winniepoohpooh的个人专页

晚飯後又再想食甜品，行到清風街一帶，見到呢間門面好似居酒屋既餐廳，行近d原來係以日式甜品為主打的，又唔駛等位，於是入去試下。入面裝修幾特別，我地坐tatami，幾舒服，講下野食先，叫左幾樣野：1. 坐低之後即刻拎左幾杯應該係"梅子茶"黎，甜甜地，幾好飲，仲有小爆谷，配埋一張紙既menu，好有居酒屋feel2. 泡泡啤：原來係俾小朋友飲既"啤酒"，樣子似啤酒，但飲落似蘋果汁，幾好飲，又幾特別，三個人share一人都有一杯，枱枱都有叫，都幾受歡迎，仲有呢個最抵，只係二十幾元3. 蘋果批：似足一個菠蘿包，整個蘋果咁焗，好甜，好多果肉4. 爽涼菓：一碟5件，細細粒，似係蒟蒻，有幾種味道，好清甜5. 紅荳抺茶mousse：好濃抺茶味，係正宗既日本抺茶，再加埋紅豆係面，啱啱好，不過一定要幾個人share，因為都幾飽6. 好似係叫做瓊脂：最好玩係呢個，用涼菓子做既糕點，要自己放落個木盤到整到一條條好似粉咁，再放落柚子蜜到撈黎食，幾夾，味道不錯…查看更多

與朋友係銅鑼灣諗緊食咩之時，突然記起同事推介times square 間SML，一於去睇睇有無位，去到唔駛等，不過waiter 話只可以坐個半鐘，我地諗諗之時，佢又話都可以有位既，入到去坐張長枱，指定要左右咁坐，感覺似坐係foodcourt一樣，右邊有兩個男人食緊飯，斜對面有一pair 人食飯，望入d 感覺好好多，同平時餐廳一樣，可惜入面無位...搞左好耐之後叫左幾樣野食：1. 芒果三文魚(s size) -- 普通，不過賣相都不錯2. 唔記得咩咩 nachos (s size) -- 有三種colour，紅、黑、金黃色，原本以為唔同味，點知食落原來一樣3. 水牛城燒牛肉(s size) -- 肉質好腍，好入味4. 西班牙墨魚汁飯(m size) -- 賣相很不吸引，黑黑的，但味道很香，好濃的墨魚味5. 肉丸(s size) -- 肉丸彈牙，配上蕃茄醬，幾開胃整體黎講s size 真係好細，m size 既飯只係啱啱夠兩個人食，所以唔覺唔覺會叫左幾多野，而且多幾個人黎食既話一定要訂位，如果唔係坐foodcourt 位既位都幾唔方便!!…查看更多

終於都有機會帶同事到呢間餐廳一試喇，真係推介推介呀我地6個人點左7味餸，樣樣都好好味，大家都食得好滿意!!1. 蒜茸包2客：好香，好濃蒜茸味2. 青咖喱豬肉： 少少辣，咖喱味夠香，加埋蒜茸包食一流!!3. 明爐鳥頭魚：酸酸甜甜，好開胃4. 燒豬頸肉：普普通通5. 炸墨魚餅：有點硬，唔太推介6. 馬拉盞媽媽菜：即係炒紅椰菜，雖然細碟少少，但加左肉碎幾好味7. 焗"wu"頭海鮮飯：好多料，好多蝦同"wu"頭，又多汁，夠香濃，強烈推介…查看更多

夜晚10點幾，係新城市廣場想食糖水真係幾難，唔想食滿記，於是去試下呢個開左咁耐既糖圓圓，點知....一試就出事喇自己點左紅豆燉奶，一黎到見到都覺得個賣相麻麻，勁乾..，一試好似分開食紅豆同燉奶咁...但呢個已經係最好既一個!!友人們貪得意點左什麼紅豆奶凍同芝麻糊奶凍，先講紅豆奶凍，又係好似分開上兩樣野咁，勁乾，食完之後要買野飲..另外個芝麻糊奶凍，完全唔夾，味道勁差...簡直唔知想點..最後我地只係食左一半就閃人，仲有個價錢又唔抵，本身想食湯丸，點知要25元，仲要得3粒....嘩....咁既質素同價錢...就算得你一間糖水鋪都要諗諗呀:(…查看更多

