ข้อมูลส่วนตัวร้าน onigiri_foodie

望落實在太吸引啦！星期日都有買一個第二個半價，帶子肉餅飯加蟹膏蒸蛋都係$79蚊咋，咁佛心嘅set係邊到搵啊？😭😭😭係藍鮨吞拿魚，仲有沙拉麵豉湯同埋醬油漬蛋，無得彈…ดูเพิ่มเติม

🎈 建議場合：#即興食飯 #暢談食飯 #普通拍拖 👤 建議人數：2人（最多可容納4人檯）💸 人均消費：$50-100【2個人食咗啲咩？】- 安格斯牛肉芝士漢堡- 雙層手打牛肉芝士漢堡- 薯條- 炸魷魚鬚- 自家無糖烏龍茶（冷泡）- 熱番茄濃湯⭐⭐⭐⭐⭐「抵食多汁漢堡」見尼間店咁多好評，平時好少去牛頭角嘅我即刻走過去試下係咪真係咁正。雖然個地方都幾隱蔽，但係都叫近地鐵站同易搵，行到差唔多到舖頭已經聞到好香嘅煎漢堡扒味，離遠都已經聞到咁香，食個味道實無死。晚餐個set超抵，兩個漢堡、兩杯野飲、一大份薯條加一份小食全部都係$249，同外面食兩個burger嘅價錢差唔多。重點係佢平得黎，個漢堡嘅quality唔會因為咁而打折，個安格斯牛肉夠曬厚同多汁，超級juicy重牛味，配上沙律醬簡直完美。佢d生菜同番茄都好甜好fresh，令成個漢堡食落唔會太heavy。至於雙層手打牛肉芝士漢堡裏面加嘅係茄汁，味道稍微比安格斯漢堡濃d，會蓋過d牛味，但係個patty邊邊因為薄身d所以會脆脆地，又係另一番風味。另外佢個番茄濃湯唔係金寶湯d罐頭湯，而係真係有瘦肉粒落去煲，飲得出番茄嘅甜味至於，仲有肉嘅鮮味。平時係觀塘、牛頭角附近住同返工不妨去試下，抵食又好味，店員仲好好人添！📍 Burger Shot牛頭角定業街2A號地舖 (港鐵牛頭角站B3出口 約5分鐘路程）…ดูเพิ่มเติม

🎈 建議場合：#即興食飯 #暢談食飯 #普通拍拖 #特別日子 #又食又玩 #家庭聚會👤 建議人數：4人（最多可容納8人檯）💸 人均消費：$200-400【1個人食咗啲咩？】- 芝士忌廉波菜- 紐西蘭帝皇鮭魚柳- 麻辣鴨舌鴨腎- 凍奶茶⭐⭐⭐⭐⭐「出色晚餐，意想不到嘅高質素」咁高汁嘅餐廳原來係開放俾公眾嘎！一直以為佢係golf club入面淨係會員先可以食，點知咁好連我地d小市民都可以享受到美食～ 先講個三文魚，煮到啱啱好熟，d肉又滑又嫩，完全唔老，外皮脆得黎唔會燶，要煎到咁完美真係少d功架都唔得，估唔到竟然係尼到俾我食到咁嘅水準，仲要唔只一塊，而係有兩塊三文魚，好慷慨！然後佢下面d配菜款式都好多，有炒蘆荀、蘑菇、粟米仔，亦有冷盤番茄、洋蔥粒同巴馬臣芝士解膩，配埋三文魚食，無論係味道定口感都好豐富，好有層次。至於個芝士忌廉波菜都十分足料，夠曬creamy同埋有鹹香，d菠菜已經煮的軟糯，切好細細塊，可以一啖擺入口唔洗咬，超級滿足。本身以為佢係前菜應該係細細碟，點知原來佢咁大份，搞到我最後啱啱好先食得曬勁飽。最後個鴨舌鴨腎調味得好好，麻辣得黎又香，唔似外面d麻辣得死鹹同死辣。可惜我無叫到啤酒，如果唔係真係一個完美嘅下酒菜，香辣有咬口。個陣7:30pm去都見佢無咩人，可能大家都唔知佢係開放俾公眾嘅餐廳，實在有d可惜，希望佢地嘅高水準美食可以帶到俾更多人認識、享受到～📍 傳心廚意荔枝角長義街9號D2 Place ONE 1樓114-127號舖 (港鐵荔枝角站D2出口 約3分鐘路程）…ดูเพิ่มเติม

