨。牛味不算濃，但勝大大件肉在食得過癮！抵！…查看更多

午餐經過佢，就買左一個無骨海南雞飯返公司食。其實45蚊包老火湯，價格可以啦。一打開，見到吸引既油飯。但睇個比例，雞又真係少左d。因為仲有d蘿蔔絲係底墊高左d雞，睇落就多左甘。而油飯就真係多啦，我諗淨食飯都夠飽。油飯係香口，食落5會糊，而油香係會提升食欲。但雞就一定係皮滑，但5係肉嫩。因為咬落去係有d鞋身，似係過咗火侯。做5到入口煙韌既嫩滑雞肉口感。而因為我選無骨，令雞肉比較細件，雞肉味道轉零散而少咗吸引力。四十幾蚊一個飯，算係甘上下啦…查看更多