偶然到訪這問甜品小店，係住宅區裡面，所以星期五晚不算太多人普通的裝潢，配著頗特別的甜品!!1. 焦糖燉蛋：普通2. 朱古力心太軟：賣相討好，味道也不錯，若朱古力味再濃一點會更好!!3. 朱古力香蕉吉士拿破崙：吸引的賣相，味道也不錯~…查看更多

朋友之前食過總店話唔錯，所以決定試下旺角呢間，但食完覺得麻麻!!點左夫妻肺片餐，包多一碗酸辣粉(bb辣)同一杯飲品，另外仲叫多左一碗酸辣粉加大腸、牛腩同雞肶菇(小辣)份量比預期中細，個夫妻肺片唔係想像中咁，開始失望，之後黎埋兩碗粉，辣味好濃，成碗就只有辣味，食完返到屋企仲覺得有d 鹹，味精好重!!!!應該係無選擇既情況下先會再試!!!…查看更多

是晚同屋企人食飯，4個人，6點半去到唔駛等，被安排坐係開放式既廚房對面既4人卡位，座住闊落，坐得舒服。叫左以下既野食：1. 蠔仔粥：一向都鐘意食，好大窩，都幾入味，唔太水，又多蠔，值得再食﹗2. 糖焟麵：煎得啱啱好，其餘自己加料，都ok3. 咸菜豬肚湯：濃d會入味d，香d4. 花膠什菜煲：最普通的一碟餸，得d 花膠絲........5. 本身叫左荔芋香酥鴨，但竟然7點幾就賣哂，食唔到!! 整體都唔錯，雖然係初三加左價，但都ok抵，好啱一家人或者一大班人食飯，值得再去!!…查看更多

上月打8號時去試左呢間...先講下個景先，真係唔錯，因為打風，無得坐出面，但係裡面望出都唔錯...配埋裡面既live band...情侣去都真係幾好!!野食方面，用左買一送一既coupon..都幾扺，雖然係set dinner，但d 食物都唔錯，第一個包，配湯，佢個4個醬幾好味，想食多個﹗^^另外，前菜中有個類似蛋撻既好好味，好鍾意~~主菜就叫左魚同豬扒，個人比較鍾意個魚，配個汁幾好!!最後既甜品好大份，單球haagen daz 雪糕配cake，但個cake 有點過甜，其實食完主菜都已經好full...再加上加左兩杯cocktail...甜品都食唔哂，下次既話一定會食哂佢總括黎講成餐都真係唔錯，好啱去慶祝d別日子…查看更多

好耐未食過夏雪，但係旺角諗唔到食咩，兩個人又再食下啦，點知.....比以前差左..價錢雖然都係差唔多，仲多左二人套餐同一d小食，但都係散叫較抵，是次叫左四樣：1. 炸墨魚小食 -- 不算大碟，皮不算太脆，但都有口感的2. 海膽海鮮炒飯 -- 普通的炒飯，海膽比預期少，只有飯頂的一匙，没有海膽味3. 彩虹卷 - 本身係無問題的，但點菜後佢加左豉油俾我地....已經聞到好純正既生抽味，所以成個卷都無點wasabi同豉油，只有原本既沙律醬，普普通通4. 煎餃子 - 全晚最難食既一碟，明明係煎，但一食就知好似係蒸餃子咁，個皮好腍，唔好味…查看更多

再一次去生力食野，同樣點了全日供應既午餐，大大份，今次叫左五香肉丁麵、火腿奄列，跟餐個方包仲轉埋奶醬多都得，再加埋杯凍飲都只係23元~真係抵食!!!不過奶醬多可以再多d奶會更好味雖然賣相麻麻，而且又逼逼地，但有冰室特色，可以一試~:)…查看更多

去又一城最常食既都係Exp，因為佢抵食，而且食物又好ok~今日再訪，因為已經9點既關係，唔太多人等位，好快入坐喇。因為唔想食太飽，今次無叫到小食，只點左兩款：1. 烏卒卒帶子麵 --- 賣相不錯，味道都啱啱好，又帶點creamy，下次可以再叫~(推介)2. 脆脆豬扒飯 --- 個汁真係好似同集團都可以食到既味道，豬扒有少少"un"，有待改善~最後推介大家要揀坐係溜冰場隔離，個feel會好好呢!!…查看更多