🎈 建議場合：#即興食飯 #暢談食飯 #普通拍拖 👤 建議人數：2人（最多可容納6人檯）💸 人均消費：$50-100【2個人食咗啲咩？】- 法式芝士漢堡（$88）- 蕃薯條、梳打水+ $35- 印度風情漢堡（$88）- 檸檬水（免費）⭐⭐⭐⭐⭐「價錢質素性價比完勝shake shack同five guys」今次真係俾尼間小店嘅burger驚艷到，同其他地方食到嘅完全唔同層次！佢所有包都係自家製，鬆軟得黎個底烘到脆脆地，同其他連鎖店個d又薄又濕立立嘅包完全唔同，無得比。包裏面嘅漢堡扒叫一塊就足夠，因為夠曬厚、足料，完全唔會乾憎憎，咬落去d肉汁不斷流出黎，係多到唔小心漏埋落條褲到，大家食個陣真係要小心！佢地用嘅牛肉係草飼無激素牛肉，係良心小店啊uwu法式芝士漢堡裏面嘅brie cheese份量完全唔手軟，自己睇，88蚊黎講多到傻左，超香濃嘅芝士味，都係個句，真材實料。自己可以額外加黑胡椒，我個人認為加左黑胡椒仲香d添。印度風情漢堡係一個比較無咁油膩嘅漢堡選擇，佢嘅雞都好juicy，配上薄荷醬夠曬特別，亦好襯我最鍾意嘅哈囉米（halloumi）芝士，香港真係好少見halloumi cheese，食到個下不知幾開心。不過薄荷醬嘅味道同halloumi嘅口感唔係個個都鍾意，大家可以試下睇下岩唔岩食。另外佢地嘅番薯條真係世一，平時香港唔係間間burger店都有番薯條，就算有都唔係處理得好好。但係smash'd嘅番薯條真正做到外脆內軟，唔係得頭尾脆，中間淋，而係無論幾大條，成條由頭脆到落尾，食左20分鐘都仲係脆嘅。重點黎啦，咁脆但係裏面居然係唔乾嘎，仲要唔係炸到燶個隻脆，係真係啱啱好，我自己都想偷師學點做到。最後不得不提嘅係佢地嘅song selection真係100分，夠曬chill同old school。服務都係100分～ 店員全部都好nice好好人總言之，尼間小店值得推介同二訪～📍 Smash’d西環堅尼地城吉席街21號昌輝大廈地舖 (港鐵堅尼地城站B出口 約5分鐘路程）…ดูเพิ่มเติม

🎈 建議場合：#即興食飯 #暢談食飯 #普通拍拖 👤 建議人數：4人（最多可容納8人檯）💸 人均消費：$200-400【2個人食咗啲咩？】- 新加玻辣椒蟹肉腸粉煲- 參巴辣椒炒通菜- 天天海南雞拼燒雞- 雞油飯- 檸檬薏米水⭐⭐⭐⭐⭐「米芝蓮海南雞！」貪心嘅我兩款雞都想試，雖然雙拼無無骨嘅選擇，但係其實有一半嘅雞肉都係無骨，得上面嘅雞翼有骨，超級佛心。兩款雞都極嫩，鮮味十足，燒雞皮香肉嫩，海南雞雞皮唔會油膩，可以配飯食。海南雞淋上醬油膏味道剛剛好，唔會太鹹。而佢嘅辣汁夠辣、夠酸，有好清新嘅青檸汁味，同我係新加坡食到嘅味道一模一樣。至於佢嘅參巴辣椒炒通菜超級香同惹味，遠遠落過黎已經聞到嘅陣煲仔鹹香，配上香口炸過嘅白飯魚乾，真係好好送飯，d菜亦唔會炒到過老，唯一美中不足嘅係我覺得唔夠辣，可能因為我比較食得辣，覺得差咁d辣味。新加玻辣椒蟹肉腸粉煲蟹肉十足，原隻蟹鉗放入去，完全唔手軟，配上蛋白加汁，唔會好dry，口感豐富。腸粉米香十足，煙韌有咬口，唔係落左好多粟粉個隻膠口感。辣椒醬偏向甜口，好開胃，加上d洋蔥配飯一流。d蟹肉都處理得好好，唔會食落有蟹蓋碎，啖啖肉！檸檬薏米水超級解膩同消暑，好適合係尼個天氣下飲，佢仲加左塊斑蘭葉，有d清香嘅味道。大家不妨黎試下，包你食完好滿足咁離開～ 我地兩個人眼闊肚窄，食到個肚勁撐，建議同多d朋友黎食，可以試多d唔同款式嘅嘢事📍 天天海南雞飯銅鑼灣京士頓街9號Fashion Walk地下H2號舖 (港鐵銅鑼灣站E出口 約4分鐘路程）…ดูเพิ่มเติม

🎈 建議場合：#即興食飯 #普通拍拖 #家庭聚會 #港女打卡👤 建議人數：4人（最多可容納8人檯）💸 人均消費：$50-100【2個人食咗啲咩？】- 鹽燒三文魚柳、漬物、香蔥玉子定食 x2- 胡麻唐揚炸雞- 鮮果乳酪- 凍抹茶牛奶- 涷焙茶牛奶⭐⭐⭐⭐⭐「係超級豐富嘅日式早餐！」正所謂一日之計在於晨～ 早餐一定要夠暖胃同滿足，先有力迎接忙碌嘅一日。作為香港人平時都鍾意去茶餐廳食早餐，但粉面食得耐都想轉下口味，之前經過見到間Hibi Cafe幾靚，裝修好有心機，行日式懷舊風，比人一種好homey、舒服、放鬆嘅感覺。忙完一輪，今日終於有機會去試試佢嘅早餐，食下d和風料理治癒一下身心。$68蚊嘅定食唔單止有一大碗白飯、毛豆、三文魚同牛乳炒滑蛋，仲有足料麵豉湯！佢嘅麵豉湯聞落香噴噴，裏面有原條昆布、紅白蘿蔔同蜆隻，鮮甜暖胃，飲落好舒服而麵豉、枝豆、三文魚又富有營養，對自己好一定要食尼d色香味俱全嘅早餐 ❤️平時食開三文魚嘅set起碼都要三位數，估唔到宜家70蚊有找就食到咁大塊三文魚，簡單嘅調味（鹽同白芝麻）加上三文魚本身自帶嘅油香對早餐黎講剛剛好，唔會太重口味。另外佢d飯充滿米香，配上脆脆飯素真係好好味，咬落可以享受煙韌加脆脆兩種口感～炒蛋有淡淡嘅牛奶香味，加上香蔥，簡簡單單但食到食材最原本嘅味道，唔需要太花俏都可以係美食胡麻唐揚炸雞皮薄香脆，裏面嘅肉多汁又嫩，唔會炸到乾曬，好好食至於鮮果乳酪嘅哈密瓜超級甜，勁好食，配上greek yogurt酸酸地解膩，係尼個早餐嘅完美wrap up！凍抹茶牛奶同涷焙茶牛奶茶味香濃，加上香滑牛奶就係good morning～不過大家要留意返用餐時間係一個鐘，好推薦大家有機會就黎食個早餐幫自己打氣充電～ 係繁華鬧市仲得到療癒嘅空間，俾自己嘅身體休息下，食下d和風家常早餐📍 日作食堂觀塘鴻圖道63-65號鴻運工業大廈地下A號舖 (港鐵觀塘站B2出口 約6分鐘路程）…ดูเพิ่มเติม

🎈 建議場合：#即興食飯 #暢談食飯 #普通拍拖 #特別日子 #家庭聚會 #港女打卡👤 建議人數：4人（最多可容納10人檯）💸 人均消費：$100-200【2個人食咗啲咩？】- 黑門大阪燒- 大阪木津海鮮丼（午市定食）- 海膽蟹味噌甲羅燒- 燒雞提燈- 牛肉金菇串⭐⭐⭐⭐⭐「uwu 點解可以咁好食」先不論餐廳嘅氛圍感滿滿，門口未入到去已經好似置身日本咁樣，佢地嘅野食更係直接帶左我番日本！估唔到lunch都有超級罕見嘅燒雞提燈食！佢地嘅串燒都有搽上薄薄嘅一層醬汁，而個秘制醬汁超級好食，甜甜地，越食越上癮嘅味道，加上提燈勁juicy，肉質爽脆，同日本食嘅一模一樣。個定食佈滿魚生，選擇困難症嘅人有救啦，你想要嘅都有齊，一次過滿足你所有願望，連海膽都有都係$200蚊有找，咁高質嘅lunch究竟邊到搵到？魚生不但新鮮、唔腥，白魚仲有一股淡淡嘅橘子香味，另外海膽三文魚籽加wasabi醬油撈壽司飯真係人間美食，umami加creaminess係口裏面衝撞刺激味蕾，超級滿足！如果再將醃菜撈埋落去又會變左另外一種好味，味道嘅層次變得更加豐富。d飯食唔曬唔緊要，因為點完蘇打餅未食曬嘅海膽蟹味噌甲羅燒可以攞黎撈飯，又香又好食，超級鮮甜，本身以為食唔落嘅自己發現原來個胃仲有位xd 海膽蟹味噌甲羅燒100%大推，平時真係無咩機會食到咁好食又鮮甜嘅蟹膏大阪燒超級貼心，已經為我地切開左，個邊仲要脆脆地，d醬、木魚、櫻花蝦俾得絕對唔手軟，仲有兩塊豚肉添！真係好好食～題外話，餐廳個song list我俾100分😂 如果多人慶祝生日或者公司team dinner都好推介黎黑門水產～ 佢地有房同大檯俾到大家更高嘅私隱度享受美食。另外佢地服務態度都好好，就好似係日本咁，對食客需要超級attentive，會不斷加茶俾客人。📍 *黑門水產すいさん*銅鑼灣加寧街5-7號Fashion Walk地下C及D號舖 (港鐵銅鑼灣站E出口 約5分鐘路程）…ดูเพิ่มเติม

🎈 建議場合：#即興食飯 #暢談食飯 #普通拍拖 #特別日子👤 建議人數：4人（最多可容納8人檯）💸 人均消費：$100-200【2個人食咗啲咩？】- 日和極尚盛合套餐 $413- 雙拼套餐（八選二）$213⭐⭐⭐⭐⭐「不愧為台灣年銷售120萬份的超人氣燒肉店」個日係旺角行行下見到見新開嘅燒肉，無預料到原來係2022年台灣網路人氣NO.1嘅燒肉店，對面間舖都係佢地築間集團嘅，築間幸福鍋物+築間台灣鹹酥雞+燒肉Smile一條街！佢地平日午市雙拼套餐最低$128，正餐單拼套餐$168、雙拼套餐$178起，仲要唔係cheap肉，全部肉望落都好新鮮，燒完依然juicy，仲要無雪櫃味。佢地啲調味做得好好～ 我叫左日本麻油椒鹽味，唔會死鹹，少少麻油香味帶出肉類嘅鮮味，胡椒去腥。燒完就算唔點醬都好好食！我最鍾意佢嘅京蔥醬，滿滿嘅蔥香解肉膩，加配生蛋拌飯真係無得輸。另外佢地嘅燒烤網同韓燒嘅唔一樣，係一格格嘅，唔會癡底，燒出黎嘅肉都好靚最出色嘅都係佢地嘅沙拉部，樣樣野都好開胃養生，超過30款選擇。我最鍾意嘅係個百香果蘿蔔，無預料到原來百香果配蘿蔔乾開胃，越食越上癮。仲有養生木耳、海帶、青瓜配燒肉，食完降低罪惡感。另外套餐仲包埋韓國牛骨湯/ 人參雞湯，慢慢骨膠原同埋回甘嘅人蔘味，飲完湯仲有台式手搖飲品添！最後黎個甜品做完美句號，有焦糖布甸同牛奶布甸揀，成個餐超高CP值！台灣姐姐仲要好溫柔，估唔到香港都會遇到台灣級別嘅服務態度！環境乾淨衛生，食得好開心～📍 燒肉SMILE旺角砵蘭街240-244號文華商場1樓C號舖 (港鐵旺角站E1出口 約1分鐘路程）…ดูเพิ่มเติม

🎈 建議場合：#即興食飯 #普通拍拖👤 建議人數：4人（最多可容納8人檯）💸 人均消費：$50-100【2個人食咗啲咩？】- 半筋半肉麵+溏心蛋+檸檬綠茶多多- 咖喱牛筋腩便當套餐+溏心蛋+蜂蜜鹹金橘- 炸甜不辣- 台灣腸- 滷肉燙青菜⭐⭐⭐⭐⭐「想念台灣時就來一趟吧」一入到去成個裝修就充滿台灣嘅古早味風格，好似飛到去台灣d小攤檔咁。半筋半肉麵嘅牛筋超級軟糯，一夾就斷開，入口即溶，滿滿嘅骨膠原，份量一d都唔手軟，兩個人食都食唔曬，尼個價錢食到咁多牛筋真係好抵！d牛展都好易咬開，有濃郁嘅牛味，唔會好似無味橡筋咁。湯底都好濃郁，配上蔥花同青菜，令成碗麵無咁heavy，d麵都煮得岩岩好，軟硬適中。咖喱牛筋腩便當套餐都好抵食，份量超級大份，完全食唔曬。好適合大家lunch time黎食，有肉，有碳水，有菜，有蛋，而我最鍾意嘅係佢嘅番薯條！番薯條脆脆地，就咁食甜甜地已經好好味，亦可以選擇點咖喱汁食。另外佢地嘅雜菜都好有誠意，唔係純粹清水煮熟就算，調味剛剛好，加上少少蒜味，仲有我最鍾意嘅西蘭花，唔會煮到好硬。酥餅唔係平時食手抓餅個個質感，個外皮超級脆，好似春捲咁，個餅皮本身無味，配上咖喱食個味道剛剛好。牛腩牛筋一樣都係好林同埋好入味～ 溏心蛋煮得岩岩好，調味適中！台灣腸正常，份量都幾多，有兩條，唔會好似其他餐廳咁得幾片。而佢個甜不辣係最出色嘅，外脆內煙韌，超級好食！滷肉燙青菜就中規中矩，滷肉好食！嘢飲都唔會好甜，真材實料，唔會飲落好稀，個日天氣好熱，忍唔住都要再叫多杯飲，尼d小清新簡直就係夏日救星。講真人均$100左右食到咁豐富嘅午餐cp值真係好高，掛住台灣但係又未攞到假嘅人可以先黎尼到食番餐解解癮。📍 六両三觀塘巧明街107號國基集團中心4樓2號舖 (港鐵觀塘站A2出口 約4分鐘路程）…ดูเพิ่มเติม

🎈 建議場合：#暢談食飯 #普通拍拖 #特別日子 #港女打卡👤 建議人數：2人（最多可容納10人檯）💸 人均消費：$400-800【1個人食咗啲咩？】- 蟬時雨 16品 （刺身4款、和食、壽司6貫、雲丹、卷物）⭐⭐⭐⭐⭐「香港邊到搵咁高CP值嘅Omakase？」有日岩岩完成一個大project～ 打算獎勵下自己食餐好嘅，點知誤打誤撞俾我搵到間隱世超抵食omakase🥺 真係太幸福了！你知香港閒閒地一個好食有質素嘅omakase閒閒地肯定過錢，但尼到竟然$700唔洗就已經食到超高質食材同份量，睇下d相就明我講咩🙈 尼到d野食係食到食材最原本嘅味道，用調味料為點綴，將味道昇華，佢地唔會好浮誇，樸實但華麗。仲有佢地環境衛生乾淨，有得放袋。服務好好，隔離檯慶生，仲額外送雪糕俾佢地，同埋有熊bearbear生日牌，好開心～ 如果慶生黎尼到都係一個好好嘅選擇，100分推薦！🤤茶碗蒸蛋唔係講笑，第一道菜已經驚艷到我，從來未食過咁足料嘅茶碗蒸，真係⁠啖啖都係有蟹肉有魚肉，但係蛋依然係好滑，又唔會好似之前食過個d為左追求滑而變得好水、碎曬，而係保留到蒸蛋應有嘅口感。蒸蛋裏面加左高湯，味道非常⁠鮮甜，鹹味適中，作為第一道菜真係好暖胃、令人覺得舒服。🤤兵庫縣生蠔尼隻生蠔勁啦，師傅話佢叫⁠夢追星，係生蠔界嘅銅獎當選，咪見佢細細粒咁，原來個殼好深，舊肉好大舊，一夾就成舊肉擺入口好滿足，食落肉質爽得黎有少少creamy，帶有海水同埋好鮮甜嘅蠔味，完全唔腥。🤤海膽炸天婦羅帶子未食過尼個組合，新奇又好味，口感好豐富，紫菜同天婦羅帶子脆脆地配上濃郁海膽順滑、入口即溶嘅口感真係好正。雖然⁠帶子係炸嘅，但係佢勁juicy唔會乾，個炸衣皮仲要超級薄脆、香口，話佢係我食過最好食嘅炸衣都不足為奇。睇得出師傅唔係單純追求食材新鮮咁簡單，而係一d到微細嘅功夫，就好似炸衣咁都落足心機。🤤西澳龍蝦蝦頭膏嘅味道好濃郁，加上⁠三文魚籽作為天然調味料，粒粒飽滿爆汁，用鹹味帶出龍蝦肉嘅鮮。而個⁠龍蝦刺身就爽口少筋，味道好甜！佢嘅三文魚籽用醬油醃，唔係鹽，所以唔似平時食個d咁，唔會死鹹。🤤右口魚刺身刺身包住燒香左嘅右口魚邊，一擺入口油香，仲有蔥花同柚子醬balance番d味道，唔會話好油膩，刺身本身為道菜加番d口感，唔會有魚腥味同筋。🤤紫蘇葉鰻魚天婦羅本身已經有鹽，唔洗點醬～ 炸玩魚肉依然好嫩，唔會乾身，重點係無魚骨！裏面包左⁠紫蘇葉去腥，⁠炸衣薄，鬆脆（平時唔鍾意食炸野，刮口腔，但尼個唔會，望落乾身，食落唔會好油膩）🤤刺身 （全部唔洗點醬油，因為魚味夠曬新鮮同埋市府已經幫你調好味）- 赤貝：新鮮爽脆！飯暖暖地，一口過、唔會好多飯，可以留多d位食其他野。- 酸橙鰤魚：師傅話你條魚食橙大🍊 就算條魚唔肥，食落都無筋、肉質滑身，味道意外地清爽、有少少橙香味。- 瀨尿蝦：熟嘅但涷食，肉身唔老，仲好嫩，大大舊肉，完全唔手軟。- 雪花拖羅：油花平均，入口即化！wasabi balance番唔會過份油膩，調味剛剛好～- 黑陸魚：燒左魚皮，超級香！一入門口就聞到隔離台食嘅味道。食落都有灸燒味！- 醬油漬吞拿魚背：十字切，醬油入味，唔會太鹹，味道岩岩好！吞拿魚味濃，魚肉好嫩，完全無筋，大滿足～食左咁多已經好飽，師傅仲好貼心咁問我到最後兩個手卷，要吾要少d飯，如果到時覺得唔夠可以再加番。🤤北海道海膽超級creamy，鮮甜又唔醒！啖啖大滿足🥺❤️好好味，份量多到⁠分三次食，一擺入口都係爆曬出黎！自己睇相啦，份量真係唔手軟，我見到都相信唔到。🤤京蔥吞拿魚蓉手卷蘿蔔乾配天婦羅碎同埋京蔥吞拿魚蓉， 口感豐富，蘿蔔爽脆再加上天婦羅碎鬆脆，係雙重享受。食到最後都有魚肉，唔會得第一啖係餡，之後得飯。🤤四重奏麵豉湯由武田、赤、白同西京面豉整成嘅麵豉湯配上幼身嘅香紫菜味道好有層次、香甜、帶有少少微酸balance番個味道，同一般麵豉湯根本無得比。🤤最後嘅雞蛋布甸、紅豆雪糕📍 榊原天后電氣道54號亨環‧天后16樓 (港鐵天后站 A2 出口, 步行約2分鐘）…ดูเพิ่มเติม

🎈 建議場合：#普通拍拖 #普通食飯👤 建議人數：2人（最多可容納6人檯）💸 人均消費：$50-100【2個人食咗啲咩？】- 辣牛肉湯麵Combo 配迷你紫菜包飯- 辣牛肉湯麵Combo 配泡菜餃子⭐⭐️⭐️「有啲失望，希望下次試會好食啲」見其他人review講到咁好食，又係韓國人主理，搞到我都好想試下。見其他人影嘅相好吸引，未食已經先流曬口水。去左三次以上都排曬長龍同打曬蛇餅，結果第四次朝早11點去到終於唔洗排隊入到去食！岩岩去到個陣，無咩人，食食下越黎越多韓國人幫襯，睇黎間餐廳係韓國人community都幾出名。講真灣仔$88一個lunch set，有前菜、配菜、薏米飯、主食加無限添飲檸檬水真係算係幾抵食。我同朋友叫左個combo食，個迷你紫菜包飯好好食！足料、有淡淡嘅麻油香味，又有豐富嘅口感，係一個100分嘅前菜。至於泡菜餃子亦好好食，外皮煙韌，內餡豐富，調味剛剛好。薏米飯都好特別，加少少辣醬幾開胃，都幾鍾意薏米加波菜嘅養生組合。前菜都已經咁高質，令我地不禁對主菜提高左期望。上完呢啲前菜後，正餐同配菜終於到啦，可能因為岩岩開門，所以都等得比較耐。好鐘意食泡菜同蘿蔔嘅我本身以為韓國人開嘅餐廳啲泡菜應該好好食，點知一食落去蘿蔔全部都係洗潔精味，而泡菜則係廁所味，完全食唔落第二淡，真係好失望。。。唔知係咪佢地嘅食物盒未洗乾淨就攞黎裝食物。。。辣牛肉湯湯底濃郁，好重牛味同菇味，辣辣地幾開胃。啲麵都好有咬勁、煙煙韌韌，幾好食。但係啲牛肉其實就係將一大塊牛腩撕開一條條，唔係逆紋切，又乾又柴又韌，認真搞唔掂。下次一定唔會再叫辣牛肉。。。希望遲啲等佢營業得順啲個陣，可以再黎試下其他野食，亦唔會再食到洗潔精/廁所味泡菜。。。📍 Seoul Noodles灣仔軒尼詩道68號新禧大樓地下A號舖 (港鐵灣仔站 B1 出口, 步行約3分鐘）…ดูเพิ่มเติม

🎈 建議場合：#即興食飯 👤 建議人數：1-4人（最多可容納4人檯）💸 人均消費：$50-100【1個人食咗啲咩？】- 燒豚肉丼配溫泉蛋（$58）⭐⭐⭐⭐⭐「CP值幾高！燒肉俾得絕不手軟」$58蚊一個飯對於現時香港黎講已經係一個幾average嘅價錢，宜尼個價錢黎講，個飯實在真係幾抵食～溫泉蛋蛋味香濃但係又唔會腥，用黎配日本米食再加埋燒肉汁真係一流！啲日本米煮得啱啱好，唔會太乾太應，又唔會太濕太淋，鬆軟得黎有彈性～最重要係啲肉嘅份量仲多過飯！啲料比得好足！！！燒汁調味料份量剛好，唔會太鹹。啲肉上面有俾一啖芝麻菠菜俾你，感覺好似無咁膩，減低罪惡感燒肉部分採用左腩肉部位，豬肉嘅油香配白飯簡直無懈可擊，越食越上癮，不過食到最後碗底有啲油，減肥嘅朋友就唔建議食啲咁邪惡嘅嘢啦。📍 *東京チカラめし*旺角奶路臣街17號THE FOREST地下G8號舖 (港鐵旺角站E2出口 約4分鐘路程）…ดูเพิ่มเติม

🎈 建議場合：#暢談食飯 #港女打卡👤 建議人數：2人（最多可容納4人檯）💸 人均消費：$50-100【1個人食咗啲咩？】- 南瓜慢煮雞胸意大利飯 ($98)- 桂花焙茶拿鐵 ($44)⭐⭐⭐⭐⭐「得閒會回頭翻黎食嘅意大利飯」個意大利飯煮得岩岩好～ 唔會太硬 雞胸超嫩好juicy完全唔會柴，多數慢煮雞胸都會有陣雞肉嘅腥味，但係佢地subtle嘅調味帶出雞肉最原本嘅味道至於又唔會腥整體creamy得黎食落又唔會好heavy, 充滿蔬菜嘅甜味，有南瓜同洋蔥天然嘅甜味飯粒中間有啲南瓜粒，煮得好淋好好味，唔會有草青味雞肉上面加左啲松子，同個飯超夾，味道好有層次最後，不得不提嘅就係個飯真係好大碟！好足料！一個人真係食唔曬，建議兩個人share～桂花焙茶拿鐵有香濃嘅焙茶味，同時又唔會蓋過淡淡嘅桂花香，幾好飲！📍 Pause it旺角奶路臣街17號THE FOREST地下G11號舖 (港鐵旺角站E2出口 約4分鐘路程）…ดูเพิ่มเติม

🎈 建議場合：#即興食飯 👤 建議人數：4人（最多可容納8人檯）💸 人均消費：$50-100【3個人食咗啲咩？】- 乾炒牛河- 蝦醬豬肉炒小白菜- 叉燒菜脯粒炒飯⭐⭐⭐⭐「好味茶餐廳」早幾日同朋友求其搵左間茶餐廳醫肚，叫左碟乾炒牛河、蝦醬豬肉炒小白菜，同埋叉燒菜脯粒炒飯，整體而言，美食充滿左濃厚的家常滋味。每一道菜都烹調得相當出色，調味恰到好處，夠曬鍋氣，係港式茶餐廳開嘅味道。首先，乾炒牛河真的是一道美味嘅經典。牛肉與河粉炒得剛剛好，味道鮮美，而且唔會過分油膩。搭配蝦醬豬肉炒小白菜，味道更加豐富多樣。尼道小白菜炒得嫩綠爽口，而豬肉搭配蝦醬，簡直是完美嘅組合，超級餸飯。最後，叉燒菜脯粒炒飯實在係一級棒。這道炒飯的米飯非常鬆軟，而且份量十足。叉燒肉的香糯口感與菜脯粒嘅香脆相得益彰，令人回味無窮。除了美食，也要表揚一下侍應員們的服務。他們非常友善，服務態度極佳，為整個用餐體驗增色不少。這次的用餐真是令人滿意，希望未來還有機會前來品嚐更多美味佳餚。📍 可可店西灣河筲箕灣道156號地舖 (港鐵西灣河站A出口 約3分鐘路程）…ดูเพิ่มเติม

🎈 建議場合：#普通拍拖  👤 建議人數：外賣💸 人均消費：<$50【1個人食咗啲咩？】- 原味忌廉泡芙⭐⭐⭐⭐⭐「口痕好味小食」個原味忌廉泡芙，真係令我驚艷不已！經過間鋪頭，就已經可以聞到一陣淡淡嘅香甜味道，令人垂涎欲滴。泡芙本身有一個金黃色嘅脆皮，入口之後就融化於舌尖，咬落去嘅感覺真係酥脆多醬。佢唔會太甜，所以唔會過份沉悶。最重要嘅係裡面嘅忌廉，絕對係這個泡芙嘅亮點。佢嘅忌廉香濃滑嫩，完美地平衡咗淡淡的甜味，每一口都係一個滋味的享受。忌廉本身帶有微微的香草風味，增添咗層次感。泡芙呢個尺寸啱啱好，唔會太大太小，食一個，啱啱好。仲有一個好處就係可以隨時享用，唔會覺得太過飽。總括而言，呢個原味忌廉泡芙真係一個美味的小食，適合任何時候享用。佢嘅脆皮、香濃的忌廉以及適中的甜度，確實令人難以抗拒。如果你鍾意甜品，絕對唔可以錯過呢款泡芙。我一定會再買返嚟，同朋友分享呢個美味。如果你仲未試過，快啲去試下，你一定唔會後悔！📍 *西樹泡芙*旺角港鐵旺角站11號舖 (港鐵旺角站E2出口 約0分鐘路程）…ดูเพิ่มเติม